gl_ES
Tempo Malpica de Bergantiños
Venres 14°
11°
Sábado 14°
11°
Domingo 15°
tiempo.com   +info
  1.  
  2. ACTUALIDADE
  3. Novas
  4. A oficina de turismo de Malpica recibe unha media de 30 visitantes ao día no seu novo emprazamento

8Xul 2017

A oficina de turismo de Malpica recibe unha media de 30 visitantes ao día no seu novo emprazamento

OFICINA TURISMO (18)

Hoxe fai unha semana que abriu ao público a oficina de turismo do Concello de Malpica no local da antiga ludoteca, na planta baixa da casa consistorial. Nestes setes días o servizo municipal, financiado coa colaboración da Deputación da Coruña, recibiu unha media de 30 visitantes ao día, aos que se suman os veciños e as veciñas do propio municipio que acoden en busca de algún tipo de información.

O turismo nacional é o que manda, xa que representa o 95% dos usuarios da oficina. A maioría veñen en parella ou en familia, e proceden en boa parte dos casos de Madrid, Cataluña, País Vasco e centro da península. Nunha porcentaxe moi elevada visitan Malpica por primeira vez, e o período de estancia oscila entre unha e dúas semanas. Os desprazamentos ata o noso concello realízanse preferentemente en coche, pero cada vez abundan máis as furgonetas e as caravanas.

Polo que se refire á información máis demanda, as persoas que visitan o noso concello queren saber que ver, onde comer e que rutas de sendeirismo poden realizar, tanto en Malpica como no resto da Costa da Morte. Neste sentido, os mapas turísticos que vimos de editar este verán están voando. Coincidindo coa apertura da nova oficina turística tamén se está levando a cabo unha campaña de distribución de material promocional entre os aloxamentos e os establecementos de hostalaría do concello.