gl_ES
Tempo Malpica de Bergantiños
Mércores 20°
16°
Xoves 19°
15°
Venres 19°
13°
tiempo.com   +info
  1.  
  2. ACTUALIDADE
  3. Novas
  4. O Ecomuseo do Forno do Forte de Buño ampliará o seu horario de apertura e a súa oferta de actividades durante a Semana Santa

13Abr 2019

O Ecomuseo do Forno do Forte de Buño ampliará o seu horario de apertura e a súa oferta de actividades durante a Semana Santa

O Ecomuseo do Forno do Forte de Buño ampliará o seu horario de apertura durante a Semana Santa coa finalidade de converterse nun recurso de referencia para as persoas que visiten a nosa comarca durante eses días. Deste xeito, dende o luns 15 ata o sábado 20 o ecomuseo estará aberto de 10 a 14 e de 16 a 20 horas, e o domingo 21 poderá visitarse de 10 a 14 horas.

forno_do_forte

Paralelamente, ao longo da semana levaranse a cabo varias actividades. De martes a venres, de 11.30 a 13.30 e de 16.30 a 18.30, haberá obradoiros de barro para nenos e nenas, cun máximo de 25 participantes por quenda. Pero á parte de que os pequenos teñan o seu primeiro contacto co barro no cabanote do Forno do Forte, os maiores poderán probar a sentarse no torno.

Así mesmo, o venres e o sábado realizaranse rutas guiadas polo Buño oleiro. O ecomuseo será o punto de partida ás 12.00 horas e tamén o de chegada ás 14.00 horas. Ao longo da Ruta Oleira visitaranse os fornos da Costa e Os Mouróns, así coma o centro da vila, onde os visitantes non só terán a oportunidade de ver e saber máis sobre as tendas, os alfares ou a tradición oleira, senón tamén sobre a igrexa, o cruceiro e outros elementos patrimoniais de relevancia. Nos fornos restaurados faranse paradas específicas para explicar as súas características e o proceso de cocción.