gl_ES
Tempo Malpica de Bergantiños
Luns 15°
10°
Martes 14°
Mércores 14°
10°
tiempo.com   +info
  1.  
  2. LUGARES PARA VISITAR
  3. Faro de Punta Nariga

Faro de Punta Nariga

Faro de punta Nariga

Ultimate Responsive Image Slider Plugin Powered By Weblizar

En punta Nariga (Barizo) levántase o faro máis moderno de Galicia, construído en 1995 e deseñado por César Portela. Con 50 metros de altura e 22 millas de alcance lumínico, é todo un referente na integración da arquitectura coa paisaxe natural.

A contorna está chea de maxia neste acantilado golpeado polo mar e con curiosas formacións rochosas (que incluso che recordarán a animais!). A visita é obrigada, tanto en días de sol como de tormenta. Nos primeiros gozarás coa calma do mar e o faro estático; nos segundos, sorprenderate o dinamismo das nubes e os cambios de luz.

A construción do faro recorda á proa dun barco, coroada por unha escultura de bronce denominada Atlante. Esta estatua, obra do artista Manolo Coia, é unha figura con forma entre un humano e unha gaivota a piques de voar. Sen dúbida, unha silueta perfecta para as marabillosas postas de sol de Nariga. Para rematar a visita, podes subir ata a cuberta do faro, que se converte nun perfecto miradoiro ao Atlántico.