gl_ES
Tempo Malpica de Bergantiños
Xoves 20°
18°
Venres 19°
17°
Sábado 20°
16°
tiempo.com   +info
  1.  
  2. ACTUALIDADE
  3. Novas
  4. A Mostra da Olería de Buño instálase este ano na rúa Santa Catalina

18Xul 2018

A Mostra da Olería de Buño instálase este ano na rúa Santa Catalina

instalacion casetas

Desde hoxe pola mañá está pechado ao tráfico un carril da rúa Santa Catalina de Buño, que se suma este ano aos escenarios da Mostra da Olería. A comisión organizadora, integrada por representantes do Concello de Malpica e da Asociación Oleira de Buño, optou polo cambio de situación dos stands co obxectivo de gañar en vistosidade e de integralos na actividade comercial da vila, de maneira que a feira repercuta positivamente tanto no resto do comercio coma no sector da hostalaría.

As casetas ocuparán un carril, e o outro quedará dispoñible durante toda a Mostra para garantir o acceso de vehículos tanto de servizos e subministracións coma de emerxencias. A regulación do tráfico rodado realizarase mediante rede semafórica, e tamén se habilitarán as medidas precisas para garantir a seguridade dos viandantes. Os condutores que se dirixan tanto en dirección a Malpica coma a Ponteceso ou Carballo poderán utilizar a circunvalación como alternativa.

O carril permanecerá pechado desde hoxe ata o 1 de agosto. Desde o Concello de Malpica pedimos desculpas polas molestias que esta medida poida ocasionar, agradecemos a colaboración da veciñanza e dos condutores e agardamos que contribúa, como é o obxectivo, á posta en valor da nosa olería e do patrimonio artístico, hostaleiro e comercial da vila de Buño.