Galego
Castellano
O alcalde de Malpica, Eduardo Parga, asistiu esta tarde, á inauguración do supermercado Eroski grupo Vegalsa, en Cerqueda.
As irmás Irene e Sonia Ordoñez, con esta nova aposta, toman o relevo xeracional dun supermercado que levaba 34 anos funcionado da man dos seus pais Carmen e Basilio. No evento tamén estivo presente Pedro Súarez, Director de Expansión e Franciquia de Vegalsa – Eroski City, e o párroco, Don Manuel García Souto, que foi o encargado de bendicir o novo establecemento. O rexedor deulle os parabéns á familia Ordóñez por emprender esta iniciativa e con ela seguir contribuíndo a crear emprego e dar servizo aos veciños/as de Malpica. Na súa intervención Parga engadiu que «sempre é grato participar neste tipo de eventos que axuda a impulsar a economía da nosa vila. Espero que a creación deste supermercado sexa do agrado dos veciños/as e desexo que as irmás Ordoñez teñan o éxito que merecen para poder perdurar no tempo».
Para máis información ou para reservar praza poden acudir ao Departamento de Deportes de Malpica ou chamar ao 981 72 00 01 en horario de 09.00h a 14.00h a partir do 18 de setembro.
