Hoxe deu comezo ao curso formativo “Coidados Compartidos” dirixido a persoas coidadoras de persoas cunha demencia neurodexenerativa. Á xornada de inicio achegáronse o presidente de Afaber, Jesús Villar, o alcalde de Malpica, Eduardo Parga e a concelleira de Servizos Sociais, Marisol Blanco Gorín.
O curso impártese os mércores 8, 15, 22 e 29 de maio de 16.00 a 18.00 horas, no Cat (o antigo Centro Comarcal), en Buño.
O poemario “Masaxe Con Argán Mal Pronunciada” de Clara Vidal, gañador do XVIII Certame de Poesía Erótica Illas Sisargas, será presentado o vindeiro sábado 11 de maio, ás 19.00 horas, no 1º andar da Casa do Pescador.
No acto intervirán membros da Editorial Caldeirón e Clara Vidal. Sen dúbida un acto que non debes perderte.
Presentación organizada pola A.C. Caldeirón e colabora oConcello de Malpica de Bergantiños no marco do programa “Malpica nun mar de letras”.
O areal recupera este galardón, que é concedido pola Asociación de Educación Ambiental e do Consumidor (ADEAC) e recoñece a súa calidade ambientalA bandeira azul volverá ondear este ano na praia de Area Maior, en Malpica de Bergantiños. O distintivo é concedido pola Asociación de Educación Ambiental e do Consumidor (ADEAC) e recoñece a calidade ambiental deste areal, que recupera a súa posición entre os areais galegos galardoados.Entre os criterios establecidos pola entidade están a calidade da auga, a seguridade e accesibilidade, a dotación de servizos e a xestión ambiental e de sustentabilidade.
O alcalde, Eduardo Parga, subliñou que é “todo un orgullo ver como a bandeira azul volve ondear nesta praia, xa que é un distintivo moi importante que pon en valor a calidade do areal e un gran atractivo turístico”.Ademais, o rexedor destacou “o traballo realizado ao longo de todo o ano para recuperar este distintivo e volver estar entre os galardoados pola ADEAC”.
Cabe destacar o traballo realizado durante todo o ano pola Concellería de Medioambiente que dirixe Roi Rodrígo Mato. Por último, Parga convidou “a todos e todas a gozar das nosas praias, que son dunha beleza única e excepcional”.
A empresa encargada da subministración eléctrica realizará traballos de mantemento e desenvolvemento da rede eléctrica precisos para poder atender nas mellores condicións as necesidades de subministración da zona. Os traballos realizaranse os próximos días 9 e 10 de maio de 2024, de 0:00 a 4:00 horas, o que poden provocar interrupcións na súa subministración de electricidade durante ese intervalo de tempo. Os cortes afectarán a todo o termo municipal.Desculpade as molestias que estos traballos poidan ocasionar.
O venres 10 de maio ás 18.00 horas tes unha cita coa literatura, na biblioteca municipal Eduardo Blanco Amor. Emma Pedreira será a encargada de realizar o recital. Este encontro literario é organizado pola Concellería de Cultura de Malpica en colaboración coa Biblioteca Manuel María-IES Urbano Lugrís.
O presidente da Deputación da Coruña, Valentín González Formoso, o alcalde de Malpica, Eduardo Parga, e o deputado de Contratación, Xosé Penas, asinaron o convenio para cofinanciar a adquisición dun tractor de rozadoira e un camión grúa que darán servizo ao municipio.A achega económica da Deputación será de 173.000 euros, que supón o 78,24 % do custo total dos vehículos, que ascende a 221.087 euros.Debido á gran superficie de infraestruturas viarias e terreos municipais que se teñen que rozar dentro dos labores que realiza de xeito habitual a brigada municipal de servizos e medio rural, Malpica precisa dun vehículo tractor con apeiro de rozadoira de brazo, así como tamén un camión con caixa basculante e grúa, que son obxecto deste convenio.Con estas dúas novas ferramentas increméntase así a maquinaria dispoñible para o Concello de Malpica á hora de reforzar distintos servizos como as rozas de maleza no seu municipio. Así mesmo, ambos vehículos servirán para aumentar as funcionalidades das brigadas de servizos ao longo de todo o ano.
A Concellería de Cultura presentou unha extensa programación para o período do 3 ao 31 de maio baixo o título “Malpica Nun Mar de Letras”. A continuación, detallamos as actividades planificadas:
Do venres 3 de maio ás 19.00 levarase a cabo a presentación da Exposición Juana de Vega, condesa de Espoz y Mina (1805-1872). Facer no século da Fundación Juana de Vega – Espazo Expositivo do Centro Cívico.
O sábado 4 de maio ás 18.00 Presentación dos resultados do xeorradar e novos traballos na Croa do Castro co arqueólogo Antón Fernández Malde – Salón de Actos do CAT (Buño).
O luns 6 de maio ás 11.00 Representación escolar para o alumnado de primaria do espectáculo Lingoreteira de Xarope Tulú – Auditorio do Centro Cívico.
Do martes 7 ao venres 31 de maio: Exposición Luisa Villalta – Biblioteca Municipal Eduardo Blanco Amor, no Centro Cívico de Malpica.
O venres 10 de maio ás 18.00 Recital Poético con Emma Pedreira. Colabora: Biblioteca Manuel María do IES Urbano Lugrís – Biblioteca Municial Eduardo Blanco Amor, no Centro Cívico de Malpica.
O sábado, 11 de maio ás 19.00 Presentación da obra gañadora do XVIII Certame de Poesía Erótica “Illas Sisargas”: Masaxe con argán mal pronunciada de Clara Vidal López. Organiza A.C. Caldeirón – 1º andar da Casa do Pescador.
O mércores 14 de maio ás 11.30 Presentación do libro As crebas da memoria de Olga Rodríguez – CEIP Joaquín Rodríguez Otero.
Os venres 16, 30 de maio e 13 de xuño: Das 11.30 ás 12.30 Visita teatralizada ao Ecomuseo do Forno do Forte. Das 12.30 ás 13.00 Charla-coloquio con actrices/actores da treatralización e o persoal técnico do Ecomuseo do Forno do Forte.
O sábado 17 de maio: A partir das 20.30 II Ruada nun mar de letras. Actuacións de A.C.D. Carcaxía, A.C. Raigañas e Xisco Feijóo: Traede Ferrallada. No Parque Luciano García Alén. Colabora: Asociación de Veciños Socio-cultural O Quinteiro de Buño.
Habera cantina con servizo de comida. En caso de mal tempo trasladarase a ruada ao Salón de Actos do CAT.
O domingo 18 de maio ás 17.30 Representación do espectáculo Moby Dick de Pedras de Cartón – Área Recreativa de Río de Vaa. Ás 18.30 h Ruta guiada polos muíños do Río de Vaa.
O mércores 21 de maio ás 11.00 Presentación do libro As crebas da memoria de Olga Rodríguez – IES Urbano Lugrís.
O sábado 24 de maio ás 19.00 Presentación do livro Médicos e medicina rural na Costa da Morte” de Braulio Pérez Astray – Salón de actos da Confraría de Pescadores de Malpica.
O domingo 25 de maio ás 18.00 Presentación do libro Os peidos máxicos de Sultán de Marta Villar – Biblioteca Eduardo Blanco Amor, no Centro Cívico de Malpica. Haberá zurullos para todas/os e sortearanse exemplares entre os asistentes.
O venres 31 de maio ás 12.00 Presentación das bases e convocatoria do XIX Certame de Poesía Erótica “Illas Sisargas”. Organiza A.C. Caldeirón. O acto será no salón de Plenos do Concello de Malpica.
O sábado 1 de xuño: I Foro do Mar. Presentación de Corpos no Mar de Héctor Pose. Mesa redonda relacionada co mar e as súas xentes. Organiza: ACD Mallas de Area e Cofradía de Pescadores de Malpica.
O Ecomuseo Forno do Forte acolleu a visita teatralizada dirixida a estudantes de instituto co obxectivo de familiarizalos coa olaría Tradicional de Buño dunha maneira entretida e atractiva.
Nesta visita participaron oitenta alumnos dos Institutos Maximmio Romero de Lema de Baio e Urbano Lugrís de Malpica. A representación teatral, debidamente documentada polos actores, centrouse en mostrar as vivencias dunha familia durante a posguerra, unha época caracterizada pola incerteza cara ao futuro.
Un animado coloquio final culminou a visita teatralizada do Ecomuseo Forno do Forte. As preguntas formuladas polos alumnos centráronse en aspectos históricos relacionados coa época na que se desenvolve a obra ata detalles técnicos vinculados á produción e a montaxe.
Sinopse: Anos corenta. Dous irmáns e quinta xeración de oleiros. Ou día antes dá que cren que vai a ser a súa última fornada, nacerá unha reflexión sobre ou oficio como xeito de vida. Esta peza é un relato sobre as orixes, ao pasado máis recente e ó presente e futuro da relación dunha terra alimentada polo barro; que a través dous personaxes nos fala da felicidade, as intimidades do ser humano e ou camiño cara as nosas propias verdades. Todo isto executado nun espazo tan real como o Ecomuseo Forno do Forte, que acompaña ao público a mergullarse na historia.
As visitas teatralizadas para os institutos nas seguintes datas:
Xoves 16 de maio ás 11:30 h Xoves 30 de maio ás 11:30 h Xoves 13 de xuño ás 11:30 h
O vinderio domingo 28 de abril, ás 11:30 horas, levarase a cabo unha xornada de Voluntariado Corporativo para facer unha limpeza do lixo mariño. Unha actividade organizada por limpOcean e a Concellería de Medioambiente do Concello de Malpica.
As persoas interesadas poden anotarse en eventos@limpocean.com
O Concello de Malpica adquiriu unha nova furgoneta destinada á área de Augas, cun investimento de 17.000 euros.
O alcalde de Malpica, Eduardo Parga, destacou que a adquisición desta nova furgoneta “é unha mostra máis do compromiso do Concello coa mellora dos servizos públicos”. “Este investimento permitirá á traballadores da área de Augas desempeñar o seu traballo con maior eficiencia e rapidez, o que redundará nun mellor servizo para a veciñanza”, sinalou.
Este sitio utiliza cookies para mellorar a experiencia do usuario - Ocultar detalles
• Social media Facebook, Twitter e outras Redes Sociais precisan utilizar cookies para recoñecerte.
• Analytics Os datos recollidos polas cookies de Google Analytics son anónimos e só se usan para valorar a experiencia do usuario no nosa web.
• Anuncios Este sitio pode albergar publicidade propia, de afiliados, ou de redes publicitarias.
• Cookies propias Este sitio utiliza cookies propias para facilitar o acceso e mellorar a navegación e experiencia ao usuario Aviso Legal ACEPTOLeer más
Galego
Castellano
Desculpade as molestias que estos traballos poidan ocasionar.
