Síguenos en
gl_ES
Tempo Malpica de Bergantiños
Venres 16°
12°
Sábado 17°
12°
Domingo 16°
13°
tiempo.com   +info
  1.  
  2. ACTUALIDADE

ACTUALIDADE

26Abr 2024

Presentación dos resultados do xeorrádar

O vindeiro 4 de maio, ás 18.00 hora, no salón de actos do CAT (antigo Centro Comarcal) presentarase os resultados do xeorrádar e os novos traballos proxectados na Croa do Castro. No evento intervirá Antón Fernandez Malde, arqueólogo director encargado dos traballos e o alcalde de Malpica, Eduardo Parga. Unha actividade organizada pola concellería de Patrimonio do Concello de Malpica.

24Abr 2024

O 2 de maio abrese o prazo para inscribirse na viaxe organizada polo Concello de Malpica a Murcia

Dende o departamento de Servizos Sociais organizase unha viaxe a MURCIA, para os maiores de 55 anos ou pensionistas, co seguinte itinerario: Sábado, 1 de Xuño: MALPICA – TORDESILLAS – MADRID Saída pola mañá cara Tordesillas (Valladolid) onde comeremos e daremos un pequeno paseo pola cidade. Seguiremos a viaxe ata Madrid ou arredores onde pernoctaremos. Domingo, 2 de xuño: MANGA DEL MAR MENORAlmorzo e saída cara o hotel Entremares onde nos aloxaremos ata o regreso da viaxe,reparto das habitacións, xantar e tarde libre.Luns, 3 de xuño: MURCIA Almorzo e saída para visitar Murcia, onde percorreremos varios lugares de interese turístico acompañados por un guía local, Regreso ao hotel, xantar e tarde libre.Martes, 4 de xuño: SAN PEDRO DEL PINATAR- CABO DE PALOSDespois do almorzo visitaremos San Pedro del Pinatar, famoso pola súa tradición pesqueira, os seus lodos curativos, as salinas e os seus areais. Xantaremos no hotel e pola tarde visitaremos Cabo De Palos, pobo pesqueiro pintoresco coñecido polo seu histórico faro que data do século XIX. Retorno ao hotel. Mércores, 5 de xuño: CARTAGENA Despois de almorzar visitaremos Cartagena, localidade que percorreremos acompañados por un guía local. Cada una das súas calles ofrece testemuño do seu esplendoroso pasado. Tarde libreXoves, 6 de xuño: LORCAÁ primeira hora da sairemos para Lorca, onde daremos un paseo para coñecer esta poboación e visitaremos o Museo de Bordados do Paso Blanco, situado no Conxunto Monumental de Santo Domingo ( séculos XVI-XVII). Alí alberga o Patrimonio desta confraría que é a máis antiga da cidade.Retorno ao hotel e tarde libre.Venres, 7 de xuño: LA MANGA DEL MAR MENOR- MADRID Sairemos a primeira hora cara Madrid, onde xantaremos no hotel no que nos aloxaremos e á tarde daremos un pequeno paseo por Madrid. Sábado, 8 de xuño: RETORNO A MALPICAAlmorzo e continuaremos a viaxe de retorno a Malpica con breves paradas e xantar no camiño.O prazo de inscripción ábrese o día 2 ata o 16 de maio (ou ata cubrir as prazas). Para obter máis información ou realizar a inscrición os interesados poden dirixirse ao Departamento de Cultura no Centro Cívico. Nota: Prazas Limitadas (por rigorosa orde de inscrición).

Unha actividade dirixia para persoas maiores de 55 anos e pensioandas do Concello de Malpica.

12Abr 2024

Malpica proxecta unha serie de actuacións no porto para garantir unha actividade máis eficiente

  • O alcalde, Eduardo Parga, reuniuse na xornada de onte co presidente de Portos de Galicia, José Antonio Álvarez, a quen lle trasladou os problemas que afectan á rede viaria e de iluminación desta zona
  • O rexedor fixo especial fincapé na súa preocupación por incrementar a seguridade na dársena
  • O primeiro edil tamén propuxo a creación dun convenio para facer uso da zona do travelift como aparcadoiro e pequenos eventos

O alcalde de Malpica, Eduardo Parga, reuniuse na xornada de onte co Presidente de Portos de Galicia, José Antonio Álvarez, para abordar diferentes cuestións sobre a situación actual do porto do municipio. O obxectivo do encontro foi, fundamentalmente, proxectar diferentes actuacións que permitan mellorar a súa actividade.

En concreto, o rexedor trasladoulle a necesidade de mellorar a rede viaria, xa que presenta deficiencias importantes, o que aumenta os riscos e a perigosidade na zona. O presidente anunciou o proxecto atópase en estado de licitación de mantemento, estando xa contempladas as melloras e a reparación destas deficiencias, así como o aglomerado da zona sur, que contará cun orzamento de 67.000 euros.

Do mesmo xeito, Álvarez asegurou que están traballando tamén na licitación do alumeado dos portos, entre as que se atopa a mellora da liña enerxética do porto de Malpica, que foi outra das peticións realizadas por Parga durante o encontro. Por outra banda, está tamén para licitar, por valor de 200.000 euros, a modificación de todas as lámpadas deste espazo, que pasarán a ser led, co obxectivo de mellorar a eficiencia enerxética do lugar.

Solicitudes pendentes

O rexedor aproveitou o encontro para preguntar sobre o estado no que se atopa actualmente a proxecto de mellora da seguridade do porto, que, segundo asegurou Álvarez, está en proceso de estudo, avaliándose a posibilidade de levar a cabo a proposta que xurdiu na última reunión coa Confraría de Pescadores de Malpica.

Por último, Parga propúxolle ao Presidente de Portos a realización dun convenio entre o Concello e a entidade para poder facer uso da zona do travelift como aparcadoiro e para a realización de pequenos eventos.

Tras a xuntanza, o alcalde sinalou que “seguimos buscando investimento e traballando para mellorar as condicións do noso porto, tan importante para o avance económico de Malpica e para a súa xente, polo que tamén teño solicitada unha entrevista co Conselleiro de Pesca”.

20Mar 2024

Camiña a Santiago pola Vía Céltica

A Concellería de Educación, Cultura, Patrimonio e Deportes do Concello de Malpica organiza un roteiro de peregrinación xacobea pola Vía Céltica, un camiño histórico. O percorrido total é de 80 km dividido en catro etapas de dificultade media-baixa, apto para camiñantes de todos os niveis.

Datas:

14 de abril: 1º etapa Malpica-Verdes (17,5 km) ‍
28 de abril: 2º etapa Verdes-Xallas de Castriz (22 km) ‍
12 de maio: 3º etapa Xallas de Castriz-Páramos (16,5 km) ‍
26 de maio: 4º etapa Páramos-Santiago de Compostela (24 km) ‍

Inscrición:
Podes inscribirte a partir de mañá xoves 21 de marzo no Rexistro Xeral do Concello de Malpica

15Mar 2024

Semana Santa en Malpica 2024: Programa Completo de Actividades

Do 25 ao 30 de marzo, en Malpica poderás gozar dunha Semana Santa chea de actividades: actos litúrxicos, campamentos de conciliación, torneos deportivos, exposicións e concertos, entre outros.

Toma boa nota do programa e non te perdas nada:

  • DO LUNS 25 AO MÉRCORES 27 DE MARZO

CAMPAMENTO CONCILIACIÓN

 NO AUDITORIO DO CENTRO CÍVICO

DE 9.00 A 14.00

Para nenas e nenos de 3 a 12 anos (DE BALDE)

Inscricións ata o 21 de marzo nas oficinas xerais do Concello

Información no DEPARTAMENTO DE CULTURA e no teléfono 981707104

  • DO LUNS 25 AO MÉRCORES 27 DE MARZO

XORNADAS DE PASCUA

NA CASA DA CULTURA DE SEAIA 

A PARTIR DE 4 ANOS

DE 9.00 A 14.00

CONTACTO: 611747756

Organiza: ACD Carcaxía

  • DO MARTES 26 AO SÁBADO 30 DE MARZO

OBRADOIRO DE BARRO

NO ECOMUSEO FORNO DO FORTE

DE 16.30 A 18.30

A partir de 3 anos (DE BALDE)

Sen inscrición previa, máximo 15 persoas ( Por orde de chegada)

  • MARTES 26 DE MARZO

TORNEO DE VOLEI

 NO PAVILLÓN MUNICIPAL

DE 10.00 A 13.30 (En función do número de equipos)

Nivel Iniciación   A partir de 11 anos (DE BALDE)

Inscricións ata o 21 de marzo nas oficinas xerais do Concello

Información no teléfono 690047448

  • MÉRCORES 27 DE MARZO

INAUGURACIÓN DA EXPOSICIÓN CEO, MAR E TERRA de DREWKORME

NO CENTRO CÍVICO

ÁS 19.00

CONCERTO JESTER DAY

NO CORNECHO DE TANO

A PARTIR DAS 21.00

Organiza: AC Caldeirón

  • XOVES 28 DE MARZO

X FESTA DA XUVENTUDE

Sesión Vermu + tardeo con LAURA AÑÓN, ÁNGEL SEVILLA, JJ COMPOTA + DJ ROY

A PARTIR DAS 13.00

Verbena con GRUPO LA BAMBA + DICOMÓBIL ELATION BY DJ ROY

A PARTIR DAS 23.00

NO PORTO DE MALPICA (PEIRAO SUR)

Organiza: ACD Mallas de Area

12Mar 2024

Obradoiros gratuítos de barro para todas as idades en Buño

O Concello de Malpica organiza Obradoiros de Barro gratuítos no Ecomuseo do Forno do Forte do 26 ao 29 de marzo. Os talleres están dirixidos a todas as idades e niveis, e non se require experiencia previa.

Nesta actividade, os participantes poderán aprender diferentes técnicas de olería, como o modelado á man, o torno e a decoración. Tamén poderán coñecer a historia da olería na zona e visitar o Forno do Forte.

Os talleres impartiranse en horario de 16:30 a 18:00 horas. As prazas son limitadas a 15 participantes por taller. Non require inscrición. As persoas interesadas que precisen máis información sobre os Obradoiros poden dirixirse ao Departamento de Cultura do Concello de Malpica chamando ao 981 707104 en horario de 11:00 a 14:00 horas.

Esta iniciativa forma parte do programa de actividades culturais do Concello de Malpica para Semana Santa. Desde o concello de Malpica agradecemos a colaboración da Deputación da Coruña.

11Mar 2024

O Pavellón Polideportivo de Malpica acollerá un Torneo de Volei nivel iniciación

O Concello de Malpica, a través da Concellería de Deportes, organiza un Torneo de Volei de nivel iniciación a partir dos 11 anos. O torneo celebrarase o martes 26 de marzo no Pavillón Polideportivo de Malpica. A duración do torneo será de 10:00 á 13:30 horas, aínda que o horario final pode variar en función do número de equipos. As persoas interesadas en participar no torneo poden inscribirse chamando ao teléfono 690 047 448 ata o xoves 21 de marzo.

11Mar 2024

Aberto o prazo para a inscrición do Campamento de Semana Santa 2024

O programa lúdico-educativo desenvolverase os días 26, 26 e 27 de 09.00 a 14.00

O Concello de Malpica organiza un campamento gratuíto para nenos e nenas de entre 3 e 12 anos que se desenvolverá os días 25, 26 e 27 de marzo de 2024 no Centro Cívico. No campamento, os nenos e nenas poderán gozar de múltiples actividades lúdicas e educativas, adaptadas ás diferentes idades dos participantes. Un espazo de aprendizaxe e diversión onde poderán socializar con outros nenos, desenvolver as súas habilidades e aprender. A inscrición é gratuíta e pode realizarse ata o 21 de marzo de 2024. Para máis información, podes contactar co Departamento de Cultura do Concello de Malpica no teléfono 981 707104 de 11.00 a 14.00 horas.

Nesta ligazón pódese descargar o impreso:

4Mar 2024

O Concello de Malpica celebrará o 8M, Día internacional da Muller, coa lectura dun manifesto

O evento levarase a cabo o 8 de marzo ás 12.00 horas na Praza de Villar Amigo

O Concello de Malpica celebrará  o 8M, Día da Internacional da Muller, coa lectura dun manifesto institucional a cargo da concelleira de Servizos Sociais, Marisol Blanco. O Lema deste ano é #8MConLuzPropia porque todas as mulleres brillan con luz propia. Ademais, «Este ano queremos dar visibilidade a esas pioneiras, as nosas avoas e tataravoas que comezaron, sen pretendelo, unha dura loita en prol da igualdade», explicou Marisol na presentación do cartel.

4Mar 2024

O Concello de Malpica inicia unha nova campaña de trampeo de avespa velutina


O Concello de Malpica vén de adherirse ao Convenio entre a Xunta de Galicia e a FEGAMP para a coordinación de actuacións no desenvolvemento do Programa Galego de Vixilancia e Control fronte á Vespa Asiática (Vespa velutina).
Os veciñ@s que estean interesados en colaborar poden anotarse dende mañá, 05 de marzo, nas oficinas xerais do Concello de Malpica e solicitar a trampa e o líquido que serán entregados nos vindeiros días.
Lembra que podes solicitar a retirada de calquera niño de velutinas chamando ao 012.

Página 3 de 15112345...102030...Última »