• ACTUALIDADE,Novas

A XX Mostra de Teatro de Malpica ofrece nove espectáculos ata decembro

Comedias, monicreques, maxia e teatro danza configuran a programación cultural, con obras para públicos de todas as idades

Hoxe, o Concello de Malpica de Bergantiños deu a coñecer a programación da XX Mostra de Teatro, que se desenvolverá no Auditorio do Centro Cívico desde o 25 de outubro ata o 13 de decembro. Este ciclo teatral ofrecerá unha variada programación con nove espectáculos que abarcan dende comedias e monicreques ata teatro danza e maxia, dirixidos tanto a público adulto como familiar.

O evento arrincará o venres 25 de outubro coa obra Neura, unha comedia neurótico-festiva, a cargo da compañía Ste Xeito Producións. Con unha duración de 75 minutos, a peza trata o tema da saúde mental en clave cómica e está dirixida a un público adulto a partir dos 12 anos.

O sábado 26 será a quenda de O misterioso cabaret do Sr. Pilgrim, unha peza de teatro danza da Asociación Poten100mos que aborda a loita entre o pasado e o presente a través dun cabaré sombrío. Esta obra está pensada para maiores de 13 anos.

Entre os espectáculos destacados tamén figura Testosterona, unha comedia de Malasombra Producións que chegará o venres 1 de novembro e tratará sobre as dinámicas de poder e xénero nun medio de comunicación. Esta obra está recomendada para maiores de 16 anos.

O venres 8 de novembro, a compañía Iventi Teatro presentará Marcho que teño que marchar, un monólogo cómico que afonda nas complexas relacións familiares e que está pensado para un público adulto.

O venres 15 de novembro será a quenda de Viva Vivaldi, unha representación con monicreques da compañía Os Monicreques de Kukas, que está inspirada nas catro estacións de Vivaldi e dirixida a todos os públicos, incluíndo nenos a partir dos 3 anos.

O venres 22 de novembro, a obra Quixote da compañía Pedras de Cartón, presentada en clave de clown, revisitará as escenas máis icónicas da famosa novela de Cervantes, ideal para un público familiar a partir dos 4 anos.

O venres 29 de novembro, Nanai da China ofrecerá un espectáculo de teatro de monicreques dirixido ao público familiar. Esta obra, premiada nos María Casares 2024, conta a historia dunha nena loitadora que xunto co seu avó enfronta os prexuízos sociais.

Para os máis pequenos, Palabras de Baobab Teatro, o venres 6 de decembro, será un espectáculo musical para crianzas de 1 a 8 anos, onde as palabras, os xogos e a tradición oral galega son protagonistas.

Por último, a Mostra pecharase o venres 13 de decembro con Rock ‘N’ Magic do mago Teto, un espectáculo familiar que combina maxia e música en directo, ideal para nenos a partir de 7 anos.

Todas as funcións serán de balde e non requiren reserva previa. O Concello de Malpica, organizador do evento en colaboración coa Deputación Provincial da Coruña e a súa Rede Cultural 2024, quere poñer en valor o teatro como un espazo de encontro para toda a cidadanía.

Para máis información, pódese contactar co Departamento de Educación e Cultura do Concello de Malpica no teléfono 981 707 104, en horario de 10:30 a 14:00 horas.

• ACTUALIDADE,Novas

Boa afluencia de público na celebración do 91º aniversario das Misións Pedagóxicas en Malpica

Hoxe, domingo 20 de outubro, celebrouse en Malpica o 91º aniversario das Misións Pedagóxicas que congregaron a un numeroso público.

O evento comezou ás 17:00 horas, co espectáculo de monicreques “Coa música a outra parte”, a cargo de Trécola Producións. Esta peza, inspirada nas obras de Rafael Dieste, conseguiu cativar tanto a nenos como a adultos grazas á súa posta en escena. Unha peza de 60 minutos con música en directo, recomendada para maiores de 6 anos e inspirada en obras de Rafael Dieste. 14 personaxes en escena e banda sonora en directo.

A continuación, ás 18:00 horas, celebrouse o magosto, onde os participantes gozaron das castañas asadas e da actuación do grupo Tren da Unha. Ademais, a chocolatada completou a festa, poñendo o toque doce a esta xornada tan especial.

O bo tempo acompañou durante todo o evento, o que permitiu que todas as actividades se realizasen ao aire libre na praza.

Esta celebración, organizada polo Concello de Malpica de Bergantiños e coa colaboración da Deputación da Coruña, foi todo un éxito, destacando unha vez máis a importancia de manter viva a memoria das Misións Pedagóxicas, un patrimonio cultural que forma parte da historia de Malpica. 

• ACTUALIDADE,Novas

O Concello de Malpica finaliza a primeira fase das obras de saneamento en Seixas e Vilarnovo

• O investimento total da obra foi de 105.304,53 euros

Imaxe correspondente ao proceso de execución das obras xa finalizadas que foi financiada pola Depuación da Coruña

O Concello de Malpica de Bergantiños anuncia a finalización da primeira fase das obras de saneamento nas localidades de Seixas e Vilarnovo. Estas actuacións, que contaron cun orzamento de 105.304,53 euros, foron financiadas a través do Plan POS+ 2023 e executadas pola empresa SYR-AMGS.L.

Os traballos desta fase consistiron na instalación de novas tubaxes para a recollida e canalización das augas residuais, así como na construción de pozos de rexistro en puntos estratéxicos da rede. Ademais, leváronse a cabo tarefas de apertura de zanxas en zonas pavimentadas, co seu posterior recheo e compactación, e a reposición dos pavimentos afectados, tanto en superficies asfaltadas como de formigón, garantindo a seguridade e durabilidade das infraestruturas renovadas. Para asegurar o correcto funcionamento da nova rede, realizáronse tamén probas de estanqueidade das tubaxes.

Esta actuación supón un importante avance no obxectivo do Concello de modernizar as infraestruturas de saneamento, mellorando a xestión das augas residuais e contribuíndo á protección do medio ambiente.

• ACTUALIDADE,Novas

Malpica celebra el 91 aniversario de las Misiones Pedagógicas con una programación especial

El Concello de Malpica de Bergantiños conmemorará el 91 aniversario de las Misiones Pedagógicas, un proyecto cultural y educativo que llevó el teatro, la música y el conocimiento por toda España. En el año 1933, Malpica fue testigo de uno de esos espectáculos, con el estreno del Retablo de fantoches, una de las primeras representaciones de marionetas organizadas en el marco de las misiones, gracias al trabajo de José Val del Omar, Ramón Naya, Fernández Mazas, Miguel Prieto y Urbano Lugrís junto con Rafael Dieste.

Con este motivo, el concello organiza una serie de actos que se desarrollarán entre el 16 y el 30 de octubre, entre los que destaca una muestra fotográfica en el Fondo Lugrís del Centro Cívico de Malpica. La exposición lleva por título As Misións Pedagóxicas en Malpica y estará disponible para el público durante dos semanas.

La fecha más señalada será el 20 de octubre con la celebración de una tarde especial de actividades en la Praza Anselmo Villar Amigo. A las 17:00 horas, comenzará el espectáculo de marionetas Coa música a outra parte, a cargo de la compañía Trécola Producións. La obra, con una duración de 60 minutos, está recomendada para mayores de 6 años y contará con música en directo.

A las 18:00 horas, tendrá lugar el tradicional magosto popular, donde los asistentes podrán degustar castañas asadas, acompañadas de una chocolatada, mientras disfrutan de la música del grupo Tren da Unha.

En caso de mal tiempo, las actividades se trasladarán al Auditorio del Centro Cívico.

La iniciativa, que cuenta con el apoyo de la Diputación de A Coruña a través de su Rede Cultural 2024, busca mantener viva la memoria de este importante episodio de la historia cultural del país.

• ACTUALIDADE,Novas

Malpica celebra o 91 aniversario das Misións Pedagóxicas cunha programación especial

O Concello de Malpica de Bergantiños conmemorará o 91 aniversario das Misións Pedagóxicas, un proxecto cultural e educativo que levou o teatro, a música e o coñecemento por toda España. No ano 1933, Malpica foi testemuña dun deses espectáculos, coa estrea do Retablo de fantoches, unha das primeiras representacións de monicreques organizadas no marco das misións, grazas ao traballo de José Val del Omar, Ramón Naya, Fernández Mazas, Miguel Prieteo e Urbano Lugrís xunto con Rafael Dieste.

Con este motivo, o concello organiza unha serie de actos que se desenvolverán entre o 16 e o 30 de outubro, entre os que destaca unha mostra fotográfica no Fondo Lugrís do Centro Cívico de Malpica. A exposición leva por título As Misións Pedagóxicas en Malpica e estará dispoñible para o público durante dúas semanas.

A data máis sinalada será o 20 de outubro coa celebración dunha tarde especial de actividades na Praza Anselmo Villar Amigo. Ás 17:00 horas, comezará o espectáculo de monicreques Coa música a outra parte, a cargo da compañía Trécola Producións. A obra, cunha duración de 60 minutos, está recomendada para maiores de 6 anos e conta con música en directo.

Ás 18:00 horas, terá lugar o tradicional magosto popular, onde os asistentes poderán degustar castañas asadas, acompañadas dunha chocolatada, mentres gozan da música do grupo Tren da Unha.

En caso de mal tempo, as actividades trasladaranse ao Auditorio do Centro Cívico.

A iniciativa, que conta co apoio da Deputación da Coruña a través da súa Rede Cultural 2024, busca manter viva a memoria deste importante episodio da historia cultural do país.

• ACTUALIDADE,Novas

Éxito de participación e solidariedade na VII Carreira Pedestre Concello de Malpica

O pasado domingo celebrouse a sétima edición da Carreira Pedestre Concello de Malpica, que comezou cun emotivo xesto solidario. Os 258 corredores inscritos contribuíron cun euro por persoa, recadando fondos para a Asociación Española contra o Cancro (AECC). O alcalde de Malpica, Eduardo Parga, e o tenente de alcalde, Miguel Ángel Mirás Fernández, fixeron entrega dun cheque a Carmen Teresa, representante da xunta local da AECC, quen agradeceu o apoio da comunidade.

A competición deu comezo despois deste acto solidario, desenvolvéndose nun clima favorable, aínda que marcado por algunhas pingas de choiva.

Na proba 10k, Antón Gómez López, do Club Atletismo Santiago, destacou como o gran vencedor ao cruzar a meta en 35 minutos e 9 segundos, acadando o mellor tempo da xornada. Na categoría feminina, Olalla Saborido impúxose cun tempo de 45 minutos e 28 segundos. Tamén houbo triunfos locais, con David Pérez Pose e Melania Benavente como os mellores malpicáns na distancia de 10K.

Na categoría de 2K, os gañadores foron Javier Paradela Martico e Olga Pose Chouciño.

A entrega de premios estivo a cargo do alcalde Eduardo Parga e do tenente de alcalde Miguel Ángel Mirás Fernández, que felicitaron aos gañadores e gañadoras polo seu esforzo e rendemento.

Podes consultar os resultados na seguinte ligazón: Champion Chip Norte (ccnorte.com)