Síguenos en
gl_ES
Tempo Malpica de Bergantiños
Luns 14°
11°
Martes 16°
12°
Mércores 15°
13°
tiempo.com   +info
  1.  
  2. ACTUALIDADE
  3. Novas

Novas

26Xuñ 2020

O Concello de Malpica retoma a actividade do mercado ao aire libre dos sábados coa mirada posta na seguridade da veciñanza

O Concello de Malpica retomará mañá, sábado 27 de xuño, a actividade do mercado ao aire libre dos sábados coa mirada posta na seguridade da veciñanza. O alcalde, Walter Pardo, comentou a este respecto que “volverá a actividade da praza, pero coas medidas hixiénicas e sanitarias pertinentes”.

Antes da pandemia provocada pola COVID-19, esta era unha actividade á que acudían moitas veciñas e veciños de Malpica, e unha das que se tivo que suspender debido ao estado de alarma. Unha vez decretado o levantamento do mesmo, o Concello decide retomar e dinamizar o mercado, ao aire libre, para o que se contará con hidroxel á disposición da veciñanza, será obligatorio o uso de máscara sanitaria e recomendable manter o distanciamento social sempre e cando sexa posible.

O alcalde, Walter Pardo, insta á veciñanza a “facer un uso responsable deste espazo, evitando apelotonamentos. Todavía non rematou a incidencia do virus e temos que volver, de xeito gradual, á nosa vida anterior pero sin perderlle o respeto”, amosou o edil.

22Xuñ 2020

O Concello de Malpica senta as bases para impulsar o municipio como destino xeoturístico astronómico

O Concello de Malpica sentou esta mañá as bases para a impulsión do municipio como destino xeoturístico astronómico. Toma base, desta maneira, un proxecto que ten como piar fundamental un estudo técnico realizado polo catedrático de de Física Aplicada da USC, Jorge Mira en 2014.

Esta mañá, no salón de plenos do consistorio malpicán, tivo lugar unha reunión entre o alcalde, Walter Pardo; a concelleira de Cultura, Leticia Varela; o concelleiro de Turismo, Alfredo Cañizo; o propio Jorge Mira e o fotoperiodista Basilio Bello.

Imaxe da reunión que tivo lugar esta mañá no salón de plenos | Concello de Malpica

Punta Nariga e Santo Hadrián, polas súas características xeográficas, converten a ambos puntos nun enclave privilexiado para a observación de fenómenos astronómicos. A súa singularidade reside, entre outros factores, no feito ser un dos escasos lugares en Galicia dende os que se pode ver saír e poñerse o Sol sobre o mar en certas épocas do ano.

A baixa contaminación lumínica, clave

Esta característica antóllase fundamental á hora de realizar as observacións, xa que a Costa da Morte a nivel xeral, e Malpica en particular, presenta un índice baixo. Vencellado a isto, preténdese obter financiación para ‘preservar a calidade de observación dos nosos ceos, algo fundamental no turismo astronómico’, comentan desde o goberno local.

Este será un dos puntos nos que se baseará a estratexia, aínda por definir, e que terá múltiples vértices. ‘A olaría de Buño, a restauración e a hostalería serán puntos fundamentais que estarán presentes neste proxecto, xa que englobará a todo o municipio’, comentan desde o Concello.

Estudarase, tamén, a posible certificación de Malpica como ‘Destino turístico Starlight’.

Desde o goberno local apuntan a esta como ‘unha oportunidade única para poñer en valor o noso territorio. Desde aquí temos que dar as grazas tanto a Jorge Mira como a Basilio Bello pola súa achega, dende hai anos, de estudos e traballo fotográfico para poder darlle unha forma sólida a este proxecto, que hoxe ten a súa saída. Estamos tremendamente ilusionados con esta idea, e agardamos que se leve a cabo’, comentan desde o goberno local. Trátase dunha promesa electoral que o concelleiro de Turismo realizou no seu momento.

Pola súa banda, tanto Jorge Mira como Basilio Bello comentan que ‘Malpica, e concretamente os puntos de Santo Hadrián e Punta Nariga, teñen unha serie de condicións para facer deste lugar un enclave único en materia de astroturismo. Queremos agradecer tamén a total colaboración da administración local nun proxecto do que pronto teredes máis novas’, comentaron ambos.

15Xuñ 2020

O Ximnasio Municipal está dispoñible desde para a cidadanía desde o 15 de xuño

O Ximnasio Municipal de Malpica está dispoñible á cidadanía desde hoxe, luns 15 de xuño. O uso será, exclusivamente, mediante cita previa, con aforo limitado e unha duración de adestramento de 55 minutos como máximo.
Desinfectarase os aparellos despois de cada quenda e colocaranse dispensadores de hidroxel e papel en lugares accesibles aos usuarios e usuarias.
Non se poderán empregar os vestiarios.
As persoas que desexen pedir cita previa poderán facelo chamando ao teléfono 981 72 14 09. Horario de mañás de luns a venres de 10.00 a 13.00 e horario de tardes de luns a venres de 19.00 a 22.00 horas.

10Xuñ 2020

O Ecomuseo do Forno do Forte de Buño aplica varias melloras ás instalacións durante o estado de alarma

O Ecomuseo do Forno do Forte de Buño, no Concello de Malpica, aplicou varias melloras nas instalacións durante o estado de alarma.

Durante o confinamento, a actividade non estivo parada nunha das xoias culturais do Concello e os traballos, financiados pola Deputación Provincial da Coruña, consistiron no arranxo de varios muros exteriores e adecentamento da estrutura do edificio de administración, unha vivenda rehabilitada para tal fin.

Os traballos levaronse a cabo para reparar danos estruturais de base. Así, conséguese un doble obxectivo: consolidar a estrutura de varias das paredes tanto do interior como do exterior, así como unha mellora estética.

O alcalde de Malpica, Walter Pardo, e a concelleira de Olería, Leticia Varela, quixeron agradecer ‘á Deputación todas as facilidades para acadar esas melloras, nun dos emblemas culturais que temos aquí, con pezas históricas e cunha exposición que lembra o modo de vivir dos nosos antepasados’, comentaron.

Pola súa banda, o xerente do Eco Museo, Paco Doval, sinalou que ‘non estivemos parados durante o estado de alarma. Seguimos traballando en melloras e para impulsar novamente as visitas á nosa exposición dunha manera segura’, rematou.

Reactivación das visitas

O Ecomuseo do Forno do Forte retomou a actividade ‘habitual’ de visitas priorizando o sistema de cita previa, e adaptando as instalacións ao contexto sanitario que se está a vivir.

Así, a sinalética amosa en todo momento o aforo máximo permitido en cada sala, e os carteis colocados estratéxicamente ao longo de todo o recinto lembran da obrigatoriedade do emprego da máscara sanitaria, así de como, na medida do posible, se deberá gardar unha distancia mínima de seguridade.

1Xuñ 2020

Contratación laboral temporal a través do PEL da Deputación da Coruña de 10 peóns de medio ambiente, 1 peón albanel e 1 oficial 2ª albanel

Concello de Malpica de Bergantiños publica toda a información relativa aos diferentes procesos selectivos para a ocupación laboral temporal dos seguintes postos:

Esta contratación está financiada a cargo do Plan de Emprego Local PEL– da Deputación Provincial da Coruña.

18Mai 2020

O Concello de Malpica prepara un formulario en liña para solicitar cita previa nas oficinas municipais

O Concello de Malpica habilita un formulario en liña para solicitar cita previa nas oficinas municipais. Desde hoxe, luns 18 de maio, pódese cumplimentar cos datos persoais a través da ligazón que habilitamos ao final deste artigo.

Nun simple cuestionario, débense introducir nome, apelidos, enderezo de correo electrónico, número de teléfono, a preferencia horaria e o departamento de destino. Tamén se pode elixir a modalidade preferente da cita, si é urxente ou non e deixar un comentario explicativo.

O alcalde, Walter Pardo, sinala que “será un procedimento ao que teremos que acostumarnos as vindeiras semanas, porque así o require a situación. Pensamos que a mellor idea para xestionar as citas presenciais é así, aínda que tamén temos habilitada a liña do Concello para toda a xente que non poida, ou non o considere así, solicitar cita a través desta ligazón”, destaca o rexedor malpicán.

 

https://sede.malpicadebergantinos.es/opencms/es/cita/index.html

11Mai 2020

O alcalde de Malpica, na presentación do plan de Reactivación Económica da Costa da Morte

Hoxe presentouse en Vimianzo o plan de Reactivación Económica da Costa da Morte, onde estivo presente Walter Pardo, rexedor mapicán.

Unha folla de ruta que pretende facilitar a toma de decisións das alcaldías dentro das súas competencias e que pretende minimizar os efectos negativos da pandemia, acurtar o prazo de recuperación, consolidar a sustentabilidade social, económica e medioambiental do territorio, reforzar a identidade territorial e colaborar cos diferentes grupos de interese da comarca.

Cada unha das 60 propostas está enmarcada dentro duns eixos estratéxicos específicos (talento, gobernanza, reactivación económica, consumo e comercio de proximidade ou valorización do rural) a través dos que se acadarían obxectivos diferentes.

O obxectivo deste encontro era o de poñer en común o documento para, entre todos, rematar de perfilalo ao engadir, modificar ou desbotar algunha das liñas. “Por dicilo dalgún xeito, é un plan vivo que se presenta como un menú á carta onde agora cada alcalde ou alcaldesa pode escoller as accións que máis lle conveñan polas características do seu territorio e decidir se algunha a aplica de xeito individual no seu Concello e outras as propón de forma conxunta con máis administracións”, explicaron desde o comité de traballo dos ADL.

Participan no mesmo 14 concellos da Costa da Morte, nunha proposta para reactivar economicamente toda a contorna e saír da crise provocada pola covid-19.

“Valoramos moi positivamente este encontro, xa que demostra a coordinación territorial entre os concellos que integramos a Costa da Morte. Agradézolle a todas as alcaldesas e alcaldes a súa vontade, así como aos profesionais que teñen participado na redacción deste plan”, comentou Walter Pardo, alcalde de Malpica.

6Mai 2020

Malpica fai entrega das derradeiras cartas e debuxos aos pacientes de coronavirus

O Concello de Malpica fixo entrega esta mañá das derradeiras cartas a pacientes ingresados no CHUAC por coronavirus. A iniciativa da Fundación María José Jove, #cartasconalma, permite a recollida do material para facer entrega no centro sanitario coruñés.

Así, dende o Concello e en coordinación cos distintos centros educativos de Malpica, colaboramos con esta bonita iniciativa, que permitirá achegar ánimos dende a distancia ás persoas que están a sufrir o coronavirus. A temática é libre, así como o seu formato.

A concelleira de Educación, María Álvarez, admite que “era imposible non sumarse a esta iniciativa. Si cun pequeno xesto podemos contribuír a axudar a aquelas persoas hospitalizadas por coronavirus, que ninguén dubide que o imos facer”, apunta a edil.

Pola súa banda, o alcalde, Walter Pardo, anima a “todas as crianzas de Malpica a colaborar nesta marabillosa idea, para que en nome de todos, lles fagan chegar esas mensaxes de “non estades sós e soas”, subliña o alcalde

29Abr 2020

BASES DO CONCURSO GALERÍA VINTE VINTE

O Concello de Malpica de Bergantiños proponse crear unha exposición de fotografía baixo o título de Galería Vinte Vinte. Con este obxectivo convoca un concurso de fotografía co mesmo nome  para impulsar esta iniciativa.

A exposición Galería Vinte Vinte constará, inicialmente, de 10 fotografías que serán seleccionadas polo público a través do perfil de facebook do Concello de Malpica (https://www.facebook.com/concellodemalpica/). Finalizado o proceso participativo, o Concello de Malpica, a través da Concellaría de Cultura, Olería, Igualdade e Patrimonio determinará os espazos e calendario nos que se exporán as obras da Galería Vinte Vinte.

BASES PARA A PARTICIPACIÓN NO CONCURSO DE FOTOGRAFÍA GALERÍA VINTE VINTE

  • Participantes:

a) Poderán participar todas as persoas que o desexen, calquera que sexa a súa nacionalidade.

  • Fotografías e textos:

a) As fotografías poderán ser en cor ou b/n, deberán ter título e acompañarse dun texto libre que terá unha extensión máxima de 15 palabras. O título e o texto libre deberán estar escritos en lingua galega.

b)A temática das fotografías versará sobre o período de confinamento e poderán ser imaxes interiores ou exteriores sempre que se realicen dende unha xanela ou un balcón ou terraza.

c) Cada persoa só poderá facer unha proposta de fotografía con título e texto libre para o Concurso de Fotografía Galería Vinte Vinte.

d) As obras que se presenten deberán ser orixinais que non se tivesen publicado en ningún formato.

e) De conter imaxes de persoas, especialmente se son menores a/o autora/r responsabilizarase de obter os permisos para difusión en redes sociais previamente ao seu envío, para participar no concurso.

  • Categorías: Establécense dúas categorías:

a) Xuvenil: de 12 ata  17 anos.

b) Adultas/os: de 18 anos en adiante.

  • Prazo de presentación:

O prazo para a presentación das fotografías estará aberto dende ás 00.01 h. do 1 de maio, ata ás 23.59 h. do 20 de maio de 2020.

  • Envío das fotografías:

 a) As fotografías enviaranse por correo electrónico ao enderezo malpica@gmail.com.

b) No correo deber figurar como asunto: “Galería Vinte Vinte xuvenil/adultas/os” (segundo a categoría que corresponda), e acompañarase de tres documentos (A, B e C):

Documento A. Nomearase do seguinte xeito: “Documento A: Título da fotografía”. Conterá a fotografía en formato .jpg, un tamaño máximo de 5 MB, sen sinatura.

Documento B. Nomearase do seguinte xeito: “Documento B: Título da Fotografía”. Conterá o texto libre en formato .doc, .docx ou odt.

Documento C. Nomearase do seguinte xeito: “Documento C: Título da Fotografía”. Conterá os datos  da persoa concursante: nome e apelidos, enderezo postal, correo electrónico e número de teléfono.

a) No caso de que a persoa concursante sexa menor de idade, xuntarase a maiores unha autorización asinada pola nai, o pai ou a/o titora/r legal cos seus datos correspondentes.

b) As fotografías recibidas sen identificación ou con identificación incompleta quedarán automaticamente excluídos do concurso.

  • Publicación das fotografías:

a) Os dereitos de publicación das obras seleccionadas corresponden á/ao autora/r agás a publicación nas redes sociais do Concello de Malpica de Bergantiños que se realicen como consecuencia do procedemento recollido nestas Bases e a primeira edición, en formato papel, que será propiedade do Concello de Malpica de Bergantiños e a exposición Galería Vinte Vinte.

b) Todas as fotografías e os textos libres que as acompañen que se presenten a esta convocatoria publicaranse no perfil da facebook do Concello de Malpica de Bergantiños (https://www.facebook.com/concellodemalpica/) ás 24 horas da súa recepción.

c) As obras seleccionadas formarán parte da exposición Galería Vinte Vinte.

d) Así mesmo, o Concello de Malpica reservarase os dereitos da primeira edición en papel das obras seleccionadas. O Concello de Malpica disporá do prazo dun ano, a partir da data en que se fagan públicas, para realizar a primeira edición. Transcorrido ese prazo eses dereitos corresponderán ás/aos autoras/es.

e) Coa participación nesta convocatoria, as/os autoras/es autorizan ao Concello de Malpica de Bergantiños, sen contraprestación algunha e de xeito expreso, a reproducir (total ou parcialmente), comunicar publicamente (total ou parcialmente) e distribuír (total ou parcialmente) as fotografías e textos en calquera forma ou soporte, para todo o mundo e no prazo dun ano dende a data de comunicación pública da selección. O Concello de Malpica de Bergantiños respectará, en todo caso, os dereitos morais que as/os autoras/es posúan sobre as súas obras.

  • Selección das obras gañadoras:

a) As 5 fotografías que obteñan máis me gusta, en cada categoría, no perfil de facebook do Concello de Malpica (https://www.facebook.com/concellodemalpica/), ás 23.59 horas do día 21 de maio, serán seleccionados para formar parte da Galería Vinte Vinte. Ademais ás fotografías que acaden máis me gusta en cada categoría, corresponderalles:

Categoría Xuvenil –  Lote de accesorios de fotografía para o teléfono móbil composto de: trípode tipo gorila pod, lentes de conversión efecto gran angular, macro e teleobxectivo, memoria USB externa, funda de tarxetas sd e batería externa.

Categoría Adultos – Unha peza da Olería de Buño de deseño exclusivo para esta convocatoria.

Todas/os as/os autoras/es que participen neste proceso serán convidados á inauguración da exposición Galería Vinte Vinte.

  • Comunicación das obras seleccionadas

b) As obras seleccionadas daranse a coñecer pola web e redes sociais do Concello de Malpica o 24 de maio de 2020.

b) O Concello de Malpica de Bergantiños entregará os agasallos ás persoas autoras das obras seleccionadas no acto de inauguración da exposición Galería Vinte Vinte. Esta fixarase polo Concello de Malpica de Bergantiños dentro dos 90 días seguintes á publicación das obras gañadoras nas redes sociais do Concello de Malpica ou no seu defecto da data do levantamento do confinamento. As/Os autoras/es das obras seleccionadas deberán facilitar previamente unha copia do seu DNI para verificar os seus datos.

  • Tratamento de datos persoais 

Os datos da/os participantes serán incorporados a un ficheiro responsabilidade do Concello de Malpica de Bergantiños, coa única finalidade de xestionar o proceso participativo do Concurso Galería Vinte Vinte e contactar coas persoas autoras das obras seleccionadas. En ningún momento se empregará esta información para ulteriores actuacións.  As autoras e autores poderán exercer os seus dereitos de acceso, rectificación, oposición e cancelación mediante escrito ao correo electrónico educacionecultura.malpica@gmail.com, ou ao Concello de Malpica de Bergantiños rúa Emilio González López, 1 15113 Malpica de Bergantiños. O Concello de Malpica de Bergantiños comprométese a tratar en todo momento os seus datos de carácter persoal de forma absolutamente confidencial e de acordo coas finalidades previstas nas presentes bases.

  • Outros

 a) O Concello de Malpica de Bergantiños ten a capacidade de decidir sobre a interpretación das bases en última instancia ou sobre a súa modificación en caso de erro sendo a súa decisión inapelable.

b) O feito de participar nesta convocatoria implicará a total aceptación das súas bases.

Imaxe: Peter Schneider

Imaxe: Peter Schneider

Bases do concurso de fotografía Galería Vinte Vinte Concello de Malpica

Inscrición concurso fotografía Galería Vinte Vinte menores 

Inscrición concurso fotografía Galería Vinte Vinte adultos

 

 

24Abr 2020

Malpica repartirá mascarillas contra a COVID-19 a partir de mañá

O Concello de Malpica comezará mañá a primeira hora co reparto de mascarillas a toda a veciñanza do municipio.

O alcalde, Walter Pardo, quere agradecer a “total disposición dos integrantes do goberno. Esta batalla non entende de colores e temos que ir nunha única dirección”, di o edil.

O material, mercado polo consistorio malpicán, é TNT, o recomendado polas autoridades sanitarias. Foi confeccionado por costureiras de Malpica, ás que desde o Concello “lles agradeceremos eternamente o seu compromiso”, sinalan desde o Consitorio.

Desde a comisión de coordinación da COVID-19 destacan que “esto é unha labor que nos implica a todas e todos, xa que esta batalla só a podemos gañar xuntas e xuntos. Sempre nos atopamos moi boa disposición tanto por parte da veciñanza como das persoas voluntarias, e iso é fundamental”, destacan.

O alcalde, Walter Pardo, sinala que “estamos nunha situación complicada, que require un esforzo extra por parte de moitos colectivos pero ímolo lograr, estamos nesa dirección e así será; estou convencido”, di o rexedor.

Página 5 de 108« Primera...34567...102030...Última »