Síguenos en
gl_ES
Tempo Malpica de Bergantiños
Martes 15°
10°
Mércores 14°
10°
Xoves 14°
tiempo.com   +info
  1.  
  2. Uncategorized
  3. O Concello de Malpica estreará o domingo as actividades culturais de verán cunha proxección ao aire libre

3Xul 2020

O Concello de Malpica estreará o domingo as actividades culturais de verán cunha proxección ao aire libre

O Concello de Malpica estreará este domingo na rúa principal as actividades culturais de verán cunha proxección ao aire libre. Trátase do filme ‘María Solinha’, de Ignacio Vilar.

A proxección comezará ás 22:00 horas do domingo, 5 de xullo. Inicialmente estaba previsto ubicar esta actividade no parque de Malpica, pero finalmente decidiuse optar pola rúa Principal.

Cartel da película ‘María Solinha’


Durante a proxección, así como previa e posteriormente, garantiranse todas as medidas de seguridade, aforo e hixienización derivadas do contexto sanitario provocado pola COVID-19. Á mesma acudirá o director, Ignacio Vilar.


Trátase dun proxecto inédito, no que supón de exhibición con carácter de estrea e primicia mundial dun filme, galego e en galego, en localidades medianas e pequenas que non contan con sala de cine comercial. Na peza, realidade e ficción mestúranse para construír unha película que ‘non é unha historia de mulleres, senón unha historia de amor que trascende o xénero’.


Priorizarase a orde de chegada para completar o aforo, e estímase que arredor dunhas cen persoas poderán ocupar as cadeiras e ser protagonistas desta estrea a nivel galego.