gl_ES
Tempo Malpica de Bergantiños
Martes 13°
Mércores 13°
Xoves 13°
tiempo.com   +info
  1.  
  2. 2017
  3. Outubro

Outubro 2017

2Out 2017

Cincuenta veciñas e veciños do noso concello participan no programa de envellecemento activo

O martes 3 de outubro arranca unha nova edición do programa de envellecemento activo, unha iniciativa da Concellaría de Servizos Sociais que vai dirixida a persoas maiores de 60 anos coa intención de enriquecer o proceso de envellecemento, previr situacións prematuras de dependencia e mellorar a calidade de vida dos nosos veciños e veciñas. Este ano serán 50 os participantes, distribuídos entre os grupos que teremos en Buño e Malpica, e de novo as actividades correrán a cargo da empresa de economía social Máis Porvir.

Ata o 10 de novembro, as persoas participantes terán a oportunidade de asistir a diferentes actividades de estimulación cognitiva nas que terán cabida, entre outros recursos, as novas tecnoloxías. Taller de voz, xogos de mesa, elaboración de xabóns artesanais, alimentación saudable, psicomotricidade, termalismo, pilates… Son moitas as propostas do departamento que dirixe Marisol Blanco Gorín para acadar ese envellecemento activo ao que aspiramos.

As sesións celebraranse os martes e os xoves, na Casa do Oleiro de 16 a 18 horas, e no Centro Cívico, de 18.15 a 20.15. O programa rematará o 10 de novembro cun baile. Consulta o programa completo aquí:

Publicidade envellecemento Malpica 2017

2Out 2017

Juan O Botero permanecerá para sempre na memoria colectiva de Malpica grazas á rúa que leva o seu nome

 

RUA JUAN O BOTERO

Juan O Botero xa ten unha rúa en Malpica. O grupo de goberno fíxose eco da petición presentada o Concello por un grupo de veciños, que mesmo levaron a cabo unha campaña de recollida de sinaturas a través plataforma change.org, na que moitas persoas destacaron a humildade, a humanidade e o bo facer dunha persoa tan coñecida como querida na súa vila, calidades que tamén louvou o alcalde, Eduardo Parga, na inauguración da rúa.

INAUGURACION 2

O sábado pola tarde tivo lugar o descubrimento da placa, nun acto no que participou o grupo de goberno case en pleno e a familia do homenaxeado. A 2ª Travesía do Río, onde viviu Juan O Botero, leva xa o seu nome.

Juan Manuel Vázquez finou fai un ano, pero permanecerá para sempre na memoria colectiva grazas á rúa que leva o nome polo que todo o mundo o coñecía, Juan O Botero.

Página 2 de 212