Síguenos en
gl_ES
Tempo Malpica de Bergantiños
Venres 17°
14°
Sábado 17°
13°
Domingo 19°
15°
tiempo.com   +info
  1.  
  2. Cultura

Cultura

8Abr 2022

O Concello de Malpica colabora na presentación do libro “As árbores do incesto”, de Paco Souto

O encontró será no “Cornecho de Tano”

O Concello de Malpica, colabora na presentación de “As árvores do incesto”, o libro de poesía asinado por Paco Souto.

O acto literario, organizado pola AC Caldeirón será esta tarde ás 20.30 horas no Cornecho de Tano (rúa Eduardo Pondal, 1).

Paco Souto, poeta, dinamizador cultural, exedil, perdeu a vida mentres traballaba como percebeiro, no 2017. Souto desenvolveu un intenso labor cultural e social. Foi coeditor de Edicións do Dragón e da colección Letras de Cal. Presidente da asociación de mariscadores e da asociación Caldeirón, desde a que promoveu o Premio de Poesía Erótica Illas Sisargas. Tamén, foi o principal responsable da Editorial Caldeirón que publicaba as obras gañadoras no certame.

8Abr 2022

O Concello de Malpica comunica que queda adiada a representación de “Muiñada” no río de Vaa

A actividade será reprogramada para cando as condicións meteorolóxicas o permitan

O Concello de Malpica comunica que a representación prevista para mañá, 9 de abril de “Muiñada”, no río de Vaa, queda adiada por mor das condicións climatolóxicas.

A obra representada pola compañía Galeatro será reprogramada para vindeiras datas, cando o tempo o permita. Trátase dunha recreación destinada a todos os públicos na que o xogo, lendas, tradición e música son o fío condutor para mostrar as raíces.

7Abr 2022

O Concello de Malpica recibe o Autobús do teatro o 22 de abril coa obra “Ás oito da tarde, cando morren as nais”

A actividade organizada polo departamento de Educación, Cultura, Patrimonio e Deportes achega esta arte escénica a toda a poboación

O Concello de Malpica, a través da organización do departamento de Educación, Cultura, Patrimonio e Deportes, recibirá o vindeiro 22 de abril o “Autobús do teatro”.

O público poderá asistir á representación da obra “Ás oito da tarde, cando morren as nais”, baseada no texto de AveLina Pérez, baixo a dirección e dramaturxia de Marta Pazos.

Esta iniciativa, de achegar a arte escénica a toda Galicia, é froito do programa de mobilidade do Centro Dramático Galego, que xa visitou Malpica recentemente coa representación da obra de Albert Camus “A peste”.

As entradas

En total saíran á venda 50 entradas, por 6 euros cada unha. Os interesados en asistir deberán enviar un mail ao enderezo auditoriodemalpica@gmail.com.

O percorrido do Autobús do Teatro será de 18.00 horas a 21.45 horas e terá a saída xunto o Ybarra e na recta do Empalme, en Leiloio.

A obra

Os interesados asistirán a representación dun canto coral sustentado no absoluto baleiro, explotando as posibilidades do xogo escénico desde unha concepción aberta do espazo e cunha ollada irónica sobre a relación entre o teatro e a súa recepción. Aquí, a procura da identidade individual amparada na masa, superficial e ignorante, que presume de coñecementos inútiles, amósase indecente.

2Xul 2020

Bases del XV Certame de Poesía Erótica Illas Sisargas

La Asociación Cultural Caldeirón convoca, en colaboración con el Concello de Malpica, el XV Certame de Poesía Erótica Illas Sisargas.

Se establece un premio único de 1.000 euros y la publicación de la 1ª edición de la obra en la colección Illas Sisargas de la Editorial Caldeirón.

El plazo de admisión de originales finaliza el domingo, 19 de septiembre de 2020 a medianoche. Las personas interesadas en participar podrán enviar sus textos por correo electrónico en formato PDF a la dirección premio@caldeiron.org.

2Xul 2020

Bases do XV Certame de Poesía Erótica Illas Sisargas

A Asociación Cultural Caldeirón convoca, en colaboración co Concello de Malpica, o XV Certame de Poesía Erótica Illas Sisargas.

Establéce un premio único de 1.000 euros e a publicación da 1ª edición da obra na colección Illas Sisargas da Editorial Caldeirón.

O prazo de admisión de orixinais remata o domingo, 19 de setembro de 2020 á medianoite. As persoas interesadas en participar poderán enviar os seus textos por correo electrónico en formato PDF ao enderezo premio@caldeiron.org.

13Mai 2020

O Concello de Malpica de Bergantiños reforza o seu compromiso coa cultura

O apoio á cultura foi, é e sempre será unha prioridade para o Concello de Malpica de Bergantiños. O noso compromiso co sector refórzase nestes días nos que moitas e moitos profesionais están sufrindo os efectos provocados pola crise do coronavirus. Agora, máis que nunca, a concellería de Cultura do Concello estará do lado das xestoras e dos xestores culturais, músicos e músicas, artistas escénicos e do audiovisual, das escritoras e escritores e, en xeral, de todas aquelas persoas que viven, día a día, da cultura.

Nestas últimas semanas, vimos a gran parte do sector ofrecendo contidos de xeito altruísta, co único fin de que as cidadás e cidadáns puideran levar mellor esta difícil situación. E é que, se algo aprendemos deste confinamento, foi a apreciar con máis forza o valor da música en vivo, a maxia que se xera nun escenario, ou a enorme satisfacción de poder sentarse nunha butaca e gozar da última estrea cinematográfica. Aprendemos, en definitiva, o superpoder da cultura, que se converte na nosa mellor aliada nos momentos máis difíciles.

Cremos que este é o momento de devolverlles o favor, e querémolo facer amosando o noso máis firme compromiso con este ámbito. Tal é o noso apoio, que a intención é buscar alternativas que nos permitan pospor a programación cultural de 2020 en lugar de cancelala. Isto redundará, non só no beneficio do propio sector, senón tamén no da veciñanza do noso municipio. Porque entendemos, e o estado de alarma así nolo demostrou, que a cultura segue a ser un piar fundamental na sociedade.

Desde a concellería de Cultura estamos estudando xa as diferentes opcións para ofrecer á cidadanía de Malpica unha programación completa, sempre atendendo ás directrices fixadas polas autoridades sanitarias. Farémolo para que a cultura nunca pare.

7Mai 2020

O Concello de Malpica propón a iniciativa ‘Xanelas abertas’ para finalizar o compendio cultural proposto durante o estado de alarma

O Concello de Malpica propón a iniciativa ‘Xanelas Abertas’ para finalizar o compendio cultural proposto durante o estado de alarma.

A través desta actividade, a veciñanza poderá enviar pinturas e debuxos, que posteriormente conformarán unha exposición en lembranza da crise sanitaria que estamos a vivir.

Con ‘Xanelas abertas’, impulsada desde a concellería de Cultura do Concello de Malpica, buscouse darlle valor a un elemento vertebrador da nosa sociedade: a cultura. Neste tempo de confinamento resulta indispensable manterse activa e que isto sirva para compendiar material a modo de imaxe, debuxo ou texto en lembranza por e para sempre do ocorrido.

A concelleira de Cultura, Leticia Varela, quixo destacar que “trátase da guinda a unha serie de traballos previos non só para manternos ocupadas durante o confinamento, senón tamén para resaltar o valor da cultura e de crear recordos, que nos conforman como sociedade ao fin e ao cabo”, finalizou.

XANELAS ABERTAS

 

Bases Xanelas Abertas Concello Malpica

Ficha inscrición Xanelas Abertas adultos

Ficha inscrición Xanelas Abertas menores

18Nov 2019

O Concello de Malpica organizará diversos obradoiros con motivo da ‘Semana Contra as Violencias’

O Concello de Malpica, coas súa concellerías de Igualdade e Benestar á cabeza, organizará con motivo da Semana Contra as Violencias diversos obradoiros, no Centro Civico malpicán e na Casa da Cultura de Seaia.

O xoves 21 de novembro, de 18:00 ás 19:30 horas no Centro Cívico de Malpica, celebrarase o ‘Obradoiro para a prevención do síndrome de persoas coidadoras’. O martes 26 de novembro, tamén de 18:00 a 19:30 horas e na Casa da Cultura de Seaia, terá lugar o ‘Obradoiro de risoterapia e sororidade para mulleres’.

Todas as persoas que o desexen, poden apuntarse no 981 720 280. Ambas son actividades completamente de balde. A concelleira de Igualdade do Concello de Malpica, Leticia Varela Naya, destaca que “ambas propostas reflicten a nosa implicación non só co benestar social, senón tamén pola integración, e promulgación de valores como o respecto e a igualdade en todos os ámbitos. Agradecemos a PsicoNova a súa implicación en dúas actividades moi importantes para a veciñanza, e para seguir camiñando para acadar a igualdade en todas as facetas do ámbito social”, destacaba Varela.

22Out 2019

A Mostra de Teatro de Malpica celebra o seu 15º aniversario cun ciclo paralelo de espectáculos en locais comerciais e hostaleiros

A Mostra de Teatro de Malpica cumpre 15 anos, e para celebralo, ademais das funcións de sala no auditorio do Centro Cívico, a Concellaría de Cultura organiza un ciclo paralelo de espectáculos en comercios e establecementos hostaleiros da vila. Esta semana arranca o noso particular outono teatral, no que realizaremos un percorrido pola escena galega máis actual e divertida a través de 11 propostas escénicas moi variadas. Son todas estas:

Ciclo de sala

  • 25 de outubro (20.30 horas). Producións Teatrais Excéntricas S.L.
    Mofa & BefaCranios privilexiados … ou crítica da razón perralleira.

Elenco: Josito Porto e Víctor Mosqueira
Duración: 85 minutos
Xénero: Comedia
Público preferente: maiores de 13 anos

  • 1 de novembro (20.30 h). Ainé Producións Acusmaser Opus
    O montacargas (The Dumb Waiter)

Elenco: Santi Romai e Federico Pérez
Dirección: Evaristo Calvo
Duración: 50 minutos
Xénero: Teatro do absurdo
Público preferente: Adulto (en todo caso maiores de 13 anos)

  • 8 de novembro (20.30 horas). Redrum Teatro
    Idiota

Elenco: Machi Salgado e Susana Sampedro
Dirección: Álex Sampayo
Duración: 70 minutos
Xénero: Comedia negra
Público preferente: Adulto (en todo caso maiores de 13 anos)

  • 15 de novembro (20.30 h). Culturactiva Sociedade Cooperativa Galega
    Papar sen cancelas

Elenco: Isabel Risco, Pedro Brandariz e Fran Rei
Dirección: Diego Rey
Duración: 85 minutos
Xénero: Comedia, clown e improvisación
Público preferente: Adulto (en todo caso maiores de 13 anos)

  • 22 de novembro (20.30 h). Malasombra Producións
    Os fabulosos cleaners

Elenco: Josue García e Xoque Carbajal
Dirección: Marcos Orsi
Duración: 55 minutos
Xénero: Espectáculo de pompas de xabón
Público preferente: Todos os públicos, a partir de 4 anos

  • 29 de novembro (20.30 h). Baobab Teatro
    Puño puñete

Elenco: Andrea Bayer e Davide González
Duración: 45 minutos
Xénero: Espectáculo musical
Público preferente: Familiar / infantil, especialmente nenas/os de 1 a 7 anos

  • 6 de decembro (20.30 h). Magín Blanco e Teatro Ghazafelhos
    A nena e o grilo máis aló

Músicos: Magín Blanco (guitarra e voz), Cristian Legiero (teclado)
Actrices/actores: Teatro Ghazafelhos (Pepablo Patinho, Montse Piñón e Jorge Casas)
Duración: 60 minutos
Xénero: teatro musical infantil
Público preferente: Familiar e infantil, especialmente maiores de 3 anos.

Como é habitual, ao remate dos espectáculos de sala recolleranse as valoracións do público, que poderá puntuar cada actuación do 1 ao 5, axudando deste xeito a mellorar cada ano a programación segundo os gustos dos/as espectadores/as.

Paralelamente, este ano teremos a oportunidade de asistir a outros espectáculos fóra do auditorio do Centro Cívico grazas á colaboración de comercios e locais de hostalaría da vila. O programa do Ciclo Ruada é o seguinte:

  • 11 de novembro (22.30 horas). Pub Leño
    Monólogo de
    Pepo Suevos
    Público preferente: Adulto
  • 23 de novembro (23.00 horas). Submarino Bar
    Monólogo de
    Oswaldo Digón
    Público preferente: Adulto
  • 24 de novembro (12.30 horas). Librería Míguens
    Paula Carballeira presenta O río da bruxa
    Público preferente: Infantil / familiar
  • 1 de decembro (12.30 horas). Escola Surf A Mar
    O
    Mago Álex presenta De ilusións tamén se vive
    Público preferente: Infantil / familiar

Todos os espectáculos son de balde. O Concello de Malpica conta coa colaboración da Deputación Provincial da Coruña na organización da XV Mostra de Teatro.

Cartel_A2(1)

17Out 2019

Malpica celebra o 86º aniversario das Misións Pedagóxicas con monicreques, magosto e concurso de disfraces de época

As Misións Pedagóxicas volven a Malpica 86 anos despois. Aquel proxecto de solidariedade cultural que levou bibliotecas, música, cine e teatro a máis de 7.000 pobos e aldeas españois entre 1931 e 1936, chegou ao noso concello o 20 de outubro de 1933. A representación de A doncela guerreira, de Rafael Dieste, foi o primeiro espectáculo de monicreques que se levou a cabo en España, e a Concellería de Cultura quere lembrala este ano dun xeito especial. Así, este domingo, día 20, volverá a haber monicreques no mesmo lugar (se o tempo o permite) que 86 anos atrás. En caso de choiva os actos trasladaranse ao Mercado Municipal (rúa Patria Galega).

Pero o programa de actividades deseñado pola Concellaría de Cultura, que conta un ano máis coa colaboración coa A.C. Malante, a A VV San Antonio e A Tropa dos Pardo, será máis amplo. De feito, xa está aberta na aula circular do Fondo Lugrís, no Centro Cívico, a mostra fotográfica As Misións Pedagóxicas en Malpica, que pode visitarse ata o día 31, e que inclúe novas achegas. Para seguir ampliándoa, durante estes días todos os veciños e veciñas que dispoñan de fotografías daquela época poden achegalas ao Departamento de Cultura para proceder á súa dixitalización e incorporalas á exposición. As persoas que colaboren recibirán un CD con todas as imaxes recompiladas.

O día 20, como hai 86 anos, as Misións Pedagóxicas chegarán a Malpica. Ás 18 horas, na Praza de Anselmo Villar Amigo (fronte á Casa da Santa), a actriz e titiriteira Larraitz Urruzola representará Dona Barriga Verde, un espectáculo para todos os públicos recomendado para nenos e nenas a partir de 6 anos.

A Praza de Anselmo Villar Amigo será tamén o escenario, a partir das 19.00 horas, dun magosto popular no que contaremos coa música de A Tropa dos Pardo, as Cantareiras da A.C. Malante e a formación Os do fondo da barra cos seus cantos de taberna, e no que, como non podía ser doutro xeito, haberá castañas, pero tamén viño, licor café e chocolate. Todo de balde agás as cuncas, que se venderán a 2 euros e que permitirán recuncar tantas veces como se queira ata esgotar existencias.

A xornada completarase cun Concurso de disfraces de época, con premios para a mellor caracterización dos anos 1920-1930. Haberá unha categoría infantil (ata 12 anos) e outra absoluta, e o xurado será popular. O primeiro premio na categoría infantil consistirá en trofeo e un vale de 50 euros para a compra de libros, e na absoluta, en trofeo e vale de 100 euros canxeable no comercio e na hostalaría locais.

86MPed-Cartel-cambios

Página 3 de 1412345...10...Última »