• ACTUALIDADE,Novas

Xabier Díaz e Mercedes Peón, pratos fortes da IX Festa Galega de Malpica

Os concertos coincidirán coa celebración de IV Feira Medieval Mariñeira, na fin de semana seguinte ás Festas do Mar

A vida cultural no Concello de Malpica está en plena efervescencia neste mes de agosto. Atopámonos na recta final da Mostra da Olería de Buño, que acada a súa 33ª edición, e na fin de semana seguinte ás Festas do Mar chegarán a Festa Galega e a Feira Medieval Mariñeira, que encherán de música e animación as rúas da vila. Este ano temos un cartel de auténtico luxo, encabezado por Xabier Díaz e Mercedes Peón, dous pesos pesados da música galega que subirán ao escenario do porto de Malpica os días 26 e 27, respectivamente.

Do 26 ao 28 estará aberta tamén a Feira Medieval Mariñeira, con ducias de postos de artesanía, gastronomía e produtos do máis variados ao longo da rúa principal. A Feira Medieval Mariñeira abrirá todos os días ás 11 horas.

Programa da IX Festa Galega

Día 26 (Porto de Malpica)

22.00 h.Cantareiras da A. C. Carcaxía

23.00 h. Xabier Díaz & adufeiras do salitre

01.00 h.Fol de veneno

Día 27

11.30 h. Pasarrúas dos gaiteiros da A. C. Carcaxía e da A.C. Raigañas

19.15 h. 4º Desfile de Bandas de Gaitas da A.C. Malante (saída do Centro Cívico de Malpica)

Banda de Gaitas Airiños de Fene

Grupo de Baile Arume de Verdillo (Carballo)

Banda de Gaitas da A.C. Malante  (Malpica)

22.00 h. Cantareiras da A. C. Malante  (porto)

22.30 h. Cantareiras da A. C. Raigañas  (porto)

23.00 h. Mercedes Peón  (porto)

01.00 h. Leirabuxo  (porto)

• ACTUALIDADE,Novas

O Concello de Malpica contrata obras por máis de 100.000 €

O Concello de Malpica vén de contratar unha serie de obras por un importe que supera os 100.000 euros. A actuación máis importante, cun orzamento de 64.591,62 euros, xa está en marcha tras a sinatura do contrato por parte do alcalde, Eduardo Parga, coa empresa adxudicataria, Construcciones Dámaso Ferreiro. O proxecto consiste na mellora de camiños municipais de acceso ás explotacións agrarias en Barizo e Beo.

Tamén comezaron as obras de mellora da accesibilidade no polideportivo municipal de Malpica, cofinanciado entre a Xunta e o Fondo Europeo Agrario de Desenvolvemento Rural (Feader) con 19.799,23 euros. A empresa adxudicataria é Construcciones López Cao, que ten de prazo ata o 15 de setembro para a execución da actuación.

Pola súa banda, a empresa Emilio Cancela Bouzas resultou adxudicataria dos traballos de prevención de incendios forestais mediante a limpeza das vías de titularidade municipal, que teñen un orzamento de 17.999,96 euros.

• ACTUALIDADE,Novas

Presentada a 7ª edición da Travesía a Nado Sisargas – Malpica, que bate outro récord de participación con 200 nadadores

Un operativo integrado por 90 persoas, máis de 20 embarcacións e ambulancias garantirá a seguridade dos participantes por mar e por terra

Na edición do 2014 Daniel Gambón expresaba o seu desexo de que a travesía a nado que realizou por primeira vez o seu bisavó hai 83 anos, e que el recuperou hai sete, acadara os 200 nadadores. Non parecía doado, pero aquel obxectivo é xa unha realidade. Este ano a Travesía a Nado Sisargas – Malpica bate outro récord de participación e chega a esa simbólica cifra. Por iso, Daniel Gambón asegura que “é unha edición moi especial”. Por iso e por algunha que outra sorpresa que se desvelará este domingo 14 de agosto.

Hoxe pola tarde tivo lugar a presentación desta 7ª Travesía Sisargas xunto á escultura “A Balea”, a obra de Miguel Couto que preside o porto, inspirada nunha das pinturas de Urbano Lugrís que poden verse na Casa do Pescador de Malpica e que tamén é o motivo do trofeo co que é agasallada cada ano a primeira persoa en pisar a area da praia despois de cubrir a nado os 4,3 quilómetros que a separan das Illas Sisargas.

Ademais de Daniel Gambón, na presentación participaron o alcalde de Malpica, Eduardo Parga; o concelleiro de Deportes, Iago Espasandín; o tenente de alcalde, Miguel Fernández; o xefe de Protección Civil, Iván Muíño, e o patrón maior, Pedro Pérez.

Daniel Gambón referiuse ao crecemento espectacular da proba, que ten as súas orixes na travesía realizada no ano 1933 polo seu bisavó, Domingo Suárez, o precursor dun reto recuperado no ano 2010 coa aventura en solitario do bisneto, pero que xa no 2013 reunía a un cento de participantes.

A medida que vai medrando, a organización require dun dispositivo de seguridade tamén maior. De feito, despois da presentación de hoxe celebrouse a reunión de coordinación. Máis de 90 persoas, entre Protección Civil, Cruz Vermella, persoal médico, fisioterapeutas, kayakistas e voluntarios, velarán pola seguridade dos nadadores tanto por mar coma por terra.

Dende o porto de Malpica, onde estarán situados o aparcamento para os nadadores e onde poderán recoller os seus dorsais, os participantes desprazaranse en barcos ata as Sisargas. Neste sentido, Daniel Gambón agradeceu a colaboración da Confraría de Pescadores. Embarcacións, motos de auga e kayaks cubrirán todo o percorrido, e en terra haberá dez postos fixos distribuídos entre Santo Hadrián e A Atalaia.

O alcalde, Eduardo Parga, felicitou ao Club Travesía Sisargas pola iniciativa, que contribúe á promoción de Malpica como destino turístico e deportivo. Pola súa banda, o concelleiro de Deportes, Iago Espasandín, destacou a ampla oferta deportiva do domingo, coa Travesía a Nado Sisargas – Malpica, o Trofeo Mostra da Olería de fútbol e o partido da Selección Galega de Fútbol Praia contra un combinado da Costa da Morte.

• ACTUALIDADE,Novas

Actividades Mostra da Olería 2016

ACTIVIDADES PERMANENTES XXXIII MOSTRA DA OLERÍA

Parque Luciano García Alén:   

• Casetas de venta

Tódolos días de 11:00 h. a 14:00 h. e de 17:00 h. a 21:00 h.

• Exhibicións de cestería tradicional, todos os días de 11:00 h. a 14:00 h. e de 17:00 h. a 21:00 h.

Ecomuseo do Forno do Forte, Forno Novo, s/n – Buño (Malpica)

Tódolos días de 11:00 h. a 14:00 h. e de 17:00 h. a 21:00 h.

• Exhibicións dun oleiro no torno, todos os días de 11:00 h. a 14:00 h. e de 17:00 h. a 21:00 h.

• Obradoiro de barro para nenos, todos os días de 11.30 h. a 13.30 h. 17:30 h. a 20:30 h.
• Exposición dos/as Oleiros/as de Buño, todos os días de 11:00 h. a 14:00 h. e de 17:00 h. a 21:00 h.

PROGRAMACIÓN DE ACTIVIDADES PARALELAS XXXIII MOSTRA DA OLERÍA

Venres 5 de agosto de 2016: Inauguración (Parque Luciano García Alén)

17.30 h. Actuación de Música e Danza Tradicional a cargo da A.C. Raigañas.

18.00 h. Acto oficial de inauguración.

18.30 h. Ofrenda floral ao Doutor Luciano García Alén.

18.45 h. Visita ás dependencias da Mostra da Olería.

Sábado 6 de agosto de 2016:  

Tren Turístico MALPICA –  Buño

(Os menores deberán ir acompañados dun adulto autorizado)

Mañá:

Saída de Malpica 11.00 h. (Bar Panchito).

Saída de Buño 14.00 h. (Parque Luciano García Alén).

Tren Circular Ruta da Olería. Saída do parque Luciano García Alén ás 12.00 h. regreso as 13.30 h.

Tarde:

Saída de Malpica  18.00 h. (Bar Panchito).

Saída de Buño 21.00 h. (Parque Luciano García Alén).

Tren Circular Ruta da Olería. Saída do parque Luciano García Alén ás 19.00 h. regreso as 21.30 h.

COCEDURA TRADICIONAL – FORNO DO FORTE

11.00 h. Carga do forno (Ecomuseo Forno do Forte).

11.30 h. Roteiro fotográfico. (Saída dende o Parque Luciano García Alén).

16.00 h. Prendido do forno (Ecomuseo Forno do Forte).

17.30 h. Roteiro fotográfico. (Saída dende o Parque Luciano García Alén).

A partir das 22.00 h. Gran Queimada Tradicional no Parque Luciano García Alén. (Parque Luciano García Alén).

23.30 h. Concerto do grupo: Os Rebenidos. (Parque Luciano García Alén).

Domingo 7 de agosto de 2016

Tren Turístico MALPICA – – Buño

(Os menores deberán ir acompañados dun adulto autorizado)

Mañá:

Saída de Malpica 11.00 h. (Bar Panchito).

Saída de Buño 14.00 h. (Parque Luciano García Alén).

Tren Circular Ruta da Olería. Saída do parque Luciano García Alén ás 12.00 h. regreso as 13.30 h.

Tarde:

Saída de Malpica  18.00 h.. (Bar Panchito).

Saída de Buño 21.00 h.  (Parque Luciano García Alén).

Tren Circular Ruta da Olería. Saída do parque Luciano García Alén ás 19.00 h. regreso as 21.30 h.

11.00 h. Descarga do forno (Ecomuseo Forno do Forte).

19.00 h. Exbición de Canto e Danza Tradiconal da A. C. Carcaxía. (Parque Luciano García Alén).

Luns 8 de agosto de 2016

19.00 h. Concerto de Alberto Knox  (Folk americano, countruy e Blues) (Parque Luciano García Alén).

Martes 9 de agosto de 2016

Os Bolechas visitan a Mostra da Olería

11.30 h. Roteiro fotográfico. (Saída dende o Parque Luciano García Alén).

17.00 h. Presentación da Publicación Os Bolechas visitan á Mostra da Olería (Parque Luciano García Alén).

17.30 h.  Pasarrúas cos Bolechas Corpóreos. (Parque Luciano García Alén).

17.30 h. Roteiro fotográfico. (Saída dende o Parque Luciano García Alén).

Mércores 10 de agosto de 2016

11.00 h. Visita do Campamento urbán Infantil ó Ecomuseo “Forno do Forte”.

11.30 h. Visita do Campamento urbán Infantil á Mostra da Olería de
Buño.

Ás 19.00 h. Actuación dos  Monifates (Zanfoña, cucharas, gaitas e monicreques) (Parque Luciano García Alén).

Xoves 11 de agosto de 2016

O Día do Neno

11.30 h. Roteiro fotográfico. (Saída dende o Parque Luciano García Alén).

17.00 h. Xogos tradicionais (Parque Luciano García Alén).

17.30 h. Roteiro fotográfico. (Saída dende o Parque Luciano García Alén).

19.00 h. Cé Orquestra (Parque Luciano García Alén).

Venres, 12 de agosto de 2016

A Partir das 12.00 h. Mostra doutras artesanías soplado de vidro (Parque Luciano García Alén).

17:30 h. Concurso de modelado en barro para nenos/as con premios (Ecomuseo Forno do Forte).

A partir das 17.00 h.  e ata as 21.00 h. Os Magos Dani e Rafa representarán o espectáculo El Baúl del Mago. Pases cada 10 minutos (Parque Luciano García Alén).

Sábado 13 de agosto de 2016

Tren Turístico MALPICA – – Buño

(Os menores deberán ir acompañados dun adulto autorizado)

Mañá:

Saída de Malpica 11.00 h. (Bar Panchito)

Saída de Buño 14.00 h. (Parque Luciano García Alén)

Tren Circular Ruta da Olería. Saída do parque Luciano García Alén ás 12.00 h. regreso as 13.30 h.

Tarde:

Saída de Malpica  18.00 h.. (Bar Panchito)

Saída de Buño 21.00 h.  (Parque Luciano García Alén)

Tren Circular Ruta da Olería. Saída do parque Luciano García Alén ás 19.00 h. regreso as 21.30 h.

A partir das 11.30 h. Pasarrúas de gaiteiros (Parque Luciano García Alén).

19.00 h. Exhibición de música e danza tradicional a cargo da Agrupación Folclórica ATURUXO. (Parque Luciano García Alén).

Ás 23.30 H.  Concerto do grupo Aula 11 (Parque Luciano García Alén).

Domingo 14  de agosto de 2016

Tren Turístico MALPICA – – Buño

(Os menores deberán ir acompañados dun adulto autorizado)

Mañá:

Saída de Malpica 11.00 h. (Bar Panchito).

Saída de Buño 14.00 h. (Parque Luciano García Alén).

Tren Circular Ruta da Olería. Saída do parque Luciano García Alén ás 12.00 h. regreso as 13.30 h.

Tarde:

Saída de Malpica  18.00 h.. (Bar Panchito)

Saída de Buño 21.00 h.  (Parque Luciano García Alén).

Tren Circular Ruta da Olería. Saída do parque Luciano García Alén ás 19.00 h. regreso as 21.30 h.

A partir das 11.30 h. Pasarrúas de gaiteiros. (Parque Luciano García Alén).

18:00 h. Trofeo Mostra Olería de Fútbol (Campo Fútbol de Xaviña – Buño)

21.00 h. Entrega de trofeos do Trofeo Mostra da Olería de Fútbol. (Campo Fútbol de Xaviña – Buño)

Ás 19.00 h. Actuación de Cantata Vernácula (Zanfoña,e acordeón). (Parque Luciano García Alén).

Luns 15  de agosto de 2016: Xornada de Clausura

Tren Turístico MALPICA – – Buño

(Os menores deberán ir acompañados dun adulto autorizado)

Mañá:

Saída de Malpica 11.00 h. (Bar Panchito)

Saída de Buño 14.00 h. (Parque Luciano García Alén)

Tren Circular Ruta da Olería. Saída do parque Luciano García Alén ás 12.00 h. regreso as 13.30 h.

Tarde:

Saída de Malpica  18.00 h.. (Bar Panchito)

Saída de Buño 21.00 h. (Parque Luciano García Alén)

Tren Circular Ruta da Olería. Saída do parque Luciano García Alén ás 19.00 h. regreso as 21.30 h.

19.00 h. Actuación do grupo Habelas Hainas (Grupo de gaiteiras) (Parque Luciano García Alén).

20.00 h. Acto de clausura da XXXIII Mostra da Olería de Buño (Parque Luciano García Alén).

• ACTUALIDADE,Novas

A Irmandiña de fútbol praia xogará en Malpica

O próximo domingo 14 de agosto ás 17.30h, a Selección Galega de fútbol praia disputará un encontro amigable ante un combinado formado por xogadores que disputaron a I Copa da Costa de fútbol praia, organizada pola Asociación Deportiva Vidú e o Concello de Malpica.

A entidade cormelana e o consistorio malpicán volverán a convertir o areal de Canido nunha gran festa do fútbol praia, na que estarán auténticas estrelas mundiais da disciplina.

Os rapaces que formarán a primeira Selección da Costa de fútbol praia terán unha oportunidade única e participarán nun evento inédito que dende a organización esperan prolongar no tempo e que se repita nos próximos anos.

Os protagonistas

Os seleccionadores da Irmandiña, Benito Pastoriza “Beni” e Quique Sánchez, terán a súa disposición a Ramiro Amarelle, Miguel Santiso “Kuman”, Nico Alvarado, Darío Cotelo, Diego Guerra, Nico Olivera “Uru”, Rubén González e Álex Rey. Estes xogadores citados anteriormente serán os oito compoñentes da Selección Galega de fútbol praia que se desprazarán ata terras malpicanas para enfrontarse á primeira Selección da Costa desta modalidade.

Mentres tanto, o combinado costeiro, que dirixirá a gran Pili Neira, estará formado por Suso Vidal, Eloy Villar, Alejo Cambón, Lucas Rial e Diego Bermúdez do Corme CF; Miguel Rodríguez “Eme”, Fran Montes “Charro” e Matías Tedín do Sporting Seaia CF; Denis Lago e Adrián Negro do Muxía CF; Manu Pardo e Aitor Vilas do SCD Malpica.

A Costa da Morte estará representada na Selección Galega

Durante o encontro do próximo domingo, a Costa da Morte tamén estará representada dentro da Selección Galega de fútbol praia.

Ramiro Amarelle, o cal está considerado como o mellor xogador da historia desta modalidade, é natural de Ponteceso e será un dos grandes atractivos deste partido, no que seguro que non deixará de sorprendernos cos seus recursos increíbles.

O outro costeiro que estará presente sobre a area de Canido será o malpicán Darío Cotelo. O gardameta da Irmandiña, que o vindeiro domingo xogará na casa, xa ten unha experiencia contrastada nesto do fútbol praia logo de militar en clubes coma o Coruxo, o Barcelona e o Boca Juniors arxentino, ademáis de ser un fixo nas convocatorias da Selección Galega da modalidade.

Ademáis, destes dous xogadores naturais da zona, tamén estará o coruñés Nico Alvarado. Este herculino ten un gran vínculo coa Costa da Morte logo de militar varias tempadas no Malpica, durante a época dourada do clube malpicán, e tamén no Carnota.

Tanto Amarelle como Darío son dous dos grandes artífices de que este partido sexa unha realidade, xa que ambos xogadores costeiros teñen moitas gañas de acercar esta modalidade a súa terra e xogar cerca dos seus pobos natais.

• ACTUALIDADE,Novas

Centos de nenos e nenas recibiron aos Bolechas como auténticos ídolos na Mostra da Olería de Buño

O Concello de Malpica agasallou cun exemplar do libro “Os Bolechas visitan a Mostra da Olería” a cada pequeno

Os Bolechas foron recibidos como auténticos ídolos na Mostra da Olería de Buño, na que hoxe pola tarde houbo, probablemente, máis público infantil que nunca. Para os nenos e nenas foi un soño cumprido, e tamén para o Concello de Malpica, que, como lembrou o alcalde, Eduardo Parga, levaba tempo intentando que os populares personaxes de Pepe Carreiro visitasen terras malpicás. Era tanta a expectación que na carpa da Mostra da Olería xuntáronse centos de nenas e nenos e outros tantos adultos, entre eles os concelleiros Marisol Blanco, Iago Espasandín e Miguel Fernández, que tampouco quixeron perder a ocasión de coñecer aos Bolechas.

Por fin conseguiuse telos no noso concello, tanto na realidade, co pasarrúas dos Bolechas Corpóreos, que  recibiron bicos, abrazos e centos de peticións para facer fotos, coma na ficción, a través do libro “Os Bolechas visitan a Mostra da Olería”. A publicación, presentada hoxe e coa que foron agasallados todos os nenos e nenas presentes, fai un percorrido pola tradición artesá e por algúns dos principais atractivos turísticos do municipio de Malpica da man de Carmiña, unha pequena oleira que se converte en protagonista e fío condutor da historia. O libro seguirá dispoñible no stand que ten o Concello de Malpica no Parque Luciano García Alén.

Mañá os pequenos da casa volverán a ser protagonistas, pola mañá (11.00 horas) coa visita que farán tanto á Mostra da Olería coma ao Ecomuseo do Forno do Forte os nenos e nenas que participan no campamento urbano infantil que se leva a cabo este verán en Malpica, e pola tarde (19.00 horas) coa actuación dos Monifates.

• ACTUALIDADE,Novas

Comeza o curso de vela de Malpica con 30 participantes

Trinta nenos/as e mozos/as de 9 a 18 anos iniciaron hoxe en Malpica o curso de vela organizado pola Deputación Provincial da Coruña coa colaboración do Concello. As sesións desenvolveranse ata o venres, en dúas quendas diarias. Malpica é a sede de Bergantiños, polo que entre os/as participantes hai rapaces de toda a comarca, que hoxe recibiron a benvida do alcalde, Eduardo Parga; o tenente de alcalde, Miguel Fernández, e o concelleiro de Deportes, Iago Espasandín.

A actividade deportiva en Malpica continúa ao longo de todo o mes coa liga de fútbol praia infantil, que rematará o 26. Así mesmo, do 22 ao 25 terán lugar os cursos de vela promovidos polo club Silfo para nenas e nenos de 8 a 16 anos, e do 29 ao 31 realizaranse os cursos de kayak do Club Náutico de Malpica para pequenos/as de 9 anos en diante.

• ACTUALIDADE,Novas

Máis de 70 nenos e nenas participan este ano na liga de fútbol praia organizado pola Concellería de Deportes

Este verán a liga infantil de fútbol praia de Malpica bate récords de participación. Máis de setenta nenos e nenas iniciaron este mes a competición, que se desenvolve na praia de Area Maior ou no polideportivo, segundo permitan as mareas. Os participantes están divididos en dous grupos en función das súas idades, que van dende os 7 ata os 15 anos.

O alcalde, Eduardo Parga, e o concelleiro de Deportes, Iago Espasandín, acompañaron aos mozos e mozas deportistas na xornada inaugural da liga, que se desenvolverá ao longo do mes de agosto. As finais disputaranse o día 26.

O concelleiro de Deportes destacou a boa acollida que ten cada ano esta actividade e amosou a súa satisfacción polo incremento do número de participantes. Así mesmo, Iago Espasandín subliñou que dende o seu departamento inténtase que nenas e nenos poidan practicar os seus deportes favoritos tamén durante o verán. Neste sentido apuntou que, á parte do campamento, a saída de aventura ou o campus de fútbol que se desenvolveron no mes de xullo, en agosto aínda queda unha ampla oferta de actividades por desenvolver. Deste xeito, do 8 ao 12 deste mes terá lugar o curso de vela organizado pola Deputación Provincial da Coruña, que ten en Malpica a sede da comarca de Bergantiños. Así mesmo, do 22 ao 25 terán lugar os cursos de vela promovidos polo club Silfo para nenas e nenos de 8 a 16 anos, e do 29 ao 31 realizaranse os cursos de kayak do Club Náutico de Malpica para pequenos/as de 9 anos en diante.

• ACTUALIDADE,Novas

Cartel de luxo para o Trofeo Solidario Os Petóns

A UD Cerqueda volve a demostrar que é máis que un club con esta iniciativa, á que se suman este ano o Bergantiños FC e a SD Sofán

A UD Cerqueda volve a demostrar que os partidos non sempre se xogan nos campos de fútbol, e que unha entidade deportiva pode ser moito máis ca iso. Un ano máis, o equipo da 2ª Autonómica impulsa a celebración do Trofeo Solidario Os Petóns, cuxos beneficios irán destinados ao banco de alimentos do Concello de Malpica. Pero este ano, ademais, o cartel é de auténtico luxo, xa que no triangular tamén participarán o Bergantiños FC e a SD Sofán.

Representantes dos tres equipos asistiron ao acto de presentación do torneo no salón de plenos do Concello de Malpica. Luis Cendán, do Bergantiños FC, louvou a iniciativa da UD Cerqueda, que ademais axudará á posta a punto dos xogadores de cara á vindeira temporada. “É un gran pracer, e noraboa ao Concello de Malpica e ao Cerqueda por promover un torneo solidario, e aquí nos terán para vindeiras edicións”, dixo. Na mesma liña manifestouse Ricardo Serrano, presidente da SD Sofán, quen ademais desexou que a recadación “sexa a máxima posible”. O capitán da UD Cerqueda, Daniel García Reixía, fixo un chamamento aos veciños e veciñas da comarca a que se acheguen o sábado ao campo de Xaviña “porque a ocasión -dixo- ben o merece”.

Por parte do Concello de Malpica asistiron o alcalde, Eduardo Parga; o primeiro tenente de alcalde, Miguel Fernández, e o concelleiro de Deportes, Iago Espasandín, que unha vez máis amosaron o apoio do goberno municipal ao deporte e agradeceron o xesto solidario da UD Cerqueda e dos outros dous equipos participantes, que serán agasallados con cadansúa peza de olería de Buño.

O calendario de partidos é o seguinte:
18.00 horas: SD Sofán-UD Cerqueda
19.00 horas: Bergantiños FC-SD Sofán
20.00 horas: UD Cerqueda-Bergantiños FC

• ACTUALIDADE,Novas

O deporte volve a amosar a súa cara máis solidaria en Malpica

A Travesía Sisargas e a UD Cerqueda colaboran co banco de alimentos que xestionan a Concellería de Servizos Sociais e Amigos de Galicia

A solidariedade e o deporte van unidos, unha vez máis, en Malpica. Grazas ás iniciativas impulsadas polos organizadores da Travesía Sisargas e pola UD Cerqueda, as 21 familias usuarias do banco de alimentos que xestionan a Concellería de Servizos Sociais e a Fundación Amigos de Galicia, e do que se benefician un total de 64 persoas, recibirán unha axuda extra.

Daniel Gambón, promotor da Travesía a Nado, vén de facer entrega ao Concello de Malpica de 200 quilos de alimentos para o banco municipal. Por segundo ano consecutivo, cada participante na proba deportiva colabora con esta iniciativa cun quilo de produtos non perecedoiros. Aos 190 quilos de arroz, conservas, leite, azucre, aceite e demais alimentos achegados polos 190 participantes, a organización engadiu outros dez, ata completar os 200. A concelleira de Servizos Sociais, Marisol Blanco Gorín, que recibiu os alimentos xunto co alcalde, Eduardo Parga, e o concelleiro Miguel Fernández, expresou o seu agradecemento a Daniel Gambón e aos participantes na Travesía Sisargas por “este xesto tan altruísta e tan importante, porque beneficia a familias que carecen dos recursos necesarios para cubrir necesidades tan básicas coma a alimentación”.

Convencidos tamén de que o deporte debe ir moito máis alá da competición, os membros da xunta directiva da UD Cerqueda tamén destinarán este ano a recadación do Trofeo Solidario Os Petóns, que se disputará este sábado 6 de agosto, ao banco de alimentos do Concello de Malpica.