• ACTUALIDADE,Novas

Asinada a acta de replanteo para o inicio das obras para melloras na estación de tratamento de agua potable de Ponte Berrón no que se instalará o circuito de Dosificación de Reactivos Químicos

O alcalde de Malpica, Eduardo Parga reuniuse  coa empresa adxudicataria  para formalizar o inicio das obras que se prevé que comezarán en breve.

DEMAIN OBRAS E SERVICIOS, S.L será a encargada de realizar os traballos que contan cun orzamento total de 54.377,40€.  

• ACTUALIDADE,Novas

Malpica celebrará o 90 aniversario das Misións Pedagóxicas o 22 de outubro

Con motivo do 90  aniversario das Misións Pedagóxicas, o Concello de Malpica exporá no Fondo Lugrís (aula circular) do Centro Cívico a mostra fotográfica “As Misións Pedgóxicas en Malpica”. Esta exposición, organizada polo Concello amosa imaxes das diferentes representacións de monicreques levadas a cabo na vila entre 1933 e 2022. Poderase visitar do 16 ao 30 de outubro.

José Val del Omar, Ramón Naya, Fernández Mazas, Miguel Prieto e Urbano Lugrís impulsaron xunto a Rafael Dieste o inicio dos espectáculos de monicreques en Malpica de Bergantiños. Estas obras eran interpretadas polas Misións Pedagóxicas por toda España.

Para conmemoralos o 22 de outubro Diáspora teatro representará a obra “O Peirao”.  María Dobronich e Dani Blanco daranlle vida aos monicreques que narrarán a historia de dous pescadores de contos, como mensaxes en garrafas que chegan á beira. Cabe salientar que o peirao é un espectáculo sobre o valor da natureza a relación que temos as persoas con ela. A obra ten una duración de 45 minutos está dirixida para os máis pequenos e mestura monicreques, narración oral o clown e o teatro de obxectos que lle darán vida a esta fermosa historia.  O evento será ás 18:00h na  praza Anselmo Villar Amigo, pero no caso de que faga mal tempo, trasladarase ao auditorio do Centro Cívico de Malpica.

• ACTUALIDADE,Novas

O autobus de ´Coidados Porta a Porta´ volverá a Malpica en novembro

O autobús de Coidados Porta a Porta chegará a Malpica por terceira vez, os días 7, 8 e 9 de novembro para ofrecer aos maiores de 55 os seguintes servizos:

• Podoloxía: para a prevención, diagnóstico e tratamento das principais patoloxías dos pés (eliminación de durezas, control de uñas)

• Audioloxía: Valoración e exploración funcional da audición e prevención da perda auditiva.

• Prevención do alzhéimer e outras demencias neurodexenerativas. Consistente en: realización de probas de valoración cognitiva, exercicios e fichas de estimulación cognitiva, actividades de estimulación funcional e envellecemento activo, prevención da soidade non desexada e promoción da autonomía persoal.

Estará situado no aparcamento ao lado do Centro Cívico de Malpica. As persoas interesadas deberán pedir cita previa ou ben chamando ao 622 748 283 – 623546992 ou enviando un mail coidadosportaaporta.politicasocial@xunta.gal

• ACTUALIDADE,Novas

As obras de mellora obrigarán a realizar un corte de agua na zona do Camiño do Río este martes

Entre as 09.00 e as 18.00 horas do 10 de outubro realizarase un corte na rede de abastecemento de agua na zona do Camiño do Río, en Malpica. O corte débese as melloras que se están acomentendo na zona.

O servizo restablecerase o antes posible.

• ACTUALIDADE,Novas

Pegadas no Tempo: Isabel Soutullo deixa a súa pegada artística en Malpica

O pasado sábado, o Centro Cívico de Malpica acolleu a inauguración da exposición “Pegadas non Tempo” da artista Isabel Soutullo. O alcalde, Eduardo Parga Veiga, deulle a benvida e expresou o seu agradecemento por aceptar a invitación da Concelleira de Cultura, Noelia Freijeiro, para exhibir a súa obra neste espazo expositivo.A propia artista compartiu a súa visión sobre a exposición: “Con ‘Pegadas non Tempo’, busco trazar un pequeno percorrido, desde a miña primeira exposición ‘Campo a través’ presentada en decembro de 2018 no concello de Coristanco, onde o meu obxectivo era concienciar sobre o coidado da natureza. Ata ‘Sabor a sal’ en agosto de 2023, onde continuei coa mesma idea, pero dunha maneira máis sutil. Non deixei de lado colaboracións artísticas en favor da igualdade de xénero, nin de resaltar o mérito do traballo da xente labradora e mariñeira. Ademais, o tempo é outro tema que abordei e que desexo seguir profundando”.A exposición “Pegadas non Tempo” ofrece aos visitantes unha viaxe a través do tempo, revelando a evolución artística da coristanquesa Isabel Soutullo desde as súas primeiras obras ata o presente. Cada pintura reflicte o seu compromiso coa conciencia ambiental, a igualdade de xénero e o recoñecemento do arduo traballo das persoas labradoras e mariñeiras.

A exposición poderase visitar ata o 5 de novembro de 08.30 a 14.00 e de 18.00 a 22.00 horas

• ACTUALIDADE,Novas

Os participantes da II Concentración de Motos da Patroa da Garda Civil 2023 disfrutaron en Malpica

Ao redor das once da mañá, o porto converteuse no epicentro da emoción moteira coa chegada dos participantes da II Concentración de Motos da Patroa da Garda Civil 2023.

Os cen moteiros foron recibidos polo concelleiro de Turismo e Festexos, Alfredo  Cañizo, e Miguel Ángel Fernández, concelleiro de Seguridade.

Alfredo Cañizo agradeceulles que elixisen por segunda vez Malpica como un dos destinos da ruta pola Costa da Morte e obsequiounos cunha réplica do Faro Nariga como recordo.

Pola súa parte os organizadores do evento agradeceron a boa acollida e entregaron una figura conmemorativa da II Concentración de Motos da Patroa da Garda Civil 2023. A continuación os asistentes puideron disfrutar duns pinchos.

• ACTUALIDADE,Novas

Javier Paradela Martico e Olga Pose Chouciño gañan a Carreira Pedreste de Malpica

252 corredores participaron a animada proba

Onte, nunha tarde asollada, Malpica converteuse no epicentro dunha apaixonante aventura deportiva e solidaria.

Antes de que a consagrada VI edición da Carreira Pedreste Concello de Malpica partise desde a rúa Emilio González López, Noelia Freijeiro e o rexedor de Malpica, Eduardo Parga, entregaron un cheque por importe recadado de 252€ á presidenta da Asociación Contra o Cancro de Malpica, Carmen Teresa Blanco. A proba deportiva discorreu por un impresionante percorrido ao longo da costa de Malpica cunha sinfonía visual de impresionantes vistas e idílica paisaxe costeira.

Un gran número de persoas congregáronse ao longo do percorrido para aplaudir e animar aos/as deportistas. Familias, amigos/as e espectadores reuníronse para celebrar os logros deportivos, creando un ambiente de apoio aportando emoción á carreira. En definitiva, a carreira pedreste de onte non foi só un desafío físico senón tamén un goce das nosas marabillosas paisaxes.

Ao finalizar a competición o alcalde de Malpica, Eduardo Parga, a concelleira de Deportes, Noelia Freijeiro e Luís Miguel Fernández García, concelleiro de Promoción Económica, entregaron os trofeos aos campións e campioas das diferentes categorías.

O Concello de Malpica tamén ofreceu aos participantes unha degustación de roscas de pan de ovo feitas en Malpica. Ademais, os corredor@s recibiron un agasallo dunha bolsa que contiña, entre outros regalos, unha camiseta conmemorativa do evento. Desde o Concello de Malpica agradecemos o gran labor de Protección Civil de Malpica, Policía Local, traballadores/as do Concello, Asociación Mediaducia, UD Cequeda, Sporting Seaia, SCD Malpica, Veteranos Malpica, Veteranos Leiloio e AECC MALPICA. Grazas a tod@s por participar e felicidades aos gañadores e gañadoras.

Gañadores/as da 2k

Categoría Masculina: Javier Paradela Martico Rubén Penas García Miguel Anxo Nogueira Pérez

Categoría Feminina: Olga Pose Chouciño, Noemí Eiranova Ogando eLaura Núñez Calo

Gañadores/as absoluta

Categoría masculino: Cristian Muiño Varela, Francisco Roca Ledo eJaci Augusto Mello Birkhan

Categoría feminina: Natalia Rivas Suárez, Carlota Pazos Suena eGeli López Vilas