O Concello de Malpica, a través da súa Concellería de Medioambiente, pon en marcha unha nova entrega de composteiros para fomentar o compostaxe doméstico entre os veciños. A partir de mañá, todas aquelas persoas interesadas poderán apuntarse chamando ao número de teléfono 981 720 318, ata esgotar existencias. O Concello de Malpica continúa apostando pola reciclaxe e anima a todos os cidadáns de Malpica, que o desexen, a unirse a esta campaña. Ademais, ao entregar os composteiros explicarase o seu uso correcto, co obxectivo de facilitar a correcta xestión dos residuos orgánicos e contribuír ao coidado do medio ambiente.
Esta mañá, Noelia Freijeiro, concelleria de Cultura e Deportes do Concello de Malpica presentou as actividades das Escolas Deportivas para o curso 2024/2025 tanto para nenos coma para adultos.
Actividades Deportivas no Pavillón Municipal:
Patinaxe: Grupo I: Xoves de 18:15 a 19:10 (nenos/as nados entre 2016 e 2019). Grupo II: Xoves de 19:15 a 20:10 (nenos/as nados entre 2010 e 2015).
Ximnasia Rítmica: Mércores de 16:00 a 16:55 (nenos/as nados entre 2013 e 2019).
Voleibol: Martes e venres de 17:00 a 17:55 (nenos/as nados entre 2008 e 2012).
Atletismo: Martes de 16:00 a 16:55 e venres de 18:00 a 18:55 (nenos/as nados entre 2012 e 2018).
Multideporte: Venres de 16:00 a 16:55 (nenos/as nados entre 2013 e 2019).
Judo: Grupo I: Xoves de 16:15 a 17:10 (nenos/as nados entre 2018 e 2021). Grupo II: Xoves de 17:15 a 18:10 (nenos/as nados entre 2013 e 2017).
Actividades Deportivas no CEIP Joaquín Rodríguez Otero:
Patinaxe: Xoves de 17:00 a 17:55 (nenos/as nados entre 2013 e 2019).
Para os adultos, as Escolas Deportivas contan cunha ampla oferta que inclúe ximnasia terapéutica, ioga, pilates e zumba, con prezos mensuais de 10,85 euros. Estas actividades buscan promover o benestar físico e mental, e terán lugar no Pavillón de Malpica e na Casa do Oleiro de Buño.
Escolas Deportivas para Adultos/as do curso 2024/2025, a partir do 1 de outubro.
Estas actividades están deseñadas para promover o benestar físico e mental da poboación adulta, ofrecendo opcións para maiores de 16 e 18 anos en disciplinas que abranguen desde ximnasia terapéutica ata ioga e zumba.
Actividades Deportivas:
Ximnasia Terapéutica (+50 anos, 10,85 €/mes)
– Buño (Casa do Oleiro): Martes e xoves de 10.30 a 11.15 horas
– Malpica (Pavillón): Martes e xoves de 11.30 a 12.15 horas
Ioga (+18 anos, 10,85 €/mes)
– Buño (Casa do Oleiro): Mércores de 11.30 a 12.30 horas
– Malpica (Centro Cívico): Luns de 11.30 a 12.30 horas
Pilates (+18 anos, 10,85 €/mes)
– Buño (Casa do Oleiro): Martes e xoves de 18.10 a 19.05 horas
– Malpica (Centro Cívico):
– Grupo I: Martes e xoves de 19.20 a 20.15 horas
– Grupo II: Martes e xoves de 20.20 a 21.15 horas
Zumba (+16 anos, 10,85 €/mes)
– Buño (Casa do Oleiro): Luns e mércores de 18.15 a 19.10 horas
– Malpica (Centro Cívico): Luns e mércores de 19.30 a 20.25 horas
Información e inscricións:
Departamento de Deportes:
– Teléfono: 981720001
– Horario: 9:00 a 14:00, a partir do 23 de setembro
Normas de participación:
O número de participantes en cada escola será determinado polo protocolo específico. No caso de non chegar ao mínimo establecido, as actividades poderán ser suspendidas.
A Concellería de Cultura do Concello de Malpica vén de lanzar a súa nova programación de Escolas Culturais para o curso 2024/2025, co obxectivo de ofrecer unha ampla gama de actividades formativas e lúdicas para nenos, mozos e adultos. Estas actividades buscan fomentar o desenvolvemento artístico, tecnolóxico e cultural da veciñanza, con opcións para todas as idades e intereses. A programación desenvolverase ao longo do curso ata maio de 2025, agás o Campamento Dixital, que se prolongará durante dous meses.
Duración das actividades
As actividades das Escolas Culturais prolongaranse ata a última semana de maio de 2025, cunha media de 4 horas por semana. No caso do Campamento Dixital, o total de horas lectivas será de 30, repartidas en 4 horas semanais durante uns dous meses.
Prazos de inscrición
Inicio das inscricións: 12 de setembro de 2024.
Remate: O prazo pecharase o xoves anterior ao inicio de cada actividade, agás o Campamento Dixital, cuxa inscrición se pechará 15 días antes do seu comezo.
Información e inscricións
Oficinas Xerais:
Teléfono: 981720001
Horario: 9:00 a 14:00.
Departamento de Educación e Cultura:
Teléfono: 981707104
Horario: 10:30 a 13:00.
Nota importante: Todas as actividades contarán cun máximo de 15 prazas e un mínimo de 10 por grupo, agás o Obradoiro de Coiro, que terá un máximo de 10 prazas e un mínimo de 8.
Actividades ofertadas
1. Obradoiro de Arte (12 €/mes)
Malpica (Centro Cívico): Inicio o 1 de outubro.
Grupo I (3 a 6 anos): Martes de 16:00 a 17:00.
Grupo II (7 a 12 anos): Martes de 17:00 a 18:00.
Grupo III (+13 anos): Martes de 18:00 a 19:00. Inicio o 14 de xaneiro.
Buño (CEIP J.R.O.): Inicio o 7 de outubro.
Grupo IV (3 a 6 anos): Luns de 16:00 a 17:00.
Grupo V (7 a 12 anos): Luns de 17:00 a 18:00.
2. Animación Teatral (15 €/mes)
Malpica (Centro Cívico): Inicio o 3 de outubro para os grupos I e II.
Grupo I (4 a 8 anos): Xoves de 17:30 a 18:30.
Grupo II (9 a 12 anos): Xoves de 18:30 a 19:30.
Grupo III (+13 anos): Xoves de 19:30 a 20:30. Inicio o 9 de xaneiro.
Buño (CEIP J.R.O.): Inicio o 3 de outubro.
Grupo IV (6 a 12 anos): Xoves de 16:00 a 17:00.
3. Robótica (15 €/mes)
Malpica (Centro Cívico): Inicio o 2 de outubro.
Grupo I (4 a 12 anos): Mércores de 18:00 a 19:00.
Buño (CEIP J.R.O.): Inicio o 2 de outubro.
Grupo II (4 a 12 anos): Mércores de 16:30 a 17:30.
4. Obradoiro de Barro
Casa do Oleiro (Buño):
Grupo I Modelado (6 a 12 anos): Mércores de 16:00 a 17:00. Inicio o 8 de xaneiro (12 €/mes).
Grupo II Torno e Modelado (Adultos e maiores de 12 anos): Sábados de 10:00 a 11:30. Inicio o 11 de xaneiro (15 €/mes).
5. Obradoiro de Coiro
Casa da Cultura de Seaia:
Grupo I Iniciación (+18 anos): Xoves de 16:30 a 18:00. Inicio o 9 de xaneiro (15 €/mes).
Grupo II Avanzado (+18 anos): Xoves de 18:00 a 20:00. Inicio o 3 de outubro (18 €/mes).
6. Campamento Dixital (de balde)
Aula de Informática da Casa do Oleiro (Buño): Inicio o 16 de xaneiro.
Grupo I (9 a 13 anos): Xoves e venres de 16:00 a 18:00.
Grupo II (15 a 17 anos): Xoves e venres de 18:00 a 20:00.
Neste campamento abordaranse temas coma a busca de información de valor, creación de contidos dixitais, contrasinais seguras, protección de datos e hábitos saudables no uso de internet, entre outros.
Unha unidade móbil da Axencia de Doazón de Órganos e Sangue estará no Concello de Malpica o mércores 11 de setembro. O bus situarase en Buño, diante do Tele-club, de 16:00 a 18:00 horas, e en Malpica, diante do Centro Cívico, de 18:30 a 21:00 horas. Non perdas a oportunidade de doar sangue e colaborar con esta importante causa
O próximo 8 de setembro, dentro da programación de Espazos Sonoros organizada pola Deputación Provincial de A Coruña en colaboración co Concello de Malpica de Bergantiños, poderemos desfrutar de dúas actividades culturais destacadas.
A xornada comezará ás 16:00 horas cunha visita guiada ás históricas Torres de Mens. Esta actividade, da man do experto Héitor Picallo, permitirá aos asistentes descubrir a historia e a arquitectura deste símbolo da casa dos condes de Altamira, unha das familias máis poderosas da Galicia medieval e moderna. As Torres de Mens, reconstruídas en 1471 tras as revoltas irmandiñas e rehabilitadas a finais do século XX polo arquitecto Manuel Gallego Jorreto, ofrecen unha inmersión na historia da zona. Os visitantes poderán pasear polo patio interior, percorrer o camiño de rolda das murallas e admirar as impresionantes vistas da contorna.
Ás 18:00 horas, na Igrexa de Santiago de Mens, celebrarase un concerto do Ensemble Phaedrus. Este grupo, formado no prestixioso Schola Cantorum Basiliensis, está composto por Emma-Lisa Roux (voz e laúde) e un consort de frautas travesas renacentistas integrado por Luis Martínez Pueyo, Charlotte Schneider e Mara Winter. O concerto, con entrada libre ata completar aforo, ofrecerá un repertorio de músicas do século XVI e comezos do XVII, cunha beleza poderosa e refinada que conecta coa filosofía humanista da época. As pezas interpretadas trasladarán ao público á corte de Enrique VIII, mesturando obras festivas e íntimas procedentes de fontes históricas como o Libro de Enrique VIII e o Cancioneiro de Ana Bolena.
As inscricións para a visita guiada estarán abertas do 3 ao 5 de setembro a través do correo electrónico actividades@espazossonoros.org. Non perdas a oportunidade de participar nesta xornada cultural única en Malpica de Bergantiños.
Este venres, 23 de agosto de 2024, celébrase unha nova edición do xa tradicional Concurso de Barcanas e Castelos de Area na Praia de Area Maior, un evento que promete unha xornada de diversióne creatividade para todas as idades.
O evento dará comezo ás 10:30 horas, momento no que as persoas inscritas poderán iniciar os seus traballos na praia. Terán ata as 13:00 horas para dar forma ás súas esculturas, xa sexan castelos, barcanas tradicionais ou outras creacións inspiradas pola maxia da area e o mar. Ás 13:05 horas, o público asistente poderá participar na votación popular, e ás 13:30 horas farase pública a decisión do xurado e se procederá á entrega de premios.
Inscricións
As inscricións realizaranse no Departamento de Educación e Cultura, situado no 1º andar do Centro Cívico de Malpica, na rúa Ventorrillo s/n. Teléfono: 981707104. O horario de inscrición será de 11:00 a 15:00 horas, do 1 ao 21 de agosto, e o 23 de agosto de 10:00 a 11:00 na Praia Area Maior de Malpica. Cada participante ou grupo de participantes só poderá inscribirse cunha única obra. Os grupos poderán incluír un máximo de 30 participantes.
Modalidades
AMATEUR: A partir de 10 anos.
PREMIO ESPECIAL DO PÚBLICO: Escultura máis votada polo público.
BARCANAS: Elaboración de barcanas tradicionais.
INFANTIL: Ata 10 anos. No caso dos grupos, para inscribirse nesta modalidade, todas as persoas deberán cumprir este requisito de idade.
Premios
1º premio da modalidade amateur: Trofeo e vale de 130,00€ 2º premio da modalidade amateur: Trofeo e vale de 70,00€ 3º premio da modalidade amateur: Trofeo e vale de 50,00€ Premio especial do público: Trofeo Premio á mellor barcana: Trofeo
Os premios, en ningún caso, poderán acumularse. Se unha mesma obra coincide en diferentes categorías, asignaráselle o premio correspondente a unha única categoría, seguindo a orde: premio amateur, premio especial do público, premio á mellor barcana, e premio infantil. O premio da categoría que quede deserta pasará á seguinte obra mellor valorada desa categoría.
Nota: Os vales poderán cambiarse por produtos ou servizos, de valor equivalente, nos establecementos comerciais e de hostalería do Concello de Malpica.
Elaboración das esculturas de area
Para a elaboración das obras, as persoas participantes só poderán utilizar area e materiais que se atopen de xeito natural depositados na area. Así mesmo, permitirase o uso de ferramentas (palas, cubos, difusores de auga, etc.), aínda que estes elementos, en ningún caso, poderán formar parte da obra. Na elaboración das obras non está permitido utilizar ningún produto para compactar ou fixar a area, agás a auga.
As obras realizaranse unicamente na Praia de Area Maior, nas zonas balizadas polo Concello de Malpica para ese fin, entre as 10:30 e as 13:00 do venres 23 de agosto de 2024.
O vindeiro mércores, 21 de agosto, ás 20:00 horas, o Salón de Actos da Casa do Pescador, situado na Rúa Camiño do Río, 1, en Malpica de Bergantiños, acollerá a presentación do libro “O Camiño dos Faros: Diario de viaxe”, unha obra do autor Luís G. Souto. O acto contará coa presenza do propio autor, Luís G. Souto, quen estará acompañado por Noelia Freijeiro, concelleira de Cultura, Xosé Manuel Varela, escritor e mestre, e M. A. Fernán Vello, director de edicións Espiral Maior, a editorial encargada de publicar a obra.
A concellería de Servizos Sociais, consciente da necesidade imperante que teñen as persoas con dependencia recoñecida, continúa co seu compromiso ao poñer en marcha por segundo ano consecutivo un servizo pioneiro na Costa da Morte: un servizo de fisioterapia gratuíto para persoas con dependencia recoñecida.
“A prioridade para min sempre son as persoas que máis o precisan e sempre estamos a traballar para dar aos nosos veciños e veciñas unha boa calidade de vida”, indicou Marisol Blanco.
O alcalde, Eduardo Parga, puntualizou que este servizo de fisioterapia gratuíta “é fundamental para mellorar a calidade de vida das persoas con dependencia de Malpica, polo que seguiremos apostando por este servizo no futuro.”
Este servizo de fisioterapia gratuíta, que xa foi un éxito no seu primeiro ano, está financiado co POS adicional 1/2024 da Deputación da Coruña. As persoas interesadas poden obter máis información no departamento de servizos sociais ou chamando ao 981720280. As inscricións estarán abertas a partir do 20 de agosto.
Malpica de Bergantiños ven de presentar a programación da Festa Galega, que terá lugar do 15 ao 17 de agosto de 2024.
O xoves 15, a festa comezará cun pasarrúas da man dos gaiteiros de Falso Escuadro, enchendo de sons tradicionais as rúas de Malpica.
O venres 16, a Atlantic Big Band tomará as rúas cun novo pasarrúas, antes de que Mediarea, Budiño, Pablo Balseiro e a Bervenian Orquestra suban ao escenario a partir das 22:15 para ofrecer unha noite de concertos.
O sábado 17, a festa continuará cunha nova sesión da Atlantic Big Band, seguida das actuacións de Carcaxía, Do Rivés, Sheila-Patricia e Os Carunchos, que pecharán a celebración.
Esta cita está organizada pola concellería de Turismo do Concello de Malpica en colaboración coa Deputación da Coruña e a Xunta de Galicia.
Esta mañá tivo lugar no paseo da praia de Malpica a presentación da XIV Travesía Sisargas de Malpica, un evento que promete ser un referente para os afeccionados á natación en augas abertas. No acto estiveron presentes o alcalde de Malpica, Eduardo Parga, e o organizador da proba, Daniel Gambón, acompañados polos concelleiros Miguel Ángel Fernández e Pedro Rodríguez Pose, así como José Iván Muiño Facal, presidente da Agrupación de Voluntarios de Protección Civil de Malpica, e Fran Varela, secretario da confraría.
A competición, que se celebrará o próximo 11 de agosto, ofrecerá dúas distancias. A primeira, de 4 km, percorrerá desde as Illas Sisargas ata a praia de Malpica, coa participación de 130 nadadores. A segunda, de 1,5 km, comezará e rematará na mesma praia, con 70 deportistas poñendo a proba a súa resistencia e habilidades.
Este sitio utiliza cookies para mellorar a experiencia do usuario - Ocultar detalles
• Social media Facebook, Twitter e outras Redes Sociais precisan utilizar cookies para recoñecerte.
• Analytics Os datos recollidos polas cookies de Google Analytics son anónimos e só se usan para valorar a experiencia do usuario no nosa web.
• Anuncios Este sitio pode albergar publicidade propia, de afiliados, ou de redes publicitarias.
• Cookies propias Este sitio utiliza cookies propias para facilitar o acceso e mellorar a navegación e experiencia ao usuario Aviso Legal ACEPTOLeer más
Galego
Castellano
