Síguenos en
gl_ES
Tempo Malpica de Bergantiños
Xoves 12°
Venres 13°
Sábado 12°
tiempo.com   +info
  1.  
  2. ACTUALIDADE

ACTUALIDADE

14Mar 2023

Volven os obradoiros de Barro a Malpica en Semana Santa


O Ecomueso do Forno do Forte acollerá obradoiros de barro os día 3, 4, 5,
e 7 de abril de 16.30 a 18.30 para todos os públicos a parir dos tres anos.
A persoas que desexen acudir non deberán inscribirse, poderán participar
en cada quenda, por orde de chegada ata completar un máximo de 15
persoas. A actividade é de balde.
O evento está organizado pola Concellería de Educación, Cultura,
Patrimonio e Deportes. Colabora nesta actividade a Deputación da Coruña

13Mar 2023

Malpica concilia en Semana Santa

A concellería de Servizos Sociais e a concellería de Cultura, Patrimonio e Deportes do Concello de Malpica lanza o campamento gratuíto de Semana Santa para fomentar a conciliación.
Nenos e nenas de entre 3 e 12 anos poderán gozar de múltiples actividades os días 3, 4 e 5 de abril de 10.00 a 13.00 horas, no pavillón de Malpica.
As persoas interesadas xa se poden anotar ata o 29 de marzo. Para máis información poden chamar ao departamento de deportes no 981720001

Nesta ligazón pódese descargar o impreso.

9Mar 2023

Mulles emprendedoras de Malpica

🔹 Nome, apelidos e idade?Lili Arcay Carbajales, 41 anos.

🔹 Porque abriches o teu negocio aquí, en Malpica?Porque era o negocio familiar, eu nacín dentro da barra ao igual que meus irmáns, somos 4 mulleres e 3 homes. Todos traballamos na hostalería, na miña casa traballaba hasta o canario, daquela, queiras ou non, eu que son a pequena fun quedando, meus irmáns foron casando e formando familias e a que quedou co negocio son eu. Despois coas outras irmás fomos emprendendo. 🔹 Fai moito que abriches o teu negocio ?Meus pais tiñan 2 negocios, un bar de comidas, o Ybarra e outro de copas, o Jofra. Con 19 anos, ao casarse meu irmán collín o Jofra, estiven sola 7 anos, aos 26 anos asocieime cunha irmá máis vella, reformamos o local para darlle un aspecto máis moderno. Estivemos xuntas 14 anos e hai 7 asociámonos con outra irmá e collemos o bar de comidas de meus pais, eles xa estaban retirados e seguimos co negocio familiar.

🔹 Canta xente traballa na vosa cafetería e no voso pub? Supoño que as 3 irmás sodes autónomas?Si, as tres somos autónomas, no Ybarra temos 2 cociñeiras a xornada completa e os fin de semana varias camareiras para o apoio das comidas e ceas.

🔹 Equipazo de mulleres no teu negocio, casualidade ou apostaches polo emprego feminino?A ver, hai traballo para homes e mulleres, tampouco é discriminar a nadie, ti pides alguén para un posto de traballo e o que mellor corresponde e responde é o que queda.

🔹 Crees que os homes, polo simple feito de ser home a día de hoxe o teñen máis fácil (refírome á igualdade salarial, aos postos de relevancia ou os ascensos dentro dunha empresa) ou logramos a igualdade neste sector?Bueno, neste sector a verdade hoxe en día están mais igualadas as cousas, incluso hai moitos homes cociñeiros. Ao mellor noutros sectores é máis complicado e tiran máis polo home, pero na hostalería creo que estamos ao 50% que da igual home que muller.

🔹 Conciliación familiar e laboral, como levas este tema?Como se pode (sorrí), dáslle a todo, estás aquí e de repente vas para a casa e segues….tes os fillos….

🔹 Tarefas compartidas no fogar, ou, a maior parte do peso recae sobre ti?No, no, gracias a Dios compártoas co meu home.

🔹 E xa para rematar, como anécdota, recordas o primeiro cliente que tiveches? Continúa séndoo? Buff! Non, non o recordo, hai 22 anos xa; pero sigo tendo clientes dos de sempre.

🔹 Sopesando pos e os contras, volverías a arriscarte a emprender pola túa conta ou irías ao “seguro” e traballarías por conta allea? No, eu emprendería, aparte que aquí en Malpica as mulleres ían a ribeira, coser ou senón tiñas que marchar fóra para traballar, despois xa comezou o da hostalería. En Malpica emprendéronse moitos negocios con mulleres e eu non me arrepinto de nada.

8Mar 2023

O Concello de Malpica visibiliza as mulleres emprendedoras con motivo o 8M

Nesta semana conmemórase o día da muller e, desde o noso concello, queremos render un pequeno e humilde homenaxe ás mulleres emprendedoras, mulleres que tiveron a coraxe de montar o seu propio negocio e con moito tesón e esforzo conseguiron non só crear o seu posto de traballo, ao tempo dan emprego a outras mulleres.Ao longo desta semana iremos publicando testemuños de diferentes mulleres emprendedoras da nosa vila con motivo do 8M. O que non debemos esquecer é que xa as nosas avoas, cando se descoñecía o significado do termino emprender, foron mulleres emprendedoras. Quen non lembra ás pescantinas coa caixa na cabeza que viña polas parroquias vendendo peixe?, ás labradoras coas patacas, a verdura de tempada ou os ovos?, á leiteira co seu cántaro de leite e a medida de latón colgada?, ou ás mulleres dos oleiros cos cestos cheos de potas de barro vender a súa obra nas feiras?Aínda que nos pareza mentira, elas, dunha forma calada sen facer ruído foron abrindo un pouco o camiño ás novas xeracións. As nosas avoas tiveron que aprender a conciliar, cando nin sequera se falaba diso, a vida familiar e laboral, eran súper mulleres na sombra, invisibles aos ollos do mundo porque todo o que elas facían non tiña ou polo menos non se lle dada o valor que realmente tiña.Quen non lembra algo do que estou a falar?Pois por elas, polo seu esforzo, pola súa valentía, por dar pequenos pasos cara á súa independencia económica temos conseguido ser máis fortes, facernos visibles e darlle valor ao noso traballo.É certo que percorremos un longo camiño cara a igualdade e aínda nos queda un bo treito por andar…pero, xuntas, apoiándonos unhas ás outras, o conseguiremos.

Isabel Ceán García, emprendedora


🔹 Nome, apelidos e idade?Isabel Ceán García, 49 anos.

O salón de peiteado montáchelo en Buño por continuar no pobo? Foi porque lle cadrou, coincidencia. Estudei en Carballo e despois fun para Coruña facer unha ampliación do estudio e en Buño naquel momento había moita xente e púxena, xa che digo cadroulle.

🔹 Fai moito que abriches o teu negocio?No mes de agosto fará 32 anos.

🔹 Cantas persoas traballades?Neste momento somos dúas persoas, Ángela, que xa leva comigo 12 anos e máis eu.

🔹 Equipo de mulleres no teu negocio, casualidade ou apostaches polo emprego feminino? Pois nunca se me ocorreu pedir un home, tiven varias empregadas e todas mulleres ao longo deste anos pero todas foron mulleres nunca un home, pero dicindo a verdade sempre que necesitei xente as que viñan eran mozas e se te pos a pensalo cando empecei as que iamos aprender esta profesión eramos as mulleres. Agora que tamén che digo que encantada con calquera das rapazas que pasou por aquí.

🔹 Crees que os homes, polo simple feito de ser homes a día de hoxe o teñen máis fácil (refírome á igualdade salarial, aos postos de relevancia ou os ascensos dentro dunha empresa) ou logramos a igualdade neste sector?Quero crer e pensar que desempeñando o mesmo posto de traballo, que os soldos sexan iguais, da igual que sexas perruqueir@, mecánic@…. Si tes o mesmo traballo e a mesma responsabilidade o soldo que se pague debe de ser o mesmo independentemente de que sexas home ou muller.

🔹 Conciliación familiar e laboral, como levas este tema? Pois como se pode e con moito esforzo, porque cando traballas tes que ser traballadora, nai, muller tes que ser perfecta en todo; para facer de comer…..hai que ser unha “súper muller”. Levar os fillos ao pediatra, que si aprobaron esta ou aquela asignatura, se mañá teñen un exame, se hai que levalos a inglés, á piscina, ao fútbol… hai que estar en todo. Agora que son maiores, e menos mal (dálle a risa), é máis fácil pero mentres son pequenos….é moi difícil.

🔹 Tarefas compartidas no fogar, ou, a maior parte do peso recae sobre ti?Compartidas, aínda que claro cando o teu home traballa dende as 7 da mañá ata as 8 da tarde como non o faga o sábado e o domingo.Que eu tamén traballo todo o día, pero penso que o maior peso o levamos nós porque logo lle dicimos “deixa xa o fago eu” (sorrí); e sendo autónoma teño máis liberdade, como por exemplo acudir a unha reunión da escola, levalo ao médico, etc. e daquela xa vas ti.Teño 2 fillos, unha muller e un home e eduquei aos 2 por igual nin a rapaza lle ten que recoller nada ao rapaz, nin o rapaz á rapaza a non ser que un estea fregando e o outro recollendo.

🔹 E xa para rematar, como anécdota, recordas o primeiro cliente que tiveches? Continúa séndoo?Sinto dicir que non recordo o primeiro cliente, pero si que teño xente que continúa vindo despois de 32 anos. Algunhas persoas finaron, en 30 anos a poboación foi moito a menos, pero si clientes que levan vindo estes 32 anos.

🔹 Sopesando pos e os contras, volverías a arriscarte a emprender pola túa conta ou irías ao “seguro” e traballarías por conta allea? Volvería a emprender, iso seguro, pero non con 18 anos. Primeiro traballaría 4/5 anos por conta allea para coller máis técnica, ter outra visión das cousas e aprender doutras profesionais e ao mesmo tempo no asumiría tantas responsabilidades tan nova, ser autónomo conleva moitas dores de cabeza, facturación, impostos, tratar con provedores, moita responsabilidade.Primeiro “rodar” un pouco e despois poñerme de autónoma, que ten as súas cousas boas e malas como todo, pero si que volvería a emprender.

Carmen Villar Barca, emprendedora coas súas empregadas


🔹 Nome, apelidos e idade?- Carmen Villar Barca, 46 anos (Aclara que nuns días cumprirá os 47). A pesar de non ser nada no noso concello ten raíces malpicás, o pai é de Seixas, nai de Leiloio e o seu home tamén é de Leiloio.🔹 Porque te decidiches abrir o negocio en Buño? Foi un pouco de casualidade, hai vinte anos cando me casei tomando un café con Don Francisco, mestre moi coñecido xa finado, comentarame que estaba en venda a farmacia, como me interesaba contactei co dono e naquel intre díxome que a farmacia non estaba en venda que era para o seu fillo.Hai uns oito anos aproximadamente Raquel, referíndose a unha das chicas que forma parte do seu equipo, me comenta que a farmacia de Buño está en venda a través dunha axencia e aí fomos a por todas, é un sitio que me gusta e que me aportaba moita tranquilidade.

🔹 Cando abriches as portas do teu negocio por primeira vez? – O día un de xullo farán sete anos xa.

🔹 Cantas persoas traballan na túa farmacia?- Agora mesmo somos cinco en plantilla e temos unha chica en prácticas de FP dual.

🔹 Equipazo de mulleres no teu negocio, casualidade ou apostaches polo emprego feminino?- No, nese caso foi casualidade, realmente tampouco hai moita xente que se oferte.

🔹 Crees que os homes, polo simple feito de ser home a día de hoxe o teñen máis fácil (refírome á igualdade salarial, aos postos de relevancia ou os ascensos dentro dunha empresa) ou logramos a igualdade neste sector?- Si, eu penso quedo si, aínda quedan as trabas dos embarazos; da maternidade de que pensan que se tes fill@s non vas aportar á empresa todo o que debes, penso que si que aínda sigue existindo.

🔹 Conciliación familiar e laboral, como levas este tema?- A ver, agora mesmo levo mellor, debemos de ter en conta que os meus fill@s son maiores, 19 e 15 anos. Tamén as condicións laborais son moi boas porque estamos a quendas de mañá ou tarde, daquela sempre dispós de un pouco máis de tempo.

🔹 Tarefas compartidas no fogar, ou, a maior parte do peso recae sobre ti?- No meu caso teño moita sorte e son compartidas, por exemplo podo poñerme ao fronte da limpeza ou da compra pero a cociña e recoller a Mateo, refírese ao seu fillo, iso xa é cousa do meu home.

🔹 Como anécdota, recordas o primeiro cliente que tiveches? Continúa séndoo? – Si, recórdoa como se fose hoxe; unha señora de Cambre que segue sendo clienta, pero por motivos de saúde non acude ao establecemento persoalmente. (Carmen sorrí e medio se emociona ao lembrar este detalle).🔹 Xa para rematar, volvendo a vista atrás e sopesando pos e contras, volverías a arriscarte a emprender pola túa conta ou irías ao “seguro” e traballarías por conta allea?- A día de hoxe, si se me volta a presentar esta oportunidade a cegas, sen pensalo. Terceira entrevista
Xa está aquí a 3ª entrevista con motivo da Conmemoración do 8 de Marzo día Internacional da Muller.

Noelia Álvarez, emprendedora

🔹 Nome, apelidos e idade?- Mª. Noelia Álvarez Suárez

🔹 Porque te decidiches abrir o teu negocio en Malpica? Hai moito que colliches a libraría?- Tíñamos idea de ter un fillo na parella e queríamos crialo no pobo, no sitio onde nacemos e xusto de desfacían da libraría cando decidimos mudarnos e era un sector que me gustaba moito. Isto foi hai uns 11 ou 12 anos.

🔹 Cantas persoas traballades na libraría?- Traballamos dúas persoas, María que agora está a media xornada por conciliación e máis eu.

🔹 Equipo de mulleres, casualidade ou apostaches polo emprego feminino?- Neste caso coñecía á persoa e sabía que era moi traballadora, xa traballaramos xuntas e levabámonos ben e fun sobre seguro. Pero, cando tiven que cubrir a baixa de María tamén busquei unha muller, entendémonos ben.

🔹 Crees que os homes, polo simple feito de ser home a día de hoxe o teñen máis fácil (refírome á igualdade salarial, aos postos de relevancia ou os ascensos dentro dunha empresa) ou logramos a igualdade neste sector? – A todo si, definitivamente si, menos para a conciliación familiar que o teñen igual de difícil, pero para o demais téñeno máis fácil.

🔹 Conciliación familiar e laboral, como levas este tema? – Pois pagándolle a unha empregada (sorrí)

🔹 Tarefas compartidas no fogar, ou, a maior parte do peso recae sobre ti?- Agora vivo sola co pequeno e daquela tócame todo a min, el nalgunha cousiña vai axudando, pero … (a modo de broma comentamos que son tarefas compartidas “eu fago e el desfai”).Cando vivía en parella recaia todo sobre min tamén.

🔹 E xa para rematar, como anécdota, recordas o primeiro cliente que tiveches? Continúa séndoo? – O primer cliente non o lembro, pero si dos primeiros abonados ao periódico e algúns continúan vindo a diario.

🔹 Sopesando pos e os contras, volverías a arriscarte a emprender pola túa conta ou irías ao “seguro” e traballarías por conta allea?- Iría traballar por conta allea ou opositaría, non volvería a emprender nunca. Isto ten cousas moi bonitas pero, se volvera atrás non me complicaría tanto a vida.

8Mar 2023

O Cat acollerá a presentación do proxecto dos novos traballos arqueolóxicos

O vindeiro 18 de marzo, ás 18.00 hora, o salón de actos do CAT (antigo Centro Comarcal) acollerá a presentación do proxecto dos novos traballos arqueolóxicos na Croa do Castro. No evento intervirá Antón Fernandez Malde, director científico da colección do Castro das Travesas e o alcalde de Malpica, Eduardo Parga. Unha actividade organizada pola concellería de Patrimonio do Concello de Malpica.

1Mar 2023

Gran asistencia á conferencia sobre a importancia da actividade físca nos nosos maiores e nos enfermos de cancro, no Salón de Actos da Confradía de Malpica

A fisioterapeuta Inés López Simón e María Bardanca profundizaron na importancia do deporte nas persoas que padecen cancro e persoas maiores

Unhas 70 persoas acudiron á conferencia sobre a importancia da actividade física nos nos maiores e nos enfermos de cancro celebrado hoxe na Confradía de Malpica.
A concelleira de deportes, Noelia Freijerio, abriu o acto explicando, “a actividade de hoxe está directamente relacionada co programa anual “Malpica Actívate”. Sempre crin que o Concello ten que ir da man das asociacións locais para que as cousas saian ben.
Por iso quero darlle as grazas á Confraría, ao Fogar dos Pensionistas, ás Amas de Casa de Malpica e sobre todo á Asociación Española Contra o Cancro, por acoller esta iniciativa que lle fixemos desde o Concello con moita ilusión. Tamén quero agradecer á Inés López, por prestase a axudarnos a levar a cabo a actividade, e por suposto, a nosa María Bardanca, técnica de deportes, por ser unha gran
profesional.”
Inés López, fisioterapeuta especializada en exercicio terapéutico oncolóxico, explicou os tipos e cancro, e cales son os deportes ou actividades físicas máis recomendadas en
cada caso. A importancia que ten manterse activo e evitar o sedentarismo. María Bardanca, pola súa banda, licenciada en ciencias e actividade física e o deporte, explicou as actividades que se poden realizar en instalacións do Concello e tamén recalcou a importancia de facer sempre exercicio en medida das posibilidades de cada un.
O alcalde, Eduardo Parga, agradeceu a asistencia a todas as persoas e entregoulle un agasallo da olería de buño ás poñentes.

21Feb 2023

“Un paseo pola olería de Buño”

É unha experiencia que poderás gozar de forma individual ou en familia, permitirá os/as asistentes coñecer e gozar da nosa cerámica de primeira man.A actividade será levada a cabo os días: 31 de Marzo, 1 de Abril e 2 de AbrilOs horarios serán: Mañás de: 11:00 a 13:30 Tardes de: 16:30 a 19:00Constará de dúas partes:1. Visita guiada polo museo da olaría de Buño, onde poderán coñecer como foron os inicios, desde as pezas feitas polos antigos mestres artesáns, ata as súas utilidades, tipo de decoración e materiais e ferramentas utilizadas para a súa elaboración. Nesta visita tamén poderán ver pezas actuais e as diferentes decoracións e materiais utilizados na actualidade.2. A actividade continuará cunha xornada de portas abertas no taller que alberga a Casa do Oleiro de Buño, onde poderán gozar dunha experiencia ao torno, elaboración dunha pezas mediante moldes ou ferros e a decoración da mesma, esta actividade será guiada en todo momento por monitores/as da Asociación Oleira de Buño. – Os/as participantes poderán escoller unha das pezas elaboradas por eles/as mesmos/as durante a devandita xornada para ser cocida no forno do taller, transcorrido o tempo necesario, ditas pezas poderán ser recollidas en Buño nos diferentes puntos a elixir polo seu dono, ou na súa falta se a distancia entre o/a participante e Buño é superior a de 60km, dita peza sería enviada á dirección proporcionada polo/a participante a condición de que sexa dentro do ámbito nacional.* Para poder formar parte de “Un paseo pola olería de Buño” hai que mandar un correo oleriadebunoasociacion@gmail.com cos seguintes datos:

– Nome e Apelidos

– D.N.I.

– Dirección

– Teléfono de contacto

https://www.diasdelaartesania.es/actividad/un-paseo-por-la-oleria-de-buno?fbclid=IwAR2LU-Y4GET_ts-d8wufpbQXS-FCc0FoPX2b5V43R0PPZLNJezrDikoMl8s
19Feb 2023

Malpica vibrou ao ritmo do entroido

Unha ampla comitiva desfilou polas rúas de Malpica ao son da Charanga NBA

As rúas de Malpica protagonizaron un fermoso entroido que contaxiaba ledicia e divertimento cuns entroideiros e entroideiras que amosaban os seus mellores disfraces durante o desfile amenizado  pola Charanga NBA.

Despois do desfile tocou a quenda das piñatas onde os máis pequenos gozaron competindo por ser os mellores.

Estes foron os gañadores dos  premios en vales para mercar nos establecementos do Concello de Malpica:

1° premio 200,00 €  Os flamenquiños

2° premio 100,00 €  Chupipandi

3° premio 50,00 €    Parella de Unicornios

Todas/as as/os participantes de ata 12 anos recibiron un agasallo por participar.

Os gañadores do concurso de piñatas con premios  en vales para mercar nos establecementos do Concello de Malpica foros os seguintes:

1° premio 100,00 € para “Faro Nariga” da AC Malante

2° premio 50,00 € para “Velúa” do Club Patín Velúa

O premio infantil foi para o grupo “Somos Pescas e Chonis”

A vindeira cita será mañá luns 20 de febreiro, coa festa infantil con inchables dene as 17.00 ás 20.00 horas no pavillón polideportivo do CEIP Joaquín Rodríguez Otero coa colaboración da ANPA Xaviña do centro escolar.

5Feb 2023

Malpica converterase na capital do entroido con dez días de actividades


Dende o 11 de febreiro ata o 26 de febreiro haberá desfiles, festas infantiles, e varios entrerros


O Concello de Malpica presentou o cartel coa programación de “Entroido
Malpica 2023”. Malpica afronta 10 días cheos de actividades en colaboración coas diversas
asociación do Concello de Malpica farán as delicias de todos. Sen dúbida,
Malpica xa é a capital do entroido por referencia na comarca.

Desglose do programa:
O Concello de Malpica presenta o cartel do Entroido 2023 con actividades
para todas as idades.
Toma boa nota e non te perdas nada:
11 FEBREIRO
En Malpica- Representación do espectáculo CUBO da compañía Elefante
Elegante, ás 20.30, no Auditorio do Centro Cívico
Xénero: Infantil | Público recomendado familiar a partir de 5 anos |
Duración: 45 minutos
16 FEBREIRO | Xoves de entroido
En Malpica Representación do espectáculo Entroidanzas da compañía
Pesdelán.
Espectáculo para alumnado do CEIP Milladoiro, ás 12.00, no Auditorio do
Centro Cívico.
Organizo: CEIP Milladoiro
17 FEBREIRO | Venres de entroido
En Malpica – Pasarruas do CEIP Milladoiro, a partir das 11.00 Organiza:
CEIP Milladoiro
En Buño – Pasarrúas do CEIP Joaquín Rodríguez Otero, a partir das 11.00
Organiza CEIP JRO BUÑO

•Concurso de disfraces sobre rodas con animación infantil e merenda, das
18.00 as 20.30, no Pavillón Polideportivo de Malpica. Desfile ás 19.00
•Obrigado participar sobre rodas (calquera tipo de rodas)
• Poderase participar en grupo ou individualmente
• Premios para os mellores disfraces individuais e colectivos
información e inscricións: no whatssap 630 367 783
Organiza: Club Patín Velúa e Concello de Malpica de Bergantiños.
18 FEBREIRO | Sábado de entroido
En Cerqueda Festa infantil, das 11.00 as 13.30, no Centro Sociocultural das
Pozacas.
Organiza: AC Raigañas
En Malpica a partir das 13.00 horas, sesión vermú con Judith Cundíns,
cocido de entroido e percorrido musical con DJ Roy e DJ Grobas.
Organiza: AC Malante e ACD Mallas de Area
 19 FEBREIRO | Domingo de entroido
En Malpica actuación da Charanga NBA polas rúas da vila, a partir das
17.00 horas desfile de disfraces infantil que percorrerá a vila saíndo do
Centro Cívico de Malpica ás 17.00 e rematando na rúa Eduardo Vila Fano.
Organiza: AC Malante
(en caso de choiva trasladarase ao Pavillón Polideportivo de Malpica)
• Encontro de comparsas e disfraces de entroido polas principais rúas da
vila de Malpica a partir das 17.30horas.
Premios para as mellores comparsas.
Entrega de premios a partir das 19.00 horas na rúa Eduardo Vila Fano.
(en caso de choiva trasladarase ao pavillón Polideportivo Municipal)
Categorías:
Xeral (a partir de 13 anos)
“Premios en vales paro mercar nos establecementos do Concello de
Malpica.
1° premio 200,00 €
2° premio 100,00 €
3° premio 50,00 €
Infantil (de 0 a 12 anos)
Todas/as as/os participantes recibirán un agasallo e haberá un premio para
o disfrace gañador.
Concurso de piñatas do entroido, na rúa Eduardo Vila Fano,
a partir das 17.30. Entrega de premios ás 19.00 (en caso de choiva
trasladarase ó Pavillón Polideportivo Municipal)
Colaboran AC Malante e Club Patín Velúa
Premios en vales para mercar nos establecementos do Concello de Malpica:
1° premio 100,00 €
2° premio 50,00 €
20 – 21 – 22 FEBREIRO

En Seaia Xornadas de Entroido, das 9.00 ás 14.00, na Casa da Cultura de
Seaia.
Para rapazada a partir de 4 anos. Inscricións: 657 919 272.
Prezo: Socias/os 30,00€ | Non socias/os 40,00€
Organiza ACD Carcaxía
20 FEBREIRO | Luns de entroido
En Buño Festa de disfraces infantil con inchables e merenda das 17.00 ás
20.00 no pavillón polideportivo do CEIP Joaquín Rodríguez Otero.
Colabora: ANPA Xaviña do CEIP Joaquín Rodríguez Otero.
21 FEBREIRO | Martes de entroido
En Malpica festa de disfraces infantil con inchables (rapazas/ces ata 14
anos), no Pavillón Polideportivo de Malpica das 17.00 ás 20.00
Colabora: ANPA Ventorrillo
25 FEBREIRO | Sábado de piñata
En Buño Sesión vermú da Mikaela no campo da Festa das 13.00 ás 15.00
horas.
Ás 16.00 saída da Mikaela de Canta la Rana percorrendo todos os bares e
tabernas de Buño.
A partir das 18.00, Misa Cantada por Lito da Panorama, no cruce de
Xornes. Paradas na igrexa de Buño, no Empalme e remate no Campo da
Festa coa queima da Mikaela e verbena con La Cuarentena e DJ’s.
Organiza: Asociación de Amijos da Mikaela
26 FEBREIRO | Domingo de piñata
En Cerqueda Percorrido dos Madamitos e Ghuardineros pola parroquia de
Cerqueda, a partir das 15.30 horas.
Organiza: AC Raigañas
En Vilanova Festa de disfraces infantil e degustación de doces do Entroido,
a partir das 16.30, no Centro Sociocultural de Beo.
Colabora: AVCS O Brizo
En Malpica Actuación da Charanga DGT polas rúas de Seaia e Malpica a
partir das 16.30horas Enterro do Faustino, que sairá do Centro Cívico ás
17.30 horas para percorrer as rúas da vila ata o porto.
Organiza: Redeiras Mar da illa
En Seaia Enterro do Farruco, que sairá do Restaurante O Esqueiro a partir
das 16.30 para percorrer os rúas da vila.
Organiza ACD San Xulián

Página 11 de 149« Primera...910111213...203040...Última »