O Concello de Malpica, en colaboración coa asociación Malpica Felina, pon en marcha unha campaña dirixida á poboación felina do municipio co obxectivo de fomentar o benestar animal e dar cumprimento á normativa vixente.
A iniciativa inclúe a castración e a implantación do microchip identificativo, dous requisitos que son obrigatorios por lei. O incumprimento desta obriga pode dar lugar á imposición de sancións.
As persoas interesadas en acollerse a esta campaña deberán formalizar a súa inscrición no Concello de Malpica, podendo facelo tanto de maneira presencial nas dependencias municipais como por vía telefónica.
Desde o Concello de Malpica facemos un chamamento á veciñanza para participar nesta campaña, co convencemento de que a responsabilidade compartida é clave para garantir unha convivencia saudable e respectuosa cos animais.
O Concello de Malpica, a través do Departamento de Servizos Sociais, organiza o vindeiro 4 de outubro unha nova Xornada de Defensa Persoal para Mulleres, despois do éxito acadado na pasada edición.
A actividade estará impartida por Juan José Martínez, coach deportivo e motivacional, creador do Método Mas+. O curso, de carácter ameno, participativo e dinámico, está dirixido especialmente a mulleres e ten como obxectivo achegar ferramentas e habilidades que lles permitan sentirse seguras ante posibles situacións de risco.
A xornada desenvolverase na Casa do Oleiro, en horario de 10:00 a 18:00 horas, cunha pequena pausa para o descanso e o intercambio de opinións entre as participantes.
As mulleres interesadas en asistir poden inscribirse chamando ao teléfono 981 720 280 ou acudindo directamente ao Departamento de Servizos Sociais. Para a súa realización será necesario un mínimo de sete participantes.
A iniciativa está subvencionada pola Xunta de Galicia, a través da Consellería de Benestar Social e Igualdade.
Con esta proposta, o Concello de Malpica reforza o seu compromiso coa igualdade e coa promoción de accións que fomenten o empoderamento feminino e a seguridade persoal.
O Concello de Malpica de Bergantiños presenta a programación de actividades culturais e deportivas para o curso 2025-2026. Unha oferta variada que inclúe propostas para todas as idades, co obxectivo de promover a práctica deportiva, a creatividade e a formación ao longo de todo o ano.
O prazo de inscrición comeza o luns 8 de setembro.
ACTIVIDADES DEPORTIVAS ADULTOS/AS
Ximnasia terapéutica (+50 anos)
Buño (Casa do Oleiro): martes e xoves de 10.30 a 11.15
Malpica (Pavillón): martes e xoves de 11.30 a 12.15 Inicio: 2 de outubro
Ioga (+18 anos)
Buño (Casa do Oleiro): mércores de 10.30 a 11.30
Malpica (Centro Cívico): mércores de 11.45 a 12.45 Inicio: 1 de outubro
Pilates (+18 anos)
Buño (Casa do Oleiro): martes e xoves de 18.10 a 19.05
Malpica (Centro Cívico): Grupo I: 19.20 a 20.15 Grupo II: 20.20 a 21.15 Inicio: 2 de outubro
Zumba (+16 anos)
Buño (Casa do Oleiro): luns e mércores de 18.15 a 19.10
Malpica (Centro Cívico): luns e mércores de 19.30 a 20.25 Inicio: 1 de outubro
Cota: 10,85 €/mes por actividade Información e inscricións: Departamento de Deportes – Tel. 981 720 001 Horario: 9.00 a 14.00 – A partir do 8 de setembro
ESCOLAS CULTURAIS
Obradoiro de Arte – 12 €/mes
Malpica (Centro Cívico) – Inicio 7 de outubro Grupo I (3-6 anos): martes de 16.00 a 17.00 Grupo II (7-12 anos): martes de 17.00 a 18.00 Grupo III (+13 anos): martes de 18.00 a 19.00
Buño (CEIP JRO) – Inicio 6 de outubro Grupo IV (3-6 anos): luns de 16.00 a 17.00 Grupo V (7-12 anos): luns de 17.00 a 18.00
Animación teatral – 15 €/mes
Malpica (Centro Cívico) – Inicio 2 de outubro Grupo I (6-8 anos): xoves de 17.30 a 18.30 Grupo II (9-11 anos): xoves de 18.30 a 19.30 Grupo III (+12 anos): xoves de 19.30 a 20.30
Buño (CEIP JRO) – Inicio 2 de outubro Grupo IV (6-11 anos): xoves de 16.00 a 17.00
Robótica – 15 €/mes
Malpica (Centro Cívico) – Inicio 1 de outubro Grupo I (4-8 anos): mércores de 18.00 a 19.00 Grupo II (9-14 anos): mércores de 19.00 a 20.00
Buño (CEIP JRO) – Inicio 1 de outubro Grupo III (4-8 anos): mércores de 15.30 a 16.30 Grupo IV (9-14 anos): mércores de 16.30 a 17.30
Obradoiro de Coiro (+18 anos) – 18 €/mes
Casa da Cultura de Seaia Inicio: 2 de outubro Xoves de 18.00 a 20.00
Obradoiro de Barro
Taller de olería da Casa do Oleiro, Buño Grupo I (Modelado 6-12 anos): 12 €/mes – venres de 19.30 a 20.30 – inicio 3 de outubro Grupo II (Torno e modelado +13 anos): 15 €/mes – sábados de 10.00 a 11.30 – inicio 4 de outubro
Información e inscricións: Oficinas xerais – Tel. 981 720 001 Horario: 9.00 a 14.00 – A partir do 8 de setembro Máx. 15 prazas e mín. 10 por grupo (excepto Obradoiro de Coiro: máx. 10, mín. 8)
EMEF (Escola Municipal de Educación Física)
Patinaxe – Inicio 2 de outubro
Grupo I (nados 2017-2020): xoves de 17.15 a 18.10
Grupo II (nados 2011-2016): xoves de 18.15 a 19.10
Atletismo – Inicio 3 de outubro
Nados entre 2012 e 2017: martes e venres de 16.00 a 16.55
Ximnasia rítmica – Inicio 1 de outubro
Nados entre 2014 e 2020: mércores de 16.00 a 16.55
Volei – Inicio 3 de outubro
Nados entre 2009 e 2013: martes e venres de 17.00 a 17.55
Multideporte (nados 2014-2020)
Buño: xoves de 16.00 a 16.55 – inicio 2 de outubro
Malpica: venres de 18.00 a 18.55 – inicio 3 de outubro
Judo – Inicio 6 de outubro
Grupo I (nados 2019-2022): luns de 16.30 a 17.25
Grupo II (nados 2014-2018): luns de 17.30 a 18.25
Grupo III (nados 2009-2013): luns de 18.30 a 20.25
Cota: 17,36 €/actividade Información e inscricións: Departamento de Deportes – Tel. 981 720 001 Horario: 9.00 a 14.00 – A partir do 8 de setembro Todas as actividades serán no Pavillón Municipal de Malpica, agás Multideporte dos xoves (CEIP Joaquín Rodríguez Otero).
Nota importante: Os horarios poderán ser modificados en función das persoas inscritas.
O Concello de Malpica vén de anunciar a posta en marcha dun programa de actividades dirixidas ás persoas maiores do municipio, co obxectivo de fomentar o seu benestar, estimular as súas capacidades e ofrecer espazos de encontro e lecer.
As propostas inclúen talleres de manualidades, memoria e ortografía, con horarios adaptados e localizacións tanto en Malpica como en Buño.
Os talleres son os seguintes:
Taller de Manualidades
Buño · Martes e xoves, de 15:45 a 17:45 h, na Casa do Oleiro
Malpica · Martes e xoves, de 18:00 a 20:00 h, no Centro Cívico
Comezo: 3 de outubro
Taller de Memoria
Buño · Venres, de 10:30 a 12:00 h, no CAT (antigo Centro Comarcal) · Comezo: 26 de setembro
Malpica · Martes, de 10:30 a 12:00 h, no Centro Cívico · Comezo: 30 de setembro
Taller de Ortografía
Buño · Mércores, de 10:30 a 12:00 h, no CAT (antigo Centro Comarcal)
Comezo: 1 de outubro
As persoas interesadas poderán inscribirse a partir do 8 de setembro, chamando ao teléfono 981 720 280 ou acudindo directamente ao Departamento de Servizos Sociais do Concello de Malpica.
Con esta iniciativa, o Concello reafirma o seu compromiso co envellecemento activo, ofrecendo actividades que favorecen a creatividade, a aprendizaxe e a socialización.
O concello de Malpica de Bergantiños ten asinado un Convenio de Colaboración coa Consellería do Medio Rural para a realización de accións de prevención e defensa contra os incendios forestais durante os anos 2025-2026, cofinanciado parcialmente con Fondos Feader no marco do PEPAC 2023-2027
O prazo de execución son as anualidades 2025 e 2026, cun orzamento de 17.136 euros dos que a axuda pública é de 13.708,80 euros (sendo o cofinanciamento da UE do 80%).
Entre os obxectivos están a limpeza con tractor-desbrozadora nas faixas das estradas e camiños municipais para evitar os incendios forestais.
Os resultados que se espera é evitar a propagación de incendios forestais no concello de Malpica de Bergantiños.
A vila de Malpica xa vive o ambiente mariñeiro coa chegada da súa XII Feira Mariñeira, que se celebra do 14 ao 17 de agosto cun total de 30 postos de artesanía e alimentación, ademais dunha ampla programación de actividades para todas as idades. O mercado abrirá cada día de 11.00 a 15.00 horas e de 18.00 a 23.00 horas, ofrecendo artesanía, produtos gastronómicos, xogos tradicionais e animación continua.
Durante os catro días, veciños e visitantes poderán atopar nas rúas do Campo e contornos xogos tradicionais, barca pirata, cama elástica, pulpeira e zona infantil, ademais dunha completa oferta de música, contacontos, obradoiros e espectáculos de lume. O mercado abriu esta mañá ás 11.30 h, e pouco despois as rúas enchéronse co pasarrúas pirata e “O Capitán sen barco”. Pola tarde, o ambiente continuará con máis propostas para todos os públicos:
18.00 h – Piratas de Turdión e “O Pescador de Soños”
19.00 h – Melodías piratas
19.00 h – Obradoiro de esgrima “Aprende a loitar como un corsario” (nenos de 6 a 11 anos)
20.00 h – Melodías piratas e “O mariñeiro zancudo”
22.00 h – Espectáculo de lume A programación continúa mañá co seguinte programa:
Venres 15 de agosto
12.00 h – Pasarrúas piratas e “O Capitán sen barco”
13.00 h – “O mariñeiro ambulante”
17.00 h – Melodías piratas
18.00 h – Piratas de Turdión e “O Pescador de Soños”
19.00 h – “O Capitán sen barco”
20.00 h – Melodías piratas e “O mariñeiro zancudo”
22.00 h – Espectáculo de lume
Sábado 16 de agosto
12.00 h – Pasarrúas piratas e “O Capitán sen barco”
13.00 h – “O mariñeiro ambulante”
18.00 h – Piratas de Turdión e “O Pescador de Soños”
19.00 h – Contos corsarios
20.00 h – Melodías piratas
22.00 h – Sons de Turdión
Domingo 17 de agosto
12.00 h – Piratas de Turdión
17.00 h – “A bordo cos piratas”
18.00 h – Sons de Turdión
18.30 a 20.30 h – Pintacaras e tattoos
20.00 h – Melodías corsarias
21.30 h – Piratas de Turdión
Con esta programación, a XII Feira Mariñeira de Malpica reafírmase como unha das citas imprescindibles do verán na Costa da Morte, combinando tradición mariñeira, artesanía, gastronomía e diversión para todos os públicos.
Do 14 ao 17 de agosto, Malpica acolle un completo programa de música, contacontos, espectáculos de lume, pasarrúas e actividades pensadas para todas as idades, no corazón da Costa da Morte.
A rúa Eduardo Vila Fano e o seu mercado mariñeiro serán o epicentro desta viaxe no tempo, onde artesanía, gastronomía e xogos tradicionais acompañarán aos visitantes nun percorrido cheo de cor, música e historias de mares afastados. Entre as propostas máis destacadas, figuran obradoiros de esgrima para pequenos corsarios, pasarrúas con personaxes cheos de vida, actuacións musicais que farán bailar ata ás gaivotas e impactantes espectáculos de lume para pechar cada noite.
O programa arranca o xoves 14 co pregón musical de Piratas de Turdión e o Pescador de Soños, ademais de contos corsarios e melodías piratas ao caer a tarde. O venres 15 e o sábado 16 estarán marcados pola animación de rúa, obradoiros e as esperadas exhibicións de lume, mentres que o domingo 17 despedirá a feira con actividades familiares como pintacaras, tattoos e música en directo.
O mercado manterá o seu horario habitual de 11:00 a 15:00 e de 18:00 a 23:00, cunha ampla oferta para gozar de mañá e tarde.
O Concello de Malpica de Bergantiños anunciou a celebración da vixésimo cuarta edición do Concurso de Barcanas e Castelos de Area, que terá lugar o venres 22 de agosto de 2025 na Praia de Area Maior. A actividade, que combina creatividade e lecer familiar, contará con premios por valor de ata 130 euros en vales e trofeos.
A xornada comezará ás 10:30 horas, momento no que as persoas inscritas iniciarán os seus traballos. O tempo límite para rematar as obras será ás 13:00 horas. A continuación, abrirase o proceso de votación popular ás 13:05 horas, e ás 13:30 horas darase a coñecer o fallo do xurado, o resultado da votación do público e realizarase a entrega dos galardóns.
As inscricións poderán formalizarse nas oficinas xerais do Concello, en horario de 9:00 a 14:00 horas, entre o 11 e o 20 de agosto, ou o mesmo día do concurso na propia praia, entre as 10:00 e as 10:30 horas. Cada participante ou grupo, cun máximo de 10 persoas, poderá presentar unha única obra.
O certame desenvolverase en varias modalidades: amateur (maiores de 10 anos), premio especial do público, barcanas tradicionais e infantil (ata 10 anos). Os premios previstos son:
1º premio amateur: trofeo e vale de 130 euros
2º premio amateur: trofeo e vale de 70 euros
3º premio amateur: trofeo e vale de 50 euros
Premio especial do público: trofeo
Premio á mellor barcana: trofeo
Premio infantil: trofeo
Os vales poderán trocarse por produtos ou servizos en establecementos de Malpica de Bergantiños.
As normas establecen que as esculturas deberán realizarse unicamente con area e materiais naturais presentes na Praia de Area Maior. Permítese o uso de ferramentas como palas, cubos ou difusores de auga para a construción, pero sen incorporalos á obra. A auga poderá utilizarse unicamente para compactar a area. A zona de traballo estará delimitada polo Concello.
O 30 de agosto, Malpica converterase no epicentro do Hapkido infantil coa celebración do Primeiro Trofeo Infantil Costa da Morte de Hapkido, unha competición dirixida a nenos e nenas de 9 a 14 anos que reunirá novos talentos desta disciplina de defensa persoal coreana.
O evento desenvolverase no Pavillón Municipal de Deportes de Malpica, en horario de 11:00 a 14:00 horas, e contará coa participación de diferentes escolas e clubs da comarca e doutros puntos de Galicia.
O trofeo está organizado pola Asociación Os Faros da Vida, coa colaboración do Concello de Malpica de Bergantiños, a Xunta de Galicia e Deporte Galego.
O venres 8 de agosto, ás 20:30 horas, o Paseo da Praia de Malpica acollerá a actuación de Carmela, un proxecto musical que basea o seu repertorio na música de tradición oral galega, a través do canto e da percusión de man como elementos definitorios.
A proposta parte do traballo con informantes e arquivos musicais, co obxectivo de trasladar aos escenarios a esencia das melodías populares, cunha visión actual que incorpora criterios estéticos e unha análise musical e contextual.
Carmela une investigación etnomusicolóxica con interpretación e arranxo, entendendo a tradición como un material vivo, flexible e adaptábel ao presente.
A actividade está incluída no programa FalaRedes da Secretaría Xeral de Política Lingüística, en colaboración co Concello de Malpica de Bergantiños e a Xunta de Galicia.
Este sitio utiliza cookies para mellorar a experiencia do usuario - Ocultar detalles
• Social media Facebook, Twitter e outras Redes Sociais precisan utilizar cookies para recoñecerte.
• Analytics Os datos recollidos polas cookies de Google Analytics son anónimos e só se usan para valorar a experiencia do usuario no nosa web.
• Anuncios Este sitio pode albergar publicidade propia, de afiliados, ou de redes publicitarias.
• Cookies propias Este sitio utiliza cookies propias para facilitar o acceso e mellorar a navegación e experiencia ao usuario Aviso Legal ACEPTOLeer más
Galego
Castellano
