Síguenos en
gl_ES
Tempo Malpica de Bergantiños
Xoves 12°
Venres 13°
Sábado 12°
tiempo.com   +info
  1.  
  2. ACTUALIDADE
  3. Novas

Novas

23Out 2020

O Concello decide suspender os obradoiros de memoria e informática para persoas maiores logo das restricións decretadas por Sanidade

O Concello de Malpica decide suspender os obradoiros de memoria e informática para persoas maiores logo das restricións decretadas por Sanidade, e que en ningún caso permiten que na aula se encontren máis de 5 persoas.

Desde o goberno local confirman que ‘non hai data exacta para retomar as actividades, e analizaremos o contexto actual para retomar os obradoiros e garantir a seguridade das persoas inscritas’, aseguran.

Terían que ter comezo o 27 de outubro e os espazos pensados para o seu desenvolvemento ían ser tanto na Casa do Oleiro de Buño como o Centro Cívico de Malpica.

O concelleiro de Benestar, Sergio García, avanza que ‘temos que adaptarnos á realidade máis inmediata, que é a incidencia actual da COVID-19 en toda Galicia, e acatar as restricións que se nos impoñen desde a Consellería de Sanidade, autoridade competente na materia. Agardamos que a situación se revirta o antes posible para volver a impulsar os cursos para os nosos maiores’, subliña o edil.

22Out 2020

O Concello de Malpica recibe a visita do vicepresidente da Deputación da Coruña e do alcalde de Oleiros

O Concello de Malpica recibiu esta mañá a visita do vicepresidente da Deputación Provincial da Coruña, Xosé Regueira, e do alcalde do Concello de Oleiros e deputado provincial, Ángel García Seoane, nunha recepción institucional no salón de plenos da Casa do Concello de Malpica de Bergantiños. Alí estiveron presentes, por parte do Concello de Malpica, o seu alcalde, Walter Pardo; xunto aos concelleiros de Promoción Económica, Sergio García; de Turismo, Alfredo Cañizo; a concelleira de Olaría, Leticia Varela e o concelleiro de Deportes, Miguel Varela.

Ambos, tanto Xosé Regueira como Ángel García Seoane, asinaron o libro oficial do Concello de Malpica, e o rexedor de Oleiros entregoulle ao alcalde de Malpica, Walter Pardo, o libro ‘Ensemble Isaac’.

O Concello de Malpica recibe a visita do vicepresidente da Deputación da Coruña, Xosé Regueira, e do alcalde do Concello de Oleiros e deputado provincial, Ángel García Seoane

O motivo da visita á vila oleira por parte do vicepresidente da entidade provincial e do alcalde do Concello de Oleiros foi a de poñer en valor a artesanía local, que comparten ambos concellos, e que serve de sustento para moitas familias de ambos municipios. Visitaron o EcoMuseo Forno do Forte, dos poucos que quedan activos na provincia, para poñer en coñecemento conxunto ‘o que aquí facemos e que nos pertence a todos’, destacaron.

A artesanía, e ‘máis concretamente a olaría’, argumentaba o alcalde, Walter Pardo, ‘é un dos elementos vehiculares tanto de Galicia, como máis concretamente de municipios como os nosos’, comentou o rexedor malpicán. ‘A súa esencia pervive intacta ata os nosos días, e temos que agradecer o desempeño diario das nosas e nosos artesáns para mantela viva’, aludiu, facendo fincapé na ‘importancia que ten para construír identidade’, finalizaba Pardo.

O Concello de Malpica recibe a visita do vicepresidente da Deputación da Coruña, Xosé Regueira, e do alcalde do Concello de Oleiros e deputado provincial, Ángel García Seoane

Pola súa banda, o vicepresidente provincial, Xosé Regueira, quixo ‘amosar a ledicia de propiciar este acercamento entre vilas oleiras, que historicamente foron un sector económico moi importante para o noso país. Temos que facer que estean moito máis presentes, temos o reto de recuperar o uso da olaría como algo cotiá’, sinalou.

O alcalde do Concello de Oleiros e deputado provincial, Ángel García Seoane, destacou que ‘aquí se conserva a historia, como a xente laboraba. Temos que levantar a olaría, vai sendo hora de que se volva ás pezas orixinais, recuperar a historia e o traballo’, sinalou. ‘Temos moito traballo por diante, pero iso correspóndenos a nós, os políticos’, finalizou.

O Concello de Malpica recibe a visita do vicepresidente da Deputación da Coruña, Xosé Regueira, e do alcalde do Concello de Oleiros e deputado provincial, Ángel García Seoane

Pola súa banda, o edil de Turismo, Alfredo Cañizo, tamén lle deu as grazas ‘tanto ao vicepresidente da Deputación, como ao alcalde de Oleiros por termos visitado hoxe’, na primeira de moitas achegas que teremos como vilas referentes na olaría, incidiu.

A concelleira de Olaría do Concello de Malpica, Leticia Varela, recalcou que ‘é o momento de volver a sectores primarios e de volver ás raíces, do que é noso e do que queremos vivir. Tamén é o momento de buscar outro tipo de turismo, máis sustentable, porque temos a posibilidade para facelo’, e engadiu os seus ‘agradecementos ao alcalde de Oleiros nun primeiro achegamento entre vilas, de cara a tecer redes cun obxectivo común: a olaría’, finalizou.

21Out 2020

Malpica celebrará este domingo o LXXXVII Aniversario das Misións Pedagóxicas cunha programación cultural adaptada

O Concello de Malpica, a través da iniciativa da concellaría de Cultura, celebrará este domingo o LXXXVII Aniversario das Misións Pedagóxicas cunha programación cultural adaptada ao contexto actual.

O 20 de outubro de 1933, no marco das Misións Pedagóxicas, estreábase en Malpica o Retablo de Fantoches. Así José Val de Omar, Ramón Naya, Fernández Mazas, Miguel Prieto e Urbano Lugrís, xunto a Rafael Dieste iniciaban en Malpica de Bergantiños as representacións de monicreques que as Misións Pedagóxicas representaron por todo o Estado.

LXXXVII Aniversario das Misións Pedagóxicas
LXXXVII Aniversario das Misións Pedagóxicas

Así, para este domingo, 25 de outubro e no Centro Cívico, está previsto ás 17:30 horas a visita á exposición fotográfica guiada por Xurxo Alfeirán. Ás 18:00 horas haberá unha sesión de títeres, con ‘Novos lobos’ e ás 19:00 horas a actuación de Xacarandaina, unha agrupación de baile tradicional.

Contarase con estritas medidas de seguridade ante a incidencia da COVID-19 en Galicia, e o aforo será limitado.

15Out 2020

Protocolo COVID do ximnasio municipal

O Concello de Malpica quere recordar o protocolo COVID19 do servizos deportivos municipais.

Ante un incremento de casos no noso municipio, hai que extremar as precaucións e seguir cumprindo as normas hixiénico-sanitarias:

  • Lavar as mans.
  • Usar máscara en todo momento.
  • Desinfectar a maquinaria despois de empregala.

Recorda que podes consultar o protocolo COVID no que se establecen as medidas para facer fronte á crise sanitaria ocasionada pola COVID-19 nos servizos deportivos municipais nesta ligazón.

1Out 2020

O Concello de Malpica decreta dous días de loito oficial

O Concello de Malpica, en acordo con todos os representantes dos grupos políticos que integran a corporación, decidiu esta mañá decretar dous días de loito oficial, desde o venres 2 de outubro ás 00:00 horas ata o sábado, 3 de outubro, ás 23:59 horas, así como que as bandeiras ondeen a media hasta, tras coñecerse a noticia do falecemento de dous veciños da nosa localidade a pasada madrugada. 

Quedan suspendidas as actividades municipais programadas para esta fin de semana. Os centros socioculturais permanecerán pechados.

Desde o Concello, amosamos o noso pesar e a nosa dor polo seu pasamento, e trasladámoslle o pésame aos seus familiares e amigos. 

Descansen en paz.

29Set 2020

O Concello de Malpica retoma as sesións de ‘Tardes na Biblioteca’ con actividades para público infantil

A concellaría de Cultura do Concello de Malpica retoma as sesións de ‘Tardes na Biblioteca’ con actividades para público infantil. A programación consta de tres sesións, que comezarán este venres 2 de outubro na Biblioteca Municipal Eduardo Blanco Amor. Todas as sesións se celebrarán ás 18:00 horas.

Para reservar asento, xa que o aforo é limitado debido á situación sanitaria, pódese chamar ao 696 16 11 87. Recoméndase a presenza dun adulto por cada nena/o. A primeira das sesións correrá a cargo de Inacio Vilariño co ‘Espantamedos’, unha proposta de contos e cancións para enfrontarse a eses medos patrimoniais que, dun xeito ou doutro, perviven na sociedade galega nos nosos días.

Na segunda sesión, do 9 de outubro, Magín Blanco escenificará o espectáculo ‘O que levamos nas maletas’, un contacontos musicado que axudará aos nenos e nenas a estimular a súa creatividade e curiosidade polas letras e as palabras, pola lingua, polos contos e a música para que poidan artellar o seu propio universo creativo.

Para pechar a programación, o 16 de outubro, Pérez&Fernández traerán a Malpica ‘Rosa e Azul’, un espectáculo de narración oral que reflicte unha realidade que os nenos e nenas deberán coñecer. Bruxas malvadas, un neno que leva posto un vestido rosa e un pai que é ama de casa. Unha coidada selección de contos non sexistas que pretende eliminar valores e actitudes estereotipadas.

Todas as actividades contarán cos protocolos adaptados á situación provocada pola COVID-19. Será de uso obrigatorio a máscara sanitaria para maiores de 6 anos e haberá a disposición das persoas usuarias xel hidroalcólico.

28Set 2020

Malpica dará comezo ás Escolas Deportivas Municipais o vindeiro día 5 de outubro

O Concello de Malpica dará comezo ás Escolas Deportivas Municipais o vindeiro día 5 e outubro. O prazo para inscribirse nas mesmas comeza hoxe, 28 de setembro.

Tamén darán comezo as actividades para adultos, entre as que destacan zumba, o programa ‘Ponte en Forma’, pilates e ximnasia terapéutica. Para iso, o Concello habilitou a liña telefónica 981 720 001, á que poderá chamar calqueira persoa interesada en participar nas mesmas. Os horarios pódense consultar na seguinte ligazón.

Para o desenvolvemento destas actividades, contarase cun protocolo sanitario para o correcto desempeño das mesmas. Haberá unha solución hidroalcólica a disposición dos usuarios e habilitaranse os espazos para poder respectar as medidas de distanciamento social.

24Set 2020

O Concello de Malpica aproba definitivamente un orzamento de 4,8 millóns de euros para o exercicio 2020

O Concello de Malpica contará cun orzamento de 4,8 millóns de euros para o exercicio 2020. O documento aprobouse no Pleno celebrado esta tarde no salón de actos do Centro Cívico, debido á normativa da COVID-19. Ademais, acordouse que os festivos locais para o ano 2021 serán o 8 de xaneiro, San Xulián, e o 27 de agosto, a Festa do Mar.

No relativo ao orzamento, no capítulo de gastos, estarán adicados 1.694.842 euros aos gastos de persoal; 2.384.499,89 euros para gastos correntes en bens e servizos; 10.000 euros para gastos financeiros; 216.390,5 euros para gastos correntes; 514.833,32 euros para inversións reais e 20.000 euros para operacións financieiras.

No capítulo de ingresos, destácanse os 1.407.734,28 euros para impostos directos; 16.653,02 euros para impostos indirectos; 933.972,00 euros para taxas, prezos públicos e outros ingresos; 2.186.273,82 euros para transferencias correntes; 275.883,32 euros para transferencias de capital e 20.000 euros para activos financeiros.

23Set 2020

O Ecomuseo do Forno do Forte de Buño aplica un novo material a base de barro nas estruturas dos pisos

O Ecomuseo do Forno do Forte de Buño, no Concello de Malpica, está a aplicar un novo material a base de barro nas estruturas dos pisos xa que, tras varios anos de uso, necesitaron dun arranxo para conservar así a súa durabilidade estrutural.

Para isto, fixéronse varias probas ata dar co material idóneo para a posterior aplicación no chan de varias das estancias do Ecomuseo, e como non, foi elixido unha pasta a base de barro, que presenta unhas características que o fan moi resistente.

A Deputación Provincial xa destinara unha partida para aplicar, nun primeiro termo, varias remodelacións importantes neste espazo, como a reparación do edificio de administración ou a reposición de varios dos muretes exteriores.  Así, conséguese un dobre obxectivo: consolidar a estrutura de todo conxunto, así como unha mellora estética.

O alcalde de Malpica, Walter Pardo, e a concelleira de Olería, Leticia Varela, quixeron agradecer ‘á Deputación todas as facilidades para acadar esas melloras, nun dos emblemas culturais que temos aquí, con pezas históricas e cunha exposición que lembra o modo de vivir dos nosos antepasados’, comentaron.

Pola súa banda, o xerente do Eco Museo, Paco Doval, sinalou que ‘con estas intervencións acádase a consolidación do chan das estancias do Museo, algo que era moi necesario. Seguiremos traballando por e para este espazo, onde se reúnen tradición, cultura e artesanía’, rematou.

Peche das salas de Agricultura e Mar

Desde a dirección do Museo indícase que estas estancias permanecerán pechadas por mor dos traballos, aínda que se agarda que proximamente poidan estar de novo abertas ao público.

16Set 2020

Malpica celebrará este sábado un obradoiro de iniciación á confección e reparación de artes de pesca

O Concello de Malpica celebrará este sábado un obradoiro de iniciación á confección e reparación de artes de pesca. Está previsto realizar unha visita guiada ás 12:00 horas no porto de Malpica. As persoas interesadas poden inscribirse no 981 71 15 20 ou no 650 02 10 95.

Ademais, dentro desta xornada, que comeza ás 10:00 horas na sala de conferencias do CAT, terá lugar o faladoiro baixo o título ‘Introdución á elaboración de redes e outras artes de pesca’, e de 11:00 a 12:00 horas visitarase a exposición ‘As redeiras e o mar’ tamén no CAT.

Con esta actividade búscase dar a coñecer un oficio fundamental no ámbito da pesca, un dos sectores máis importantes de Malpica.

Página 42 de 148« Primera...102030...4041424344...506070...Última »