A actuación, que conta cun orzamento de 43.000 euros, permitirá reformar as dependencias situadas na planta baixa da casa consistorial.
Habilitaranse dúas oficinas, sala de agarda, vestiarios e dous baños.
“O contrato desta obra estaba asinado por min desde o 29 de marzo de 2019 e logramos facer realidade as demandas da Garda Civil”, explica Eduardo Parga.
Hoxe, xoves 15 de setembro, o Concello de Malpica iniciou as obras de reforma das instalacións da planta baixa da casa consistorial, unha actuación que conta cun orzamento de 42.935,98 euros e que permitirá ampliar e mellorar as dependencias da Garda Civil.
O proxecto, que responde a unha necesidade de espazo dos axentes da Guardia Civil, permitirá habilitar, neste novo espazo acondicionado, dúas oficinas, unha sala de agarda, vestiarios masculino e feminino e dous baños independentes.
O alcalde de Malpica, Eduardo Parga, explica que “o contrato desta obra xa estaba asinado por min desde o 29 de marzo de 2019”. “Hoxe facemos realidade as demandas da Garda Civil”, afirma.
As clases de zumba, ioga, pilates e ximnasia terapéutica impartiranse tanto en Malpica coma en Buño.
Este curso 2022/2023 haberá actividades para todas as idades en Malpica. Cada unha das opcións ten un custe de 10.85€ por persoa e impartirase en distintas quendas e diferentes ubicacións. Por unha banda, as clases de zumba están enfocadas a persoas maiores de 16 anos e serán en horario de tarde. Haberá dous grupos en Malpica, no Centro Cívico: os luns de 21.00h a 21.55h e os mércores no mesmo horario. En Buño, haberá un único grupo os mércores de 17,45 q 18.40 na Casa do Oleiro. As clases de ximnasia terapéutica están pensadas para maiores de 50 anos e impartiranse os martes e xoves: de 10.30h a 11.15h na casa do Oleiro de Buño e de 11.30h a 12.15h no Pavillón Polideportivo de Malpica. Pilates impartirase os luns de 17.45h a 18.40h na Casa do Oleiro de Buño e, no Centro Cívico de Malpica hai diferentes quendas: os luns e os mércores de 19.00h a 19.55h ou de 20.00h a 20.55 Por último, as clases de ioga serán os luns no Centro Cívico de Malpica de 11.30h a 12.25h e os mércores na Casa do Oleiro de Buño de 11.30h a 12.25h. Todas as persoas interesadas poden solicitar máis información ou reservar praza no Departamento de Deportes de Malpica ou chamando ao 981 72 00 01 en horario de 09.00h a 14.00h. O número máximo de participantes en cada escola deportiva será determinado polo protocolo específico, ao mesmo tempo que se non se chega ao mínimo establecido terán que ser suspendidas ou substituídas por outras actividades.
Xa está aberto o prazo de inscrición para apuntarse ás Escolas Culturais dispoñibles para este curso.
O Concello de Malpica, a través da Concellería de Cultura a cargo da concelleira Noelia Freijeiro, lanza unha ampla programación de actividades culturais para o curso 2022/2023 que inclúe un total de catro cursos: animación teatral, arte, obradoiro de barro e obradoiro de coiro.
A animación teatral e arte levarase a cabo dende outubro a maio. O obradoiro de barro desenrolarase de outubro a decembro e o obradoiro de coiro de xaneiro a marzo.
As actividades son en horario de tarde e impartiranse tanto en Malpica coma en Buño (agás o obradoiro de barro que só terá lugar en Buño).
Podes solicitar praza no Departamento de Cultura de Malpica ou chamando ao 981 707 104, en horario de 10.00 a 13.00 horas.
Trátase dun proxecto para coñecer mellor as historias sobre os afundimentos que tiveron lugar na Costa da Morte a través do teatro e visitas guiadas pola zona. O evento é gratuíto e será ás 21.30h na Ermita de Santo Hadrián, en Malpica.
O Concello de Malpica viaxou con algúns veciños do pobo ata o municipio toledano de Malpica de Tajo para afianzar os lazos que os unen. Despois de moitos intentos e atrasos motivados por diferentes cuestións, entre elas, a pandemia, levouse a cabo un feito polo que o tenente alcalde, Alfredo Cañizo, leva loitando desde hai anos.Arredor de 2.000 persoas asistiron onte a un acto moi importante no que o alcalde de Malpica de Bergantiños, Eduardo Parga, e o alcalde de Malpica de Tajo, Santiago Huertas, asinaron unha carta na que se comprometeron a favorecer a creación de lazos de amizade entre os dous pobos, a dialogar e intercambiar experiencias, a promover o intercambio entre veciños para desenvolver o sentimento de fraternidade e a promover os valores universais que constitúen a liberdade, a democracia, a igualdade e o Estado de dereito.Eduardo Parga explicaba con ledicia que estaba “cheo de orgullo de ter a oportunidade de coñecer Malpica de Tajo, un pobo ao que xa sentimos como Irmán”, e aseguraba, “os mais de 700 km que separan ambos concellos non son nada comparado con todo aquilo que nos une, o sentimento de pertenza á nosa cultura, terra e forma de ver a vida”. Parga agradeceu a asistencia a todos os que estiveron presentes “nun día histórico”.O alcalde de Malpica de Tajo, Santiago Huertas, iniciaba feliz o seu discurso falando das “dúas Malpicas máis importantes de España”, que onte, 3 de setembro, “afianzaban a súa irmandande para coñecerse e confraternizar”. Huertas agarda que coa sinatura da carta, “se favoreza á creación de lazos de amizade e que os pobos se acheguen máis para crear proxectos de acción e progreso”.O tenente alcalde de Malpica, Alfredo Cañizo, é realmente o que leva moito tempo loitando para que se asinase a irmandade de maneira oficial. O tenente alcalde pronunciou un discurso moi emocionado no que recordou a Jesús Cedena, ex alcalde de Malpica de Tajo, que faleceu recentemente e que segundo conta Cañizo, “foi o primeiro contacto con este pobo”. Cañizo está moi agradecido a un pobo “bonito, acolledor e que ten artesanía de Buño por todas partes porque sempre lle traio algún recordo”.No acto estiveron presentes tamén o alcalde de Bernuy, Rafael Machín, o alcalde de San Martín, o ex alcalde de Malpica de Tajo, Mario Cruz, o tenente alcalde, Alfredo Cañizo, a concelleira de Promoción Económica, Pilar Doldán, o concelleiro de obras, Miguel Fernández, o delegado da Xunta e a vicepresidenta da Deputación de Toledo e outras personalidades.Tralos discursos, houbo un intercambio de bastóns e de bandeiras e asinouse a irmandade. Tamén houbo unha degustación de comida tradicional e unha demostración de baile: por unha banda, o folclore da zona de Toledo, da man de Aires de Ronda, e, por outra banda, amenizaron a xornada os gaiteiros coruñeses da Asociación Donaire.
A V edición da Carreira Pedestre Concello de Malpica celebrada o sábado pola tarde tivo moi boa acollida. 158 persoas déronse cita en Malpica para participar nesta carreira que tamén é solidaria.
Todos os asistentes puideron gozar dun fermoso percorrido cun ambiente espectacular, acompañados polo bo tempo.
Eduardo Parga, alcalde de Malpica, e Noelia Freijeiro, concelleira de Deportes, entregaron un cheque, a Carmen Teresa Blanco, presidenta do Cancro de Malpica, cos fondos recadados da proba.
Aquí vos deixamos os resultados :
Sénior feminino
Carolina Laurentiu Granja
Carlota Pazos Suena
Banesa Atán Rodríguez
Sénior masculino
Amadeo Abal Chaves
Martín Regueira Rellán
Cristian Muiño Varela
Veteranos 40 feminino
Raquel Ramos Suárez
Olga Pose Chouciño
Veteranos 40 masculino
Carlos Eliseo Añón Cean
David Landeira Castro
Marcos Antonio Couto Costa
Veteranos 50 feminino
Lurdes Martínez Mosquera
María Inmaculada Cobo Martínez
Marina Rodríguez Caride
Veteranos 50 masculino
Benigno Pose Novo
Ramón Antonio Varela Míguez
Antonio Barreiro Cordeiro
Dende o Concello de Malpica queremos agradecer a colaboración do técnico de Deportes, Pablo, a todas as entidades colaboradoras, ós voluntarios, a Protección Civil, a Policia Local, ós traballadores do concello e tamén a todos os veciños e veciñas da nosa vila.
Lembrade que todos os que desexen participar no concurso de fotrografía, cas imaxes realizadas durante o evento, poden facelo ata o 16 de setembro.
O evento comezou onte ás 21.00 horas e prolongouse ven entrada a madrugada.
O rocanrol volveu a facer vibrar Malpica na primeira edición do Baleafest da man da Asociación Campal e a concellería de Festexos que dirixe Alfredo Cañizo. A rúa Emilio González encheuse onte de numeroso público ávido de gozar do evento, que non deixou indiferente a ninguén. Os grupos Ambigüo e The Jokers animaron a noite, na que o tempo acompañou. Antes, actuou a asociación local de música tradicional Malante.
Rematou a tempada máis alta do verán pero hai que recordar que a costa ten unhas normas que se deben cumprir para garantizar a seguridade de todos e de todas.
Nas praias balizadas, está prohibido entrar cos barcos nos tramos marcados. E na canle de acceso das #embarcacións, estas deben de ir a unha velocidade máxima de 3 nós. Ademais, nesta zona está prohibido bañarse! Nos areias sen balizar, as naves deben manterse a 200 metros da costa e cunha velocidade máxima de 3 nós. Tamén deben saír entrar ou saír das praias en perpendicular á costa (90°), coa mesma velocidade antes indicada. Noutras zonas de #costa, deben manterse a 50 metros, co mesmo ritmo sinalado. Os 3 nós de máxima seguen sendo obrigatorios en zonas portuarias. Lembra que nos #portos non te podes bañar nin tirarte dende os guindastres.
O centro de Malpica acollerá o 10 de setembro este festival de música
O concelleiro de Turismo e tenente alcalde de Malpica, Alfredo Cañizo e a A.C. Campal presentaron esta mañá, xunto a estatua “Balea”, a primeira edición do BALEAFEST, un festival que nace en Malpica e que se vai celebrar mañá 10 de setembro.
O I BALEAFEST será gratuíto. A Asociación Cultural Malante abrirá a quenda de actuacións, ás 21.00h. Logo, actuarán Ambigüo, ás 22.00h e, finalmente, The Jokers, ás 23.30h.No evento tamén colabora a Confraría de Pescadores de Malpica.
Desde A.C. Campal convidaron a todo o mundo a acudir ó evento e gozar da boa música.
Á veciñanza, que segundo as analíticas realizadas confírmase a ausencia de trihalometanos e o cumprimento dos parámetros establecidos pola Consellería de Sanidade na agua de consumo da Rede Municipal, polo que é apta para o consumo humano na distribución que afecta ao depósito das Papeiras que dá servizo ás zonas seguintes:
Filgueira, Pasacondía, Aldeola, Os Barreiros, O Ceán Fonte dos Bois, Taraio, Piñeiros, Vilarnovo, Seixas, Santiso
Este sitio utiliza cookies para mellorar a experiencia do usuario - Ocultar detalles
• Social media Facebook, Twitter e outras Redes Sociais precisan utilizar cookies para recoñecerte.
• Analytics Os datos recollidos polas cookies de Google Analytics son anónimos e só se usan para valorar a experiencia do usuario no nosa web.
• Anuncios Este sitio pode albergar publicidade propia, de afiliados, ou de redes publicitarias.
• Cookies propias Este sitio utiliza cookies propias para facilitar o acceso e mellorar a navegación e experiencia ao usuario Aviso Legal ACEPTOLeer más
Galego
Castellano
