Galego
Castellano
O Concello de Malpica substituirá as actuais luminarias do paseo marítimo por un alumeado máis eficiente
O alcalde, Eduardo Parga, asinou o contrato coa empresa, que espera comezar a semana que vén
O Concello de Malpica reforzará o seu compromiso co medio ambiente cun proxecto que prevé a substitución das actuais luminarias do paseo marítimo por un alumeado máis eficiente. O alcalde, Eduardo Parga, asinou o contrato correspondente coa empresa Grupo Mariño Obras e Servizos por un importe de 72.600 euros (ive incluído).
A renovación do alumeado do paseo marítimo forma parte das actuacións previstas dentro do Fondo de Compensación Ambiental 2015. O proxecto inclúe tanto a substitución das actuais lámpadas coma das farolas, polo que o cambio percibirase tanto de noite coma de día. A empresa adxudicataria prevé comezar a traballar a vindeira semana.