As rutas que se ofrecen a continuación forman parte do libro: Camiños polo concello de Malpica de Bergantiños. Doce itinerarios para coñecer a beira norte da Costa da Morte.

Cinco mil exemplares en galego e profusamente ilustrados para dar a coñecer múltiples aspectos do municipio malpicán e escrito por Xosé M. Varela e Héctor M. Pose. Con fotografías de Alfredo Blanco, Susana Chouciño, Ineco, Biofoto, Arquivo Fotográfico Municipal (Serie "Malpica en fotos" de Xurxo Alfeiran) e dos autores do texto.

O prórogo corre a cargo do novelista Francisco X. Fernández Naval.

Andar, andar na procura de saber, recrearse no ollado ou, simplemente, esquecer rutinas. Perderse por camiños infindos entretecidos pola Natureza ou a devastadora man do home insensible. Atopar oficios tradicionais que esmorecen, liar conversas co labrego atarefado ou coas vellas na soleira da porta de dobre folla. Ás veces, as sensacións proveñen do silencio, dos olores do solpor e do peixe mesturado cos berros do releo das pescantinas. Doce veas de zaorra e ruelas de asfalto para nos coñecer mellor, redescubrir cotianeidades e valorar o que nos é propio para conservalo. Textos, datos e imaxes son postos a disposición do camiñante nunha humilde cheda de dous autores, que gozaron, unha vez máis, co paradoxo destas terras bergantiñás e das súas xentes.

Casco histórico de Malpica de Bergantiños

De Santiso a Mens

De Asalo ó Faro Nariga

As páxinas das rutas tardarán un pouco en cargar, pero son moi interesantes