Síguenos en
gl_ES
Tempo Malpica de Bergantiños
Xoves 12°
Venres 13°
Sábado 12°
tiempo.com   +info
  1.  
  2. ACTUALIDADE

ACTUALIDADE

20Xul 2023

Renovación do DNI

Don EDUARDO  J. PARGA  VEIGA, Alcalde-Presidente do concello de Malpica de Bergantiños (A coruña)

informa:

Por parte  da  Dirección X. da  Policía –  Comisaría  Provincial de A Coruña,  ten previsto  desprazar o EQUIPO MÓVIL DO  DNIe  para  a  expedición de  DNIe  con un cupo de 50  solicitudes.

Data:

  DÍA:  04  DE   OUTUBRO  2023 HORARIO:   de 9:00   a  12:00  horas.  

Os  interesados  deberán  anotarse  no  Concello  chamando por  teléfono  aos  números:

981.72.03.18  – 981.72.03.19 –  981.72.00.01

18Xul 2023

A Carreira Pedestre de Malpica celebrarase o 30 de setembro

O alcalde de Malpica, Eduardo Parga, e a concelleira de Deportes, Noelia Freijeiro, presentaro esta mañá  no Concello de Malpica  a VI edición da “Carreira Pedresete do Concello de Malpica”. A proba celebrarase o vindeiro 30 de setembro e trae como novidade a modalidade 2k que sairá polo percorrido inicial da 10k.

A cita percorrerá as rúas da vila, co obxectivo de fomentar a práctica da actividade física para acadar unha vida máis saudable e ademais ten carácter solidario, por cada inscrito na carreira a organización doará 1€ á Asociación Española Contra o Cancro.

A carreira celebrarase en cinco distancias distintas: a proba absoluta, de 10.000 metros de percorrido; as sub-12, sub-14 e sub-16, de 2.100 metros; a sub-10, de 740 metros, 2km  e a categoría biberón, de 100 metros.

As inscricións poden realizarse a través da web championchipnorte.com.

Os trofeos da proba, son pezas de barro coa imaxe corporativa da proba 3D, aproveitando esta circunstancia para facer promoción da olaría de Buño.  

5Xul 2023

A Casa do Pescador de Malpica acolle o vindeiro sábado a presentación da obra ilustrada “A miña cadeliña”

A Concellería de Educación, Cultura, Patrimonio e Deportes organiza para o vindeiro sábado 8 de xullo ás 20.00 horas, na Casa do Pescador de #Malpica a presentación da obra ilustrada “A miña cadeliña” da ilustradora, Estefanía Padullés.

Sinopse

Cando Antía cumpriu 7 anos, o seu avó Manu regaloulle unha cadeliña preciosa á que a meniña decidiu poñerlle o nome de Pinta.Vivían moi felices xuntas, paseaban co avó Manu polo monte, rían e enredaban sen ningunha preocupación… ata que un día as cousas se complicaron e un incendio arrasou a aldea na que vivían. É nese momento, cando Antía e Pinta demostran o valentes que son e tamén o moito que se queren.Unha historia na que o avó Manu, Antía e Pinta nos ensinan a amar a natureza e a defendela con todas as nosas forzas.

3Xul 2023

Hoxe deron comenzo as novas rutas para a recollida de residuos urbanos especiais

Dende a concelleria de Servizos do Concello de Malpica lanzamos novas rutas para a recollida de residuos.

A empresa RGR Sostenible, S.L. fará a recollida e tamén deixará barriletes nos domicilios. Lembra que os residuos deben estar antes das 09.00 horas nas portas das vivendas.

Os refugallos que recollerán son os seguintes:

Aceite de cociña usado.

Graxas e manteigas

Pilas e baterías.

Lampadas.

Electrodomésticos e electrónicos pequenos do fogar.

Consumibles de impresoras.

Residuos téxtiles e roupa.

Restos metálicos pequenos do fogar.

LUNS 3 XULLO: Aviño, Cambre, Pedrosa- A Tremoa, Rabuceiras, A Raxeira, Brión, O Castro.

MARTES 4 XULLO: Feira Nova, Vilar, O Empalme, A Camposa, O Piñeiro, Rúa Santa Catalina vivendas con números pares ata A Plaza.

MÉRCORES 5 DE XULLO: Rúa Forno Novo, Rúa Mouróns, Rúa Santa Filomena, Rúa Xaviña, Canelas, Rúa Nova , Rúa Gaio, Praza Cruceiro, Rúa Costa, Rúa Boavista, Rúa Santa Catalina vivendas números impares.

XOVES 6 DE XULLO: Zona Polígono Industrial, Buño, Aldeola, O Ceán, A Lagoa, Loroxo, Algadán, Pozacas-Leduzo, Taraio, Cerqueda.

VENRES 7 DE XULLO: Pasacondia, Cortés, Filgueira, A Fonte dos Bois, Seixas, Vilarnovo, Piñeiros, Rúa Ventorrillo, Pedra Queimada, As Neves, A Camuza, Travesia I A Camuza A , Rúa Ventorrillo, Escorial.

LUNS 10 DE XULLO : Rúa Emilio González López, Areal, Praza Santa Lucía, Igrexa, Agros, Praza Fonte Vella, Barreiro , Travesía Orxeira, Rúa Orxeira, Travesia 1 As Neves, Travesia 5 Río.

MARTES 11 DE XULLO: Rúa As Neves, Travesia 2 Río, Travesía 3 Neves, Travesia 5 Neves, Rúa Neves B, Travesía 7 Río, Travesía 4 Río, Travesía 6 Río, Travesía 3 Río,Rúa Agra do Río, Travesía 2 Río, Travesía 1 Río, Rúa Camiño do Río, Eduardo Vila Fano.

MÉRCORES 12 DE XULLO : Praza do Cruceiro, R/ Tío Paz, R/ San Ramón, Travesía 1 San Ramon, Travesía 2 San Ramón, Atalaia, Altamira, R/ Ramona Criado, R/Mestra, R/Caldeirón, R/Eduardo Pondal, R/ Patria Galega, R/ Campo, R/Areal, R/Carreixo doMuiño, R/Antonio Montero, R/ Praia.

XOVES 13 DE XULLO: R/ Guardia Pardines, R/ Areal, R/Doctor Fleming, Canido, R/A Camuza C, Estrada DP4307 dende Malpica ata o desvío hacia Santiso, Travesia 2 A Camuza, Travesia 3 A Camuza, A Camuza C, Cancela de Areas, Vista, Pedrediña, Camiño daVist, R/ Agra de Lucas, R/ Arnado.

VENRES 14 DE XULLO: Estrada DP 4307 dende o desvío hacia Santiso ata Beo, Estrada DP4305 hacia Santiso, Santiso, Pontella, Cova, Castiñeiro, Sorrio, A Fonte Dorta, O Petón,R/ A Horta Nova, O Seixo, A Orxeira, Estrada Santo Hadrian.

LUNS 17 DE XULLO: Beo, Vigo, Estrada DP4307 dende Beo ata Seiruga, Seiruga.

MARTES 18 DE XULLO : Campelo, Barizo, Porto de Barizo, Avd. Agra de Lamas, Porto doFondo, As Casas Novas, Mens.

MÉRCORES 19 DE XULLO : Mens, O Miñon, Asalo, Bocelo, Badarra.

Todas las reacciones:1010

3Xul 2023

Unha unidade móbil de Inspección Técnica Agrícola desplazarase esta semana ata Malpica

A Unidade Móbil de inspección técnica de agrícolas estará no Polígono Industrial de Malpica nas seguintes datas:⚪ Do 04/07/2023 ao 07/07/2023 (De 9 a 13.30 horas e de 15.15 a 18.00 horas Excepto o 7/07 só de maña). Para solicitar cita previa: Por teléfono: 902 30 90 00 A través da páxina web: www.sycitv.com – Cita previaA admisión de vehículos con características particulares estará condicionada á posibilidade de realizar as operacións de inspección regulamentarias

1Xul 2023

A Deputación da Coruña renova o seu apoio á Mostra da Olería de Buño


O presidente da Deputación, Valentín González Formoso, e o alcalde de
Malpica, Eduardo Parga Veiga, asinaron un convenio de colaboración
mediante o cal a institución provincial achega 80.000 euros para a
organización do evento
A 39º edición da Mostra celébrase este ano do 3 ao 6 de agosto en Buño
(Malpica)
O presidente en funcións da Deputación da Coruña, Valentín González Formoso,e o alcalde de Malpica Bergantiños,
Eduardo Parga Veiga, asinaron un convenio de colaboración para financiar
cunha achega de 80.000 euros a trixesimo novena edición da Mostra da Olería de Buño, que se celebrará do 3 ao 6 de agosto de 2023.
A achega da Deputación supón o 80% do orzamento total do evento, que
ascende a 100.000 euros e inclúe os gastos en publicidade, material gráfico,
alugueiro das carpas, dos espazos expositivos, e das actividades como
eventos, animación ou actuacións, ademais dos gastos de persoal para a
organización do evento, que cada verán reúne a miles de visitantes.
Con esta colaboración, a Deputación da Coruña amosa o seu apoio a esta
XXXIX Mostra da Olería de Buño e impulsa este evento, ademais de coma un
recurso turístico, como unha actividade artesanal que repercute favorablemente como medio de desenvolvemento económico, social e xerador de emprego e riqueza non só a nivel local, senón tamén na provincia.

O alcalde de Malpica, Eduardo Parga, firmando o convenio xunto co presidente da Deputación da Coruña, Valentín González Formoso.

30Xuñ 2023

A XUNTA PON EN VALOR O TRABALLO DOS POLOS DA PROVINCIA CORUÑESA QUE EN MENOS DUN ANO ASESORARON ARREDOR DE 180 PERSOAS EMPRENDEDORAS

  • O secretario xeral de Apoio ao Emprego, Traballo Autónomo e Economía Social, Pablo Fernández, e a directora xeral de Emprendemento e Apoio ao Emprego, Margarita Ardao, participaron hoxe en Buño nos Venres dos polos: tradición e innovación
  • Destacaron que a Rede autonómica de polos está a conectar ás persoas con iniciativa empresarial, ás administracións, aos axentes e técnicos que prestan servizos no eido laboral e ás empresas para seguir a crear emprego de calidade en Galicia
  • Na provincia da Coruña están en activo desde o ano pasado o polo Rías Altas e Arco Ártabro (sito en Ferrol) e Costa da Morte (Coristanco) que acompañaron desde a súa posta en marcha 169 proxectos empresariais

O secretario xeral de Apoio ao Emprego, Traballo Autónomo e Economía Social, Pablo Fernández, e a directora xeral de Emprendemento e Apoio ao Emprego, Margarita Ardao, participaron hoxe na actividade Os Venres dos Polos: tradición e innovación sobre emprendemento sustentable e ligado ao territorio, onde resaltaron o traballo que se está a facer na Rede galega de polos de emprendemento que, no caso da provincia da Coruña, permitiu acompañar xa, en menos dun ano, arredor de 180 persoas relacionadas con 169 proxectos empresariais.

Os dous representantes autonómicos sinalaron o importante labor que a través dos polos se está a desenvolver para dinamizar o mercado laboral e xerar traballo de calidade e pegado ao territorio. Estes recursos, segundo apuntou o secretario xeral de Apoio ao Emprego, conectan ás persoas emprendedoras, ás administracións, aos axentes e técnicos que prestan servizos no ámbito do emprego, e aos sectores tractores e empresas do territorio. “Unha conxugación eficaz e imprescindible para dar resposta ás necesidades de todos eles”, especificou.

Nos polos que actualmente están activos (serán 15 a finais deste ano) e que xa prestan cobertura ao 100 por cento da xeografía galega, acompáñase ás emprendedoras e emprendedores galegos nos seus proxectos, desde principio ao fin, ao tempo que se celebran actividades de difusión da cultura emprendedora nas que se fomentan o intercambio de ideas e coñecementos.

En toda Galicia xa se está a prestar apoio a través desta iniciativa a unhas 380 persoas emprendedoras con máis de 1.000 sesións de titorización, e se está tamén a atender 355 proxectos, dos cales o 80,28% están activos (285).

Na provincia da Coruña están a funcionar na actualidade o polo Rías Altas e Arco Ártabro, e Costa da Morte que dan cobertura a emprendedores de 29 e 39 concellos destas áreas, respectivamente.

Desde a súa posta en marcha hai menos dun ano, atendéronse no polo situado en Coristanco, 61 proxectos, impulsados por 41 persoas. Na oficina situada en Ferrol, son xa 108 os proxectos asesorados de diferentes sectores promovidos por 118 persoas emprendedoras, dos que un total de 22 iniciativas proceden do municipio herculino. No 81,6% dos casos, os negocios están activos.

Por sectores, nos polos en funcionamento na provincia da Coruña, teñen maior representatividade entre as propostas emprendedoras o comercio por xunto e ao retallo (19%), a agricultura (17%), as actividades artísticas, recreativas e de entretemento, código (12%) ou a hostalería (7%).  

Na actividade celebrada hoxe desde o polo Costa da Morte participaron para expoñer a súas experiencias como emprendedores responsables da empresa Alfarería Aparicio, un obradoiro de olería de Buño, no que se levan 40 anos facendo pezas artesanais de cerámica; Redeiras de Corme (Asociación Illa da Estrela), unha entidade sen ánimo de lucro constituída desde 2009 con 17 socias de procedencia familiar do mar e autónomas; e a firma The Surf Factory, formada por artesáns que desenvolven tablas de surf.

Axudas ao emprendemento

A directora xeral de Emprendemento, pola súa banda, destacou a nova edición das axudas ao emprendemento que se aprobou onte no Consello da Xunta. Por segundo ano consecutivo, a Consellería de Promoción do Emprego e Igualdade convocará apoios para axudar cos investimentos desenvolvidos polas iniciativas empresariais máis recentes e contribuír a mellorar a súa competitividade. A iniciativa contará cun orzamento de  7 millóns de euros e poderanse beneficiar pemes, persoas traballadoras autónomas, sociedades cooperativas e laborais, empresas de inserción e centros especiais de emprego, que teñan iniciado a súa actividade desde o 1 de xaneiro de 2021 (ou máis tarde) e permanezan en activo.

Outorgaranse axudas para financiar investimentos realizados polas entidades entre o 5 de novembro de 2022 ata a data da solicitude. Cubriranse, deste xeito, investimentos xa realizados (debidamente xustificados mediante factura) en equipamento informático, melloras da eficiencia enerxética, adquisición de mobiliario, reforma e/ou habilitación de locais ou adquisición de equipos de segunda man para o negocio, entre outros. Saúdos do Gabinete de Comunicación da Consellería de Promoción do Emprego e Igualdade

30Xuñ 2023

O Concello de Malpica presenta a programación “Malpica Verán”

As actividades van dirixidas a todo tipo de público e desenvolveranse entre o 1 de xullo e o 31 de agosto

O Concello de Malpica, a través da súa Concellaría de Educación, Cultura, Patrimonio e Deportes, e de Servizos Sociais  lanza o programa “Malpica Verán”, cuxo obxectivo é dinamizar a vila a través de actividades variadas coma visitas treatalizadas, actos literarios, rutas culturais e actividades deportivas.

As fichas de inscrición poden descargarse da páxina web do Concello de Malpica ou solicitarse no Concello.

A programación e a seguinte:

XULLO

Actividades infantís

Do 17 ao 31 de xullo

Pintar na rúa: os laborais do 17 ao 31 de xullo, na vila de Malpica, de 10.00 a 14.00. Para crianzas de 6 a 14 anos.

Grupos e horarios:

De 11 a 14 anos – 10.00 a 12.00.

De 6 a 10 anos – 12.00 a 14.00.

Prezo: 11,00 €.

Inscricións: Do 1 ao 12 de xullo.

Do 4 ao 28 de xullo

Obradoiros de Barro/Talleres de Modelado, no Ecomuseo do Forno do Forte, de 16.30 a 18.30. Os martes e os venres. Para crianzas de 3 a 12 anos, acompañadas de adultos. Sen inscrición previa, de balde.

Visitas teatralizadas

Sábados 1, 15 e 29 de xullo

Visitas teatralizadas no EcoMuseo do Forno do Forte, ás 12.00. Para todos os públicos. Sen inscrición previa, de balde.

Seráns na Vila (público familiar)

Venres, 21 de xullo

Actuación do Mago Polo co espectáculo Combina, no paseo da Praia, a partir das 20.30.

Sábado, 29 de xullo

Representación de Xela contra o Dragón Traga-Verbas de Títeres Cachirulo, no paseo da Praia, a partir das 20.30.

Actos literarios

Venres, 30 de xuño

Presentación da obra Hijos de York de Cristina Mourón Figueroa, no Auditorio do Centro Cívico de Malpica, as 18.00. Organiza: Biblioteca Manuel María do IES Urbano Lugrís e Concellería de Educación, Cultura, Patrimonio e Deportes.

Sábado, 1 de xullo

Presentación da obra A saga das curandeiras de Marisa Castro Cerceda,  no Salón de Actos da Casa do Pescador  ás 20.00.

Sábado, 8 de xullo

Presentación de A cadeliña pinta de Francisco Iglesias con ilustración Estefanía Padullés, no Salón de Actos da Casa do Pescador, ás 20.00.

Rutas culturais

Sábado, 22 de xullo

Razo – Malpica. Distancia: 16 km. Duración estimada: 5 horas 30 minutos. Puntos de interés: As Torradas, O Riás, A Devesa dos conventos, San Miro e Muíños da Ribeira. Saída de Malpica en bus, ás 11.30. Información e inscricións: Tel.: 697 993 182 / 603 741 747 Email: salitremalpica@gmail.com Organiza: ACD Salitre. Colabora: Concellería de Educación, Cultura, Patrimonio e Deportes. Concello de Malpica.

Sábado, 29 de xullo

Malpica – Nariga. Distancia: 18 km. Duración estimada: 5 horas 45 minutos. Puntos de interés: Seaia, miradoiro de Santo Hadrián, illas Sisargas, Beo e Seiruga. Saída de Malpica, ás 10.00; Regreso en bus dende Nariga ás 16.15. Información e inscricións: Tel.: 697 993 182 / 603 741 747 Email: salitremalpica@gmail.com Organiza: ACD Salitre. Colabora: Concellería de Educación, Cultura, Patrimonio e Deportes. Concello de Malpica.

Actividades deportivas

Martes, 4 de xullo

Activ@s cos deportes de raqueta (Bádminton e Tenis de mesa), no Pavillón Polideportivo de Malpica, de 10.30 a 13.00. Destinado a crianzas a partir de 10 anos. Sen inscrición previa, de balde.

Xoves, 6 de xullo

Activ@s co Fútbol Sala, no Pavillón Polideportivo de Malpica, de 10.30 a 13.30. Destinado a crianzas de 6 a 15 anos. Inscricións ata o 5 de xullo, de balde.

Venres, 7 de xullo

Zumba na praia, na praia de Area Maior, de 11.30 a 12.30. Para todas as idades. Sen inscrición previa, de balde.

Martes, 11 de xullo

Activ@s co Volei, no Pavillón Polideportivo de Malpica, de 10.30 a 13.00. Destinado a crianzas a partir de 10 anos. Inscricións: ata o 7 de xullo, de balde.

Xoves, 13 de xullo

Activ@s co fútbol 3×3,na Pista Polideportiva do Mercado Municipal, de 10.30 a 13.00. Para crianzas a partir de 6 anos. Inscricións ata o 7 de xullo, de balde.

Venres, 14 de xullo

Xogos na praia, na praia de Area Maior de Malpica, de 10.30 a 13.00. Para crianzas a partir de 6 anos. Inscricións ata o 7 de xullo, de balde.

Mércores e Xoves, 19 e 20 de xullo

Torneo de Fútbol Praia, na praia de Area Maior de Malpica, horario en función das mareas e número de inscritos. Para moz@s de 15 a 20 anos. Inscricións ata o 14 de xullo, de balde.

Venres, 21 de xullo

Zumba na praia, na praia de Area Maior de Malpica, de 11.30 a 12.30. Para todas as idades. Sen inscrición previa, de balde.

Do 3 ao 28 de xullo

IV Campus de verán UD Cerqueda, no Campo de Fútbol de Xaviña (Buño). Para crianzas de 4 a 17 anos. Inscricións e información: 660 099 288 Correo: cdudcerqueda@gmail.com

AGOSTO

Actividades infantís

Do 1 ao 29 de agosto

Obradoiros de Barro/Talleres de Modelado, no Ecomuseo do Forno do Forte, de 16.30 a 18.30. Os martes e os venres. Para crianzas de 3 a 12 anos, acompañadas de adultos. Sen inscrición previa, de balde.

Do 1 ao 31 de agosto

Campamento Concilia 2023 (Concellería de Servizos Sociais): De luns a venres, do 1 de ao 31 de setembro, no Centro Cívico de Malpica, de 9.00 a 14.00. Para crianzas de 3 a 12 anos, ambas incluídas.

Prazas: 30.

Prezo: de balde.

Inscricións: No Departamento de Educación e Cultura, en horario de 10.30 a 14.00, do 19 de xuño ao 21 de xullo.

Venres, 25 de agosto

XXII Concurso de Barcanas e Castelos de Area, Praia de Area Maior, na praia de Area Maior de Malpica, de 10.00 a 14.00. Para adultos e crianzas a partir de 6 anos. Inscricións: do 1 ao 23 de agosto, no Departamento de Educación e Cultura, en horario de 10.30 a 14.00 e o 25 de agosto na praia de Area Maior de Malpica de 10.00 a 11.00.

Visitas teatralizadas

Sábados 12 e 26 de agosto

Visitas teatralizadas no EcoMuseo do Forno do Forte, ás 12.00. Para todos os públicos. Sen inscrición previa, de balde.

Seráns na Vila (público familiar)

Sábado 5 de agosto

Representación de As palabras perdidas de Inventi Teatro, no paseo da Praia, a partir das 20.00.

Sábado 5 de agosto

Representación de Rogelio, un paiaso en recuperación de As Sircópatas, no paseo da Praia, a partir das 20.00.

Rutas culturais

Sábado, 5 de agosto

Circular Nariga. Distancia: 12 km. Duración estimada: 4 horas 30 minutos. Puntos de interés: Faro Nariga, Laxa do Lago, miradoiro de Navás e gravados históricos de Nariga. Saída de Nariga, ás 10.00. Información e inscricións: Tel.: 697 993 182 / 603 741 747 Email: salitremalpica@gmail.com Organiza: ACD Salitre. Colabora: Concellería de Educación, Cultura, Patrimonio e Deportes. Concello de Malpica.

Venres, 11 de agosto

Perseidas 2023

21.00 Charla teórica no Auditorio do Centro Cívico.

21.45 Saída para a observación astronómica.

Información e inscricións: Tel.: 697 993 182 / 603 741 747 Email: salitremalpica@gmail.com Organiza: ACD Salitre. Colabora: Concellería de Educación, Cultura, Patrimonio e Deportes. Concello de Malpica.

Actividades deportivas

Do 1 ao 31 de agosto

Torneo de Fútbol Praia Infantil, na praia de Area Maior de Malpica, horarios en función das mareas, aproximadamente 2 días á semana cada categoría. Para crianzas de 6 a 14 anos. Inscricións: ata o 21 de xullo, custe: 21,71 €.

Venres, 4 e 18 de agosto

Zumba na praia, na praia de Area Maior de Malpica, de 11.30 a 12.30. Para todas as idades. Sen inscrición previa, de balde.

Inscricións:

            Actividades deportivas

            Centro Cívico de Malpica. Oficina de Deportes

Luns, mércores e venres de 8.30 a 13.00

Martes e xoves de 8.30 a 10.00

            Teléfono de información: 690 047 448

Actividades culturais

Departamento de Educación e Cultura, no Centro Cívico. De 10.30 a 14.00

Teléfono de información: 981 707 104

Nas actividades municipais as prazas adxudicaranse por orde de inscrición, no obstante, terán preferencia as/os solicitantes empadroados no Concello de Malpica de Bergantiños.

 

29Xuñ 2023

Volven as visitas teatralizadas para coñecer a historia da vida no Forno do Forte

O Ecomuseo Forno do Forte ofrecerá visitas teatralizadas gratuítas durante os sábados 1, 15 e 29 de xullo e os días 12 e 26 de agosto, en horario de 12.00 a 13.00 horas. Despois do éxito acadado na pasada edición o Concello volve a apostar por esta modalidade que da man de Yago Espasandín e Raquel Crespo, compoñentes de Alalá Teatro, que darán vida á obra “Ao principio había barro”.A obra representa a visita dunha rapaza peculiar (Lola) que durante o itinerario polo Ecomuseo Forno do Forte vai romper coa tranquilidade do guía do museo (Carlos).Lola ven buscando respostas a todo canto ten escrito nun caderno, que segundo ela, levan escribindo dende o principio dos tempos os seus antepasados. A incredulidade de Carlos e as intencións de Lola, desembocarán nunha viaxe no tempo, grazas as “propiedades máxicas” da boca do forno.Desta vez, a visita teatralizada do Ecomuseo Forno do Forte, convídanos a unha viaxe ao Buño primitivo, preto dos Barreiros, as orixes, pero tamén un chisco máis atrás, ao momento no que naceu a historia do barro e a humanidade.Ao principio había barro é un xeito de coñecer mellor a historia local permitindo aos visitantes introducirse na historia que conta a exposición e as vivendas do Forno do Forte por medio da teatralización.

Página 8 de 149« Primera...678910...203040...Última »