Síguenos en
gl_ES
Tempo Malpica de Bergantiños
Venres 13°
Sábado 12°
Domingo 14°
tiempo.com   +info
  1.  
  2. ACTUALIDADE
  3. Novas
  4. Terceira edición da Malpica Vidú Cup, organizada polo Concello e a Asociación Deportiva Vidú

7Xuñ 2019

Terceira edición da Malpica Vidú Cup, organizada polo Concello e a Asociación Deportiva Vidú

Cartel III Malpica Vidú Cup

Un dos torneos por excelencia do fútbol Sub15 a nivel galego xa conta as horas para dar o pistoletazo de saída a unha gran xornada deportiva nos campos de fútbol de Xaviña (Buño) e O Cairo (Corme). Vitoria CF da Coruña, Bergantiños CF, Selección Coruñesa, SD Compostela, Selección da Costa, Pontevedra CF, Racing Club de Ferrol e GD Chaves de Portugal serán os oito equipos participantes na terceira edición da Malpica Vidú Cup, que xa se consolidou como un dos torneos referencia do fútbol Sub15 na comunidade autónoma galega, que conta con varios dos mellores equipos autonómicos e que traspasa fronteiras, ao contar coa presenza do conxunto Sub15 do Chaves, equipo que participará por terceira vez nesta competición.

A fase de grupos dará comezo este sábado ás 10.00 h. en ámbalas sedes, Buño e Corme. GD Chaves, Bergantiños CF, Selección Coruñesa e SD Compostela saltarán ao terreo de xogo de Xaviña (Buño) despois de quedar encadrados no Grupo A, mentres que a Selección da Costa, o Vitoria CF, o Pontevedra CF e o Racing Club de Ferrol farano en O Cairo (Corme) ao ser emparellados no Grupo B, e todos eles farano nunha xornada matinal que finalizará ás 14.00 h.

Na fase final, que se disputará toda ela na xornada de tarde e a partir das 16.30 h., os oito clubs desprazaranse ata o Campo Municipal de Xaviña, onde loitarán por proclamarse campións da terceira edición desta Malpica Vidú Cup, na cal haberá grandes partidos de fútbol, xa que todos os mozos que conforman os diferentes equipos participantes teñen moita calidade nas súas botas e deleitarán a todos aqueles que se acheguen a ambas as sedes. Desde a organización convidan os afeccionados ao deporte rei a que acudan a esta gran xornada futbolística.