• ACTUALIDADE,Novas

Presentación do Trofeo de Fútbol da Mostra da Olería de Buño, que se disputará o domingo 4 de agosto

Na Mostra da Olería de Buño non podía faltar o clásico trofeo de fútbol, no que participan os clubs do noso concello. Representantes de todos eles, así coma o alcalde, Walter Pardo; a concelleira de Olería, Leticia Naya, e o concelleiro de Deportes, Daniel García Reixía, presentaron o cartel desta nova edición do cuadrangular, que se disputará o domingo 4 de agosto no campo de Xaviña.

Logo do sorteo celebrado o martes 30 de xullo ás 20.00 horas, os emparellamentos quedaron do seguinte xeito:

• 1ª semifinal (18.00 horas): Buño SCD-Sporting Seaia
• 2ª semifinal (CDUD Cerqueda-SCD Malpica)

O partido polo terceiro e cuarto postos está previsto para as 20.00 horas, e a final do trofeo, para as 21.00.

Cada partido durará 45 minutos. No caso de empate lanzaríanse 3 penaltis, e se aínda así persistise a igualdade utilizaríase o sistema de morte súbita.