Síguenos en
gl_ES
Tempo Malpica de Bergantiños
Martes 19°
11°
Mércores 17°
14°
Xoves 17°
13°
tiempo.com   +info
  1.  
  2. Uncategorized

Uncategorized

21Xuñ 2022

O Concello de Malpica recibe o verán cun feixe de actividades para gozar do deporte e da cultura

Este verán, o Concello de Malpica ofrece un amplo programa de actividades para pasalo en grande. As actividades están organizadas polas concellerías de Deportes e Cultura e Servizos Sociais en colaboración coa Deputación da Coruña e entidades e empresas e levaranse a cabo ao longo dos meses de xullo e agosto.

O prazo de inscrición abre o 23 de xuño ata esgotar prazas. De non encher todos os ocos, o peche do prazo para apuntarse depende da actividade: para as actividades da primeira quincena de xullo, o prazo remata o 30 de xuño; para as da segunda quincena de xullo, pechará o 14 de xullo; poderanse apuntar nas actividades de agosto ata o 22 de xullo e no XXI Concurso de Barcanas e Castelos de Area ata o 26 de agosto ás 10.00h.

Os interesados poden anotarse no departamento de Deportes na Casa do Concello ou nos departamentos de Educación e Cultura e no de Servizos Sociais no Centro Cívico en horario de 09.00h a 14.00h. As prazas adxudicaranse por orde de inscrición.

1ª Quincena de Xullo
Do 1 ao 15 de xullo ofértanse estas actividades:

  • Semana de Xogos Xigantes: Esta actividade está recomendada para a rapazada de 6 a 14 anos. No Paseo da Praia os días 4 e 6 de xullo (luns e mércores) de 11.00h a 13.00h faranse diferentes xogos: twister, parchís, dominó, 3 en raia, memory, xogo dos patiños, mikado e quen é quen. O venres 8, no mesmo lugar e de 10.00h a 14.00h faranse torneos de futbolín e de xadrez.
  • Campamento de Patinaxe: Está dirixido a rapaces dende 3 anos. Terá lugar no Pavillón Polideportivo de Malpica do 4 ao 15 de xullo (de luns a venres) en horario de 09.30h a 13.30h. Poden inscribirse do 23 ao 29 de xuño no teléfono 630 367 783. As prazas son limitadas.
  • Campamento de Verán Carcaxía: Está pensado para nenos e nenas de 4 a 10 anos. Será na Casa da Cultura de Seaia do 4 ao 29 de xullo en horario de 09.00h a 14.00h. Para anotarse poden facelo no teléfono 657 919 272.
  • III Campus de Verán UD Cerqueda: Dirixido a rapaces de 4 a 17 anos. Celebrarase do 4 ao 29 do xuño no Campo de Xaviña (Buño) de 09.30h a 13.30h con posibilidade de entrar xa ás 08.30h. Para máis información ou para inscribirse deben poñerse en contacto con Dani no teléfono 663 904 461 ou no enderezo electrónico campusudcerqueda@gmail.com.
  • Vive o verán: Unha actividade dirixida a rapaces nados do 2004 ao 2015 na que durante oito días farán sendeirismo, surf, paddle surf, snorkel e unha visita ás Sisargas. Aqueles empadroados no Concello de Malpica terán un desconto do 10%.
  • Talleres de actividades Multideportivas: Faranse o 5, 7, 11 e 13 de xullo na praia de Area Maior de 11.00h a 13.00h. Poden apuntarse nenos e nenas de 6 a 12 anos a un prezo de 21,71€. As prazas son limitadas.
  • Área Infantil: Actividade pensada para a rapazada de 3 a 6 anos. Terá lugar no paseo da Praia do 11 ao 15 de xullo. Haberá dúas quendas dispoñibles; unha de 11.00h a 12.00h e outra de 12.00h a 13.00h. Para cada unha, hai 10 prazas.
  • Obradoiro de Danzas Urbanas con Dj: É de balde e está dirixido a maiores de 12 anos e levarase a cabo o día 15 de xullo no paseo da Praia de 10.30h a 13.30h.
  • Geocaching iniciación: unha actividade gratuíta que se fará o 12 e o 14 de xullo na praia de Area Maior de 10.00h a 13.30h. Poden inscribirse os nenos e nenas de 7 a 12 anos. Hai 20 prazas dispoñibles.

2ª Quincena de Xullo

  • Zumba na praia: Unha actividade pensada para todos os públicos que se vai facer de maneira gratuíta o luns 18 de xullo no paseo da Praia en horario de 11.30h a 13.30h.
  • 1º Campamento deportivo: para rapaces e rapazas de 7 a 12 anos. Celebrarase do 19 ao 22 de xullo no Pavillón Polideportivo de Malpica de 10.00h a 13.00h. As prazas son limitadas e ten un custo de 21,71€.
  • Torneo de fút-tenis e basquet 3×3: 19 e 21 de xullo no Parque infantil do Mercado en horario de 10.00h a 13.30h. É de balde e esta dirixido a nenos e nenas de 10 ou máis anos.
  • 2º Campamento deportivo: Actividade dirixida a rapaces de 7 a 12 anos. Desenvolverase do 26 ao 29 de xullo, no Pavillón Polideportivo de Malpica de 10.00h a 13.00h. Ten un custo de 21,71€ e as prazas son limitadas.
  • Torneo de Fútbol Praia Sub 15-18: o xoves 28 e o venres 29 haberá un torneo na praia de Area Maior no que poden participar rapaces de 15 a 18 anos. É gratis e non hai límite de prazas.

Agosto

  • Fútbol praia: durante os días laborais do 1 ao 31 de agosto organizaranse actividades de fútbol praia no areal de Area Maior dirixidas a nenos de 6 a 14 anos. O calendario e o horario van depender das mareas e ten un custo de 21,71€.
  • Pintar na rúa: Os días laborais do 1 ao 12 de agosto na Praza Anselmo Villar Amigo. Para os nenos de 11 a 14 anos será de 10.00h a 12.00h. Para os pequenos de 6 a 10 anos, de 12.00h a 14.00h. Ten un prezo de 11€ e haberá 15 prazas por quenda.
  • Obradoiro de Danzas con Dj: Será o 16 de agosto no paseo da Praia de 10.30h a 13.30h. Será de balde e está dirixido a maiores de 12 anos.
  • XXI Concurso de Barcanas e Castelos de Area: O 26 de agosto, na praia de Area Maior faranse esculturas de 10.30h a 13.00h. O público votará a partir das 13.00h e ás 13.30h darase a coñecer o fallo do xurado e farase a entrega de premios. Hai dúas categorías: a infantil (ata 10 anos) e a amateur (a partir de 11 anos). Participar é gratis e non hai límite de prazas.
  • Campamento Conciliación Malpica 2022: Do 16 de agosto ao 6 de setembro no Centro Cívico de Malpica, de 09.00h a 14.00h e para nenos de 3 a 12 anos. As prazas son limitadas.

En caso de mal tempo, os Xogos Xigantes, Área Infantil, Geocaching e Pintar na Rúa levaranse a cabo no Auditorio do Centro Cívico e faranse actividades alternativas de interior.

OBRADOIRO DE BARRO
Ademais desta gran oferta de actividades, no Ecomuseo Forno do Forte de Buño farase un obradoiro de barro gratuíto durante os meses de xullo e agosto. Será de martes a venres en horario de 16.30h a 18.30h e está dirixido á rapazada de 3 a 12 anos. Os nenos e nenas deben acudir acompañados. As prazas son limitadas e non fai falta inscrición previa.

21Xuñ 2022

NORMAS PARA A REALIZACIÓN DA CACHARELA “ SAN XOÁN”:

NORMAS REALIZACIÓN CACHARELA “ SAN XOÁN”:

Na zona urbana, o volume de combustible do lume no sobre pasará os 3 mts de perímetros nin o metro ( 1 metro) de altura. No rural non poderá exceder os 6 metros de perímetro nin os 3 metros de altura.

A separación entre as cacharelas e os edificios, árbores, vehículos e mobiliario urbán serán como mínimo 12 metros, agás no casco urbano.

Pórase especial coidado de non situalas baixo tendidos eléctricos ou telefónicos, así como que nos arredores non exista ningún local no que se almacén de produtos inflamables

Queda prohibida a queima de rodas, plásticos, escumas de poliuretano, aceites e, de xeito

xeral, calquera substancia que ao arder desprenda fume tóxico.

 O material de combustión serán: leña, polas, toro de árbores e madeiras vellas etc.

En ningún caso se botarán ao lume recipientes que conteñan líquidos inflamables ou gases a presión ( areosois) aínda que estean baleiros.

As persoas interesadas na celebración da cacharela de San Xoán, deberán presentar a correspondentecomunicación no Concello por rexistro de entrada ou Sede Electrónica comunicando a celebración damesma e lugar. Debendo en todo momento vixiar o lume ata que estea totalmente apagado. Para asegurarse de que quede totalmente apagado deberán empapar a cinza con auga.

As persoas interesadas en montar unha cacharela deberán coidar os arredores e coñecer o número de Emerxencias (112) e o de incendios (085). Ademais terán preto do lume unha mangueira ou auga suficiente en recipientes para apagar o mesmo en caso de que se extenda co fin de evitar un incendio ou a súa propagación .

 A presentación da solicitude de comunicación de celebración da caharela non exime das responsabilidade por danos ou perdas que procedan no caso de incendio cando concorra neglixencia, imprudencia ou incumprimentos das normas ditadas.

8Xuñ 2022

A auga das praias de Area Maior e Seiruga, un ano máis con calidade “excelente” para o baño

Praia Area Maior

A Consellería de Sanidade, encargada da análise das augas, notificou ao Concello a máxima cualificación para as dúas zonas de baño

As zonas de baño das praias de Area Maior e Seiruga reciben, un máis, a máxima cualificación sanitaria a partir das análises que realiza a Consellería de Sanidade. A calidade das augas dos dous areais vixente para a tempada de verán de 2022 será de novo “excelente” de acordo aos criterios microbiolóxicos destes estudos.
Co obxectivo de detectar de forma anticipada a presenza de vertidos ou microorganismos que poden ser nocivos para a saúde humana, como as bacterias E. coli ou enterococo intestinal, persoal da Administración autonómica toma mostraxes nestas áreas. Os niveis mínimos
destes microorganismos mantéñense nos últimos anos, o que sitúa a Area Maior e Seiruga coa mellor cualificación segundo estes criterios, que clasifican a auga en “excelente”, “boa”, “suficiente” ou “insuficiente” (neste último caso desaconséllase o baño)”.
As zonas de baño incluídas no censo autonómico defínense como calquera elemento de augas superficiais onde está previsto que poidan bañarse un número importante de persoas ou exista unha actividade próxima relacionada directamente co baño.

27Mai 2022

O Certame de Poesía Erótica Illas Sisargas lanza a convocatoria para a recepción de obras na súa 17ª edición

O Concello de Malpica acolleu a presentación dunha cita que xa é unha referencia do xénero nas letras galegas

O XVII Certame de Poesía Erótica Illas Sisargas púxose en marcha coa presentación da cita nun acto que tivo lugar na mañá deste venres na Casa do Concello de Malpica. O concurso literario, nacido no ano 2005, converteuse neste tempo nunha referencia deste xénero literario nas letras galegas, atraendo cada ano a un maior número de participantes.

No acto desta mañá participaron o alcalde de Malpica, Eduardo Parga, a concelleira de Cultura , Noelia Freijeiro, e o presidente da asociación cultural Caldeirón (entidade que convoca o certame), Paco de Tano.

Eduardo Parga destacou que é “unha honra” presentar un ano máis a cita, que comezou en 2005 cando, segundo lembrou, el era concelleiro de Cultura. “Despois de 17 anos vense claramente os logros acadados, cunha participación cada vez maior, obras moi interesantes e de gran calidade”.

Pola súa banda, Paco de Tano lembrou, do mesmo xeito que o alcalde, a figura de Paco Souto, falecido en 2017, como un dos impulsores deste premio. “Paco e mais eu cumprimos un soño cando o premio se fixo realidade. Agora sabemos que isto non terá fin, e mesmo seguirá despois de nós. Queremos dicirlle a Paco Souto que, alá onde estea, isto segue adiante”.

Bases

Ao premio poderán optar todos os autores e autoras de calquera nacionalidade que presenten un libro inédito de temática erótica non premiado con anterioridade e escrito en lingua galega, en calquera das súas normativas recoñecidas. O prazo de admisión finaliza o 18 de setembro. As obras deberán enviarse ao enderezo premio@caldeiron.org.


Establécese un premio único de 1.500 € (suxeitos ás retencións correspondentes) e a publicación da 1ª edición da obra, con 400 exemplares, na colección Illas Sisargas da Editorial Caldeirón.


O resto das bases pode consultarse nesta ligazón:

26Mai 2022

A sala “Non canto por cantar” do Centro de Artesanía e Tradición recibiu máis de 300 visitas en menos de quince días

O espazo acolle a primeira exposición de cancións e bailes típicos do concello malpicán

A inauguración, a mediados do mes de maio, da sala “Non canto por cantar”, está a xerar un novo atractivo para o Centro de Artesanía e Tradición (CAT) de Buño. Neste tempo, en menos de 15 días, xa son máis de 300 as persoas que pasaron polo espazo, mentres continúan as visitas de centros escolares e público xeral.

A sala “Non canto por cantar” ofrece unha ampla mostra do patrimonio inmaterial da terra malpicá, compilado e documentado por numerosas persoas ao longo de décadas, a partir do coñecemento popular e tradicional de decenas de informantes. Cancións e bailes recollidos na zona, que describen uns ritmos e pasos únicos na tradición galega.

O Centro de Artesanía e Tradición, situado na Camposa (Buño), conta tamén con outras dúas exposicións: “As Redeiras e o Mar” e “Olería”. Pode visitarse de luns a venres de 10.00 a 15.00 horas.

25Mai 2022

Convocatoria para o outorgamento de casetas no peirao sur de Malpica (depuradora). Prazo aberto ata o 5 de xuño

Portos de Galicia mantén aberta ata o vindeiro 5 de xuño a convocatoria para a presentación de solicitudes de utilización de varios departamentos para armadores no porto de Malpica de Bergantiños (peirao sur-depuradora).

Pode consultarse máis información sobre a documentación necesaria para presentar as solicitudes, orde de prioridade, tipos de actividade e outros requisitos, neste documento:

25Mai 2022

Malpica acolle o 4 de xuño o I Certame de Fotografía Submarina en Pecios

A actividade, organizada polo Concello, pretende promocionar o patrimonio subacuático da costa occidental coruñesa

O porto de Malpica de Bergantiños será escenario, o sábado 4 de xuño, a partir das 9 da mañá, do I Certame de Fotografía Submarina en Pecios. Este concurso, dirixido a mergulladores/as, ten por obxectivo a promoción do patrimonio subacuático da costa occidental da provincia da Coruña.

A actividade forma parte do proxecto RIMARTES (Riquezas do Mar, tesouros do profundo), unha iniciativa que pretende dar a coñecer a gran concentración de xacementos arqueolóxicos subacuáticos da costa galega. O certame está organizado polo Concello de Malpica de Bergantiños  e os GALP Costa Sostible, GALP Costa da Morte e GALP Golfo Ártabro Sur, e conta co apoio técnico da Federación Galega de Actividades Subacuáticas (FEGAS), a colaboración da Deputación da Coruña e de Buceo Malpica como centro de mergullo colaborador.  

Tal e como se destaca desde o proxecto RIMARTES, baixo as augas da costa galega descansan pecios de diferentes épocas e orixes, que forxaron un enorme coñecemento en forma de historia e cultura, pero tamén xeraron nova vida ao converterse en espazos onde medra unha importante biodiversidade, con numerosas especies de flora e fauna mariñas.

A inscrición na actividade é de balde, e poderá realizarse a través dos enderezos imagen@fegas.net e fegas@fegas.net. Requírese estar en posesión da correspondente licenza e permisos para o mergullo autónomo, así como seguro en vigor. Ofrécese a oportunidade do pago da licenza federativa dun día.

O I Certame de Fotografía Submarina en Pecios celebrarase en varias localidades da costa coruñesa durante as vindeiras semanas. Ademais de Malpica, terá lugar en A Coruña (28 de maio), Fisterra (11 de xuño) e Porto do Son (18 de xuño).

24Mai 2022

As Escolas Municipais de Patinaxe de Malpica celebran unha exhibición este venres 27 en Buño

A actividade comezará ás 16 horas no pavillón do CEIP Joaquín Rodríguez Otero

O pavillón do CEIP Joaquín Rodríguez Otero de Buño acollerá este venres 27 de maio unha exhibición das Escolas Municipais de Patinaxe do Concello de Malpica de Bergantiños.

Os e as deportistas demostrarán as súas habilidades na pista a partir das 16 horas. A entrada á actividade será libre.

20Mai 2022

O alcalde de Malpica asina a oferta de emprego de 6 socorristas para Area Maior e Canido

Darán servizo desde o mes de xuño ata setembro

O alcalde de Malpica, Eduardo Parga, ven de asinar a oferta de emprego de seis postos de socorristas, incluído un coordinador-socorrista, para a Unidade de Socorrismo Acuático nas praias de Area Maior e Canido. Os interesados teñen 8 días naturais, para presentar a súa solicitude desde o a publicación da oferta. A información completa pode consultarse na páxina web do Concello de Malpica, e a solicitude debe realizarse a través da sede electrónica ou de xeito presencial nas oficinas administrativas de luns a venres en de horario de 09:00 horas a 14:00 horas.

A contratación realizarase para que o servizo de inicio o 17 de xuño ata o 11 de setembro. Estarán a xornada completa, cunha retribución bruta mensual de 1.516,85 € e para a categoría de socorrista-coordinador de 1.727,84 €, en ambos casos coas pagas extras incluídas. O persoal seleccionado terá entre as súas función: Prever accidentes ou situacións de emerxencia nas praias indicadas na base primeira, realizando a través, tarefas de vixilancia e información. Rescatar persoas en casos de accidente ou situación de emerxencia. Asistir como primeiro interveniente no caso de accidente ou situación de emerxencia. Velar pola seguridade dos usuarios das praias indicadas do Concello de Malpica de Bergantiños previndo situacións potencialmente perigosas realizando unha vixilancia permanente e eficiente e intervindo de forma eficaz ante un accidente ou situación de emerxencia.

Página 1 de 912345...Última »