Síguenos en
gl_ES
Tempo Malpica de Bergantiños
Venres 18°
15°
Sábado 20°
14°
Domingo 19°
17°
tiempo.com   +info
  1.  
  2. ACTUALIDADE
  3. Novas
  4. O Concello de Malpica contrata obras por máis de 100.000 €

11Ago 2016

O Concello de Malpica contrata obras por máis de 100.000 €

23-marzo-2016-web

O Concello de Malpica vén de contratar unha serie de obras por un importe que supera os 100.000 euros. A actuación máis importante, cun orzamento de 64.591,62 euros, xa está en marcha tras a sinatura do contrato por parte do alcalde, Eduardo Parga, coa empresa adxudicataria, Construcciones Dámaso Ferreiro. O proxecto consiste na mellora de camiños municipais de acceso ás explotacións agrarias en Barizo e Beo.

Tamén comezaron as obras de mellora da accesibilidade no polideportivo municipal de Malpica, cofinanciado entre a Xunta e o Fondo Europeo Agrario de Desenvolvemento Rural (Feader) con 19.799,23 euros. A empresa adxudicataria é Construcciones López Cao, que ten de prazo ata o 15 de setembro para a execución da actuación.

Pola súa banda, a empresa Emilio Cancela Bouzas resultou adxudicataria dos traballos de prevención de incendios forestais mediante a limpeza das vías de titularidade municipal, que teñen un orzamento de 17.999,96 euros.