FESTAS

Malpica de Bergantiños é un territorio que comparte con ledicia festas nas que se mesturan a tradición, a cultura, a diversión e tamén o fervor relixioso. As celebracións promovidas polas diferentes parroquias, asociacións ou polo propio Concello chegan a superar a trintena de citas.

O ano comeza coa celebración de San Xulián, na parroquia de Seaia, unhas festas moi concorridas que animan os primeiros días de xaneiro, despois do Nadal, e remata o 26 de decembro coa honra a Santo Estevo en Buño. Pero ao longo do ano hai citas que non poden faltar na axenda: a Romaría de Santo Hadrián, as Festas do Mar, a Mostra da Olería ou o antroido son un bo número de motivos para visitar o noso concello.