Síguenos en
gl_ES
Tempo Malpica de Bergantiños
Sábado 20°
16°
Domingo 19°
15°
Luns 20°
16°
tiempo.com   +info
  1.  
  2. 2020

2020

16Set 2020

Malpica celebrará este sábado un obradoiro de iniciación á confección e reparación de artes de pesca

O Concello de Malpica celebrará este sábado un obradoiro de iniciación á confección e reparación de artes de pesca. Está previsto realizar unha visita guiada ás 12:00 horas no porto de Malpica. As persoas interesadas poden inscribirse no 981 71 15 20 ou no 650 02 10 95.

Ademais, dentro desta xornada, que comeza ás 10:00 horas na sala de conferencias do CAT, terá lugar o faladoiro baixo o título ‘Introdución á elaboración de redes e outras artes de pesca’, e de 11:00 a 12:00 horas visitarase a exposición ‘As redeiras e o mar’ tamén no CAT.

Con esta actividade búscase dar a coñecer un oficio fundamental no ámbito da pesca, un dos sectores máis importantes de Malpica.

14Set 2020

O Concello de Malpica conclúe os traballos de renovación das cubertas e da terraza do Centro Cívico

O Concello de Malpica concluíu os traballos de renovación das cubertas e da terraza do Centro Cívico. Ambas infraestruturas carecían de illamento e impermeabilización, polo que se producían filtracións de auga, o que derivaba en humidades nos espazos interiores. O total do orzamento da licitación supón 33.936,58 euros.

Por isto, desde a administración local impulsouse o proxecto da súa reparación, que consistiu na execución de cubertas sobre as xa existentes, incrementando a cota do chan nuns 20 centímetros. Desta maneira, as terrazas actuais pasan a non ser transitables. Tamén se retiraron as barandas e a estruturas que soporta, así como tamén se desmontou o vallamento modular de metal anexo ao CEIP Milladoiro, a cal tamén se pintará para de cara ao final da obra.

O alcalde, Walter Pardo, sinala da ‘mellora susbstancial que supoñen estes traballos á hora de dotar este espazo da calidade axeitada. Un dos lugares que máis demanda ten Malpica, a nivel educativo, cultural, e tamén de xuntanzas, non podía presentar as deficiencias que alí se daban’, sinala o rexedor.

10Set 2020

O Concello de Malpica comeza co reparto de material sanitario nos colexios do municipio

Esta mañá, o alcalde de Malpica, Walter Pardo, e o concelleiro de Promoción Económica e Benestar, Sergio García, acudiron aos centros educativos do municipio para facer o reparto de material de seguridade coincidindo co novo inicio do curso escolar para Infantil e Primaria. 


Trátase de lotes de máscaras sanitarias e difusores de xel hidroalcólico, para que as rapazas e rapaces vexan garantida a súa seguridade. 

O rexedor malpicán quixo trasladarlle ánimos ‘tanto aos pequenos como ás familias por este novo curso que comeza. Sabemos que é unha época incerta pero estaremos de seu lado para garantir a súa seguridade, cen por cen’, asegurou o primeiro edil. 

7Set 2020

O Concello adica unha partida de 43.000 euros para a reforma da Galiña Azul

O Concello de Malpica adicou unha partida de 43.606, 11 euros para a reforma da Galiña Azul do municipio. Este espazo, que conta cunha gran demanda, verá remodelado tanto o seu interior como o exterior.

As obras consistiron na reparación e substitución de todos aqueles elementos defectuosos tanto interiores como exteriores do inmoble, e completar ademais outros elementos necesarios para o correcto funcionamento da escola. Mellorouse o pavimento dos patios exteriores; a protección solar da sala polivalente, da aula de 0-1 anos, da de 1-2 anos, da aula de 2-3 anos e da sala de carros, mediante a colocación de elementos protectores nas fiestras. Na sala de carros substituíuse a porta de cristal por unha cega con peche.

Imaxe do interior da Galiña Azul | Concello de Malpica

Ademais, tamén se substituíron elementos como as billas de arias aulas, protexéronse esquinas dalgúns elementos construtivos, colocáronse estantes e aplicouse un tratamento impermeabilizante e contra fisuras tanto nas fachadas como na parte interior das escaleiras.

Coincidindo co inicio do curso escolar, desde o Concello destacan ‘o importante salto cualitativo que suporán estas intervencións, e que ademais nos axudarán a crear espazos máis diáfanos e amplos, que nos axudarán no tema sanitario’, anotan.

O alcalde, Walter Pardo, insiste na demanda de ‘respectar as medidas sanitarias no total de situacións diarias, xa que con pequenos xestos podemos facer grandes accións. Desde aquí animo tanto a proxenitores como a alumnado polo inicio do curso, e agarda que coa colaboración de todas e todos poidamos reverter a situación’, finalizou o rexedor.

1Set 2020

O Concello de Malpica confirma oito positivos por COVID-19

O Concello de Malpica comunica oito casos positivos por COVID-19. O alcalde, Walter Pardo, pide responsabilidade nas reunións de familia e amigos.

O rexedor malpicán confirmou hoxe a nova, ante a que recoñece estar “preocupado polos rebrotes”, confirmou. Tanto Pardo como o grupo de goberno ao completo insta a seguir mantendo e respectando as medidas e protocolos sanitarios pertinente. “O que nos piden dende a sanidade non é difícil de cumplir. Sinxelamente é un bo uso da mascarilla e distancia interpersoal de metro e medio”.

O alcalde, que mantivo hoxe unha reunión telefónica con Luis Verde, xerente do Sergas, advirte de que ‘tan só xuntas e xuntos poderemos frear a expansión da COVID-19. Temos na nosa man, por medio da responsabilidade individual, coidarnos a nós mesmos pero tamén aos demais. Con todo, e desde o goberno local, comunicamos que incrementaremos a vixilancia dos espazos públicos e asumiremos novas medidas para frear o contaxio. E pedimos axuda ás administracións competentes para ditas tarefas, xa que non é de recibo que sexamos os concellos os que teñamos que asumir obrigas que non son nosas”.

Da reunión telefónica con Verdes, subliñou que se ‘intensificarán as probas PCR en varios dos sectores máis sensibles, como taxistas, SAF, monitores escolares e deportivos, co fin de controlar a situación que, en todo caso, non é alarmante. Os casos están controlados e aillados nos seus domicilios’, insiste.

“Desde a corporación enteira do concello de Malpica de Bergantiños enviámoslle toda a nosa forza aos enfermos e desde o grupo de goberno poñémonos á súa disposición se puideramos axudar en algo”.

20Ago 2020

O Concello e Portos estudan liñas de actuación conxuntas para mellorar as infraestruturas e servizos portuarios en Malpica

O alcalde do Concello de Malpica, Walter Pardo, recibiu hoxe, xoves 20 de agosto, a visita do director de Portos de Galicia, Roi Fernández, e da xefa da Zona Centro, Lorena Solana. O encontro serviu para avaliar e execución de diferentes liñas de actuación de xeito coordinado entre ambas as dúas institucións. Trátase, tal e como sinalou o rexedor, “de intervencións moi necesarias e demandadas tanto polo goberno como polos traballadores do Porto e dos veciños e veciñas. O Porto en Malpica é fundamental para a economía do municipio, pero é tamén un espazo de lecer para os veciños e veciñas. Por iso, unha das nosas prioridades é seguir traballando para mellorar este espazo”.  

Por un lado, Pardo trasladoulles a necesidade de acometer o apuntalamento dunha parte da dársena e así permitir o acceso de camións de alta tonelaxe. A seguridade no espazo foi outro dos temas que protagonizou o encontro. O alcalde incidiu na necesidade de reparar algúns elementos como, por exemplo, as lastras do firme, unha iniciativa que avaliarán desde Portos de Galicia.

A organización e distribución do aparcadoiro foi outros dos asuntos que saíron a colación. Pardo insistiu en que “é crucial dispor dunha zona de estacionamento que non interfira cos labores que se levan a cabo na lonxa e no propio porto”. A maiores, o rexedor comprometeuse a realizar, xunto coa Confraría de Pescadores, un deseño da circulación do tráfico rodado.

Así mesmo, Pardo reiterou ao director de Portos de Galicia a necesidade de contar cunha grúa no porto de Barizo.

O rexedor agradeceu a “boa predisposición” tanto do director de Portos como da xefa da Zona Centro, e agarda que estas intervencións se poidan converter en realidade “canto antes”.  

19Ago 2020

Oferta de emprego nun barco de Malpica

Un barco de Malpica busca a unha persoa para a actividade pesqueira (nasas, miños, cerco, etc.). O salarío será a convir no momento da contratación.

Ofrécese contrato de obra con posibilidade de conversión a indefinido.

A persoa deberá contar con tarxeta de mariñeiro pescador, certificado médico e libreta de embarque. Así mesmo, deberá ter dispoñibilidade inmediata.

As persoas interesadas poderán chamar ao 665 97 35 41 (David).

19Ago 2020

O centro médico de Malpica volverá contar con 2 médicos a xornada completa tras as peticións do alcalde

As solicitudes do alcalde do Concello de Malpica, Walter Pardo, para mellorar os servizos e prestacións do centro de saúde do municipio chegaron a bo termo. Así, grazas ás peticións do rexedor, o ambulatorio de Malpica volverá dispor con dous médicos a xornada completa.

Trátase, tal e como indica o rexedor, “dunha importante mellora no servizo que responderá as necesidades dos veciños e veciñas do municipio”. Na época de verán, a baixa dun dos profesionais habituais do ambulatorio sumouse ao período vacacional doutros, xerando múltiples problemas no centro de saúde. Un dos máis acuciantes, segundo indica o primeiro edil, era “o tempo que os usuarios e usuarias tiñan que agardar para que lles deran cita”.

Co fin de pórlle solución a este problema, Pardo contactou coa directora de Atención Primaria na Área Sanitaria da Coruña e Cee, Susana Santos, para trasladarlle a necesidade de suplir estas prazas. Tras as conversas mantidas, o rexedor acadou o compromiso do Sergas de que o centro de saúde contará, de novo, con dous médicos a xornada completa. Pardo agradécelle á directora “a súa colaboración desde o primeiro momento para solucionar esta carencia no noso ambulatorio”. 

18Ago 2020

‘A Vila do Mañá’ volve aterrar en Malpica cun completo programa de actividades adaptado á nova normalidade

O salón de plenos do Concello de Malpica acolleu hoxe, martes 18 de agosto, a presentación oficial do programa educativo ‘A Vila do Mañá’. Ao acto acudiron o alcalde, Walter Pardo, o concelleiro de Servizos Sociais e Promoción Económica, Sergio García Villar, e o concelleiro de Turismo, Seguridade, Tráfico, Servizos e Agro, Alfredo Cañizo. Así mesmo, a presentación contou tamén coa intervención da creadora e directora do programa, Sandra González Álvarez, e con Santiago Rojo Martínez, membro de Post Arquitectos. Ambos os dous encargaranse de impartir as sesións formativas desta iniciativa.

O acto serviu para dar a coñecer as liñas mestras deste programa, que repite en Malpica por terceira vez. O obxectivo non é outro que “que os nenos e nenas tomen conciencia sobre a arquitectura, o patrimonio, o urbanismo e a paisaxe do noso concello a través de xogos”, comentou o rexedor durante a súa intervención. Pola súa parte, a directora explicou que esta “terceira convocatoria chegará con novas actividades e propostas para os cativos e cativos”. Como parte do programa, abordarase se as vilas, en xeral, e Malpica, en particular, están preparadas para cumprir coas esixencias da nova normalidade provocada pola COVID-19 como, por exemplo, coa distancia social. En definitiva, o reto principal que presenta este proxecto é que a infancia e a adolescencia participen, de xeito activo, nos proceso de construción do espazo común, dotándoos de ferramentas necesarias para desenvolver a súa creatividade, desde a arte e a arquitectura.

Este obradoiro, dirixido a nenos e nenas de 6 anos en adiante, terá lugar entre os días 24 e 28 de agosto. Co fin de reducir o risco de contaxios pola COVID-19, as sesións levaranse a cabo atendendo a un completo protocolo para garantir a seguridade de todos os participantes. Como parte das medidas, os grupos estarán formados por un máximo de 10 persoas. As inscricións poderán formalizarse no rexistro do Concello de Malpica.

‘A Vila do Mañá’ está impulsado pola Deputación da Coruña e recibe o apoio da ETSAC (Escola Técnica Superior de Arquitectura da Coruña) e de APATRIGAL (Asociación para a Defensa do Patrimonio Galego). 

13Ago 2020

O goberno segue traballando para mellorar a rede de camiños e proxecta actuacións nunha vía sita no lugar de Loutoño

A mellora da rede de vías e camiños do termo municipal é, sen lugar a dúbidas, unha das máximas premisas do goberno local do Concello de Malpica. Proba deste compromiso é vindeiro proxecto que o executivo levará a cabo na parroquia de Cambre. En concreto, os plans do goberno suporán a mellora dun camiño no lugar de Loutoño.

Como explica o alcalde do Concello de Malpica, Walter Pardo, “o obxectivo destas intervencións é mellorar este camiño rural, moi empregado polos agricultores do municipio, que o usan para acceder ás súas fincas. Con estes traballos responderemos unha demanda dos veciños e veciñas da zona”.

Actualmente, este camiño está intransitable debido á invasión da vexetación e ao deterioro do firme. O proxecto do Concello pretende solucionar estes problemas, axustando o camiño ás características do tráfico rodado. Para logralo, o plan inclúe os seguintes labores: retirada da masa vexetal, preparación do camiño coa roza, limpeza e retirada de escombros ou apertura de cunetas, aporte de recebos, nivelación e compactación do mesmo. Así mesmo, as actuacións incorporan a realización da canalización de augas de escorrentías mediante a formación de taxeas e as embocaduras correspondentes, sobre todo nos cruzamentos con outros camiños.

A mellora do camiño financiarase cun orzamento total de 38.632,61 e terá un prazo de execución dun mes.

Página 1 de 712345...Última »