Síguenos en
gl_ES
Tempo Malpica de Bergantiños
Xoves 12°
Venres 13°
Sábado 12°
tiempo.com   +info
  1.  
  2. ACTUALIDADE
  3. Novas

Novas

18Dec 2021

Boa resposta á primeira xornada do Mercado Artesán de Nadal en Malpica

Mañá, domingo, continúa a programación municipal en colaboración con outras entidades

Malpica viviu unha xornada moi intensa este sábado co arranque da programación de Nadal, que organiza a Concellaría de Educación, Cultura, Patrimonio e Deportes, en colaboración con outras entidades.

Destacou o Mercado Artesán de Nadal no mercado municipal, de 11:00 a 14:30 e de 16:30 a 21:00 horas. Tivo moi boa acollida cos diferentes postos, ademais de coa actuación de Meigallo Pandereteiras, un obradoiro de instrumentos musicais con Percusións Lobera, outro taller coas redeiras O Fieital, unha chocolatada e a visita do Apalpador Cía Pajarito.

Esta proposta continuará mañá, domingo, de 12:00 a 14:30 e de 16:30 a 21:00, coas seguintes actividades:

• 12:00: Apertura do mercado

• 12:30: Os Viqueiras e Cabezudos

• 16:30: Obradoiro de macramé con Vivo Macramé (para adultos). Inscricións no teléfono 698129203

• 16:30: Obradoiro de cestería con O Son das Varas (para cativos)

• 18:00: Chocolatada

• 18:30: Cé Orquestra Pantasma (Home Orquestra)

Outras máis iniciativas levaranse a cabo este día, 19 de decembro:

  • Festa infantil de Nadal, a partir das 16:00, na Casa da Cultura de Seaia. Durante a festa recolleranse xoguetes para doar á Cruz Vermella e á Asociación Mirabal. Organiza ACD Carcaxía.
  • Festa infantil con inchables, visita de Papá Noel e chocolatada, de 16:00 a 20:00 na Casa dos Veciños de Leiloio. Organiza AVV de Leiloio.
17Dec 2021

Este Nadal vén cargado de deporte!

Consulta todas as iniciativas que se levarán a cabo nesta nova

O Nadal 2021 vén cargado de actividades na nosa localidade! A Concellaría de Deportes, con Noelia Freijeiro á fronte, ten preparado un Nadal moi deportivo. Velaquí as propostas:

• Control marcas atletismo: 22 de decembro, dende as 10:30 horas. De 7 a 13 anos. Inscricións ata o día 20.

• Torneo de Nadal de raqueta (tenis de mesa e bádminton): 23 de decembro, a partir das 10:30 horas no pavillón municipal. É para nenos e nenas a partir de 7 anos. Haberá categorías por niveis, agasallo de participación e premios para os campións en cada categoría. Os interesados teñen de prazo para anotarse ata o día 20.

• Campamento deportivo: 27, 28 e 29 de decembro, de 10:30 a 13:30 horas. De 7 a 13 anos. Inscricións ata o día 21.

• Torneo de Nadal de fútbol 3×3: día 30 de decembro, ás 10:00 horas, no polideportivo. As inscricións rematan o día 27. De novo, a actividade é para cativos e cativas de máis de 7 anos (incluídos) e de xeito totalmente gratuíto. Tamén haberá categorías por niveis, agasallo de participación e premios para os campións en cada categoría.

• Campamento deportivo: 3, 4 e 5 de xaneiro, de 10:30 a 13:30 horas. De 7 a 13 anos. Inscricións ata o día 28.

Consulta máis información e anótate no departamento de deportes ou no teléfono 981 72 00 01.

A maiores, haberá as seguintes exhibicións de patinaxe artístico, a cargo das escolas deportivas municipais e do club Patín Velúa:

• Día 18 de decembro, no polideportivo, ás 18:00 horas.

• Día 29 de decembro, no paseo da praia, ás 18:00 horas.

17Dec 2021

Arranca a programación de Nadal

Consulta, aquí, as propostas para este sábado, 18 de decembro

Arranca a programación de Nadal en Malpica con moitas propostas para mañá, sábado 18 de decembro. Toma nota!

  • Día da Convivencia: de 11:00 a 14:30 horas, no Centro Sociocultural das Pozacas. Organiza AC Raigañas.
  • Curso monográfico sobre a Ribeirana: na Casa da Cultura de Seaia. Organizan A Central Folque e a Concellaría de Educación, Cultura, Patrimonio e Deportes.
  • Presentación das publicacións “Infinito no pé. Ribeirana” e “Pandereteiras de Mens”, coa participación de Mar da Bouzas e Pandereteiras da AC Raigañas, a partir das 18:00 no Auditorio do Centro Cívico. Organizan A Central Folque e a Concellaría de Educación, Cultura, Patrimonio e Deportes.
  • Exhibición de patinaxe da escola deportiva do Concello de Malpica e do club Patín Velúa, no pavillón municipal ás 18:00.
  • Mercado Artesán de Nadal no mercado municipal, de 11:00 a 14:30 e de 16:30 a 21:00. Ás 13:00 actúa Meigallo Pandereteiras. Ás 16:30 haberá un obradoiro de instrumentos musicais con Percusións Lobera (para cativos). Ás 18:30 será a quenda do obradoiro coas redeiras O Fieital (para cativos). Ás 18:00 levarase a cabo unha chocolatada. A xornada rematará coa visita do Apalpador Cía Pajarito.

Achégate a Malpica! Desfruta da nosa vila

11Dec 2021

Continúa a recollida de residuos urbanos especiais cunha nova ruta a próxima semana en Malpica

O Concello segue a fomentar boas prácticas co medio ambiente

Unha nova recollida de residuos urbanos especiais levarase a cabo a próxima semana en Malpica. O Concello segue a fomentar boas prácticas co medio ambiente.

Dende o próximo luns, 13 de decembro, ata o venres 17 recolleranse porta a porta este tipo de residuos, que inclúen ata oito tipoloxías:

  • Aceite de cociña usado: de fritura, de conservas…
  • Graxas e manteigas: animal, de roxóns…
  • Pilas e baterías: de botón, AAA, alcalinas, electrónicas e de vehículos a motor…
  • Bombillas: de baixo consumo, LED e fluorescentes…
  • Electrodomésticos e electrónicos pequenos do fogar: microondas, tostadores, secadores, radios, teléfonos, ordenadores, ferramentas eléctricas…
  • Consumibles de impresoras: tóner, cartuchos e tambores…
  • Residuos téxtiles e roupa: non importa o seu estado (roto, destinguido…), só se solicita que estea limpo.
  • Restos metálicos pequenos do fogar: tixolas, moldes, potas, enxoval do fogar, bandexas…

A continuación, relátanse as rutas que se farán cada un dos días:

  • Luns 13: Rúa Areal, Emilio González López, Igrexa, Agros, Praza da Fonte Vella, Barreiro.
  • Martes 14: Rúa Orxeira, As Neves, Travesía 1 As Neves, Travesía 5 Río, Travesía 2 Río, Travesía 3 Neves, Travesía 5 Neves, Rúa Neves B, Travesía 7 Río, Travesía 4 Río, Travesía 6 Río, Travesía 3 Río.
  • Mércores 15: Rúa Agra do Río, Travesía 2 Río, Travesía 1 Río, Rúa Camiño do Río, Eduardo Vila Fano.
  • Xoves 16: Praza do Cruceiro, Rúa Tío Paz, Rúa San Ramón, Travesía 1 San Ramón, Travesía 2 San Ramón, Atalaia, Altamira.
  • Venres 17: Rúa Ramona Criado, Rúa Mestra, Rúa Caldeirón, Rúa Eduardo Pondal, Rúa Patría Galega, Rúa Campo, Rúa Real, Rúa Carreixo do Muíño, Rúa Antonio Montero, Rúa Praia, Rúa Guardia Pardines, Rúa Doctor Fleming, Canido, Rúa A Camuza C.

A empresa Collecting Oil é a encargada de realizar este traballo. O día da recollida, os residuos deberanse deixar nun lugar accesible antes das 9:00 horas. Podes contactar cos responsables a través do número de teléfono 639 920 936 (tanto por chamada como mediante WhatsApp) ou no correo electrónico info@collectingoil.com. O Concello de Malpica anima ós veciños e ás veciñas a participar nesta iniciativa.

11Dec 2021

“Vida de cans” pechou a 17ª Mostra de Teatro do Concello de Malpica

Foron nove as representacións levadas a cabo dende finais de outubro

A 17ª Mostra de Teatro do Concello de Malpica chegou este venres á súa fin logo de nove representacións dende finais de outubro. A última que acolleu o auditorio do Centro Cívico de Malpica en horario de tarde-noite foi “Vida de cans”, de Talía Teatro; unha comedia, para público adulto como preferente, que durou 70 minutos. Compuxeron o elenco Toño Casais e Dani e Artur Trillo; autoría e dirección da obra, de Cándido Pazó.

Tres actores fixeron de cans, sen deixar de ser actores, nun recinto, ben tratados, pero recluídos, coa liberdade fóra. Cada un afrontou o conflito segundo a súa personalidade, e todo derivou nunha traxedia que nunca deixou de ser comedia.

Moitas grazas ós asistentes, ás compañías e á Deputación da Coruña por apoiar esta iniciativa. Longa vida ó teatro! Esperamos volver a atoparnos para o ano.

10Dec 2021

A Concellaría de Cultura de Malpica presenta o Mercado Artesán de Nadal

Durante dúas xornadas haberá música, obradoiros e visitas especiais, entre outras actividades

Xa está aquí o cartel do Mercado Artesán de Nadal que propón a Concellaría de Cultura de Malpica. A iniciativa levarase a cabo na Praza de Abastos, o sábado 18 e o domingo 19 deste mes, con numerosas actividades.

A programación para o sábado é a seguinte:

  • 11:00 horas: Apertura do mercado
  • 13:00: Meigallo Pandereteiras
  • 16:30: Obradoiro de instrumentos musicais con Percusións Lobera (para cativos)
  • 16:30: Obradoiro coas redeiras O Fieital (para cativos)
  • 18:00: Chocolatada
  • 18:30: A visita do Apalpador Cía Pajarito

Xa o domingo, a xornada desenvolverase como se describe a continuación:

  • 12:00: Apertura do mercado
  • 12:30: Os Viqueiras e Cabezudos
  • 16:30: Obradoiro de macramé con Vivo Macramé (para adultos). Inscricións no teléfono 698129203
  • 16:30: Obradoiro de cestería con O Son das Varas (para cativos)
  • 18:00: Chocolatada
  • 18:30: Cé Orquestra Pantasma (Home Orquestra)

Dende o Concello convidamos a todo o mundo a visitar o noso Mercado Artesán de Nadal para gozar destas festas.

10Dec 2021

A Concellaría de Deportes presenta o Nadal Deportivo de Malpica

Haberá diversas clases e exhibicións

A Concellaría de Deportes, con Noelia Freijeiro á fronte, ten preparado un Nadal Deportivo en Malpica. Velaquí as propostas:

  • Control marcas atletismo: 22 de decembro, dende as 10:30 horas. De 7 a 13 anos. Inscricións ata o día 20.
  • Deportes de raqueta: 23 de decembro, dende as 10:30 horas. A partir dos 7 anos. Inscricións ata o día 20.
  • Campamento deportivo: 27, 28 e 29 de decembro, de 10:30 a 13:30 horas. De 7 a 13 anos. Inscricións ata o día 21.
  • Fútbol 3×3: 30 de decembro, desde as 10:00 horas. A partir dos 7 anos. Inscricións ata o día 27.
  • Campamento deportivo: 3, 4 e 5 de xaneiro, de 10:30 a 13:30 horas. De 7 a 13 anos. Inscricións ata o día 28.

Os interesados en participar poden consultar máis información así como anotarse no departamento de deportes do Concello ou no teléfono 981 72 00 01.

A maiores, haberá as seguintes exhibicións de patinaxe artístico, a cargo do club Patín Velúa:

  • Día 18 de decembro, no polideportivo, ás 18:00 horas.
  • Día 29 de decembro, no paseo da praia, ás 18:00 horas.

O consistorio malpicán anima a toda a cativada do pobo a participar para desfrutar o máximo destas datas.

10Dec 2021

O 2022 traerá consigo máis campañas para fomentar as compras na vila

Organiza a Concellaría de Promoción Económica, Emprego e Comercio

A Concellaría de Promoción Económica, Emprego e Comercio de Malpica segue a traballar en novas iniciativas de cara ao ano que vén para fomentar a compra na hostalaría, o comercio e a alimentación e contribuír, así, a dinamizar a vila.

Dende o departamento recordamos que veñen datas de gran importancia para os negocios da localidade coa campaña de Nadal. Dende o consistorio animámosvos a mercar en Malpica para apoiar ó sector. Son varios os motivos:

✅ Son os nosos veciños

✅Xeran emprego no noso pobo

✅Ofrecen unha atención persoal, próxima e profesional

✅Venden produtos de calidade da nosa terra

✅Participan nas actividades da localidade

Apoia a economía local, merca en Malpica.

9Dec 2021

Aviso: corte do subministro da auga nalgúns puntos durante hoxe e mañá

Realizaranse traballos de mantemento no depósito da Pedra Queimada

O Concello de Malpica informa de que se levará a cabo un corte do subministro da auga nalgúns lugares durante hoxe e mañá.

Será dende as 23:00 horas deste xoves 9 de decembro ata as 7:00 do día 10.

Afecta ós aboados dos seguintes puntos: Malpica núcleo, A Camuza, Cancela de Areas, Seaia, Pedreiriña, Sorrío, A Vista, Os Medros, Vigo, Pontella, Camarada e Beo.

O motivo non é outro que os traballos de mantemento que se realizarán no depósito da Pedra Queimada.

8Dec 2021

Malpica acende a iluminación de Nadal

Esta semana acabarán de instalarse as luces nas parroquias


O Concello de Malpica acendeu hoxe a iluminación de Nadal. Esta semana acabarán de instalarse as luces nas parroquias. Son moi variadas e mesmo 3D moitas delas.


Dende o consistorio malpicán, e concretamente dende a Concellaría de Servizos, Seguridade Cidadá, Tráfico, Medio Rural, Mar, Turismo e Festexos con Alfredo Cañizo á fronte, somos conscientes de que estas datas serán máis especiais, se cabe, logo dun ano que esta festividade estivo moi condicionada pola chegada do coronavirus. Por iso queremos contribuír a dinamizar o pobo para apoiar aos distintos sectores económicos nestas festas de importante actividade.

Bo Nadal a todos, con sentidiño!

Página 32 de 148« Primera...1020...3031323334...405060...Última »