Síguenos en
gl_ES
Tempo Malpica de Bergantiños
Venres 18°
15°
Sábado 20°
14°
Domingo 19°
17°
tiempo.com   +info
  1.  
  2. ACTUALIDADE
  3. Novas
  4. Participa como voluntari@ na II Carreira Pedestre Concello de Malpica!

2Ago 2017

Participa como voluntari@ na II Carreira Pedestre Concello de Malpica!

VOLUNTARIOS CARREIRA

A Concellería de Deportes organiza por segundo ano consecutivo a Carreira Pedestre Concello de Malpica, que se celebrará o 10 de setembro. Ademais de participar na competición, na que podes inscribirte a través da ligazón https://championchipnorte.com /evento/ inscribirme/id/1228, tamén podes facelo como voluntario ou voluntaria. Envía un correo electrónico cos teus datos persoais ao enderezo pablo.lista@malpicadebergantinos.es. Ademais de colaborar recibirás a bolsa do corredor, co avituallamento e unha camiseta.

Polo que respecta á parte deportiva, a inscrición ten unha cota de 4 euros, un dos cales irá destinado á Asociación Española contra o Cancro. Os/as participantes que non teñan chip poderán alugalo por 1 euro. As carreiras infantís son gratuítas.

Unha das particularidades da carreira é que haberá dous percorridos: un de 10 quilómetros (nacidos no ano 2001 e anteriores) e outro de 5 quilómetros (2003 e anteriores), aos que se suman este ano tamén as categorías infantil (2004-2005) e alevín (2006-2007), benxamín (2008 a 2011) e biberón (2012 e posteriores).

Todos os participantes contarán con seguro, e ademais disporán de servizos de ducha e gardarroupa, avituallamento e unha camiseta como agasallo. O Concello de Malpica porá a disposición dos participantes na carreira o pavillón polideportivo para que se podan cambiar e duchar, así como un servizo de gardarroupa na Oficina de Información Turística, onde tamén se recollerán os dorsais e chips ou ben o sábado 9 de 17.00 a 20.00 horas ou ben o propio día da carreira a partir das 09.00 horas.