Síguenos en
gl_ES
Tempo Malpica de Bergantiños
Xoves 12°
Venres 13°
Sábado 12°
tiempo.com   +info
  1.  
  2. ACTUALIDADE
  3. Novas

Novas

2Xul 2020

Malpica inicia os traballos de tala en Croa do Castro, paso previo para a escavación no xacemento

Como explica o alcalde, Walter Pardo, “estas intervencións supoñen seguir avanzando no plan de conservación, preservación e posta en valor do patrimonio pétreo e natural do noso municipio”.

O Concello de Malpica iniciou hoxe, xoves 2 de xullo, os traballos para talar os eucaliptos no xacemento Croa do Castro. Estes labores preséntanse como o paso previo aos labores de escavación que se acometerán neste lugar. Segundo as previsións do goberno local, estas actuacións rematarán mañá.

Como explica o alcalde do Concello de Malpica, Walter Pardo, “estas intervencións no xacemento supoñen seguir avanzando no plan de conservación, preservación e posta en valor do noso patrimonio pétreo e natural”. 

1Xul 2020

O concello organiza unha actividade de Zumba na praia de Area Maior

O próximo xoves, 2 de xullo, de 12:00 a 13:00h terá lugar a actividade de Zumba na praia de Area Maior. Esta actividade é para todas as idades e repetirase ao longo de todos os martes e xoves dos meses de xullo e agosto.

Ademáis na sede da escola One Surf Academy (Rúa Campo nº 33 ) continúa “O Verán no Mar”, unha iniciativa que ten como fin promover a conciliación das familias do municipio na época estival. Entre as súas actividades destacan o surf, o kaiak e o paddle-surf.

30Xuñ 2020

O Concello de Malpica impulsa as tarefas para a execución da mellora da avenida Canido e da rúa Boa Vista

O Concello de Malpica impulsa a mellora da avenida Canido e da rúa Boa Vista, executando así unha serie de traballos cun valor aproximado de 39.735,92 euros. 

Imaxe da avenida Canido

Estes consistirán na aplicación dunha capa de rodadura e instalación de sinalización horizontal, que servirá para mellorar a seguridade viaria de peóns e condutores. Observáronse numerosos baches, así como o cuarteamento na pavimentación. Estas anomalías deben ser subsanadas para o correcto mantemento da mesma. 

Nas tarefas previas, limparanse as cunetas nos espazos de tránsito, realizarase o bacheo pertinente e incrementaranse a profundidade das arquetas, tapas, sumidoiros e outros elementos das redes no pavimento. O prazo de execución das mesmas serán de dous meses desde o seu comezo.

O alcalde, Walter Pardo, sinala que ‘executamos gradualmente proxectos que non puidemos arrincar debido ao estado de alarma, pero que son moi necesarios. Nas vindeiras semanas tamén poñeremos en marcha varias limpezas e desbroces moi importantes para moitos núcleos rurais’, anunciou o rexedor. 

26Xuñ 2020

O Concello de Malpica retoma a actividade do mercado ao aire libre dos sábados coa mirada posta na seguridade da veciñanza

O Concello de Malpica retomará mañá, sábado 27 de xuño, a actividade do mercado ao aire libre dos sábados coa mirada posta na seguridade da veciñanza. O alcalde, Walter Pardo, comentou a este respecto que “volverá a actividade da praza, pero coas medidas hixiénicas e sanitarias pertinentes”.

Antes da pandemia provocada pola COVID-19, esta era unha actividade á que acudían moitas veciñas e veciños de Malpica, e unha das que se tivo que suspender debido ao estado de alarma. Unha vez decretado o levantamento do mesmo, o Concello decide retomar e dinamizar o mercado, ao aire libre, para o que se contará con hidroxel á disposición da veciñanza, será obligatorio o uso de máscara sanitaria e recomendable manter o distanciamento social sempre e cando sexa posible.

O alcalde, Walter Pardo, insta á veciñanza a “facer un uso responsable deste espazo, evitando apelotonamentos. Todavía non rematou a incidencia do virus e temos que volver, de xeito gradual, á nosa vida anterior pero sin perderlle o respeto”, amosou o edil.

22Xuñ 2020

O Concello de Malpica senta as bases para impulsar o municipio como destino xeoturístico astronómico

O Concello de Malpica sentou esta mañá as bases para a impulsión do municipio como destino xeoturístico astronómico. Toma base, desta maneira, un proxecto que ten como piar fundamental un estudo técnico realizado polo catedrático de de Física Aplicada da USC, Jorge Mira en 2014.

Esta mañá, no salón de plenos do consistorio malpicán, tivo lugar unha reunión entre o alcalde, Walter Pardo; a concelleira de Cultura, Leticia Varela; o concelleiro de Turismo, Alfredo Cañizo; o propio Jorge Mira e o fotoperiodista Basilio Bello.

Imaxe da reunión que tivo lugar esta mañá no salón de plenos | Concello de Malpica

Punta Nariga e Santo Hadrián, polas súas características xeográficas, converten a ambos puntos nun enclave privilexiado para a observación de fenómenos astronómicos. A súa singularidade reside, entre outros factores, no feito ser un dos escasos lugares en Galicia dende os que se pode ver saír e poñerse o Sol sobre o mar en certas épocas do ano.

A baixa contaminación lumínica, clave

Esta característica antóllase fundamental á hora de realizar as observacións, xa que a Costa da Morte a nivel xeral, e Malpica en particular, presenta un índice baixo. Vencellado a isto, preténdese obter financiación para ‘preservar a calidade de observación dos nosos ceos, algo fundamental no turismo astronómico’, comentan desde o goberno local.

Este será un dos puntos nos que se baseará a estratexia, aínda por definir, e que terá múltiples vértices. ‘A olaría de Buño, a restauración e a hostalería serán puntos fundamentais que estarán presentes neste proxecto, xa que englobará a todo o municipio’, comentan desde o Concello.

Estudarase, tamén, a posible certificación de Malpica como ‘Destino turístico Starlight’.

Desde o goberno local apuntan a esta como ‘unha oportunidade única para poñer en valor o noso territorio. Desde aquí temos que dar as grazas tanto a Jorge Mira como a Basilio Bello pola súa achega, dende hai anos, de estudos e traballo fotográfico para poder darlle unha forma sólida a este proxecto, que hoxe ten a súa saída. Estamos tremendamente ilusionados con esta idea, e agardamos que se leve a cabo’, comentan desde o goberno local. Trátase dunha promesa electoral que o concelleiro de Turismo realizou no seu momento.

Pola súa banda, tanto Jorge Mira como Basilio Bello comentan que ‘Malpica, e concretamente os puntos de Santo Hadrián e Punta Nariga, teñen unha serie de condicións para facer deste lugar un enclave único en materia de astroturismo. Queremos agradecer tamén a total colaboración da administración local nun proxecto do que pronto teredes máis novas’, comentaron ambos.

15Xuñ 2020

O Ximnasio Municipal está dispoñible desde para a cidadanía desde o 15 de xuño

O Ximnasio Municipal de Malpica está dispoñible á cidadanía desde hoxe, luns 15 de xuño. O uso será, exclusivamente, mediante cita previa, con aforo limitado e unha duración de adestramento de 55 minutos como máximo.
Desinfectarase os aparellos despois de cada quenda e colocaranse dispensadores de hidroxel e papel en lugares accesibles aos usuarios e usuarias.
Non se poderán empregar os vestiarios.
As persoas que desexen pedir cita previa poderán facelo chamando ao teléfono 981 72 14 09. Horario de mañás de luns a venres de 10.00 a 13.00 e horario de tardes de luns a venres de 19.00 a 22.00 horas.

10Xuñ 2020

O Ecomuseo do Forno do Forte de Buño aplica varias melloras ás instalacións durante o estado de alarma

O Ecomuseo do Forno do Forte de Buño, no Concello de Malpica, aplicou varias melloras nas instalacións durante o estado de alarma.

Durante o confinamento, a actividade non estivo parada nunha das xoias culturais do Concello e os traballos, financiados pola Deputación Provincial da Coruña, consistiron no arranxo de varios muros exteriores e adecentamento da estrutura do edificio de administración, unha vivenda rehabilitada para tal fin.

Os traballos levaronse a cabo para reparar danos estruturais de base. Así, conséguese un doble obxectivo: consolidar a estrutura de varias das paredes tanto do interior como do exterior, así como unha mellora estética.

O alcalde de Malpica, Walter Pardo, e a concelleira de Olería, Leticia Varela, quixeron agradecer ‘á Deputación todas as facilidades para acadar esas melloras, nun dos emblemas culturais que temos aquí, con pezas históricas e cunha exposición que lembra o modo de vivir dos nosos antepasados’, comentaron.

Pola súa banda, o xerente do Eco Museo, Paco Doval, sinalou que ‘non estivemos parados durante o estado de alarma. Seguimos traballando en melloras e para impulsar novamente as visitas á nosa exposición dunha manera segura’, rematou.

Reactivación das visitas

O Ecomuseo do Forno do Forte retomou a actividade ‘habitual’ de visitas priorizando o sistema de cita previa, e adaptando as instalacións ao contexto sanitario que se está a vivir.

Así, a sinalética amosa en todo momento o aforo máximo permitido en cada sala, e os carteis colocados estratéxicamente ao longo de todo o recinto lembran da obrigatoriedade do emprego da máscara sanitaria, así de como, na medida do posible, se deberá gardar unha distancia mínima de seguridade.

1Xuñ 2020

Contratación laboral temporal a través do PEL da Deputación da Coruña de 10 peóns de medio ambiente, 1 peón albanel e 1 oficial 2ª albanel

Concello de Malpica de Bergantiños publica toda a información relativa aos diferentes procesos selectivos para a ocupación laboral temporal dos seguintes postos:

Esta contratación está financiada a cargo do Plan de Emprego Local PEL– da Deputación Provincial da Coruña.

18Mai 2020

O Concello de Malpica prepara un formulario en liña para solicitar cita previa nas oficinas municipais

O Concello de Malpica habilita un formulario en liña para solicitar cita previa nas oficinas municipais. Desde hoxe, luns 18 de maio, pódese cumplimentar cos datos persoais a través da ligazón que habilitamos ao final deste artigo.

Nun simple cuestionario, débense introducir nome, apelidos, enderezo de correo electrónico, número de teléfono, a preferencia horaria e o departamento de destino. Tamén se pode elixir a modalidade preferente da cita, si é urxente ou non e deixar un comentario explicativo.

O alcalde, Walter Pardo, sinala que “será un procedimento ao que teremos que acostumarnos as vindeiras semanas, porque así o require a situación. Pensamos que a mellor idea para xestionar as citas presenciais é así, aínda que tamén temos habilitada a liña do Concello para toda a xente que non poida, ou non o considere así, solicitar cita a través desta ligazón”, destaca o rexedor malpicán.

 

https://sede.malpicadebergantinos.es/opencms/es/cita/index.html

11Mai 2020

O alcalde de Malpica, na presentación do plan de Reactivación Económica da Costa da Morte

Hoxe presentouse en Vimianzo o plan de Reactivación Económica da Costa da Morte, onde estivo presente Walter Pardo, rexedor mapicán.

Unha folla de ruta que pretende facilitar a toma de decisións das alcaldías dentro das súas competencias e que pretende minimizar os efectos negativos da pandemia, acurtar o prazo de recuperación, consolidar a sustentabilidade social, económica e medioambiental do territorio, reforzar a identidade territorial e colaborar cos diferentes grupos de interese da comarca.

Cada unha das 60 propostas está enmarcada dentro duns eixos estratéxicos específicos (talento, gobernanza, reactivación económica, consumo e comercio de proximidade ou valorización do rural) a través dos que se acadarían obxectivos diferentes.

O obxectivo deste encontro era o de poñer en común o documento para, entre todos, rematar de perfilalo ao engadir, modificar ou desbotar algunha das liñas. “Por dicilo dalgún xeito, é un plan vivo que se presenta como un menú á carta onde agora cada alcalde ou alcaldesa pode escoller as accións que máis lle conveñan polas características do seu territorio e decidir se algunha a aplica de xeito individual no seu Concello e outras as propón de forma conxunta con máis administracións”, explicaron desde o comité de traballo dos ADL.

Participan no mesmo 14 concellos da Costa da Morte, nunha proposta para reactivar economicamente toda a contorna e saír da crise provocada pola covid-19.

“Valoramos moi positivamente este encontro, xa que demostra a coordinación territorial entre os concellos que integramos a Costa da Morte. Agradézolle a todas as alcaldesas e alcaldes a súa vontade, así como aos profesionais que teñen participado na redacción deste plan”, comentou Walter Pardo, alcalde de Malpica.

Página 45 de 148« Primera...102030...4344454647...506070...Última »