Síguenos en
gl_ES
Tempo Malpica de Bergantiños
Venres 13°
11°
Sábado 12°
Domingo 12°
tiempo.com   +info
  1.  
  2. ACTUALIDADE

ACTUALIDADE

31Ago 2022

O Concello de Malpica organiza “Gran Paellada Popular”

A Concellaría de Igualdade de Malpica prepara para este sábado, día 3 de setembro, unha gran paella popular de balde.
Será a partir das 13.00 horas no pavillón do CEIP Xoaquín Rodríguez Otero de Buño e contará con música en directo coas actuacións da Charanga de Carmiña e o DJ Frank Stone.
É unha cita a favor da igualdade, a unidade veciñal e en contra da violencia de xénero.
As bebidas non estarán incluídas e haberá servizo de catering a parte, baixo previo pago, para as persoas que non queiran paella.
A empresa encargada da comida será Integra, de Carballo, un centro ocupacional de emprego que lles dá unha oportunidade de traballo á xente con minusvalía.
Os e as interesados/as poden anotarse no teléfono 981 72 02 80 ata o venres ás 13.00. As prazas son limitadas.

.

26Ago 2022

Os nenos e nenas que elaboraron “Sáhara” recibe o Primeiro Premio na categoría Amateur do XXI Concurso de Barcanas e Castelos de Area

Os trofeos do concurso foron feitos a man polos oleiros de Buño


Esta mañá celebrouse na Praia de Area Maior o XXI Concurso de Barcanas e Castelos de Area.
Ao final do evento e tras a votación do público, diferentes personalidades do municipio repartíronlle os galardóns aos premiados. Cabe destacar que os trofeos foron un encargo especial por parte do Concello aos oleiros de Buño, posto que a olería é patrimonio do
Concello de Malpica de Bergantiños.
Na categoría Infantil de barcanas, recibiu o Premio Infantil o grupo número 1, “Excursión polo mar”. O trofeo foi entregado pola presidenta de Amas de Casa de Malpica, Carmen Trigo.
Nuria Loureiro, en representación das atadoras Mar da Illa, entregoulle o Premio Especial á Mellor Barcana ao grupo 12, “A Barca dos Malpicáns”.
O grupo 4, “A Fortaleza Fantástica” recibiu o Premio Especial do Público. Neste caso foi o alcalde de Malpica, Eduardo Parga, o encargado de entregarllo.
Na categoría Amateur, os premiados co Terceiro Premio foron os membros do grupo 3, “Libro Máxico”. O concelleiro de Obras, Miguel Fernández, deulles un trofeo feito polos oleiros de buño e un vale de 50 €.
O Segundo Premio tocoulle entrégalo á concelleira de Cultura, Noelia Freijeiro. Os integrantes do grupo número 7, “Futbolín”, fixéronse cun trofeo feito polos oleiros de Buño e un vale de 70 euros.
Por último, o alcalde de Malpica, Eduardo Parga, entregoulle o Primeiro Premio ao grupo 15, “Sáhara”. Parga fíxolles entrega dun trofeo da olería de Buño e un vale de 130 € por ser a figura con mellor calidade técnica: nela podíase ver uns hipopótamos saíndo da auga.
Os vales dos gañadores son válidos para trocar nos comercios do Concello de Malpica.

Ao final do evento Eduardo Parga, Miguel Fernández e Noelia Freijeiro entregaron agasallos a todos os participantes do evento.

Os nenos e nenas gañadores do primeiro premio coa súa obra “Sáhara”
Os nenos e nenas gañadores do primeiro premio coa súa obra “Futbolín”
Os nenos e nenas gañadores do terceiro premio coa súa obra “Libro Máxico”

Os nenos e nenas gañadores do premio do público coa súa obra “A Fortaleza Fantástica”

Os nenos e nenas gañadores do premio infantil coa súa obra “Excursión polo mar”

26Ago 2022

O Concello de Malpica organiza unha viaxe a Malpica de Tajo, en Toledo, para afianzar a súa irmandade.

As persoas interesadas poden inscribirse nas oficinas xerais do consistorio antes do próximo martes 30 de agosto.

Hai varios anos o Concello de Malpica acordou a irmandade co seu homólogo toledano Malpica de Tajo. Para non perder eses lazos, a concellaría de Turismo organiza a próxima semana unha viaxe ata alí, onde hai varios actos programados para celebrar esa irmandade.

A viaxe será do 1 ao 4 de setembro. O bus sairá o xoves 1 a primeira hora da mañá con destino Malpica de Tajo (Toledo). O venres (2 de setembro) está prevista unha excursión a Toledo. Xa o sábado (3 de setembro) terán lugar os actos de celebración da irmandade entre Malpica de Bergantiños e Malpica de Tajo. O domingo (4 de setembro) poderán visitar a cidade de Ávila pola mañá e, xa pola tarde, o autobús partirá cara Galicia.

Todas as persoas que queiran apuntarse poden facelo nas oficinas xerais do Concello antes do martes 30 de agosto. As prazas son limitadas e adxudicaranse por orde de inscrición.

A viaxe ten un custo de 170 euros e inclúe: o traslado en autobús (Autocares Pedro Pombo), os almorzos do 1 e 4 de setembro; o día 2 en Toledo: a entrada ó tren turístico, a entrada ó Parque Puy du Fou e o almorzo e, por último, o seguro de asistencia en viaxe.

Para obter máis información poden chamar ao 981 72 03 19 ou 981 72 00 01.

25Ago 2022

As grandes Festas do Mar comezan hoxe

Tes por diante catro días de agosto en Malpica que, de seguro, serán inesquecibles.
Chegan as Festas do Mar con un brillante cartel que incorpora propostas para todos os públicos!
Tributo á mítica banda británica de rock Queen, actuación da mellor orquestra canaria El Combo Dominicano, as letras do soado cantante latino Dasoul e moito máis! As discotecas móbiles de moda, os pinchadiscos máis demandados, pregón, gaitas, malabares, charangas…
As actividades previstas son infinitas! Grupos, dúos, corais, batucadas, fogos artificiais e, por suposto, a procesión marítima!! Consulta toda a oferta!
Dende o Concello queremos agradecer e facer visible o gran traballo e esforzo que realiza a comisión de festas ACD Mallas de Area. Colabora a Concellaría de Turismo e Festexos

25Ago 2022

Bando do Municipal

Don EDUARDO J. PARGA  VEIGA, SR. Alcalde-Presidente do Concello de Malpica de Bergantiños (A Coruña)


INFORMA:
Ós/ás veciños/as que segundo as analíticas realizadas confírmase a ausencia de trihalometanos e cumprimento dos parámetros establecidos por Sanidade na auga da REDE MUNICIPAL , polo que É APTA PARA CONSUMO HUMANO na distribución que afecta ao depósito de PEDRAQUEIMADA que dá servizo aos seguintes zonas:
• MALPICA (núcleo)
• BEO
• CAMUZA
• CANCELA DE AREAS
• PEDREIRIÑA
• PONTELLA
• SEAIA
• SORRíO
• VIGO
• A VISTA
• OS MEDROS
• CAMARADA
O que se fai público para coñecemento xeral á espera dos resultados para o resto das zonas afectadas polas restricións impostas con anterioridade.

22Ago 2022

A praia de area maior preparase por vixesimoprimeira vez para recibir “artistas da area” de todas as idades.

O venres 26 de agosto celebrase a XXI concurso de Barcanas e castelos de area, na paria de Area Maior de Malpica

Como xa vendo sendo habitual no previo ao comezo das festa do mar de Malpica, celébrase o Concurso de Barcanas y Castelos de Area. A deste ano vai ser xa a a súa XXI edición que se vai a celebrar na Praia de Area Maior.

Dende o día 22 ata o propio día do concurso, o venres 26 de agosto pódense realizar as inscricións nos horarios e puntos habilitados polo concello de Malpica.

No Departamento de Educación e Cultura, no 1º andar do Centro Cívico de Malpica, en horario de 9.00 a 14.00 horas do 22 ao 25 de agosto e o mesmo día do concurso, o venres 26 de agosto, de 10.00 a 10.30, na praia de Area Maior de Malpica.

A cita será o venres 26 de agosto na Praia de area maior de Malpica, dende as 10:30 horas. O remate dos traballos na Praia serán as 13:00 horas e 13: 30 horas daranse as votación e a entrega de premios, os cales serán uns seis.

Só se poderá participar con unha obra, sexa de xeito individual ou en grupo, os cales non poderán estar formados por máis de 10 participantes.

Haberá catro modalidades, en relación coa idade, ou a modalidade da peza. Amateur, premio especial do público, barcanas e infantil.

As persoas participantes só utilizarán area e auga, para a súas composición, posto que non está permitido o uso de produto para fixar as construcións. As persoas concursantes sí se lles deixa facer uso de ferramentas propias como as pas, caldeiros, difusores de auga, pero estes elementos, en ningún caso, poderán formar parte da obra.

18Ago 2022

As últimas análises da auga de Malpica arroxan melloras pero aínda non está autorizada para o seu consumo

  • O alcalde reuniuse hoxe con representantes da Consellería de Sanidade e de Augas de Galicia, ademais dos técnicos municipais, para avaliar o estado actual da rede de auga municipal.
  • Nas mostras extraídas por Sanidade os parámetros melloraron nalgunhas zonas, nas que se repetirán mañá para comprobar se continúa a tendencia positiva.
  • O Concello de Malpica está a traballar nun Plan de Acción con diferentes melloras na ETAP para evitar que este tipo de incidencias volvan a suceder.

Malpica, 18 de agosto de 2022 – O alcalde de Malpica, Eduardo Parga, reuniuse hoxe en Santiago de Compostela con representantes da Consellería de Sanidade e de Augas de Galicia para analizar as últimas análises da auga da rede municipal. Estas arroxan melloras nalgunhas zonas pero aínda non pode autorizarse o seu consumo.

No encontro participou, ademais do rexedor, a xefa territorial de Sanidade, Cristina Pérez; a directora xeral de Sanidade Pública, Carmén Durán; o xerente de Augas de Galicia, Gonzalo Mosquera; o xefe de sección Ambiental, Francisco Malvido; o xefe de servizo, Álvarez Cortiñas; e os técnicos municipais encargados do control de calidade do servizo de auga de Malpica.

O obxectivo desta reunión era coñecer o estado actual situación da rede de auga municipal, tras decretarse o pasado sábado que non era apta para o consumo por detectarase valores de trihalometanos máis altos do recomendable.

Melloras nalgunhas zonas

Onte, mércores 17 de agosto, Sanidade colleu unhas tomas de auga para analizala. Hoxe, cos datos na man, pode apreciarse que os valores de trihalometanos xa están dentro do recomendable nalgunhas zonas e noutras seguen a estar por enriba do permitido, polo que aínda non pode autorizarse o seu consumo.

Agora, nas zonas nos que os parámetros melloraron, volveranse a facer mañá, venres 19 de agosto, as análises para comprobar se continúa a dar valores correctos cando xa teña o cloro suficiente, xa que estes días estivo purgándose a rede e, ao volver a dar subministro para tomar as mostras, o cloro non era suficiente. Despois, se todo está correcto, valorarase a posibilidade de ir abrindo a auga por zonas.

Plan de Acción do Concello de Malpica

Ao mesmo tempo, e para evitar que volvan a ocorrer este tipo de situacións, no encontro estudáronse diferentes actuacións que incluirá o Concello de Malpica no Plan de Acción no que xa está a traballar. Inclúen melloras na Estación de Tratamento de Auga Potable (ETAP): cambiar o areeiro para mellorar a filtración, substituír o equipo de cloración, facer limpezas máis frecuentes dos depósitos e, a longo prazo, reformar o decantador ou construír un máis grande a maiores.

18Ago 2022

A música galega volverá a ser a protagonista en Malpica coa nova edición da “Festa Galega”.

Malpica será o epicentro da música galega durante o venres 18 e o sábado 19 de agosto cun cartel de luxo. Ademais tamén durante os día 18, 19 20 e 21 celebraremos o Mercado Medieval Mariñeiro con múltiples actividades coma soprado de vidro, barca pirata, noria medieval, paseos en tren, xogos tradicionais, pasarrúas musical, piratas e brasas voadoras.
A Festa Galega comezará o venres día 19 e contaremos coa actuación de Camaño e Ameixeiras ás 22.15 horas, Ses ás 23.45 horas, Ialma á 01.15 horas e xa para rematar a noite ás 02.30 horas teremos a The Cerne Revival Band.
O Domingo 20, ás 12.00 horas, levarase a cabo o desfile de bandas organizada pola asociación A.C. Malante. Pola noite ás 22.30 horas a festa comezará coa Charanga ACDC, A Mellor da Costa da Morte, e xa para rematar ás 23.30 horas Arredores deleitaranos coa súa fermosa
música.

18Ago 2022

O Concello de Malpica comezará coas melloras dos viales da estrada Campelo a Barizo, o Camiño de Cambre á Pedrosa e o Camiño en a Rexeira.


A inversión total será de 109.419,9, financiados pola Deputación da Coruña.

As actuacións incluídas no Plan de Obras e Servizos (Pos) xa están en marcha. O alcalde de Malpica, Eduardo Parga Veiga, e o concelleiro, Miguel Fernández Mirás, desplazaronse para facer o seguimento das obras que van a comezar. Trátase da mellora da estrada Campelo-Barizo. Unha obra incluída na 1º fase do post adicional 2/2021 e adxudicada á empresa López
Cao por un importe total de 36.469.40€. Tamén visitaron o lugar onde se mellorará a capa de rodadura do Camiño de Cambre á Pedrosa e o Camiño en a Raxeira. Obras incluídas na 1º fase do pos adicional 2/2021 adxudicada a López Cao por un importe total de 72.950,90.

Página 6 de 136« Primera...45678...203040...Última »