Síguenos en
gl_ES
Tempo Malpica de Bergantiños
Xoves 20°
16°
Venres 21°
17°
Sábado 22°
18°
tiempo.com   +info
  1.  
  2. ACTUALIDADE

ACTUALIDADE

20Abr 2023

Máis de 52 persoas participaron na excursión organizada polo Concello de Malpica

Hoxe xoves finaliza a excursión organizada pola concellería de Sevizos Sociais. O domingo viaxaron a Portugal 52 veciños e veciñas, aos que os acompañou a concelleria Marisol Blanco e o alcalde Eduardo Parga. Os excursionistas aloxáronse no Crystal Resort en Vieira Beach, Leiria durante 5 días. A estancia fíxose amena e visitaron varias cidades de Portugal e Coimbra a universidade máis antiga. Na estancia en Fátima, coñeceron o santuario e gozaron dun agradábel paseo pola cidade. En Nazaré, contemplaron un fermoso panorama da cidade, visitaron a Igrexa da nosa Señora de Nazaré e a Capela da Virxe da Memoria. Na parte baixa do pobo coñeceron os secadoiros de peixe, e deron un longo paseo xunto á praia de Banjos, famosa por ser o berce do windsurf. Xa en Lisboa, disfrutaron dun día moi ameno visitando Barrio de Belén, Praza do Comercia, Avda. da Libertade, o elevador de Santa Xusta e a beleza da cidade. En Aveiro, un pequeno pobo coñecido como a Venecia do Norte, navegaron polas canles nun barco típico local, o moliceiro, antes de emprender a viaxe de regreso a Malpica.

20Abr 2023

O Concello de Malpica celebra o 29 de abril o Día do Ritmo

Deportistas das escolas municipais de ximnasia rítmica e patinaxe participarán no día do ritmo en Malpica o vindeiro 28 de abril ás 18.00 horas.

Un evento organizado pola Concellería de Deportes do Concello de Malpica no que participan nenos e nenas dos concellos de Laxe, Ponteceso e Cabana Os patinadores e patinadoras do club Patín Velúa demostrarán a súa destreza neste fermoso deporte.

Dende o consistorio invitamos a todas as persoas a achegarse a animar aos nosos deportistas.

16Abr 2023

Máis de 300 persoas participaron na andaina solidaria contra o cancro de Malpica

O paseo da praia de Malpica acolleu a andaina solidaria “Malpica de Bergantiños en Marcha Contra o Cancro”, organizada pola Asociación do Cancro de Malpica en colaboración co Concello de Malpica, onde 330 persoas participaron nunha xornada de bo tempo e emotiva.Esta andaina organizouse para recadar fondos para a loita contra o cancro, unha enfermidade que afecta a miles de persoas en todo o mundo cada ano. A participación de 330 camiñantes foi mostra do compromiso da comunidade tanto de veciños e veciñas de Malpica como de foráneos con esta causa. O evento comezou cunha actuación especial da regeifieira Lupe Blanco. A saída foi ás 10.45 da mañá e o percorrido consistiu en ida e volta a San Hadrián. Os participantes camiñaron en grupos, algúns camiñaron sós e outros con amigos e familiares, gozando con alegría das fantásticas paisaxes que ofrece Malpica. En San Hadrián os participantes realizaban unha parada para recoller unha botella de auga que repartía Noelia Freijeiro, concelleira de Deportes, Cultura e Patrimonio, e membros de protección civil, para manterse hidratados. Ao final da viaxe, puideron reuníronse para un evento especial con música en vivo da man da Escola de Acordeóns Alborada. Moitos mesmo puxéronse a bailar ao son dos acordes musicais. Moitas grazas a todas as persoas que organizaron este evento, aos voluntarios e voluntarias de Protección Civil, a Lupe Blanco e aos membros da Escola de Acordeóns Alborada polas actuacións desinteresadas.

23Mar 2023

Malpica aposta por seguir fomentando a reciclaxe de aceite de cociña

O Concello de Malpica segue a apostar pola reciclaxe do aceite de cociña para minimizar a contaminación desde residuo.

O Concello de Malpica mellorará a recollida do aceite de cociña usado entregando a toda a veciñanza que o desexe un barrilete para o seu reciclaxe.

Este novo servizo será presentado o vindeiro domingo 26 de mazo ás 11.30 horas no Centro Cívico de Malpica nunha charla teatralizada moi dinámica onde nós explicarán a importancia da reciclaxe.

A empresa de recollida porta a porta RGR SOSTENIBLE S.L. será a encargada de dar a charla.

20Mar 2023

Programa de Semana Santa

A Semana Santa vívese en Malpica de Bergantiños

Toma boa nota do programa.

Luns 3 ao mércores 5 de abril teremos campamento de conciliación para nenos e nenas de 3 a 12 anos. Podes inscribirte ata o 29 de marzo. Infórmate no departamento de Deportes no teléfono 981720001

Luns 3 ao mércores 5 de abril haberá campamento de Pascua organizado pola ACD Carcaxía en colaboración Concello de Malpica Unhas xornadas para nenos e nenas a partir dos 4 anos

Luns 3 ao venres 7 abril realizarase o o obradoiro de barro no Ecomuseo Forno do Forte de 16.00 a 18.30 horas.Inscrición previa, máximo 15persoas ( por orde de chegada)

Xoves, 6 de abril teremos a IX Festa da Xuventude con Disco Móbil Impacto e Grupo Bomba no Porto de Malpica (Peirao sur), partir das 22.00 horas. Organiza ACD Mallas da Area.

Venres, 7 abrilA partir das 18.00 horas celebraranse os actos litúrxicos e posterior procesión acompañada da Banda de Música Isabel II de Touro

Sábado, 8 abrilSerá a quenda do torneo de vetaranos no campo de fútbol de Feira Nova todo o día, a partir das 11.

Sábado, 8 de abrilGozaremos dunha xornada para divertirse en familia cos xogos do Paporrubio na área recreativa do Río de Vaa de 16.30 a 19.00 horas

18Mar 2023

Gran acollida da presentación do libro “ Las diez mil hijas de Irene. Cien años de fútbol femenino en Galicia”

O Centro Cívico de Malpica foi escenario da presentación do libro do periodista Alex Centeno. Ao acto acudiu o alcalde de Malpica, Eduardo Parga, o concelleiro, Miguel Ángel Mirás, e a concelleira de Deportes Noelia Freijeiro impulsora da realización do evento.
Ante un auditorio moi concorrido, no que estaban numerosas xogadoras dos equipos femininos de Malpica, o periodista Alex Centeno, autor do libro, fixo una extensa explicación sobre o mesmo e respondeu as preguntas das xogadoras e do público.
María Bardanca, técnica de deportes do Concello, e xogadora de fútbol referente a nivel galego, foi unha das condutoras do evento e tamén quixo compartir a súa experiencia no mundo do deporte.
Ao finalizar a presentación Alex Centeno firmou numerosos exemplares do seu libro.
O evento foi presentado por J.M. Ferreiro.

17Mar 2023

A solidaridade sae de andaina contra o cancro en Malpica

A Asociación Española contra o Cancro de Malpica e a concellería de Cultura, Deportes e Patrimonio organizan a andaina solidaria “En marcha contra o cancro”, que se desenvolverá este domingo 16 de abril.
Os interesados poden inscribirse nesta iniciativa solidaria que partirá ás 10.30 horas da Praia Area Maior de Malpica para logo realizar o percorrido ata a ermida de San Hadrián.
Unha convocatoria para todas as idades, cun custe de 5 euros para os maiores de 12 anos e 3 euros para nenos e nenas ata os 12 anos.

As persoas que non poidan vir e queiran colaborar poden adquirir o dorsal solinario na web da Asociación do Cancro.

Inscricións
As persoas interesadas en participar e colaborar con esta causa poden apuntarse nos seguintes puntos presenciais:

  • Leiloio: Mª Carmen do Vilar
  • Buño: Casa de Lexi do Correo.
  • Cambre: Rosa María.
  • Cerqueda: U.D. Cerqueda.
  • Malpica: Jofra, Peluquería Ana Ures e Peluquería Cristal, Peluquería Marta, Oficina de Reale Seguros Santi Abelenda e no Centro de Beleza Alverixa.
    Ademais poden contactar telefonicamente co Concello no 981.720.001; con Carmen Teresa no 625.117.730; con Ma José Veiga no 628.094.299, e con Ma José Prieto no 686983670.
15Mar 2023

I XUNTANZA DE MAIORES

A Concellería de Servizos Sociais do Concello de Malpica organiza a “I Xuntanza de Maiores”O evento levarase a cabo o 1 de abril no CEIP Milladoiro e constará dunha comida con música en directo amenizada polo Dúo Marineda. As persoas interesadas poden inscribirse no departamento de Servizos Sociais ou chamando ao 981720280 dende o 20 ao 29 de marzo ou ata completar aforo

14Mar 2023

Chegan a Malpica os xogos do Paporrubio

O vindeiro sábado 8 de abril a área recreativa do Río Vaa acolle unha actividade de diversión en familia coma son os xogos do Paporrubio.

Unha xornada de música, xogos e moita diversión dende as 16.30 ata as 19.00 horas.

Os xogos do Paporrubio son un compendio de xogos autónomos e animados de temática agraria, que nos dá a coñecer un dos paxaros máis pequenos, rebuldeiros e cantaruxeiros da nosa fauna. O noso paporrubio, calzado cuns zoquiños, guía a nenos e maiores por unha eira chea de xogos. Os participantes nesta aventura terán que ir descubrindo como se xoga a algúns dos xogos, mentres que se sorprenderán noutros deles grazas ás pequenas historias contadas e cantadas polos animais e habitantes da granxa, elaborados con xoguetes, marionetas e xigantes. A pretensión é facerlle accesible, a través da diversión en familia, unha cultura agraria que de por si adoita fascinar e marabillar.

14Mar 2023

O Concello de Malpica organiza unha viaxe a Portugal

Dende o departamento de Servizos Sociais organizase unha viaxe a PORTUGAL  co seguinte itinerario:

         Domingo, 16 de abril:MALPICA-LEIRIA

                      Saída pola mañá, pequenas paradas en ruta. Chegada ao hotel, reparto de habitacións, comida. Tarde libre.

                  Luns, 17 de abril: NAZARÉ- FÁTIMA

Almorzo e saída para visitar Nazaré, poboación pesqueira por excelencia e outrora centro de peregrinación de Portugal, o seu Santuario, composto pola Igrexa de Nosa Señora de Nazaré a pequena Ermida, desde onde se poden apreciar excelentes vistas panorámicas, recibiu unha gran afluencia de peregrinación ata que foi desbancada por Fátima no 1917 cando se levantou alí a Capela das Aparicións. Nazaré tamén é famosa por ser berce de surfistas. Tempo libre e retorno ao hotel para a comida.

                  Despois de comer achegarémonos ao Santuario de Fátima, un dos máis importantes santuarios marianos do mundo. Retorno ao hotel, cea e aloxamento.

                  Martes, 18 de abril: LISBOA

                  Despois de almorzar no hotel sairemos cara a capital de Portugal, alí pasaremos o día completo. Primeiro faremos unha visita panorámica en autobús, despois percorreremos os sitios e barrios máis emblemáticos e de interese: Alfama, Mouraria, Barrio Alto, Belem ou o Parque das Nación. A última hora da tarde, retorno ao hotel para a cea e aloxamento.

                  Mércores,19 de abril: COIMBRA

                  Almorzo e saída cara Coimbra, cidade de orixe romana, foi un lugar estratéxico entre o norte cristián e o sur árabe. Cidade universitaria famosa polas súas rúas sinuosas e casas colgantes. Gozaremos da súa Universidade (entrada incluída) e das rúas comerciais. Regreso ao hotel para o xantar e tarde libre. Cea e aloxamento.

                  Xoves, 20 de abril: AVEIRO- MALPICA

                  Almorzo e emprenderemos camiño de regreso a Malpica. Parada en Aveiro, cidade coñecida como “A Venecia do Norte” polas súas canles e coloridos barcos chamados moliceiros. Comida en ruta, continuaremos a viaxe de retorno e fin da viaxe.

O prazo de inscrición é dende o día 20 ata o 31 de marzo (ou ata cubrir as prazas)Para obter máis información ou realizar a inscrición os interesados poden dirixirse ao Departamento de Servizos sociais ou chamando ao teléfono seguinte: 981 720 280Nota: Prazas Limitadas (por rigorosa orde de inscrición)

Página 14 de 153« Primera...1213141516...203040...Última »