|
|||||||||||||||||||||||||||||||||||||||||||||||||||
A biblioteca municipal, Eduardo Blanco Amor de Malpica, acollerá o vindeiro luns, 27 de novembro ás 18:15 horas, un encontro co escritor malpicán Héctor Pose.
A Concellería de Cultura de Malpica e a Biblioteca Manuel María do IES Urbano Lugrís organizan esta actividade.
A compañía Fantoches Baj da man dos/as intérpretes Larraitz Urruzola, Luchi Iglesias e Inacio Vilariño, fixo as delicias de todos/as os/as asistentes que gozaron da obra adaptada ‘Pedro e o Lobo’.
Larraitz Urruzola, Luchi Iglesias e Inacio Vilariño cativaron a un público nesta experiencia teatral única, enchendo o aforo.
Próxima cita
A programación continuará a vindeira semana o venres, no espazo e horario habituais
(Centro Cívico, 20.30 horas), con “Ninja”, de Ghazafelhos. A obra ten unha duración de 50 minutos e está dirixida a un público maior de 5 anos. A entrada é de balde.
Sinopse da obra:
A Tori encántalle a cultura oriental, o karate, o Kung fu, o jiu-jitsu. O seu soño é ser unha Ninja. Tori descobre que no seu colexio hai moitas nenas e nenos que queren ser invisíbeis. Coa axuda do seu veciño o señor Edelmiro, Tori conseguirá que os nenos e as nenas se fagan visibles e cambiar así as tornas na escola. Ninja é unha obra que aborda o acoso nas escolas a través dunha historia divertida e chea de reflexións sobre a tolerancia, o respecto e a diversidade.
As persoas que desexen máis información poden dirixirse ao Departamento de Educación e Cultura en horario de 9:30h a 14:00h ou chamar ao 981 707 104.
O conselleiro de Sanidade, Julio García Comesaña, e o alcalde de Malpica de Bergantiños, Eduardo Parga Veiga, asinaron hoxe o convenio que posibilitará obter o terreo para a construción do futuro centro de saúde. Tal e como remarcou o titular da carteira sanitaria, a nova infraestrutura sanitaria, emprazada na parcela que expropiará o concello, contará cunha superfcie de1.000 m2. No acto de sinatura estiveron presentes, así mesmo, o delegado territorial da Xunta, Gonzalo Trenor; o xerente da área sanitaria, Luis Verde e membros do goberno de Malpica. O responsable da sanidade pública galega detallou que o novo centro terá catro consultas de medicina xeral e tres de enfermería para adultos; unha consulta de pediatría e unha de enfermería pediátrica; unha sala de toma de mostras e unha polivalente; e unha sala de urxencias.
Tamén terá sala de docencia e un despacho de coordinación.Comesaña remarcou que o futuro centro duplicará a superfcie do actual, o que suporá que as consultas de adultos serán tres máis que no de agora, e engádese a de enfermería pediátrica, ademais de espazos propios para as salas de extraccións e urxencias, que agora sitúanse en espazos compartidos.O alcalde de Malpica, Eduardo Parga, agradeceu a firma do convenio fundamental para poñer a disposición do Sergas os terreos. Esta firma non só marcará o inicio formal do proceso de expropiación, se non que tamén servirá como fundamento legal para xustificar dito procedemento.Ademais, agradeceu que se tome en consideración a solicitude presentada polo alcalde da necesidade da creación dun novo centro de saúde para que os veciños/as de Malpica conten con melloras en instalacións e servizos Outras mellorasO conselleiro puxo en valor que esta nova infraestrutura non é o único avance para este concello, xa que Malpica conta dende o ano pasado cunha nova doutora con praza fxa, froito da convocatoria de prazas de difícil cobertura que o Sergas realizou mediante un concurso de méritos, sendo Galicia a primeira comunidade que ofrece prazas en propiedade sen oposición, co obxectivo de incentivar a súa cobertura en atención primaria.
Unha vintena de persoas asistiron a entrega dos premios do XVIII Certame de Poesía Erótica Illas Sisargas que se celebrou onte na Casa do Pescador de Malpica. Nun acto cargado de emoción, Emma Abella inaugurou o evento, destacando a importancia deste certame que alcanza, este ano, a maioría de idade. Rememorou so seus inicios xunto ao seu esposo Paco Souto e Paco de Tano, así como outros colaboradores presentes no evento. Abella subliñou o seu orgullo pola calidade excepcional das obras publicadas ao longo de todas as edicións. O alcalde de Malpica, Eduardo Parga, agradeceu a labor do xurado deste ano e tivo palabras de agarimo para un membro do xurado que por causas da enfermidade dun familiar non puido asistir. Parga felicitou á gañadora, Clara Vida, e agradeceu o traballo da Asociación Caldeirón comprometéndose a seguir apoiando o certame.
A obra gañadora foi “Masaxe con argán mal pronunciada”, de Clara Vidal, elixida por unanimidade polo xurado conformado por Dª Diana Rey Martínez (Diana Kurich), gañadora da XVII edición Dª Teresa Ríos, en representación do Concello de Malpica, Dª Mª Olga Rodríguez Díaz, en representación da Editorial Caldeirón que, ademais, actuou como secretaria, entre as 21 obras presentadas.
Olga Rodríguez, representante do xurado, explicou que “o xurado valora a obra no seu conxunto como un poemario de ausencia doce, onírico e altamente sensual, no que os versos frescos e curtos son dunha contundencia inequívoca”.
Emma Abella tivo a honra de entregar o premio á gañadora deste ano, mentres que o alcalde de Malpica, Eduardo Parga, agasallou cun obsequio aos membros do xurado. Ambas pezas de barro foron elaboradas pola olería de Buño.
Clara Vidal explicou que xa se presentara varias veces a este certame e expresou o seu agradecemento tanto ao xurado coma a todas as persoas que o apoian. Rematou a súa intervención lendo un fragmento da súa obra.
O Auditorio do Centro Cívico de Malpica disfrutou coa brillante representación da obra familiar “Ás Para Alex”, durante a XIX Mostra de Teatro. Os actores Iria Piñeiro e Xosé Esperante cativaron á audiencia cunha interpretación poderosa, mergullando a todos nunha historia conmovedora de superación e esperanza.
O teatro volverá o vindeiro venres, 17 de novembro, da man da compañía Fantoches Baj, quen nos sorprenderá coa obra “Pedro e ou lobo”. A función dará inicio ás 20:30 horas no centro cívico de Malpica.
Se desexas máis información sobre esta nova obra da Mostra de Teatro, non dubides en contactar ao Departamento de Educación e Cultura en horario de 9:30 a 14:00, ou chama ao 981 707 104.
Prepárate para vivir unha nova xornada teatral inesquecible en Malpica!
O Concello de Malpica foi incluído no programa Campaña de neve 2024 da Deputación da Coruña que transcorrerá dende o 26 de xaneiro ao 29 do mesmo mes. Serán catro intensos días na estación invernal de Valgrande-Pajares, pois ademais dos cursos de esquí, levaranse a cabo actividades complementarias ou alternativas no caso de que non se poida esquiar.
A actividade está dirixida a participantes de 12 a 15 anos inclusive, cumpridos a 31 de decembro do 2023. Terán preferencia os/as nenos/as que nunca asistiran e as prazas adxudicaranse por sorteo público. Para poder optar ás prazas , os interesados deben estar empadroados no Concello de Malpica, onde deben anotarse presentando a ficha no Departamento de Deportes do Concello de Malpica.
Para a formalización da inscrición, debes entregar
no Concello:
O Concello de Malpica convértese esta sábado na capital do Lognboard. A praia de Area maior acolle 3ª Proba do Circuito Nacional ( FES), Campionato Galego de LONGBOARD E SUP WAVE (FGS) o vinderio sábado 11 de novembro. O evento está organizado polo Concello de Malpica, FESURFING e a Xunta de Galicia con One Surf Academy.
Nesta ligazón dispos de toda a información da proba.
A biblioteca municipal, Eduardo Blanco Amor de Malpica, acolle o vindeiro luns, 13 de novembro ás 18:15 horas, a presentación do libro “O que me quedaba por decirche” do autor Alberto Mancebo.
A Concellería de Cultura de Malpica e a Biblioteca Manuel María do IES Urbano Lugrís organizan esta actividade.
Dende o consistorio inviamos a todas as persoas a participar neste encontro literario.
Sinopse: A vida de Xoán transcorre nunha especie de entresoño que o obriga a manter unha relación dificultosa e estraña co mundo que o rodea. A súa inusitada beleza, na que todos reparan, e as experiencias que percibe cando adormece, convérteno nun mozo tan peculiar coma a súa familia. Ao pouco de coñecer a Paula, decidida, madura e cunha marcada historia, Xoán descobre unha calma que pouco lle vai durar. Ao mesmo tempo, coa axuda da súa irmá procurará unha peza enquistada do pasado da que aínda quedaban asuntos por resolver. En «O que me quedaba por dicirche» Alberto Mancebo tece con axilidade e sutileza unha historia familiar, íntima e sentimental baseada nas intensas emocións dun estraño protagonista co que calquera persoa se podería identificar.
No evento darase a coñecer o gañador ou gañadora do XVIII Certame de Poesía Erótica Illas Sisargas
Este sábado 11 de novembro terá lugar na Casa do Pescador, en Malpica de Bergantiños, a Cea das Letras 2023. O evento comezará ás 21:00h e nel darase a coñecer o gañador ou gañadora do XVIII Certame de Poesía Erótica Illas Sisargas. Para poder asistir é necesario inscribirse chamando ao 649 507 285 ou ao 981 707 104.
Estamos emocionados de anunciar o noso programa de compostaxe doméstica para promover un entorno mais saudable no noso concello. Queremos invitar a todos os veciños e veciñas a unirse a esta iniciativa.
En que consiste? Imos entregar un total de 50 composteiros ás persoas interesadas. Con isto, poderedes reciclar os residuos orgánicos dunha forma ecolóxica e contribuír a preservación do noso entorno.
Se queres ser parte de este proxecto e recibir o teu composteiro,a partir de hoxe xa podes pasarte polo concello para solicitar o formulario ou descargalo dende a paxina web do concello e devolvelo debidamente cuberto nas nosas oficinas ou no seguinte enderezo correo@malpicadebergantinos.com.
Dado que o número de participantes e limitado, as prazas asígnase por orde de inscrición, quedando o resto dos interesado/as anotado/as para unha seguinte fase do programa
Este programa leva aparellada unha xornada de formación de aproximadamente 1 hora. Ó remate da mesma farase entrega dos composteiros e de un manual didáctico
Únete a nosa iniciativa , xuntos podemos marcar a diferencia no noso entorno.
¡Coidemos do noso concello e fagamos de Malpica un lugar mais verde e limpo!
Galego
Castellano
