Síguenos en
gl_ES
Tempo Malpica de Bergantiños
Venres 13°
Sábado 12°
Domingo 14°
tiempo.com   +info
  1.  
  2. Uncategorized

Uncategorized

13Set 2022

Malpica de Bergantiños e Malpica de Tajo consolidan a súa irmandade

O Concello de Malpica viaxou con algúns veciños do pobo ata o municipio toledano de Malpica de Tajo para afianzar os lazos que os unen. Despois de moitos intentos e atrasos motivados por diferentes cuestións, entre elas, a pandemia, levouse a cabo un feito polo que o tenente alcalde, Alfredo Cañizo, leva loitando desde hai anos.Arredor de 2.000 persoas asistiron onte a un acto moi importante no que o alcalde de Malpica de Bergantiños, Eduardo Parga, e o alcalde de Malpica de Tajo, Santiago Huertas, asinaron unha carta na que se comprometeron a favorecer a creación de lazos de amizade entre os dous pobos, a dialogar e intercambiar experiencias, a promover o intercambio entre veciños para desenvolver o sentimento de fraternidade e a promover os valores universais que constitúen a liberdade, a democracia, a igualdade e o Estado de dereito.Eduardo Parga explicaba con ledicia que estaba “cheo de orgullo de ter a oportunidade de coñecer Malpica de Tajo, un pobo ao que xa sentimos como Irmán”, e aseguraba, “os mais de 700 km que separan ambos concellos non son nada comparado con todo aquilo que nos une, o sentimento de pertenza á nosa cultura, terra e forma de ver a vida”. Parga agradeceu a asistencia a todos os que estiveron presentes “nun día histórico”.O alcalde de Malpica de Tajo, Santiago Huertas, iniciaba feliz o seu discurso falando das “dúas Malpicas máis importantes de España”, que onte, 3 de setembro, “afianzaban a súa irmandande para coñecerse e confraternizar”. Huertas agarda que coa sinatura da carta, “se favoreza á creación de lazos de amizade e que os pobos se acheguen máis para crear proxectos de acción e progreso”.O tenente alcalde de Malpica, Alfredo Cañizo, é realmente o que leva moito tempo loitando para que se asinase a irmandade de maneira oficial. O tenente alcalde pronunciou un discurso moi emocionado no que recordou a Jesús Cedena, ex alcalde de Malpica de Tajo, que faleceu recentemente e que segundo conta Cañizo, “foi o primeiro contacto con este pobo”. Cañizo está moi agradecido a un pobo “bonito, acolledor e que ten artesanía de Buño por todas partes porque sempre lle traio algún recordo”.No acto estiveron presentes tamén o alcalde de Bernuy, Rafael Machín, o alcalde de San Martín, o ex alcalde de Malpica de Tajo, Mario Cruz, o tenente alcalde, Alfredo Cañizo, a concelleira de Promoción Económica, Pilar Doldán, o concelleiro de obras, Miguel Fernández, o delegado da Xunta e a vicepresidenta da Deputación de Toledo e outras personalidades.Tralos discursos, houbo un intercambio de bastóns e de bandeiras e asinouse a irmandade. Tamén houbo unha degustación de comida tradicional e unha demostración de baile: por unha banda, o folclore da zona de Toledo, da man de Aires de Ronda, e, por outra banda, amenizaron a xornada os gaiteiros coruñeses da Asociación Donaire.

18Ago 2022

A música galega volverá a ser a protagonista en Malpica coa nova edición da “Festa Galega”.

Malpica será o epicentro da música galega durante o venres 18 e o sábado 19 de agosto cun cartel de luxo. Ademais tamén durante os día 18, 19 20 e 21 celebraremos o Mercado Medieval Mariñeiro con múltiples actividades coma soprado de vidro, barca pirata, noria medieval, paseos en tren, xogos tradicionais, pasarrúas musical, piratas e brasas voadoras.
A Festa Galega comezará o venres día 19 e contaremos coa actuación de Camaño e Ameixeiras ás 22.15 horas, Ses ás 23.45 horas, Ialma á 01.15 horas e xa para rematar a noite ás 02.30 horas teremos a The Cerne Revival Band.
O Domingo 20, ás 12.00 horas, levarase a cabo o desfile de bandas organizada pola asociación A.C. Malante. Pola noite ás 22.30 horas a festa comezará coa Charanga ACDC, A Mellor da Costa da Morte, e xa para rematar ás 23.30 horas Arredores deleitaranos coa súa fermosa
música.

18Ago 2022

O Concello de Malpica comezará coas melloras dos viales da estrada Campelo a Barizo, o Camiño de Cambre á Pedrosa e o Camiño en a Rexeira.


A inversión total será de 109.419,9, financiados pola Deputación da Coruña.

As actuacións incluídas no Plan de Obras e Servizos (Pos) xa están en marcha. O alcalde de Malpica, Eduardo Parga Veiga, e o concelleiro, Miguel Fernández Mirás, desplazaronse para facer o seguimento das obras que van a comezar. Trátase da mellora da estrada Campelo-Barizo. Unha obra incluída na 1º fase do post adicional 2/2021 e adxudicada á empresa López
Cao por un importe total de 36.469.40€. Tamén visitaron o lugar onde se mellorará a capa de rodadura do Camiño de Cambre á Pedrosa e o Camiño en a Raxeira. Obras incluídas na 1º fase do pos adicional 2/2021 adxudicada a López Cao por un importe total de 72.950,90.

15Ago 2022

A Travesía Sisargas volveu a ser un éxito.

A XII Travesía Sisargas de #Malpica encheu Malpica de deporte e diversión nunha xornada que xa se converte en tradición anual.Múltiples persoas achegáronse á Praia Area Maior de Malpica para animar aos deportistas.Os premios foron entregados por Eduardo Parga, alcalde de Malpica, Miguel Ángel Fernández, concelleiro, Noelia Freijerio, concelleira de Deportes, Pedro Pérez, patrón maior da Confraría de Malpica e Carlos Touriño, presidente da Federación Galega de Natación e Andrés Carrera, vocal da Federación Galega de Natación.

Clasificacións:

Travesía 1000 metros

Feminino Irea Alén, Sara Fernández, María González

Masculino: Manuel Souto, Aritz González, Pablo Gómez

Travesía 2.500 metros

Feminino: Lucía Villarnovo, Alba Gómez, Inés Borge.

Masculino: Mateo García, Marcos Martínez, Darío Pérez

Travesía 4.200 metros

Feminino: Nerea Alvite, Alicia Gómez, Julia Chamosa

Masculino: Mario Méndez, Puga Lucas, Costa Marcos del Río

No acto tamén houbo un aplauso en lembranza das perosas que xa non están connosco: Pedro Gambón, organizador da 1ª Travesía Illas Sisargas, Genaro Amigo, patrón maior e dos deportistas Antonio Gómez Reino, Pedro Manuel Alonso, e Roberto García Pazos. O Concello de Malpica colabora na organización da Travesía, na que tamén estiveron implicadas a Confraría de Pescadores de Malpica, a Deputación da Coruña, , protección civil de Malpica, a Cruz Vermella e a Agrupación Provincial de Protección Civil.Un evento patrocinado por Desarrolla, Duacode, Saunier Duval, Galicia Calidade, Cabreiroá, e no que colaboraron Buceo Malpica, Restaurante Material, Area Chill Out, e os barcos Adrina, Castelao e Pasa Aquí.Moitas grazas a todos os participantes e parabéns ós gañadores.

15Ago 2022

O Concello de Malpica comenza o reparto de agua polas parroquias

Hoxe comezarase co reparto de agua polas parroquias nos seguintes lugares e horas:

10.00h a 11.00h Seaia.

11.00h ás 12.00 Barizo

12.00h ás 13.00h Campo da Festa de Mens.

10.00h ás 11.00h Campo da Festa de Cerqueda

11.00h ás 12.00h Nas escolas unitarias de Beo e xunto a igrexa en Santirso.

12.00h ás 13.00h Casa dos Veciños en Leiloio.

16.00h ás 17.00h Campo da festa en cambre xunto a igrexa.

282822 comentarios57 veces compartidaMe gustaComentarCompartir

29Xul 2022

A XXXVIII Edición da Mostra de Olería de Buño: Un paseo polo corazón da olería

Dende o 4 ata 7 de agosto celebrase a XXXVIII Edición da Mostra de Olería de Buño

A Mostra de Olería de Buño, volta un ano máis, e farao dende o xoves día 4 ata o domingo 7 de agosto, en Buño, conservando a esencia da mostra, combinando tradición, modernidade e grandes doses de novidades.

Un amplo programa de actividades posto en marcha polo Concello de Malpica xunto cos oleiros de Buño que ten como obxectivo a posta en valor deste oficio, marcan a cita con este evento cultural de gran relevancia artesanal.

Nesta 38.ª Edición, que terá lugar a súa inauguración as 12:00 horas o xoves 4 de agosto. Con posterioridade inaugurarase a exposición de carteis “ A mostra no Tempo”. Unha demostración no torno, e o peche das casetas as 14:00 horas dará por finalizada a mañá deste primeiro día. As 17:00 horas volta a apertura das casetas ata chegadas as 21:00 horas, namentres, obradoiros de decoración de pezas, pasarrúas e contacontos, amenizaran a tarde.

O venres 5 de agosto abriranse as casetas ás 11:00 ata as 21:00 horas cun pequeno receso dende as 14:00 ata as 17:00 horas. Seguirán as demostracións no torno na praza de Santa Xusta ás 13:00 e as 19:00 horas, obradoiros de decoración de pezas, pasarrúas, charanga, e un obradoiro infantil, conformarán esta nova tarde que ademais contará coa presentación do libro “Buño de Seu” da autora María Barca ás 20:15 horas. O día rematará coa actuación musical “Tres soles del Paraguay” con Sito Sedes, ás 23:00 horas.

O día nomeado como “Báilalle a roda” será o sábado 6, un dos máis completos de todo o programa, que comezará as 10:00 horas da mañá, coa ruta Olería de Buño a cargo de Volta Montana. A Mostra permanecerá aberta en horario ininterrumpido ata as 22.00 horas, do mesmo xeito que continúan as demostracións no torno, obradoiros de modelaxe de pezas, e a presentación dun libro, do autor Xosé María Varela Varela. As novidades serán os obradoiros de baile tradicional, tanto de mañá como de tarde. O día dividirao unha sesión vermú da man de Ailá e pecharao unha gran queimada popular e os fogos de artificio ás 01.00 horas.

Ademais, contaran con emisión en directo, a través da emisora de radio, Novahit ós días 5 e 6 de agosto, dende as 10:00 ata as 21:00  horas

O domingo día 7 de agosto, o fútbol tamén terá o seu lugar no torneo de fútbol feminino “Mostra de Olería”, a mañá virá seguida de demostracións no torno e unha representación teatral-musical. De novo unha sesión vermú amenizará Buño arredor das 14:00 horas.

A tarde do último día volve a comezar con fútbol, desta vez co torneo masculino. Xogos tradicionais de Buño con barro,  demostracións no torno e pasarrúas amenizaran a tarde, ata o seu peche as 21:00 horas, coincidindo coa clausura da Mostra da olería de Buño.

27Xul 2022

A 2º edición do evento “Un mercado en cada porto. Mulleres artesás de Galicia” estará o 31 de xullo no Paseo Marítimo de Malpica

O evento trátase dun mercado itinerante, liderado por mulleres creativas, que leva vinculada unha mostra fotográfica de retratos de redeiras, colareiras, palilleiras, cesteiras, oleiras e outros colectivos, mulleres que tomaron o relevo das súas avoas para seguir dándolle vida aos traballos máis ancestrais da cultura galega.

O mercado poderase visitar en horario de 11.00 á 20.00.

Unha actividade itinerante, organizada por ONYVA!, na que colabora a concellería de Cultura e Deportes do Concello de Malpica, Artesanía de Galicia e a Xunta.

15Xul 2022

A XXXVIII Edición da Mostra de Olería de Buño celebrarse do 4 ó 7 de agosto

O Concello de Malpica xunto cos oleiros de Buño presentaron o cartel da XXXVIII Edición da Mostra de Olaría de Buño, no Parque Luciano García Alén.

Ao acto que comezou ás 13.00h asistiu o alcalde, Eduardo Parga, o tenente alcalde e concelleiro de Turismo Alfredo Cañizo, o concelleiro Miguel Ángel Fernández, Francisco Xosé Gorín, presidente dos oleiros, Jessica Mariño creadora do cartel e olerios de Buño. 

Francisco Gorín agradeceu o apoio recibido por parte do Concello de Malpica e das demais administracións á Mostra de Olería. Tamén felicitou á autora do cartel, Jessica Mariño, polo fermoso deseño. 

“Este ano coma novidades, aínda que o actor principal é a olería de Buño, o sábado seis vai ser un día bastante forte porque imos tentar que o horario comercial sexa durante todo o día ata ás 22.00h. Ademais ese día queremos rematar cunha festa tradicional galega contando con tres grupos do concello de Malpica e dous invitados. Outra novidade é que este ano faremos unha exposición cos carteis de todas as Edicións da Mostra” explicou Gorín. 

O alcalde, Eduardo Parga, felicitou a autora do cartel e agradeceu ós oleiros que organizasen o evento xunto co Concello de Malpica e sinalou a importancia do apio inestimable da Deputación da Coruña para poder promocionar un ano máis a Mostra que é un emblema moi importante da vila. 

“Esperamos que este ano sexa de moita afluencia de xente e convidamos a todo o mundo a que veña a participar durante catro días da XXXVIII Edición da Mostra de Olaría”  

12Xul 2022

Visitas teatralizadas de balde para coñecer a historia da vida no Forno Do Forte.

El Concello de Malpica en colaboración coa Diputación da Coruña ofrecerá visitas teatralizadas gratuitas nas instalacións do Ecomuseo Forno do Forte durante os sábados 16 e 23 de xullo e os ´sabados 13 e 20 de agosto, en horario  de 12.00 a 13.00 horas.

Yago Espasandín e Raquel Crespo, compoñentes de Alalá Teatro, actuarán representando unha obra baseada na vida tradicional oleira. Nárrase a reflexión de dous irmáns oleiros alá polos anos 40 do século pasado. Os irmáns, 5ª xeración de oleiros, o día antes da que creen será a súa última fornada reflexionan sobre o seu oficio como modo de vida.

Esta peza é un relato sobre as orixes, o pasado máis recente e o presente e futuro da relación dunha terra alimentada polo barro que, a través das personaxes nos fala da felicidade, as intimidades do ser humano e o camiño cara as nosas propias verdades. Isto vaise levar a cabo no Ecomuseo, nas vivendas dos oleiros, o que permitirá mergullarse na narración.

Onde nace o fume é un xeito de coñecer mellor a historia local permitindo aos visitantes introducirse na historia que conta a exposición e as vivendas do Forno do Forte por medio da teatralización.

28Xuñ 2022

Membros do goberno local de Malpica e varios veciños concentráronse está mañá para apoiar ao colectivo LGTBIQ+ neste día do Orgullo.

O acto rematou coa lectura dun manifesto na praza Anselmo Villar Amigo

Arredor das 12.00h da mañá os edís do Concello de Malpica, a Policía Local e varios veciños xuntáronse na praza Anselmo Villar Amigo para conmemorar hoxe, 28 de xuño, o Día do Orgullo LGTBIQ+. Despois, a concelleira de Servizos Sociais, Marisol Blanco Gorín procedeu a ler un manifesto no que deixaba claro que en Malpica rexeitan calquera tipo de discriminación motivada pola orientación sexual das persoas.

No acto estaban presentes tamén o alcalde, Eduardo Parga, Miguel Ángel Fernández, Noelia Freijeiro, Alfredo Cañizo e outros membros da corporación municipal.

Manifesto.

A noción básica do Orgullo LGBTTIQ+ consiste en que ningunha persoa debe avergoñarse do que é, sexa cal sexa o seu sexo, orientación ou identidade sexual. Os primeiros indicios da homosexualidade veñen da Antiga Grecia e o Imperio Romano. Nesas épocas a bisexualidade era a norma. Aínda que nos pareza mentira tiñan a mente máis aberta que agora.

O Movemento pola Diversidade Sexual remonta os seus inicios coa fundación do Movemento de Liberación Homosexual, MOVILH histórico, en 1991. A orixe da data do Día do Orgullo LGBTTIQ+ remóntase ao 28 de xuño de 1969 cando nun bar de Nova York chamado Stonewall, gais, lesbianas, bisexuais e transexuais, intersexuais, queers (LGBTTIQ+) cansados das continuas fustigacións da policía, decidiron enfrontala, rebelándose contra un sistema político que avalaba a discriminación, a persecución, a fustigacións e a violencia sistemática contra a comunidade. Foi neste mesmo momento cando se inicia o movemento homosexual en Estados Unidos e a loita polos seus dereitos. En poucas semanas, despois de varios incidentes violentos o colectivo logrou ter lugares para poder estar libremente sen medo a ser arrestados ou violentados.

Pouco a pouco a este movemento fóronselle sumando outros países do mundo. Disto pasaron 53 anos, duns acontecementos que foron a catapulta o impulso para loitar pola procura da igualdade de dereitos para este colectivo, reclamar pola non violencia, o respecto pola diversidade sexual, a liberdade para decidir sobre o seu corpo, o dereito á identidade, a protección, o recoñecemento de todas as familias e polo pleno acceso a todos os dereitos que aseguren a inclusión cidadá. Hoxe a loita continúa, pois aínda quedan países nos que a homosexualidade é considerada delito e son castigados mesmo con penas de cárcere e ata de morte.

Hai 7 países con pena de morte ( Arabia Saudita, Iemen, Irán, Emiratos Árabes, Mauritania, Nixeria e Brunei), 58 que condenan aos homes con penas de prisión (Cabo Verde, Maldivas, Tanzania. Nepal, Nixeria, Arxelia, Somalia… ) e 6 con pena física (Brunei, Malasia, Irán, Paquistán, Fixi, Sudán). Pero non fai falla ir tan lonxe. Neste momento no noso país, na nosa propia comunidade autónoma, na nosa provincia e quen sabe se no noso Concello, hai alguén que sofre discriminación pola súa condición sexual. Hai alguén ao que lle da medo recoñecer ser quen é polo que dirán ou polas posibles consecuencias que lle poida traer na súa vida persoal ou laboral.

Hai a quen o están agredindo física ou verbalmente por ser diferente. Hai alguén que está sufrindo por algo que non debería traer consigo dor. Cada día vívense situacións de homofobia no noso país e isto non se debe permitir. Por este motivo, desde o Concello de Malpica condenamos calquera tipo de acción discriminatoria ou conduta violenta contra calquera persoa pola súa orientación e cremos que este día é necesario para darlle visibilidade ao movemento e apoialo. Queda moito camiño por andar e moito que loitar, pero non imos deixalos de lado nunca.

Seguiremos camiñando xuntos para conseguir a igualdade de condicións e oportunidades nunha sociedade na que non faga falta ocultar ou avergoñarnos de quen somos e do que somos. Seguiremos loitando contra a LGTBI Fobia, aportando o noso gran de area para crear un futuro mellor para os nosos fillos, fillas e filles. #seresentir #DeputacióndaCoruña #MalpicaIgualdade #ConcellodeMalpica

Página 5 de 14« Primera...34567...10...Última »