Un grupo de vinte voluntarios de Malpica -entre eles, o segundo tenente de alcalde e conelleiro de Medioambiente, Miguel Ángel Fernádez Mirás – limparon no día de hoxe a praia de Seaia. Foi a través dunha iniciativa sostible co medio ambiente que partiu da Asociación limpOcean e do Concello de Malpica.
Entre todos recolleron 120 quilos de lixo mariño sobre todo plástico. Nos próximos días anunciaremos máis iniciativas nesta liña nas que o Concello de Malpica xa está a traballar.
Os comercios de Malpica que queiran adherise a esta iniciativa xa poden facelo.
A Concellaría de Promoción Económica de Malpica lanza “Malpica coida de ti” e celebrase do día 23 ao 30 de novembro. Mercar no sector da alimentación no comercio local ten premio. Os comercios que queiran adherise a esta iniciativa poden facelo chamando ao 981711303 ou enviando mail a pilidoldan@gmail.com
Cada persoa que merque no sector do pequeno comercio da alimentación recibirá con cada compra igual ou superior a 5€ unha rifa e entrará no sorteo de 3 ceas para da gozar da gastronomía nos restaurantes da vila.
O sector da alimentación do noso pequeno comercio local ten produtos frescos, de proximidade e sans.
Esta primeira edición, impulsada desde o Concello de Malpica, ten como obxectivo a promoción económica do sector da alimentación, para o impulso do consumo no pequeno comercio local.
O Concello de Malpica colabora coa Deputación da Coruña e a Coordinadora para o Estudo dos Mamíferos Mariños (CEMMA) na organización dun simulacro de rescate de tartarugas e mamíferos mariños.
A actividade terá lugar este sábado 19 de novembro ás 11:00h na praia de Area Maior, en Malpica. Todas as persoas interesadas en participar no simulacro poden inscribirse enviando un correo electrónico a cemmasolicitud@gmail.com.
Con este tipo de eventos preténdese que as persoas teñan os recursos e coñecementos suficientes para saber como actuar en caso de que algún animal mariño corra perigo ou chegue ás praias da zona desorientado.
Na reunión tamén se trataron varias necesidades de seguridade viaria
Onte o alcalde de Malpica, Eduardo Parga, e o 2º tenente alcalde, Miguel Ángel Fernández, mantiveron un encontro de traballo coa conselleira de Infraestruturas e Mobilidade, Ethel Vázquez, para tratar varios temas importantes para o Concello de Malpica.
O rexedor solicitoulle axuda á conselleira para o financiamento dunha obra fundamental como é saneamento e depuración para o lugar de Beo.
O orzamento para levar a cabo a obra sería de 774.619€, o cal a Xunta aportaría o 80% e o concello o 20%. Ethel Vázquez, comprometeuse a estudar o proxecto e a traballar para levalas a cabo o máis pronto posible.
Parga tamén expuxo a necesidade de facer unha actuación na vía AC-418, a altura do colexio Milladoiro, para mellorar o acceso tanto do centro educativo como do Centro Cívico da vila.
Ademais o rexedor tamén pediu unha intervención no entorno da rotonda da Balsa para que os viandantes que veñen de Cambre poidan cruzar a estrada sen perigo xa que é unha vía moi transitada. A conselleira tomou boa nota das peticións e comprometeuse a mandar ós técnicos para acadar unha pronta solución a prol da seguridade dos veciños e das veciñas do concello.
Parga agradeceu a conselleira, Ethel Vázquez, que sempre atenda con celeridade as súas peticións e pediulle que firmara no libro de honra.
O auga municipal non se recomenda para consumo humano ata que se saiban os resultados das análises nas vindeiras 24 horas.
Varios veciños alertaron de malos cheiros no abastecemento da auga municipal, esta mañá, ao Concello de Malpica, polo que desde o consistorio tomáronse as medidas para comprobar a que era debido.
O concello xunto cos traballadores municipais e coa empresa xestora da agua municipal procedeuse a revisar os sistemas tanto os depósitos como a captación da auga detectando que o mal cheiro estaba nos depósitos de Pedra Queimada e das Papeiras, polo que os técnicos chegaron á conclusión de que debeu ser unha vertedura no río.
O alcalde de Malpica, Eduardo Parga, procedeu a avisar a Augas de Galicia, a chamar ao 112 e a realizar a pertinente denuncia ao Seprona que xa está a realizar as investigacións pertinentes par determinar a orixe da vertedura. O depósito de Pedra Queimada vaise baleirar para proceder a súa limpeza esta tarde e mañá pola mañá será a quenda do depósito das Papeiras. O auga municipal non se recomenda para consumo humano ata que se saiban os resultados das análises nestas 24 horas.
Diana Kurich gañou o XVII Certame de Poesía Erótica Illas Sisargas
Como cada ano Malpica convértese na capital galega da poesía erótica. Un evento cultural promovido pola asociación Caldeirón en colaboración co Concello de Malpica.
Máis dunha trintena de persoas asistiron a entrega dos premios do XVII Certame de Poesía Erótica Illas Sisargas que se celebrou onte na Casa do Pescador de Malpica. Andrea Fernández Maneiro, foi a encargada de ler o fallo do xurado.
A obra gañadora foi “Feitas ao sisel”, de Diana Kurich, elixida polo xurado por unanimidade “pola súa estrutura orixinal desde a inspiración na cantiga popular que se ve substituída coa irrupción dun rexistro culto que provoca unha rica ruptura do poema” entre outros. O xurado tamén concedeu un accésit á obra “Corpo nomade” de Teresa Ríos Noya, polo seu discurso feminista na expresión e na procura da propia sexualidade.
No acto, no que estivo presente o Alcalde de Malpica, Eduardo Parga, tamén se presentou o libro “Persistencia da musica en novembro”, do pontecesán Miguel Anxo Mato Fondo, con prólogo de Juan Durán, compositor e Premio Reina Sofia de Composición 2018, e membro da Real Academia Galega de Belas Artes.
Unha nova recollida de residuos urbanos especiais levarase a cabo durante o mes de novembro na vila. O Concello no seu afán de fomentar a reciclaxe pon a disposición dos veciños e veciñas de Malpica este servizo para fomentar a protección e coidado do medio ambiente.
Dende o próximo luns, 7 de novembro, ata o mércores, 23 de novembro, recolleranse porta a porta os seguintes residuos:
Aceite de cociña usado: de fritura, de conservas…
Graxas e manteigas: animal, de roxóns…
Pilas e baterías: de botón, AAA, alcalinas, electrónicas e de vehículos a motor…
Bombillas: de baixo consumo, LED e fluorescentes…
Electrodomésticos e electrónicos pequenos do fogar: microondas, tostadores, secadores, radios, teléfonos, ordenadores, ferramentas eléctricas…
Consumibles de impresoras: tóner, cartuchos e tambores…
Residuos téxtiles e roupa: non importa o seu estado (roto, destinguido…), só se solicita que estea limpo.
Restos metálicos pequenos do fogar: tixolas, moldes, potas, enxoval do fogar, bandexas…
A continuación, relátanse as rutas que se farán cada un dos días:
LUNS 7 NOVEMBRO: Aviño, Cambre, Pedrosa- A Tremoa, Rabuceiras, A Raxeira, Brión, O Castro.
MARTES 8 NOVEMBRO: Feira Nova, Vilar, O Empalme, A Camposa, O Piñeiro, Rúa Santa, Catalina vivendas con números pares ata A Plaza.
MERCORES 9 DE NOVEMBRO: Rúa Forno Novo, Rúa Mouróns, Rúa Santa Filomena, Rúa Xaviña, Canelas, Rúa Nova , Rúa Gaio, Praza Cruceiro, Rúa Costa, Rúa Boavista, Rúa Santa Catalina vivendas números impares.
XOVES 10 DE NOVEMBRO: Zona Polígono Industrial, Buño, Aldeola, O Ceán, A Lagoa, Loroxo, Algadán, Pozacas-Leduzo, Taraio, Cerqueda.
VENRES 11 DE NOVEMBRO: Pasacondia, Cortés, Filgueira, A Fonte dos Bois, Seixas,
Vilarnovo, Piñeiros, Rúa Ventorrillo, Pedra Queimada, As Neves, A Camuza, Travesia 1 A Camuza A, Rúa Ventorrillo, Escorial.
LUNS 14 DE NOVEMBRO : Rúa Emilio González López, Areal, Praza Santa Lucía, Igrexa, Agros, Praza Fonte Vella, Barreiro , Travesía Orxeira, Rúa Orxeira, Travesia 1 As Neves, Travesia 5 Rio.
MARTES 15 DE NOVEMBRO: Rúa As Neves, Travesia 2 Rio, Travesia 3 Neves, Travesia 5 Neves, Rúa Neves 8, Travesía 7 Río, Travesla 4 Río, Travesía 6 Río, Travesía 3 Rio,Rúa Agra do Río, Travesía 2 Río, Travesía 1 Río, Rúa Camiño do Río, Eduardo Vila Fano.
MERCORES 16 DE NOVEMBRO : Praza do Cruceiro, R/ Tío Paz, R/ San Ramón, Travesía 1
San Ramon, Travesía 2 San Ramón, Atalaía, Altamira, R/ Ramona Criado, R/Mestra, R/Caldeirón, R/Eduardo Pondal, R/ Patria Galega, R/ Campo, R/Areal, R/Carreixo do Muiño, R/Antonio Montero, R/ Praia.
XOVES 17 DE NOVEMBRO: R/ Guardia Pardines, R/ Areal, R/Doctor Fleming, Canido, R/A Camuza C, Estrada DP4307 dende Malpica ata o desvío hacia Santiso, Travesia 2 A Camuza, Travesia 3 A Camuza, A Camuza C, Cancela de Areas, Vista, Pedrediña, Camiño da Vist, R/ Agra de Lucas, R/ Arnado.
VENRES 18 DE NOVEMBRO: Estrada DP 4307 dende o desvío hacia Santiso ata Beo, Estrada DP4305 hacia Santiso, Santiso, Pontella, Cova, Castiñeiro, Sorrio, A Fonte Dorta, O Petón, R/ A Horta Nova, O Seixo, A Orxeira, Estrada Santo Hadrian.
LUNS 21 DE NOVEMBRO: Beo, Vigo, Estrada DP4307 dende Beo ata Seiruga, Seiruga.
MARTES 22 DE NOVEMBRO : Campelo, Barizo, Porto de Barizo, Avd. Agra de Lamas, Porto do Fondo, As Casas Novas, Mens.
MERCORES 23 DE NOVEMBRO: Mens, O Miñon, Asalo, Bocelo, Badarra.
A empresa Collecting Oil será a encargada de realizar este traballo. O día da recollida, os residuos deberanse deixar nun lugar accesible antes das 9.00 horas. Podes contactar coa empresa a través do número de teléfono 639 920 936 (tanto por chamada como mediante WhatsApp) ou no correo electrónico info@collectingoil.com. O Concello de Malpica anima ós veciños e ás veciñas a participar nesta iniciativa.
Este sitio utiliza cookies para mellorar a experiencia do usuario - Ocultar detalles
• Social media Facebook, Twitter e outras Redes Sociais precisan utilizar cookies para recoñecerte.
• Analytics Os datos recollidos polas cookies de Google Analytics son anónimos e só se usan para valorar a experiencia do usuario no nosa web.
• Anuncios Este sitio pode albergar publicidade propia, de afiliados, ou de redes publicitarias.
• Cookies propias Este sitio utiliza cookies propias para facilitar o acceso e mellorar a navegación e experiencia ao usuario Aviso Legal ACEPTOLeer más