Galego
Castellano
A Concellaría de Olaría de Malpica sortea unha nova peza artística en favor da promoción da tradición de Buño
As persoas interesadas en participar teñen dous días de prazo dende hoxe, luns 28 de marzo
A Concellaría de Olaría de Malpica vén de lanzar un novo sorteo da alfarería de Buño a través do seu perfil de Facebook. As persoas interesadas en participar teñen dous días de prazo dende hoxe para facelo.
O proceso é moi simple. Só deben deixar un comentario na publicación sobre quen é o seu autor ou autora, ou adiviñando a que tenda ou obradoiro corresponde. Logo decidirase o/a acertante, o/a cal recibirá un vale con todos os datos da creación para pasar a recollelo. Dende o departamento lémbrase que non se realizarán envíos.
“Goza da arte de Buño, participa e que a sorte te acompañe!”, din dende Olaría. Nesta ocasión, trátase dun polbiño ben fermoso. Cabe recordar que é unha iniciativa para fomentar a tradición artística e tradicional da vila.