Síguenos en
gl_ES
Tempo Malpica de Bergantiños
Luns 15°
10°
Martes 14°
Mércores 14°
10°
tiempo.com   +info
  1.  
  2. ACTUALIDADE
  3. Novas
  4. A Mostra da Olería continúa toda a semana con actividades paralelas

5Ago 2014

A Mostra da Olería continúa toda a semana con actividades paralelas

Os nenos e nenas da Ludoteca de Verán do Concello de Malpica visitarán mañá o Forno do Forte
540-f-foto

A Mostra da Olería de Buño, que este ano cambiou de emprazamento, estará aberta ata o domingo 10 no parque Luciano García Alén, no centro da vila oleira.

Os postos de venda de tendas e artesáns están abertos de 11.00 a 14.00 e de 17.00 a 21.00 horas todos os días, pero ademais celébranse actividades paralelas. Hoxe, sen ir máis lonxe, é o Día do Neno, con xogos tradicionais (carreira de sacos, zancos, comebolas?) de 18.00 a 21.00 horas.

 

Tamén se levan a cabo actividades complementarias no Ecomuseo do Forno do Forte, que está aberto durante toda a semana de 11.00 a 13.00 e de 17.00 a 20.00 horas. O público poderá visitar a exposición permanente, pero tamén a mostra realizada expresamente para este evento polos oleiros de Buño, con pezas únicas e exclusivas, e a exposición fotográfica Aloumiñando o barro, de Criss Becerra. Ao mesmo tempo hai exhibición sao torno e obradoiros de barro para nenos.

 

Mañá mércores o Ecomuseo do Forno do Forte recibirá a visita dos nenos e nenas que participan na Ludoteca de Verán do Concello de Malpica. De 11.00 a 13.00 horas visitarán as exposicións e participarán nos obradoiros de barro.