Síguenos en
gl_ES
Tempo Malpica de Bergantiños
Luns 16°
Martes 15°
10°
Mércores 16°
10°
tiempo.com   +info
  1.  
  2. Uncategorized

Uncategorized

8Abr 2022

O Concello de Malpica colabora na presentación do libro “As árbores do incesto”, de Paco Souto

O encontró será no “Cornecho de Tano”

O Concello de Malpica, colabora na presentación de “As árvores do incesto”, o libro de poesía asinado por Paco Souto.

O acto literario, organizado pola AC Caldeirón será esta tarde ás 20.30 horas no Cornecho de Tano (rúa Eduardo Pondal, 1).

Paco Souto, poeta, dinamizador cultural, exedil, perdeu a vida mentres traballaba como percebeiro, no 2017. Souto desenvolveu un intenso labor cultural e social. Foi coeditor de Edicións do Dragón e da colección Letras de Cal. Presidente da asociación de mariscadores e da asociación Caldeirón, desde a que promoveu o Premio de Poesía Erótica Illas Sisargas. Tamén, foi o principal responsable da Editorial Caldeirón que publicaba as obras gañadoras no certame.

8Abr 2022

O Concello de Malpica comunica que queda adiada a representación de “Muiñada” no río de Vaa

A actividade será reprogramada para cando as condicións meteorolóxicas o permitan

O Concello de Malpica comunica que a representación prevista para mañá, 9 de abril de “Muiñada”, no río de Vaa, queda adiada por mor das condicións climatolóxicas.

A obra representada pola compañía Galeatro será reprogramada para vindeiras datas, cando o tempo o permita. Trátase dunha recreación destinada a todos os públicos na que o xogo, lendas, tradición e música son o fío condutor para mostrar as raíces.

7Abr 2022

O Concello de Malpica recibe o Autobús do teatro o 22 de abril coa obra “Ás oito da tarde, cando morren as nais”

A actividade organizada polo departamento de Educación, Cultura, Patrimonio e Deportes achega esta arte escénica a toda a poboación

O Concello de Malpica, a través da organización do departamento de Educación, Cultura, Patrimonio e Deportes, recibirá o vindeiro 22 de abril o “Autobús do teatro”.

O público poderá asistir á representación da obra “Ás oito da tarde, cando morren as nais”, baseada no texto de AveLina Pérez, baixo a dirección e dramaturxia de Marta Pazos.

Esta iniciativa, de achegar a arte escénica a toda Galicia, é froito do programa de mobilidade do Centro Dramático Galego, que xa visitou Malpica recentemente coa representación da obra de Albert Camus “A peste”.

As entradas

En total saíran á venda 50 entradas, por 6 euros cada unha. Os interesados en asistir deberán enviar un mail ao enderezo auditoriodemalpica@gmail.com.

O percorrido do Autobús do Teatro será de 18.00 horas a 21.45 horas e terá a saída xunto o Ybarra e na recta do Empalme, en Leiloio.

A obra

Os interesados asistirán a representación dun canto coral sustentado no absoluto baleiro, explotando as posibilidades do xogo escénico desde unha concepción aberta do espazo e cunha ollada irónica sobre a relación entre o teatro e a súa recepción. Aquí, a procura da identidade individual amparada na masa, superficial e ignorante, que presume de coñecementos inútiles, amósase indecente.

5Abr 2022

O Concello de Malpica inicia os cursos de inglés para o persoal relativo á hostalaría

Durante abril, maio e xuño as persoas interesadas recibirán clases de formación os luns e mércores

O Concello de Malpica informa que desde este luns, 4 de abril, xa se están a impartir os cursos de formación de inglés para as persoas que traballan en hostalaría.

Unha nova aposta pola formación xestionada a través da Concellería de Educación, Cultura, Patrimonio e Deportes co que se responde a unha solicitude da Asociación de Hostaleiros de Malpica de Bergantiños.

Os cursos

Os luns e mércores, de 8.30 horas a 20.00 horas, as persoas interesadas reciben as clases de inglés co obxectivo de mellorar as competencias nesta lingua e ao mesmo tempo dotar de máis recursos e calidade os servizos. A formación é tanto para persoas traballadoras como propietarias de establecementos de hostalaría.

O Concello continúa a traballar en iniciativas a través das que dar unha mellor resposta a veciñanza e visitantes, como aqueles que pasan por Malpica con motivo da Ruta dos Faros, entre outras actividades e atraccións da zona.

30Mar 2022

O Concello de Malpica ten aberto ata o 7 de abril o prazo de inscrición para o Campamento Deportivo de Semana Santa

As actividades, gratuítas, serán os días 11, 12 e 13 do vindeiro mes e están destinadas a nenos e nenas de entre 6 e 12 anos

As nenas e nenos de Malpica de entre 6 e 12 anos poden participar no Campamento Deportivo de Semana Santa organizado polo Concello, para os días 11, 12 e 13 de abril.

O Concello lembra que as prazas para esta actividade están limitadas, e que o prazo de inscrición estará aberto ata o vindeiro xoves, 7 de abril.

O Campamento Deportivo será no Pavillón Municipal, entre as 10.00 horas e as 14.00 horas. Ao longo dos tres días os participantes desenvolverán unha ruta de sendeirismo, busca deportiva e deporte con balón, entre outras actividades.

Trátase dunha nova aposta do Concello de Malpica pola veciñanza. Con este campamento facilítase a conciliación en días laborables sen colexio, e ademais os pequenos e pequenas terán a posibilidade de desenvolver actividades que non son tan habituais no seu calendario diario

30Mar 2022

Actualización de datos covid: 37 casos no Concello de Malpica, a 29 de marzo

O consistorio lembra a importancia de respectar a normativa vixente

O Concello de Malpica informa que, segundo os datos facilitados polo Servizo Galego de Saúde, o municipio rexistra 37 casos de covid-19 a 1 de marzo.

O consistorio lembra a todos os veciños e veciñas a importancia de respectar a normativa vixente e manter a prudencia. As persoas que precisen axuda poden contactar coa área de Servizos Sociais do Concello no teléfono 981 720 280, ou con Protección Civil de Malpica a través dos números 661 626 166 e 693 400 673.

22Mar 2022

Detectados 18 casos de covid no Concello de Malpica a 22 de marzo

Os últimos datos mostran un lixeiro incremento con 6 casos máis que o 15 de marzo

O Concello de Malpica informa que, segundo os datos facilitados polo Servizo Galego de Saúde, a martes, 22 de marzo o municipio rexistra 18 casos de covid-19. Unha cifra que mostra un lixeiro incremento respecto da incidencia comunicada o pasado 15 de marzo.

O consistorio lembra a todos os veciños e veciñas, que maila melloría dos datos, é importante respectar a normativa vixente e manter a prudencia para retomar a tendencia descendente dos contaxios.

19Mar 2022

Estudantes dun centro coruñés percorren os puntos máis relevantes do patrimonio xeolóxico do Concello de Malpica

O alumnado do CPR Fogar de Santa Margarita visitou algunhas zonas significativas, ao paso polo Faro de Punta Nariga estiveron co tenente alcalde e a concelleira de Educación

O Concello de Malpica recibiu este fin de semana a un grupo de estudantes de 1º e 2º de Bacharelato de Xeoloxía, do CPR Fogar de Santa Margarida (A Coruña), que visitaron as zonas máis significativas do noso patrimonio xeolóxico.

Preto dunha vintena de alumnas e alumnos xunto con varios titores que foron recibidos polo tenente alcalde, Miguel Fernández e a concelleira de Educación, Cultura, Patrimonio e Deportes, Noelia Feijeiro.

Con esta actividade o centro achega as mozas e mozos o noso patrimonio natural e observar as formación xeolóxicas que se atopan ao longo da ruta dos Faros de Malpica, pasando polo Faro de Punta Nariga e con parada no miradoiro do Faro de San Adrián. Todo isto gozando das vistas ás Illas Sisargas.

Unha iniciativa educativa que achega aos estudantes de outros concellos á materia que tratan nas aulas e que descobren a nosa terra a todos eles.

7Mar 2022

O Concello de Malpica celebra o 8 de marzo reivindicando o papel das mulleres no deporte onde “Xuntas gañamos”

Mañá o Centro Cívico acollerá a lectura do manifesto institucional e María Varela Bardanca dará unha charla sobre a presenza femenina no deporte

O Concello de Malpica celebra mañá o 8M, Día Internacional da Muller, destacando a importancia da presenza femininia no deporte. Ao mesmo tempo, anima a reivindicar o papel das mulleres nesta área onde “Xuntas Gañamos”.

O goberno local convida maña as 11.00 horas a toda a veciñanza a asistir á lectura do manifesto institucional que realizará a concelleira de Servizos Sociais, Marisol Blanco, no Centro Cívico de Malpica. Posteriormente, e no mesmo local, María Varela Bardanca dará unha charla en torno o papel da muller no deporte. Cómpre destacar que foi recoñecida como a mellor xogadora de fútbol sala da nosa terra.

Un encontro con dúas convocatorias, a primeira destinada ao estudantado. E, a segunda, de 12 a 13 horas, estará aberta a toda a veciñanza que desexe asistir.

Experiencia en primeira persoa

Tratáse dunha oportunidade para escoitar, en primera persoa, a experiencia da deportista que comezou a carreira profesional ós 13 anos no Colexio Karbo, e logo militou no Sal Lence. Durante a súa etapa en activo no campo tamén xogou nas seleccións galega e nacional. Ademais, foi responsable do combinado galego absoluto de fútbol sala.

Actualmente é animadora deportiva do Concello de Malpica e entrena o equipo femenino de fútbol sala do Viaxes Amarelle. Unha profesional que traballa por un futuro en igualdade, e que isto tamén se vexa reflexado no deporte feminino.

O Concello de Malpica organiza esta charla para que toda a poboación poida escoitar ás vivenzas de María Varela, de cómo cambiaron as cousas e o que aínda queda por facer para que no deporte. Unha área que, ao igual que acontece con todos os aspectos da vida, non debe estas marcada polo sexo senón polas cualidades e capacidades das persoas.

22Feb 2022

O Concello de Malpica rexistra 36 casos de covid a 22 de febreiro

Son 19 contaxiados menos que a semana pasada

O Concello de Malpica informa que, segundo os datos facilitados polo Servizo Galego de Saúde, o municipio rexistra 36 casos de covid-19 a día de hoxe, 22 de febreiro. Isto supón un descenso de 19 casos respecto ao pasado martes, día 15.

Dende o consistorio pedimos prudencia a todos os veciños e veciñas para que os datos continúen a tendencia descendente xeneralizada.

Página 5 de 10« Primera...34567...10...Última »