Síguenos en
gl_ES
Tempo Malpica de Bergantiños
Xoves 20°
16°
Venres 21°
17°
Sábado 22°
18°
tiempo.com   +info
  1.  
  2. ACTUALIDADE

ACTUALIDADE

16Xuñ 2023

O alcalde de Malpica asinou esta mañá os contratos dos 6 socorristas para Area Maior e Canido

Darán servizo desde mañá 17 de xuño ata setembro

O alcalde de Malpica, Eduardo Parga, vén de asinar os contratos de seis socorristas, que comezarán mañá día 17 de xuño a traballar nas praias de Area Maior e Canido. A contratación realizouse para que o servizo de inicio o 17 de xuño ata o 11 de setembro. Estarán a xornada completa e realizarán función de  prever accidentes ou situacións de emerxencia nas praias indicadas na base primeira, realizando a través, tarefas de vixilancia e información. Rescatar persoas en casos de accidente ou situación de emerxencia. Asistir como primeiro interveniente no caso de accidente ou situación de emerxencia. Velar pola seguridade dos usuarios das praias indicadas do Concello de Malpica de Bergantiños previndo situacións potencialmente perigosas realizando unha vixilancia permanente e eficiente e intervindo de forma eficaz ante un accidente ou situación de emerxencia.

15Xuñ 2023

O Concello de Malpica lanza o “Campamento Concilia 2023”

Nenos e nenas de entre 3 e 12 anos poderán gozar de múltiples actividades coma xogos populares, linguaxe de signos, seguridade vial, xogos deportivos, cine búsqueda do tesouro e moito máis no “Campamento Concilia 2023”. 1 ao 31 de agosto de 09.00 a 14.00 horas, no Centro Cívico de Malpica.

As persoas interesadas poderanse inscribir do 19 de xuño ao 21 de xullo no Departamento de Cultura de 10.30 a 14.00 horas, no Centro Cívico.

O campamento é de balde e as prazas son limitadas tendo sempre preferencia as persoas empadroadas no noso municipio.

Para poder inscribirte recorda que tes que aportar a seguinte documentación:

  • Ficha de inscrición correctamente cuberta.
  • Documento que acredite a tutela da/o menor (fotocopia do libro de familia, sentencia xudicial ou outro).
  • Fotocopia da cartilla da seguridade social da/o participante. Fotocopia do DNI da/o titora/r legal que representa á/ao menor.
  • 1 fotografía tamaño carné da/o participante.

O formulario pódese descargar no seguinte enlace:

15Xuñ 2023

Instancia xeral CACHARELA SAN XOÁN

Dende o Concello de Malpica lembrámoche que se aínda non cumprimentaches a solicitude para realizar a #cacharela de #SanXoán estás a tempo de facelo, o prazo remata o día 23 de xuño ás 13.00 h.
ESTAS SON AS NORMAS PARA A REALIZACIÓN DA CACHARELA “SAN XOAN”:
✅Na zona urbana, o volume de combustible do lume no sobre pasará os 3 mts de perímetros nin o metro ( 1 metro) de altura. No rural non poderá exceder os 6 metros de perímetro nin os 3 metros de altura.
✅A separación entre as cacharelas e os edificios, árbores, vehículos e mobiliario urbán serán como mínimo 12 metros, agás no casco urbano.
✅Pórase especial coidado de non situalas baixo tendidos eléctricos ou telefónicos, así como que nos arredores non exista ningún local no que se almacén de produtos inflamables
✅Queda prohibida a queima de rodas, plásticos, escumas de poliuretano, aceites e, de xeito xeral, calquera substancia que ao arder desprenda fume tóxico.
O material de combustión serán: leña, polas, toro de árbores e madeiras vellas etc.
✅En ningún caso se botarán ao lume recipientes que conteñan líquidos inflamables ou gases a presión ( areosois) aínda que estean baleiros.
✅As persoas interesadas na celebración da cacharela de San Xoán, deberán presentar a correspondentecomunicación no Concello por rexistro de entrada ou Sede Electrónica comunicando a celebración damesma e lugar. Debendo en todo momento vixiar o lume ata que estea totalmente apagado. Para asegurarse de que quede totalmente apagado deberán empapar a cinza con auga.
✅As persoas interesadas en montar unha cacharela deberán coidar os arredores e coñecer o número de Emerxencias (112) e o de incendios (085). Ademais terán preto do lume unha mangueira ou auga suficiente en recipientes para apagar o mesmo en caso de que se extenda co fin de evitar un incendio ou a súa propagación.
✅A presentación da solicitude de comunicación de celebración da caharela non exime das responsabilidade por danos ou perdas que procedan no caso de incendio cando concorra neglixencia, imprudencia ou incumprimentos das normas ditadas.

Podes descargar aquí a instancia

11Xuñ 2023

Malpica vibrou coas actuacións de Tálesien e The Cerne Revival Band no I Concerto Rock

I Concerto Rock Concello de Malpica, no que actuaron Tálesien e The Cerne Revival Band, foi todo un éxito. Con esta nova cita organizada pola  Concellaría de Turismo e Festexos, con Alfredo Cañizo á fronte, séguese a traballar para dinamizar Malpica.

A cita celebrouse este sábado 10 de xuño á noite na Rúa Eduardo Vila Fano, ante un numeroso público que se achegou para gozar das actuación de ambos grupos de gran traxectoria no xénero Rock.

8Xuñ 2023

O Concello de Malpica conmemora o Día Mundial dos Océanos coa presentación da lenda “EL ENCUENTRO. Un cuento de humanos y orcas”

A Concellería de Educación, Cultura, Patrimonio e Deportes de Malpica colaborou na creación dunha lenda educativa escrita para o proxecto “Aprende a través do surfing”, que se presenta hoxe para conmemorar o Día Mundial dos Océanos.

Nesta ligazón podes descargar “EL ENCUENTRO. Un cuento de humanos y orcas”, escrito por David Blanco de Rojas e ilustrado por Catalina Rodríguez Villazón

https://www.msc.org/…/recurso…/primaria/el-encuentro.pdf

29Mai 2023

María Rei Vilas visitará a Biblioteca Municipal de Malpica

Mañá, martes 30 de maio ás 18.00 horas temos un encontro coa escritora María Rei Vilas, gañadora do premio Manuel Barros de narrativa 2020 e premio literario San Clemente Rosalía-Abanca, na Biblioteca Municipal de Malpica.

O evento, englobado dentro da programación “Malpica nun Mar de Letras”, é de entrada libre e invitamos é veciñanza a gozar desta actividade organizada pola Biblioteca Manuel María – IES Urbano Lugrís Anpa Orxeira en colaboración coa Concellería de Cultura da nosa vila

25Mai 2023

O Certame de Poesía Erótica Illas Sisargas alcanza a maioría de idade

O XVIII  Certame de Poesía Erótica Illas Sisargas púxose en marcha coa presentación da cita nun acto que tivo lugar na mañá deste xoves no salón de Plenos do Concello de Malpica. O concurso literario, nacido no ano 2005, xa é unha tradición na convocatoria poética en lingua galega e segue atraendo cada ano un destacado número de participantes.

No acto desta mañá participaron o alcalde de Malpica, Eduardo Parga, a concelleira de Cultura , Noelia Freijeiro, e o presidente da asociación cultural Caldeirón (entidade que convoca o certame), Paco de Tano. 

Eduardo Parga fixo una lembranza de Paco Souto, un dos artífices deste certame e lembrou que comezo cando el era concelleiro de Cultura. “Esperemos que neste novo certame haxa máis interesados e máis participación e o Concello seguirá apoiando mentres se celebre o certame. “.

Pola súa banda, Paco de Tano lembrou, do mesmo xeito que o alcalde, a figura de Paco Souto, falecido en 2017, como un dos impulsores deste premio. “Entre o dous chegamos a facer esta editorial que a única editorial de poesía en toda Galicia. Unha editorial que naceu aquí en Malpica. Somos pequeniños pero ao mesmo tempo somos moi grandes culturalmente.”. Tano finalizou apuntado que “temos un premio único en toda España”.

Bases

BASES 1) Poderán optar ao premio todos os autores e autoras de calquera nacionalidade que presenten un libro de poesía inédito de temática erótica non premiado con anterioridade e escrito en lingua galega, en calquera das súas normativas recoñecidas.

2) Establécese un premio único de 1.500 € (suxeitos ás retencións correspondentes) e a publicación da 1ª edición da obra na colección Illas Sisargas da Editorial Caldeirón. Esta edición constará de 400 exemplares. Os dereitos de autoría desta primeira edición considéranse cubertos pola contía do premio. Porén, entregaranse en compensación á persoa gañadora 15 exemplares da obra. Editorial Caldeirón resérvase o dereito de edición da obra por un prazo de dezaoito meses.

3) Os textos enviaranse por correo electrónico en formato PDF ao enderezo seguinte premio@caldeiron.org Na mensaxe incluiranse dous arquivos, un coa obra e outro coa plica. O arquivo da obra non incluirá ningunha referencia ao autor ou autora. No da plica indicarase o título da obra, o nome completo do autor ou auto‐ ra, documento identificativo, e todos os datos de contacto.

 4) O prazo de admisión de orixinais remata o domingo 17 de setembro de 2023 á medianoite.

5) O xurado estará composto por tres persoas: unha a proposta do Alcalde-Presidente do Concello de Malpica de Bergantiños, outra a proposta da A.C. Caldeirón e o gañador ou gañadora da edición inme‐ diatamente anterior do certame ou, de non ser posible, outra persoa de relevancia no sistema literario. Actuará como Secretario o membro do xurado proposto polo Concello de Malpica ou, no seu defecto, quen de‐ signe a A.C. Caldeirón. O xurado decidirá sobre calquera extremo non contemplado nestas bases e a súa decisión será inapelable.

6) As persoas participantes terán a obriga de comunicar á organización a concesión de calquera premio que obteña a obra presentada, no mo‐ mento en que esta situación se produza, o que dará lugar á súa exclusión do concurso. O xurado actuará en pleno, a ser posible en sesión única, requiríndose a asistencia de dous dos seus membros como mínimo. As deliberacións serán secretas e delas redactarase a acta correspondente. O premio po‐ derá ser declarado deserto ou compartido “ex-aequo” por varias autoras e/ou autores, se o xurado o estima oportuno. A decisión do xurado terá lugar no mes de novembro de 2023 e darase a coñecer no marco da Cea das Letras. A continuación, comunicarase a información aos medios de prensa.

7) Non se manterá correspondencia sobre as obras presentadas.  8) A participación no certame supón a total aceptación destas bases.

3Mai 2023

O Concello de Malpica presenta “Un mar de letras”

Toma boa nota do programa e non te perdas ningunha destas xenias propostas da concellería de Cultura:

🔹Do 12 ao 31 de maio podes visitar a exposición Francisco Fernández del Riego na Biblioteca Municinal Eduardo Blanco Amor

🔹Venres 12 de maio20.00 h Presentación da obra gañadora e do accésit do XVII Certame de Poesia erótica Ilas Sisargas: Feitas ao sisel de Diana Kurich e Corpo Nómade de Teresa Rios Nova no 1° andar da Casa do pescador.

🔹Luns 15 de maio11.00 h Representación da obra Crónicas Clásicas de Condetrespés S.L. para o alumnado do IES Urbano Lugris no Auditorio do Centro Cívico

🔹Martes 16 de maio11.00 h Representación da obra A viaxe Feliz de Ramón San Fiz deFantoches Baj para alumnado do CEIP Joaquin Rodriguez Otero, do CEIP Milladoiro e das Escolas de Mens e Barizo do CRA A Nosa Señora do Faro no Auditorio do Centro Cívico

🔹Mércores 17 de maio17.30h I Ruada Nun Mar de Letras ,Meigallo e Riola da A.C.D. Carcaxía, Feiticeiras da A.C. Malante, Grupo de música da A.C. Raigañas Pan Sen Fron no Recinto da Casa do Oleiro

🔹Sábado 20 de maio18.00 horas Presentación do libro A urna das cartas de Héctor PoseSalón de actos da Confraria de Pescadores de Malpica

🔹Mércores 24 de maio12.00 h Presentación das Bases e convocatoria do XVIII Certame de Poesia erótica “Illas Sisargas” – Salón de plenos da Casa do Concello

🔹Martes 30 de maio 18h.00 haberá un encontro coa escritora María Rei Vilas na Biblioteca Municipal Eduardo Blanco AmorVer insights y anunciosPromocionar publicaciónMe gustaComentarCompartir

Página 13 de 153« Primera...1112131415...203040...Última »