gl_ES
Tempo Malpica de Bergantiños
Martes 19°
14°
Mércores 17°
13°
Xoves 18°
13°
tiempo.com   +info
  1.  
  2. ACTUALIDADE
  3. Novas
  4. Abre o prazo de inscrición para o Concurso de Doces de Entroido organizado pola Concellería de Cultura

4Feb 2017

Abre o prazo de inscrición para o Concurso de Doces de Entroido organizado pola Concellería de Cultura

A Concellería de Cultura abrirá mañá o prazo de inscrición para o Concurso de Doces de Entroido, que cumpre 16 anos. As persoas interesadas en participar poden anotarse ata o 27 de febreiro ás 15.00 horas, ou ben no Departamento de Educación e Cultura (Centro Cívico) ou ben en calquera das entidades colaboradoras, que son a Asociación de Redeiras Mar da Illa, a ANPA Ventorrillo e a Asociación de Amas de Casa de Malpica.

SAMSUNG CAMERA PICTURES

As bases establecen tres categorías: profesional, para locais de hostalería e restauración; amateur, para particulares e asociacións, e infantil, para menores de 14 anos. En cada unha delas entregaranse tres premios e trofeos, pero todos os participantes recibirán un detalle conmemorativo. Cada participante poderá presentar todas as especialidades que desexe, pero a cantidade mínima de cada unha será dunha ducia, no caso de unidades, ou medio kilo. Os doces serán cedidos para a degustación posterior ao concurso, que se celebrará o martes 28, no pavillón polideportivo de Malpica, a partir das 15.30 horas. O xurado estará composto por representantes do Concello, entidades colaboradoras e/ou medios de comunicación, e terá en conta tanto a presentación coma o sabor.