Síguenos en
gl_ES
Tempo Malpica de Bergantiños
Mércores 19°
16°
Xoves 18°
15°
Venres 18°
15°
tiempo.com   +info
  1.  
  2. Cultura

Cultura

1Mar 2017

Gran competitividade no Concurso de Doces, que encheu de sabores o Martes de Entroido en Malpica

O Concurso de Doces non só é unha cita consolidada dentro da programación do Entroido, senón que cada ano gaña en calidade, variedade, sabores e, en consecuencia, en competitividade. O xurado, integrado por representantes do Concello de Malpica e das entidades colaboradoras, tivo moitos problemas para escoller os premios entre as distintas preparacións presentadas, entre as que este ano destacaron os doces máis típicos da época.

MAGDALENAS DE POMPEYA-1 PREMIO INFANTIL-MAR AMADOBOLAS DO DRAGON ZETA - 2 PREMIO INFANTIL - BRAIS CASAL BIZCOCHO GALACTICO - 3 PREMIO INFANTIL - NOELIA SILVA

Na categoría infantil, para nenos e nenas menores de 14 anos, os tres premios foron, por esta orde, para as “Magdalenas de Pompeya” de Mar Amado Chouciño, as “Bolas do dragón Zeta” de Brais Casal e o “Bizcocho galáctico” de Noelia Silva.

ROCAS DE AMENDOA - 1 AMATEUR - Mª JOSE RECAREY CHOUCIÑONa categoría amateur o doce mellor valorado polo xurado foron as “Rocas de améndoa” de María José Recarey; mentres que o segundo premio foi para o “Flan de coco” de Ana Rama e o terceiro, para a “Tarta de oreo” de Isabel Camiño. En canto á categoría profesional, destinada a establecementos de hostalería, o xurado galardoou en primeiro lugar as “Rosquillas” da Cafetería JB, seguidas da “Tarta de limón” de O Cachón e a “Tarta de queixo e vainilla” de Casa Antonio.

O alcalde, Eduardo Parga, e o tenente de alcalde, Miguel Fernández, achegáronse ata o pavillón malpicán para participar na entrega de agasallos, pezas de Olería de Buño e “chuches” para os nenos e as nenas. Co Concello de Malpica colaboraron a Asociación de Redeiras Mar da Illa, a Asociación de Amas de Casa de Malpica e a ANPA Ventorrillo, que paralelamente celebrou a súa tradicional festa infantil con inchables e obradoiros.

 

27Feb 2017

“Malpica nos anos 50”, gañadora do concurso de comparsas

En Malpica queremos ofrecer o Entroido máis doce, e por iso, á parte do tradicional Concurso de Doces que celebramos hoxe, como todos os Martes de Entroido, no concurso de comparsas do domingo houbo “chuches” para todos os nenos e nenas participantes, e “A Vaca”, gañadora do certame na categoría infantil, levou unha cesta ben completiña.

Entroido 2017

Para os maiores, e como tamén é tradición, os galardóns consistiron en cestas cheas de produtos típicos de Entroido, incluídos o lacón e os grelos. O primeiro premio foi para a numerosa “Malpica nos anos 50”; o segundo, para “O lobo e as ovelliñas”; o terceiro, para “Guardia Civil”, e o cuarto, para “Familia Mickey”. O concurso de comparsas encheu de animación e diversión a nosa vila.

19Feb 2017

Malpica celebra o mellor Entroido da volta

CARTEL ENTROIDO  17

Co cocido da Asociación Cultural Raigañas entramos oficialmente no tempo de Entroido en Malpica. Serán dúas semanas repletas de actividades organizadas polo Concello en colaboración cunha ducia de entidades: Asociación Cultural Malante, ANPA Ventorrillo, ANPA do CEIP Joaquín Rodríguez Otero de Buño, Asociación de Redeiras Mar da Illa, Asociación Cultural Carcaxía, A.C.D. San Xulián, A.V. C. S. O Brizo, Asociación Cultural Raigañas, Asociación de Amigos da Mikaela, A. VV. de Leiloio, Asociación de Amas de Casa e pubs de Malpica.

O programa inclúe obradoiros, pasarrúas, concursos de disfraces, festas infantís, animación de rúa, degustacións, bailes e citas tan tradicionais coma o Concurso de Comparsas (domingo 26), Concurso de Doces de Entroido (martes 28), a Mikaela de Buño (sábado 4 de marzo), o percorrido dos Madamitos e Ghuardineros por Cerqueda, e os enterros do Faustino e o Farruco (domingo 5).

Descarga aquí o programa completo: FOLLETO ENTROIDO 2017

4Feb 2017

Abre o prazo de inscrición para o Concurso de Doces de Entroido organizado pola Concellería de Cultura

A Concellería de Cultura abrirá mañá o prazo de inscrición para o Concurso de Doces de Entroido, que cumpre 16 anos. As persoas interesadas en participar poden anotarse ata o 27 de febreiro ás 15.00 horas, ou ben no Departamento de Educación e Cultura (Centro Cívico) ou ben en calquera das entidades colaboradoras, que son a Asociación de Redeiras Mar da Illa, a ANPA Ventorrillo e a Asociación de Amas de Casa de Malpica.

SAMSUNG CAMERA PICTURES

As bases establecen tres categorías: profesional, para locais de hostalería e restauración; amateur, para particulares e asociacións, e infantil, para menores de 14 anos. En cada unha delas entregaranse tres premios e trofeos, pero todos os participantes recibirán un detalle conmemorativo. Cada participante poderá presentar todas as especialidades que desexe, pero a cantidade mínima de cada unha será dunha ducia, no caso de unidades, ou medio kilo. Os doces serán cedidos para a degustación posterior ao concurso, que se celebrará o martes 28, no pavillón polideportivo de Malpica, a partir das 15.30 horas. O xurado estará composto por representantes do Concello, entidades colaboradoras e/ou medios de comunicación, e terá en conta tanto a presentación coma o sabor.

29Xan 2017

O Concello envía exemplares de “Os bolechas van á Mostra da Olería de Buño” a 26 colexios e 7 bibliotecas da comarca

web5

Sete bibliotecas e 26 centros escolares da comarca de Bergantiños están a recibir estes días exemplares de “Os bolechas van á Mostra da Olería de Buño”, un agasallo da Concellería de Educación, Cultura e Turismo, que dirixe Noelia Freijeiro Novo, para que os nenos e nenas de toda a comarca poidan desfrutar coas aventuras dos populares personaxes no noso concello.

A publicación, que foi presentada o pasado mes de agosto coincidindo coa visita dos bolechas corpóreos a Buño, fai un percorrido pola nosa tradición artesá e por algúns dos principais atractivos turísticos do municipio de Malpica da man de Carmiña, unha pequena oleira que se converte en protagonista e fío condutor da historia.

14Dec 2016

Quince entidades e centros educativos colaboran co Concello de Malpica na organización das actividades de Nadal

A Asociación Cultural Malante, Asociación Cultural Raigañas, Asociación Cultural Carcaxía, Asociación Cultural e Deportiva San Xulián, ANPA Ventorrillo, ANPA do CEIP Joaquín Rodríguez Otero, A. VV. Pobo Alfareiro, A. C. A Feira, A. V. S. O Brizo, Asociación Veciñal Río de San Antonio, A. VV. de Leiloio, CEIP Milladoiro,  CEIP JRO, CRA Nosa Señora  do Faro e A Galiña Azul de Aldeola son as 15 entidades e centros educativos que colaboran coa Concellería de Educación, Cultura e Turismo, que dirixe Noelia Freijeiro, na organización das actividades de Nadal.

A programación xa comezou con iniciativas tan ben acollidas como a presentación do poemario “Ollares”, de Ricardo Seixo, o domingo pasado en Cerqueda. Pero aínda queda moito Nadal por vir. Aquí tedes todas as citas:

Día 15 de Nadal (xoves)

  • Entrega dos premios do Concurso Escolar de Debuxo e Pintura de Nadal

Ás 11.15 h. no CEIP Milladoiro, ás 12.00 h.  no CEIP Xaquín Rodríguez Otero e ás 12.45 h. na Escola Unitaria de Mens.

Colaboran: CEIP Milladoiro e CEIP Joaquín Rodríguez Otero.

OLYMPUS DIGITAL CAMERA

Premio Pantalla Dixital para este debuxo de Pablo Souto Suárez, alumno de 1º de Primaria do CRA Nosa Señora do Faro (escola de Mens)

Premio Cartel Andrea 2º primaria CEIP Miladoiro

Cartel gañador do concurso escolar de Nadal, obra de Andrea Vila Amado, alumna de 2ª de Primaria do CEIP Milladoiro

Premio Saúda de Nadal Alexia Gonzalez Busto 6º de Infantil CEIP J.R.O. (5 anos)

Premio Saúda de Nadal para este debuxo de Alexia González Busto, alumna de 6ª de Infantil do CEIP Joaquín Rodríguez Otero de Buño

Día 17 de Nadal (Sábado)

  • Nadal Xogo: Festa Infantil, visita de Papá Noel e Chocolatada a partir das 16.00 h. ata ás 20.00 h. na Casa dos Veciños de Leiloio (A Raxeira). Colabora: A. VV. de Leiloio
  • Obradoiro de adornos de Nadal de 10.30 h. a 12.30 h. nas Escolas Vellas de Buño. Para rapaces/as de 3 a 16 anos. Límite de prazas. Organiza: ANPA do CEIP Joaquín Rodríguez Otero.

Día 18 de Nadal  (domingo)

  • Nadal Xogo: Tómbola Infantil de Nadal ás 17.00 h. no Pavillón Polideportivo de Malpica. Imprescindible entrar con zapatillas de deporte. Organiza: A. C. Malante

Día 20 de Nadal (martes)

  • Os Reis Magos visitarán o CEIP Milladoiro de Malpica ás 10.30 h. Colabora: CEIP Milladoiro.

Día 21 de Nadal (mércores)

  • O Carteiro Real visitará o CEIP Joaquín Rodríguez Otero ás 10.15 h.
  • Actuación de Maxia, ás 10.30 h. para alumnos/as do CEIP Milladoiro, no Auditorio do Centro Cívico e Chocolatada, ás 12.00 h. no Patio do CEIP Milladoiro. Organiza: ANPA Ventorrillo.
  • Papá Noél visitará o CEIP Joaquín Rodríguez Otero de 11.00 h. a 13.15 h. Organiza: ANPA Xaviña do CEIP J.R.O.
  • O Carteiro Real visitará a Galiña Azul ás 11.15 h.
  • Papá Noel visitará a Escola de Mens ás 12.00 h.
  • Papá Noel visitará a Escola de Barizo ás 12.30 h.

Día 22 de Nadal (xoves)

  • Obradoiro de Adornos de Nadal, no local da Ludoteca Municipal, Abriranse 15 prazas para nenos/as de 3 a 11 anos. Organiza: ANPA Milladoiro.

Horarios:

            Grupo 1: de 11.00 h. a 13.00 h.

Grupo 2: de 16.00 h. a 18.00 h.

Inscricións: os días 15 e 16 de decembro, de 9.00 h. a 11.00 h. no local da ANPA no CEIP Milladoiro.

Día 23 de Nadal (venres)

  • Colocación dos Adornos na árbore de Nadal, no local da Ludoteca Municipal das 11.00 ás 12:30 horas. A cargo dos participantes nos obradoiro de Adornos de Nadal das ANPAS e o Obradoiro de Manualidades do Concello de Malpica. Organizan: ANPA Ventorrillo do CEIP Miladoiro, ANPA Xaviña do CEIP J.R.O. e Concello de Malpica de Bergantiños.

Día 24 de Nadal (sábado)

  • Ás 16.30 h. Papa Noel entregará os regalos ós rapaces na Casa da Cultura de Seaia. Organiza: A. C. Carcaxía.
  • Pasarrúas de Panxoliñas das cantareiras da C. Malante a partir das 18.00 h. pola vila de Malpica.
  • Papá Noel entregará os regalos ós rapaces ás 18.30 h. na Fonte da Praza Anselmo Villar Amigo. Organiza: A. C. Malante.

Día 26 de Nadal  (luns)

  • Nadal Xogo: Festa Infantil con Inchables e chocolatada das 16.30 h. ás 19.30 h. no Pavillón Polideportivo. Colabora: ANPA do CEIP Joaquín Rodríguez Otero.

Día 27 de Nadal (martes)

  • Presentación da publicación O Apalpador de Xoán G. ás 17.00 h. no Centro Cívico.

Día 28 de Nadal  (mércores)

  • Nadal Xogo: Festa Infantil con Inchables das 16.30 h. ás 20.30 h. no Pavillón Polideportivo de Malpica. É imprescindible levar calzado axeitado para estas instalacións. Colabora: ANPA Ventorrillo.

Día 30 de Nadal  (venres)

  • Nadal Xogo: Festa de Fin de Ano Infantil das 16.30 h. ás 19.30 h. no Centro Sociocultural das Pozacas. Organiza: A.C. Raigañas.

Día 31 de Nadal  (sábado)

  • 1ª San Silvestre Malpicana, Sáida ás 12.00 h. da Fonte da Praza Anselmo Villar Amigo. Percorrido: Fonte de Anselmo Villar – Mirador de Santo Hadrián (incluirá brindis cun viño galego e txacolí no mirador). Inscricións de balde en Wata Boutique e nos teléfonos 620 927 729 (Walter) e 620 661 699 (Martu). Organiza: A. C. Malante.
  • Festa de Fin de Ano, a partir das 23.45 h., no Auditorio do Centro Cívico de Malpica amenizada polo Dúo de Festa, uvas, cava e cotillón.

Día 3 de xaneiro (martes)

Nadal de Vila en Vila, obradoiro de cantos de Nadal con Uxía e Santi Cribeiro. De 12.00 h. a 13.00 h. no Auditorio do Centro Cívico de Malpica. Destinado a rapaces/as maiores de 4 anos. Prazas limitadas 40. Rede de Dinamización Lingüística. Secretaría Xeral de Política Lingüística.

Día 5 de xaneiro (xoves)

  • Os Reis Magos de Oriente chegarán a:

Ruta 1

  • Cambre ás 17.00 h. Saída do Local Sociocultural de Cambre.
  • Buño, ás 18.00 h. Parada no Teleclube
  • Cerqueda ás 19.00 h. parada no Centro Sociocultural das Pozacas.
  • Malpica de Bergantiños, ás 20.00 h. ó Porto.

 Ruta 2

  • Barizo, Saída do Centro Sociocultural de Barizo, ás 17.30 h.
  • Mens, Parada no Centro Sociocultural de Mens ás 18.00 h.
  • Seaia Parada na Casa da Cultura de Seaia, ás 18.30 h.
  • Vilanova Parada no adro da igrexa, ás 19.00 h.

 A cabalgada unicamente realizará as paradas que se relacionan.

 Organizan: Concello de Malpica, A. C. Malante,  A. C. Carcaxía, AVV Pobo Alfareiro, A. V. C. S. O Brizo, A. C. Raigañas e  Asoc. Veciñal Río de San Antonio.

  • Leiloio, a partir das 18.00 h. Saída da Feira Nova. Organiza: A.C. A Feira.
  • Seaia, ás 21.00 h. Os Reis entregarán os regalos polas casa. Organiza: A. C. D. San Xulián

Día 6 de xaneiro  (venres)

  • Os Reis Magos de Oriente chegarán a:

Seaia, ás 10.00 h. saída da Casa da Cultura e a continuación percorrido pola parroquia. Organiza: A. C. D. San Xulián

1Dec 2016

A archipremiada “Perplexo” clausura a XII Mostra de Teatro

Perplexo CARTEL

Este venres 2 de decembro remata a XII Mostra de Teatro de Malpica, e non podía facelo cunha proposta mellor. A guinda a cinco semanas do mellor teatro galego será a representación de “Perplexo”, a montaxe de Il Maquinario Teatro que foi a gran triunfadora dos Premios María Casares 2015, nos que acadou os cinco premios principais (mellor espectáculo, dirección, iluminación, vestiario e tradución/versión), e que esta mesma semana vén de colleitar un novo éxito coa nominación de Tito Asorey como finalista do Premio ADE de Dirección.

“Perplexo” foi estreada a finais do 2014, no mes de febreiro deste ano iniciou a xira por toda España coa súa versión en castelán e de forma recente traspasou fronteiras para chegar tamén ao público portugués. Mañá teremos a sorte de tela en Malpica, nunha función para público mozo e adulto (a partir de 15 anos) que comezará ás 20.30 horas no Centro Cívico.

Nesta comedia, interpretada por Melania Cruz, Fernando González, Fran Lareu e Laura Míguez, todos eles nominados aos Premios María Casares polas súas interpretacións, nárrase a historia dunha parella que ao volver á casa despois das vacacións percibe estraños cambios, e atópase coa sorpresa de que a parella que quedou ao cargo semella ser a auténtica propietaria da vivenda. Esta situación de partida dará pé a unha sucesión de intercambio de roles, onde os personaxes deberán transformarse para adecuarse a unha realidade en constante cambio.

25Nov 2016

A concelleira de Servizos Sociais pon á veciñanza de Malpica como exemplo na loita contra a violencia de xénero

Inaugurada a exposición “Por elas, por nós” coa presenza das e dos protagonistas das 12 fotografías que a integran

IMG_0148

A concelleira de Servizos Sociais e Igualdade de Malpica, inaugurou hoxe a exposición “Por elas, por nós”, integrada por 12 fotografías protagonizadas por mulleres e homes do concello que poñen así o seu gran de area contra a violencia de xénero. No día internacional dedicado á eliminación desta lacra social, Marisol Blanco Gorín quixo poñer en valor, precisamente, a implicación da veciñanza malpicá, á que puxo como exemplo dunha loita que debe ser conxunta de toda a sociedade para evitar que se siga reproducindo.

“Esta forma de violencia comeza cada vez máis cedo. Son moitas as adolescentes que o están vivindo a mans das súas parellas, e ao non ser conscientes do que realmente sucede debemos dicirllo nós, tratar de explicarlles e de facerlles ver que esta situación non é normal. Non te quere máis por terte tan controlada, senón que está tratando de anularte, de illarte do teu círculo social para que dependas del”. Xunto a esta dura pero realista reflexión, que a concelleira de Servizos Sociais acompañou con datos, Marisol Blanco lamentou que sexa preciso sinalar unha data no calendario “para lembrarnos de que moitas mulleres son vítimas de malos tratos, sexan físicos ou psicolóxicos, ou, o que é peor e irreparable, que morran asasinadas polas súas parellas”. A concelleira fixo fincapé na necesidade de que as vítimas de violencia de xénero sexan conscientes de que o son, e instou á sociedade a axudalas a saír da situación na que se encontran.

IMG_0182

Marisol Blanco lembrou que o 25 de novembro “é só unha vez ao ano, pero os outros 364 días debemos seguir traballando para erradicar esta lacra, debemos educar ás novas xeracións na igualdade. É o que tratamos de reflectir nesta exposición”. A concelleira de Servizos Sociais e Igualdade estivo acompañada polos seus compañeiros Miguel Fernández e Iago Espasandín, polos técnicos municipais da súa área e por moitos e moitas dos e das protagonistas da exposición, entre os que figuran a propia Marisol Blanco, o concelleiro do BNG e percebeiro Paco Souto, o cociñeiro Fernando Agrasar, a oleira Carmen Isabel e moitas outras persoas que teñen en común a súa repulsa á violencia de xénero. O acto de apertura da exposición, que permanecerá ata o Nadal no Centro Cívico, incluíu tamén a proxección do “lipdub” gravado o ano pasado e un aperitivo.

28Out 2016

Os espectáculos galegos máis laureados, na 12ª edición da Mostra de Teatro de Malpica

A XII Mostra de Teatro de Malpica, organizada pola Concellería de Educación, Cultura e Turismo coa colaboración da Deputación Provincial da Coruña, reunirá o mellor da escena galega ao longo de varias semanas. Os espectáculos máis laureados pasarán polo escenario do Centro Cívico a partir do día 4.

Este é o programa completo:

Venres 4 de novembro, ás 20.30 h
O día do pai. Malasombra

 

COMPAÑÍA GAÑADORA DA VALORACIÓN DO PÚBLICO NA XI MOSTRA DE TEATRO DE MALPICA 2015 E  X MOSTRA DE TEATRO DE MALPICA 2014.

  • Director: Marcos Orsi
  • Actores: Alberto Rolán, Jouse García, Xoque Carbajal e Pablo Alvarado.
  • Duración: 70 minutos
  • Xénero: Comedia
  • Público preferente:  Adulto (maiores de 16 anos)

Venres 11 de novembro, ás 20.30 h
Noiteboa. Redrum Teatro

 

PREMIO MARÍA CASARES NO ANO 2016: Mellor Actriz Protagonista. Nominacións  a Mellor Director e Mellor Texto Orixinal.

  •  Actores: Mela Casal, Ernesto Chao, Guilermo Carbajo
  • Dirección – Alex Sampayo
  • Duración: 75 minutos
  • Xénero: Traxicomedia
  • Público preferente:  A partir de 12 anos

Venres 18 de novembro, ás 20.30 h
Fábula Galénica. Fantoches Baj (Produce Urdime)

 

VIII PREMIO BARRIGA VERDE DE TEXTO PARA TEATRO DE MONICREQUES. Modalidade Infantil.

  • Duración: 50 minutos
  • Xénero: Títeres de luva
  • Público preferente:  Público familiar. Recomendado para maiores de 5 anos.

Venres 25 de novembro, ás 20.30 h
Luppo. Baobab Teatro

 

PREMIO AO MELLOR ESPECTÁCULO INFANTIL na Feira de Teatro de Ciudad Rodrigo 2015

CANDIDATO aos Premios Max 2016 na categoría de “Mellor Autoría Teatral”

  • Duración: 55 minutos
  • Xénero: Monicreques e actores
  • Público preferente:  Familiar a partir de 4 anos

Venres 2 de nadal, ás 20.30 h
Perplexo. Il Maquinario Teatro

 

5 PREMIOS MARÍA CASARES NO ANO 2015: Mellor Espectáculo, Dirección, Iluminación, Vestiario e Tradución/Versión. 

  • Actores: Melania Cruz, Fernando González, Fran Lareu, Laura Míguez
  • Director: Tito Asorey
  • Duración: 85 minutos
  • Xénero: Comedia
  • Público preferente:  Adultos e rapaces/as a partir de 15 anos

Cartel teatro 2016

12Out 2016

O Concello de Malpica repartirá 17.000 euros entre as entidades para o fomento do asociacionismo e a cultura

O Concello de Malpica de Bergantiños vén de publicar no Boletín Oficial da Provincia as bases reguladoras da convocatoria de axudas a entidades sen ánimo de lucro para o fomento do asociacionismo e a cultura. O importe global das subvencións será de 17.000 euros, repartidos do seguinte xeito.

 PROGRAMAS PARTIDA CRÉDITO ORZAMENTARIO

PROMOCIÓN DAS ACTIVIDADES DE ENTROIDO

334.480

2.000,00 €

PROMOCIÓN DOS ENCONTROS E FESTIVAIS CULTURAIS

334.480

2.000,00 €

PROMOCIÓN  CULTURAL

 

334.480

13.000,00

TOTAL

334.480

17.000,00

 Segundo as bases, no Programa de Promoción das Actividades do Entroido subvencionarase a realización das manifestacións tradicionais do Entroido en cada parroquia, así como a realización de actividades especialmente dedicadas ós nenos, cunha cantidade máxima de 400,00 € para aquelas actividades que acrediten un especial interese etnográfico e/ou se complementen con actividades dirixidas á infancia e á xuventude. No Programa de Promoción dos Encontros e Festivais Culturais: subvencionarase a realización de concertos musicais, encontros culturais e outras actividades de natureza análoga, especialmente aqueles que teñan capacidade de incidir na promoción turística do Concello e os que se dirixan á mocidade como público preferente. E no Programa de Promoción Cultural: subvencionaranse todo tipo de actividades culturais, que non sexan obxecto de axuda noutros programas desta convocatoria, así como os gastos de funcionamento das entidades culturais, sen máis limitacións das establecidas con carácter xeral.

Cada entidade non poderá recibir máis de 4.000 euros polo conxunto das actividades que desenvolva.

Poderán acceder ás subvencións as entidades constituídas xuridicamente ou sen ánimo de lucro, que desenvolvan a súa actividade no municipio e que, no primeiro caso, estean inscritas no Rexistro Municipal de Asociacións.

Descarga aquí toda a documentación:

8. Bases Reguladoras da Convocatoria de Axudas 2016

10. MODELO DE SOLICITUDE DE AXUDAS DO CONCELLO AS ENTIDADES 2016

100 MODELO MEMORIA DE ACTIVIDADES 101 MODELO DE ORZAMENTOS

101 MODELO DE ORZAMENTOS

Página 11 de 12« Primera...89101112