Síguenos en
gl_ES
Tempo Malpica de Bergantiños
Venres 13°
Sábado 12°
Domingo 14°
tiempo.com   +info
  1.  
  2. ACTUALIDADE

ACTUALIDADE

11Mar 2022

O campo municipal de Xaviña conta con novos vestiarios

O alcalde do Concello de Malpica e a concelleira de Deportes entregaron hoxe as chaves das instalación

O alcalde de Malpica e a concelleira de Deportes, Eduardo Parga e Noelia Freijeiro respectivamente, entregaron hoxe as chaves dos novos vestiarios do campo municipal de Xaviña, en Buño.


Os representantes do Concello deron as chaves das instalacións a Héctor Castro, presidente do UD Cerqueda, e a Martín Pena, directivo do Buño SCD, desexando que o novo local sexa testigo de moitas celebracións.

Os novos vestiarios están situados nun edificio anexo ao campo de fútbol cunha cuberta tipo sándwich de imitación a tella curva, e a fronte de muro é de bloque cerámico. Os vestiarios dos xogadores contan con bancos de madeira e os correspondentes aseos e duchas. Asemade o espazo para o conjunto arbitral ten, ademáis, mesa e cadeiras.

10Mar 2022

O Concello de Malpica organiza a primeira verbena da Costa da Morte os días 18 e 19 de marzo

O Combo Dominicano e a Orquestra Cinema, así como a discoteca móvil La Mega CDC poñerán o ritmo na zona portuaria a vindeira fin de semana

O Concello organiza a primeira verbena da Costa da Morte, que se celebrará os días 18 e 9 de marzo. Será na zona portuaria de Malpica, onde se instalará unha carpa climatizada de 600 metros cadrados.

Así, o vindeiro venres, ás 22:00 horas, comezará a verbena coa música da discoteca móvil La Mega CDC. Media hora máis tarde Malpica recibirá ao Combo Dominicano poñendo todo o son e ritmo á noite. A verbena durará ata a madrugada alternado a actuación da orquestra e de La Mega CDC.

O sábado, 19 de marzo, a primeira actividade será unha feira que se situará ao longo da rúa principal de Malpica, e que estará aberta ata o fin do día, aproximadamente ás 20:00 horas.

Xa pola noite, a zona portuaria volverá a ter música con CDC Minidisc, que dará paso á Orquestra Cinema, que presentará, por primeira vez, o espectáculo co que inician a xira do verán 2022.

Dous días de ritmo e diversión impulsados e organizados pola Concellería de Turismo Festexos e Mar. Desde o Concello de Malpica animamos a todo o mundo a participar nesta verbena, respectando sempre as medidas sanitarias vixentes, en beneficio da saúde de todos.

9Mar 2022

Manifesto institucional polo Día Internacional da Muller

O Concello de Malpica reivindica esta figura na xornada do 8 de marzo

O Día Internacional da Muller, que se celebra este 8 de marzo, vai polos 47 anos de conmemoración dende que a Organización das Nacións Unidas (ONU) o promulgou no 1975, se ben é certo que a loita comezou moito antes.

Ata o de agora xa se camiñou moito. Lográronse dereitos básicos como poder votar nas eleccións, ocupar posicións de responsabilidade en política e na sociedade en xeral, así como acceder ó traballo e ó estudo. Porén, hoxe en día segue sendo necesario acadar outros nos países máis desenvoltos, e estes primarios naqueles que están menos avanzados.


Neste 2022, a xornada está dedicada a todas as mulleres do mundo que están aportando para combater o cambio climático a prol de construír un futuro máis sostible para todas as persoas. Neste sentido, dende estas liñas queremos aportar cinco accións para fomentar a igualdade de xénero e a sustentabilidade, dous dos problemas máis graves da sociedade, na procura de atopar solucións, pois para avanzar cara un futuro mellor é necesario tomar medidas hoxe.


Hai que empoderar ás pequenas agricultoras. A Organización das Nacións Unidas para a Alimentación e a Agricultura proxecta que se as agricultoras tivesen un acceso equitativo aos recursos produtivos, os seus rendementos agrícolas aumentarían entre un 20 e 30 %. Isto permitiría reducir o nivel de fame negra no mundo dun 12 a un 17 %. Aumentar a capacidade produtiva das pequenas agriculturas tamén axuda a promover as prácticas agrícolas sostibles.


Débese investir no traballo de coidados. A economía mundial depende do traballo de coidados non remunerado ou mal remunerado que realizan, sobre todo, as mulleres. Con todo, a pesar do seu carácter esencial ––do cal fomos testemuñas como nunca antes durante a pandemia do covid-19––, este traballo non é valorado como cómpre, senón que sucede todo o contrario. Do mesmo xeito que ocorre co medio ambiente, considérase un produto ilimitado que pode utilizarse sen que isto carrexe ningún custo ou consecuencia.


Tense que apoiar o liderado das mulleres. En xeral, as mulleres adoitan ter máis en conta ás súas familias e comunidades nos procesos de toma de decisións, o que é crucial para crear as solucións integrais que contribúen á adopción de medidas climáticas efectivas.


É importante inanciar ás organizacións de mulleres. A colaboración do Goberno coas organizacións de mulleres pode axudar a garantir que as políticas climáticas satisfagan as necesidades específicas das mulleres e as nenas, e que a súa aplicación sexa eficaz.

Por último, débese protexer a saúde das destas. De acordo coas investigacións, as mulleres sufrirán os efectos negativos na saúde do cambio climático. En xeral, son máis propensas a morrer como consecuencia dos desastres, debido en parte ao seu acceso limitado aos recursos e servizos. As investigacións tamén revelan que o cambio climático terá efectos negativos na saúde sexual e reprodutiva.


Únete e esixe reformas sociais que prioricen a igualdade de xénero e a sustentabilidade nos obxectivos de progreso.

9Mar 2022

Malpica garda silencio en solidariedade co pobo ucraíno

Malpica uniuse hoxe á convocatoria silenciosa de cinco minutos en solidariedade co pobo ucraíno, celebrada na praza da fonte Anselmo Villar Amigo. Un encontro no estiveron representantes políticos municipais, funcionarios e persoal laboral do Concello que mostraron o seu apoio ao pobo ucraíno.

Malpica sumouse así á iniciativa da Femp ao igual que a FEGAMP, nunha concentración de apoio e afecto a todas as persoas que están sufrindo nestes momentos as consecuencias do conflicto bélico, desencadeado pola Federación Rusa contra Ucraína.

O Concello, que ten na súa sede unha bandeira de Ucraína como mostra de apoio, lembra que as armas non son ferramentas de diálogo, só traen sangue e dor, rompendo países e acabando coa vida das familias e cos desexos e o futuro das novas xeracións.

8Mar 2022

O Concello de Malpica súmase á convocatoria silenciosa de mañá como acto de solidariedade co pobo ucraíno

O acto, ao que esta convocado toda a veciñanza, será ás 12:00 horas na praza da fonte Anselmo Villar Amigo

O Concello de Malpica únese mañá á convocatoria silenciosa de cinco minutos en solidariedade co pobo ucraíno. Un encontro, ao que o equipo de goberno convida a toda a veciñanza a unirse, será ás 12:00 horas na praza da fonte Anselmo Villar Amigo.

Malpica súmase así á iniciativa da Femp ao igual que a FEGAMP, un acto no que tanto os gobernó local como toda a poboación quere trasladar o seu apoio e afecto a todas as persoas que están sufrindo nestes momentos as consecuencias do conflicto bélico desencadeado pola Federación Rusa contra Ucraína.

8Mar 2022

O Concello de Malpica reivindica o 8M a importancia da igualdade no deporte onde “Xuntas Gañamos”

A concelleira de Servizos Socias da lectura a un manifesto institucional e a deportista María Varela destaca a importancia de profesionalizar o deporte

Ao longo da xornada mostrouse a presenza da muller nos máis diversos ámbitos da sociedade malpicá

O Concello de Malpica celebrou hoxe o 8M, Día Internacional da Muller, cunha serie de actos desenvolvidos no Centro Cívico, e que xiraron en torno á importancia das mulleres no deportes baixo o lema “Xuntas Gañamos”. Ademais deuse conta da presenza femenina nos máis diversos ámbitos da sociedade malpicá.

A xornada comezou coa lectura dun manifesto institucional por parte da concelleira de Servizos Sociais, Marisol Blanco. Un texto que destacou a importancia de traballar diariamente por un futuro mellor para todas e que lembrou que este é o 47 ano que se celebra este día e aínda queda moito por facer.

Posteriormente a ex xogadora de fútbol sala, e adestradora do Viaxes Amarelle feminino, María Varela Bardanca, deu unha charla para o estudantado do Concello na que falou do papel da muller no deporte.

Un relatorio no que Varela Bardanca deu a coñecer a súa traxectoria e experiencia nun deporte maioritariamente masculino. Asemade dixo que, en moitos casos, as mulleres atopan unha dobre barreira, por unha banda a desigualdade polo sexo e por outra porque participan en deportes na que a súa presenza é minoritaria.

Durante a charla, a antiga adestradora da selección galega feminina de fútbol sala, deu a coñecer o nome de diversas deportistas da comunidade, repasando nomes como os de Ana Peleteriro, en atletismo, ou Teresa Portela, en piragüismo. No caso destas dúas fixo referencia a que é posible que a primeria fose máis coñecida por saír nun programa de televisión que polos seus triunfos. E, no caso da segunda dixo que Portela é a deportista galega con máis medallas e lamentou que posiblemente sexa menos coñecida que Saúl Craviotto.

Ambas deportistas forón algúns dos exemplos escollidos para dar conta de como os méritos profesionais as veces non son recoñecidos igual para os homes que para as mulleres.

Asemade repasou os nomes de outras atletas, piragüistas, xogadoras de balonmán e fútbol sala e expertas en skate galegas que destacan no panorama nacional e internacional. Ao mesmo tempo destacou a importancia de profesionalizar a presenza da muller no deporte, de traballar día a día pola igualdade e de que: “Vivades o voso soño disfrutando cos demáis”.

O acto no Centro Cívico rematou coa presenza do alcalde de Malpica, Eduardo Parga, que entregou a Maria Varela unha peza de olería de Buño.

As mulleres en todos os ámbitos

Ademais ao longo da xornada o Concello deu conta da presenza das mulleres en diferentes ámbitos como na olería, onde María Canedo Pena conta dende Buño a innovación que está facendo xunto co seu home, Eloi, ó mesturar olaría e deseño de moda, gráficos e a música entre outras.

Pola súa banda Icía Varela, de Cerqueda, que leva a música e a filoloxía no ADN destaca, o valor de ensinarlles ós máis novos e novas o canto e o manexo da pandeireta. Varela transmite todos os seus coñecementos como profesora de música tradicional na asociación cultural Ragiñas de Cerqueda.

Tamén destaca a interpretación realizada pola pandereteira malpicá, Elena Verdes, a música tradicional é o motivo que a fai achegarse á súa terra cada fin de semana. Verdes tamén é a presidenta da asociación cultural Carcaxía, de Seaia, e lembrou que os inicios non foron doados polo escaso liderado das mulleres naqueles tempos debido ás desigualdades de xénero existentes.

Asemade lembrouse a traxectoria do equipo senior femenino da UD Cerqueda como símbolo de valentía e heroicidade, un conxunto de xogadoras que ao longo dos anos viron como evolucionou este ámbito de “o non vaías, que os nenos vancha dar patadas” a “se empezas agora, pódelo tomar como algo máis profesional”.

Unha completa xornada na que o Concello de Malpica reivindicou a importancia das mulleres e o seu papel en todo os ámbitos, así como a necesidade de seguir traballando diariamente para avanzar cara á igualdade.

8Mar 2022

Detectados vinte casos de covid no O Concello de Malpica a 8 de marzo

Son oito contaxiados menos que a semana pasada

O Concello de Malpica informa que, segundo os datos facilitados polo Servizo Galego de Saúde, o municipio rexistra 20 casos de covid-19 a día de hoxe, 8 de marzo. Isto supón un novo descenso no presente mes, sendo 8 menos ao pasado martes, día 1.

Dende o consistorio pedimos prudencia a todos os veciños e veciñas para que os datos continúen a tendencia descendente xeneralizada.

7Mar 2022

O Concello de Malpica celebra o 8 de marzo reivindicando o papel das mulleres no deporte onde “Xuntas gañamos”

Mañá o Centro Cívico acollerá a lectura do manifesto institucional e María Varela Bardanca dará unha charla sobre a presenza femenina no deporte

O Concello de Malpica celebra mañá o 8M, Día Internacional da Muller, destacando a importancia da presenza femininia no deporte. Ao mesmo tempo, anima a reivindicar o papel das mulleres nesta área onde “Xuntas Gañamos”.

O goberno local convida maña as 11.00 horas a toda a veciñanza a asistir á lectura do manifesto institucional que realizará a concelleira de Servizos Sociais, Marisol Blanco, no Centro Cívico de Malpica. Posteriormente, e no mesmo local, María Varela Bardanca dará unha charla en torno o papel da muller no deporte. Cómpre destacar que foi recoñecida como a mellor xogadora de fútbol sala da nosa terra.

Un encontro con dúas convocatorias, a primeira destinada ao estudantado. E, a segunda, de 12 a 13 horas, estará aberta a toda a veciñanza que desexe asistir.

Experiencia en primeira persoa

Tratáse dunha oportunidade para escoitar, en primera persoa, a experiencia da deportista que comezou a carreira profesional ós 13 anos no Colexio Karbo, e logo militou no Sal Lence. Durante a súa etapa en activo no campo tamén xogou nas seleccións galega e nacional. Ademais, foi responsable do combinado galego absoluto de fútbol sala.

Actualmente é animadora deportiva do Concello de Malpica e entrena o equipo femenino de fútbol sala do Viaxes Amarelle. Unha profesional que traballa por un futuro en igualdade, e que isto tamén se vexa reflexado no deporte feminino.

O Concello de Malpica organiza esta charla para que toda a poboación poida escoitar ás vivenzas de María Varela, de cómo cambiaron as cousas e o que aínda queda por facer para que no deporte. Unha área que, ao igual que acontece con todos os aspectos da vida, non debe estas marcada polo sexo senón polas cualidades e capacidades das persoas.

1Mar 2022

Actualización de datos covid: 28 en Malpica, a 1 de marzo

O Concello de Malpica informa que, segundo os datos facilitados polo Servizo Galego de Saúde, o municipio rexistra 28 casos de covid-19 a 1 de marzo. Isto supón un descenso de 8 casos respecto ao pasado martes, día 22 de febreiro.

O consistorio lembra a todos os vecinos e veciñas a importancia de respectar a normativa vixente e manter a prudencia para que continúe a tendencia descendente das últimas semanas.

28Feb 2022

Catro premios e moitos máis agasallos no concurso de disfraces e comparsas do Concello de Malpica

As rúas da vila foron escenario dunha gran tarde de entroido

O concurso de disfraces e comparsas do Concello de Malpica repartiu este domingo á tarde catro premios e moitos máis agasallos na Praza Anselmo Villar Amigo, que se detallan a continuación:


– Mellor disfrace infantil: artistas de Malante. Levaron un recoñecemento especial e todos os participantes recibiron un agasallo.

– Entre os adultos triunfaron Pijas de Malpica e Mordomo, no primeiro posto (200 euros); Tito de Antaño María Castaña, na segunda posición (120 euros), e pechou o certame Sheriff Bill, co terceiro premio (80 euros). Todos os obsequios son vales para mercar nos establecementos da localidade.


Dende a Concellaría de Cultura dámoslle os parabéns a todos e a todas @s que se animaron a facernos vivir un fantástico domingo de entroido. A festa continúa con máis actividades.

Página 28 de 149« Primera...1020...2627282930...405060...Última »