Síguenos en
gl_ES
Tempo Malpica de Bergantiños
Martes 13°
Mércores 14°
10°
Xoves 15°
12°
tiempo.com   +info
  1.  
  2. 2017
  3. Setembro

Setembro 2017

24Set 2017

A ruta de tapas “Malpica sabe a mar” impulsa o sector hostaleiro na primeira fin de semana do outono

“Repetiría para a semana”, asegura un dos nove hostaleiros e hostaleiras que participaron na segunda edición da ruta de tapas “Malpica sabe a mar”. O balance é moi positivo, sobre todo tendo en conta que a ruta coincidiu coa primeira fin de semana do outono e a finais de mes. “Dá gusto ver tanto ambiente en Malpica nesta época. Xenial”, manifestou outro dos participantes.

TAPAS

Despois de dúas edicións, e aínda que sempre hai aspectos que mellorar, semella que o modelo de “Malpica sabe a mar” funciona. Esta iniciativa da Concellería de Promoción Económica diferénciase doutras semellantes en que todas as tapas están elaboradas con produtos do mar. Deste xeito, os clientes dos locais puideron degustar chipirón, chopo, bacallau, polbo, ameixas, mexillóns e mesmo percebes en moi diversas elaboracións e por só 1,5 euros. Ademais do prezo, en “Malpica sabe a mar” tamén se promociona a Olería de Buño, ao utilizar pratos elaborados artesanalmente con barro. E un terceiro aspecto que contribúe ao éxito son os premios: botellas magnum, bolsas, camisetas, mandís, tapas… Este ano repartíronse case 800 premios.

A ruta de tapas contou este ano cun programa de actividades paralelas organizadas pola Concellería de Educación, Cultura e Turismo e o propio sector da hostalería. Deste xeito, o sábado pola mañá celebrouse a Ruta do Renacemento, que levou aos 25 participantes (as prazas eran limitadas e quedou xente en lista de agarda para outra futura visita) á igrexa e ás Torres de Mens. Guiados pola técnica de Turismo do Concello de Malpica, María Taibo, e polo propietario das torres, Agustín Ordóñez, que se amosou unha vez máis como un excelente anfitrión, estas 25 persoas tiveron a oportunidade de coñecer dúas xoias do patrimonio malpicán. As explicacións foron tan detalladas e os visitantes amosaron tanto interese que a visita ao Ecomuseo Forno do Forte xa non puido levarse a cabo, e realizarase noutra data.

E pola noite, coincidindo co horario de “Malpica sabe a mar”, os gaiteiros da asociación cultural Malante animaron os establecementos participantes na ruta, nos que houbo moitísimo ambiente, coa súa música. E para que o bo ambiente continúe, a hostalería ten preparada para o sábado que vén a actuación do dúo D’Café na praza.

22Set 2017

A hostalería local pon en valor os sectores pesqueiro e oleiro na segunda edición da ruta de tapas “Malpica sabe a mar”

cartel malpica sabe a mar

“Mestura mariñeira”, “Tapa de terra e mar”, “Chipirón do martillo con salsa lío”, “Chopo en tinta”, “Pementos do piquillo recheos de bacallau”, “Croquetas de polbo con grelos”, “Salpicón de rape e centola”, “Guiso de chipirón” e “Percebes con cachelos” son algunhas das apetecibles tapas que servirán ao longo da fin de semana os nove establecementos participantes na segunda edición da ruta “Malpica sabe a mar”. A posta en valor do sector pesqueiro é un dos obxectivos desta iniciativa organizada pola Concellería de Promoción Económica coa colaboración da hostalería local, e por iso todas as tapas terán entre os seus ingredientes un produto do mar.

A variedade e a calidade están garantidas en “Malpica sabe a mar”, que tamén contribúe á promoción da Olería de Buño, xa que os pratos nos que se servirán as tapas son de barro e foron elaborados ao xeito tradicional no Ecomuseo Forno do Forte.

Durante as tres xornadas que durará a ruta de tapas, os establecementos participantes repartirán case 800 premios entre os seus clientes. As tapas venderanse a 1,5 euros, e con cada unha entregarase un boleto que ofrece a posibilidade de conseguir premios directos: bolsas de tela de “Malpica sabe a mar”, botellas de distintas bebidas, mandís, camisetas… son algúns dos moitos agasallos que poderán conseguir as persoas que realicen a ruta. E ademais, grazas á implicación do propio sector hostaleiro, o sábado pola noite haberá animación en todos os locais a cargo dos gaiteiros da Asociación Cultural Malante.

Coincidindo con “Malpica sabe a mar”, a Concellería de Educación, Cultura e Turismo organiza unha ruta guiada en autobús por distintos recursos de interese histórico e patrimonial do concello que nos remontan á época do Renacemento, entre eles as Torres de Mens, que abriran as súas portas para acoller a un máximo de 25 persoas. O percorrido comezará o sábado ás 09.40 horas e rematará a tempo para gozar das tapas ao mediodía. As prazas xa están cubertas.

Hoxe venres ás 20 horas arrancará a segunda edición da ruta de tapas Malpica sabe a mar nos establecementos Taberna do Lesto, Café bar Humboldt, Café Bar Ibarra, Café bar JB, Restaurante San Francisco, Larada Bar, O Pescador, O Burato e Café bar Santiago Apóstol. As tapas serviranse nesa primeira xornada de 20.00 a 23.00 horas; o sábado, de 12.00 a 14.00 e de 20.00 a 23.00, e o domingo, de 12.00 a 14.00 horas.

22Set 2017

La hostelería local pone en valor los sectores pesquero y oleiro en la segunda edición de la ruta de tapas “Malpica sabe a mar”

cartel malpica sabe a mar

“Mestura mariñeira”, “Tapa de terra e mar”, “Chipirón del martillo con salsa lío”, “Chopo en tinta”, “Pimientos del piquillo rellenos de bacalao”, “Croquetas de pulpo con grelos” y “Percebes con cachelos” son algunas de las apetecibles tapas que servirán a lo largo del fin de semana los establecimientos participantes en la segunda edición de la ruta “Malpica sabe a mar”. La puesta en valor del sector pesquero es uno de los objetivos de esta iniciativa organizada por la Concejalía de Promoción Económica con la colaboración de la hostelería local, y por eso todas las tapas tendrán entre sus ingredientes un producto del mar.

La variedad y la calidad están garantizadas en Malpica sabe a mar, que también contribuye a la promoción de la Alfarería de Buño, ya que los platos en los que se servirán las tapas son de barro y fueron elaborados artesanalmente en el Ecomuseo Forno do Forte.

Durante las tres jornadas que durará la ruta de tapas, los establecimientos participantes repartirán casi 800 premios entre sus clientes. Las tapas se venderán a 1,5 euros, y con cada una se entregará un boleto que ofrece la posibilidad de conseguir premios directos: bolsas de tela de Malpica sabe a mar, botellas de distintas bebidas, delantales, camisetas… son algunos de los muchos regalos que podrán conseguir las personas que realicen la ruta. Y además, gracias a la implicación del propio sector hostelero, el sábado por la noche habrá animación en todos los locales a cargo de los gaiteros de la Asociación Cultural Malante.

Coincidiendo con Malpica sabe a mar, la Concejalía de Educación, Cultura y Turismo organiza una ruta guiada en autobús por distintos recursos de interés histórico y patrimonial del ayuntamiento que nos remontan a la época del Renacimiento, entre ellos las Torres de Mens, que abrirán sus puertas para acoger a un máximo de 25 personas. El recorrido comenzará el sábado a las 09.40 horas y finalizará a tiempo para disfrutar de las tapas a mediodía.

Hoy viernes a las 20 horas arrancará la segunda edición de la ruta de tapas Malpica sabe a mar en los establecimientos Taberna de Lesto, Café bar Humboldt, Café Bar Ibarra, Café bar JB, Restaurante San Francisco, Larada Bar, O Pescador, O Burato y Café bar Santiago Apóstol. Las tapas se servirán en esta primera jornada de 20.00 a 23.00 horas; el sábado, de 12.00 a 14.00 y de 20.00 a 23.00, y el domingo, de 12.00 a 14.00 horas.

19Set 2017

A Ruta do Renacemento, que inclúe unha visita ás Torres de Mens, completa a oferta de actividades de “Malpica sabe a mar”

RUTA RENACEMENTO

Esta fin de semana en Malpica vai de rutas. Coincidindo coa segunda edición da ruta de tapas Malpica sabe a mar, na que finalmente serán nove os establecementos participantes, a Concellería de Educación, Cultura e Turismo organiza unha ruta guiada en autobús por distintos recursos de interese histórico e patrimonial do concello que nos remontan á época do Renacemento, entre eles as Torres de Mens, que abriran as súas portas para acoller a un máximo de 25 persoas.

A Ruta do Renacemento, que será de balde, está programada para o sábado pola mañá. Os participantes sairán ás 09.40 horas da Oficina de Turismo, situada na praza de Anselmo Villar Amigo, e visitarán a igrexa de Santiago de Mens e as Torres de Mens, nas que poderán facer un percorrido guiado polo interior. Ás 11.30 partirán cara Buño co obxectivo de coñecer o Ecomuseo Forno do Forte, e estarán de regreso ás 13 horas en Malpica para poder sumarse á ruta de tapas.

As persoas interesadas en participar poden reservar praza a través do correo electrónico maritaibo@hotmail.com ou enviando unha mensaxe de Whatsapp ao 686 060 434. As prazas adxudicaranse por orde de solicitude e terán preferencia as persoas empadroadas en Malpica. No caso de que exista unha demanda moi superior ás 25 prazas crearase unha lista de agarda para outra posible ruta.

cartel malpica sabe a mar

Con esta iniciativa, o Concello de Malpica segue apostando pola dinamización turística e económica do noso municipio. O venres ás 20 horas arrancará a segunda edición da ruta de tapas Malpica sabe a mar, organizada pola Concellería de Promoción Económica, na que participarán os establecementos Taberna do Lesto, Restaurante O Burato, Café bar Humboldt, Café Bar Ibarra, Café bar JB, Restaurante San Francisco, Larada Bar, O Pescador e Café bar Santiago Apóstol. Nove locais de hostalaría que durante toda a fin de semana servirán tapas elaboradas con produtos do mar a un prezo de 1,5 euros. As tapas serviranse nesa primeira xornada de 20.00 a 23.00 horas; o sábado, de 12.00 a 14.00 e de 20.00 a 23.00, e o domingo, de 12.00 a 14.00 horas Con cada unha entregarase un boleto que ofrece a posibilidade de conseguir premios directos: bolsas de tela, camisetas, mandís, botellas, etc.

As tapas serviranse en pratos elaborados de Olería de Buño, elaborados para a ocasión no Ecomuseo Forno do Forte, xa que un dos obxectivos da iniciativa é enlazar tres sectores fundamentais da economía local: a pesca, a hostalería e a olería.

Pola súa banda, os hostaleiros malpicáns tamén poñen o seu gran de area para dinamizar a vila durante o mes de setembro. Despois da actuación do Trío Platino a fin de semana pasada, este sábado os gaiteiros de Malante farán un percorrido polos locais a partir das 20 horas, e o día 30 actuará na praza o Dúo Café.

16Set 2017

Cincuenta persoas participan este curso nos talleres de manualidades para persoas maiores ou con diversidade funcional

A concelleira de Servizos Sociais, Marisol Blanco Gorín, e o alcalde, Eduardo Parga, inauguraron os talleres de manualidades para persoas maiores ou con diversidade funcional, nos que este ano participan 50 persoas: 23 no obradoiro de maiores de Malpica, 19 no de Buño e 8 no destinado a persoas discapacitadas. A Concellería de Servizos Sociais aposta un ano máis por esta actividade dada a boa acollida que ten entre a poboación, sobre todo feminina, e o importante papel que xoga para que os colectivos aos que vai dirixida manteñan unha vida social activa.

Os obradoiros celebraranse no Centro Cívico de Malpica e na Casa do Oleiro de Buño cos seguintes horarios:

  • Manualidades Terceira Idade en Buño: os mércores e os venres, de 15:45 a 17:45 h. (Casa do Oleiro)
  • Manualidades Terceira Idade en Malpica: os martes e venres, de 16:00 a 18:00 h. (Centro Cívico)
  • Manualidades para persoas con diversidade funcional: os luns e venres, de 10:30 a 12:30 h. (Centro Cívico)

Actividades da Concellería de Cultura
Do 18 ao 29 de setembro, por outra banda, estará aberto o prazo de inscrición para os obradoiros que organiza a Concellería de Educación, Cultura e Turismo. O departamento que dirixe Noelia Freijeiro aposta tamén polas manualidades, tanto para nenas como para adultas. As persoas de 15 a 55 anos poderán participar a partir do 5 de outubro nas sesións semanais que se levan a cabo no Centro Cívico. Este ano serán os xoves de 18.30 a 19.30 horas, e a cota será de 11 euros ao mes.

Tamén haberá manualidades infantís, para nenas e nenos de 3 a 14 anos. Neste caso crearanse catro grupos en Malpica, que iniciarán a actividade o 4 de outubro ás 16 horas, e un en Buño, que se poñerá en marcha o 2 de outubro ás 17 horas. A cota é mensual, 11 euros, e inclúe unha sesión semanal dunha hora de duración.

Para os pequenos da casa a EMAE (Escola Municipal de Actividades Escénicas) tamén organiza obradoiros de animación teatral. Haberá catro grupos en Malpica (de 4 e 5 anos, de 6 a 8, de 9 a 12 e maiores de 12), e un en Buño (6 a 12 anos). O custe mensual é de 16,29 euros, pero os rapaces que asistan aos talleres de teatro e manualidades terán cota reducida e pagarán 19.54 euros ao mes polas dúas actividades.

Máis información e inscricións no Departamento de Cultura, no Centro Cívico ou no teléfono 981 707 104.

14Set 2017

Rematada a limpeza da Finca da Señorita de Buño, que o Concello de Malpica executou de maneira subsidiaria

O Concello de Malpica vén de rematar os labores de limpeza da coñecida como Finca da Señorita, unha propiedade situada na rúa Santa Catalina Buño que, debido ao seu estado de abandono e á proliferación da maleza, representaba un foco de insalubridade e un risco potencial de incendio. O Concello encargouse dos traballos de despois de realizar varios requirimentos á propiedade que non obtiveron resposta e de que o Xulgado do Contencioso-Administrativo número 1 da Coruña autorizase a execución subsidiaria. No entanto, serán os titulares da propiedade os que terán que pagar os 16.359 euros que se investiron no acondicionamento da finca.

A veciñanza de Buño levaba moito tempo reclamando a limpeza do solar á vista dos riscos que representaba, con maleza que invadía toda a finca e mesmo o nobre edificio que constitúe a peza central da Finca da Señorita e que, por falta do mantemento adecuado, atópase moi deteriorado. Tras un longo proceso debido á inacción da propiedade e á necesidade de recorrer aos tribunais, foi posible acometer a limpeza.

14Set 2017

Protección Civil retirou nos últimos seis meses un total de 50 niños de avespa asiática

NIÑOS VELUTINA (3)

O Concello de Malpica está a loitar contra a invasión da avespa velutina grazas ao traballo que desenvolve a Agrupación de Voluntarios de Protección Civil e á colaboración da Xunta de Galicia mediante a achega de material. Nos últimos seis meses, segundo o balance que vén de presentar o coordinador de Protección Civil, Iván Muíño, foron retirados un total de 50 niños no noso concello. O servizo municipal actuou nas parroquias de Barizo (4 niños) Buño (11), Cambre (5), Cerqueda (16), Leiloio (7), Malpica (3) e Mens (4).

A Agrupación de Protección Civil dispón dunha pértega, entregada no pasado mes de xullo ao Concello de Malpica pola directora xeral de Gandaría, Agricultura e Industrias Agroalimentarias, Belén do Campo, e de traxes específicos para a loita contra a avespa asiática. As persoas que localicen un niño deben chamar ao 112 ou ao 012.

12Set 2017

A II Carreira Pedestre e a Travesía a Nado converteron Malpica na capital deportiva da Costa da Morte

CARREIRA PEDESTRE

O podio cos gañadores da 10K

O deporte volveu a demostrar durante a fin de semana o seu gran poder de convocatoria. Malpica converteuse na capital deportiva da Costa da Morte cunha intensa xornada dominical na que coincidiron a Travesía a Nado Malpica-Sisargas, celebrada o día 10 despois de dous aprazamentos polas malas condicións do mar, e a II Carreira Pedestre Concello de Malpica, que tamén discorreu polo litoral. Ademais, aínda que os participantes na travesía embarcaron no porto e os da carreira saíron da praza de Anselmo Villar Amigo, ámbalas dúas probas tiveron as súas metas na praia, onde se congregou numeroso público.

carreira 2017 (4)

A gañadora recibiu felicitacións á súa chegada á meta

Cristian Muíño, de Coristanco, proclamouse campión absoluto da proba 10K, ao completar o percorrido en 35 minutos e 49 segundos. Ao máis alto do podio subiu tamén Eva Isabel Babiano, campioa da 10K feminina, cun tempo de 46 minutos e 20 segundos. Na carreira de 5 quilómetros, os gañadores foron Manuel Rendo e Alicia García. O alcalde, Eduardo Parga, e os concelleiros Miguel Fernández e Iago Espasandín, que foi ademais un dos participantes na proba, entregaron os trofeos aos tres primeiros e ás tres primeiras de cada categoría.

A mañá do domingo en Malpica foi emocionante por partida dobre. De novo as malas condicións do mar obrigaron á organización a reaccionar, nesta ocasión recortando o traxecto a 3,100 quilómetros. O primeiro en chegar á praia foi Alexandre Lages, de Ribeira, despois do auténtico espectáculo que supón tanto a ida nas embarcacións desde o porto ata as Sisargas como o feito de ver a máis de cen nadadores a un tempo no mar, acompañados en todo momento polos servizos de emerxencias e voluntarios en todo tipo de embarcacións.

7

12Set 2017

Últimos días de inscrición para os talleres de manualidades para persoas maiores ou con diversidade funcional, que empezarán o 15

A partir do día 15 empezarán, un ano máis, os talleres de manualidades para a terceira idade e para persoas con diversidade funcional que organiza o Concello de Malpica, a través da Concellería de Servizos Sociais. As prazas son limitadas e cubriranse por orde de inscrición. As persoas interesadas poden dirixirse ao Departamento de Servizos Sociais, no Centro Cívico, ou chamar ao 981 720 280.

Os obradoiros celebraranse no Centro Cívico de Malpica e na Casa do Oleiro de Buño cos seguintes horarios:

  • Manualidades Terceira Idade en Buño: os mércores e os venres, de 15:45 a 17:45 h. (Casa do Oleiro)
  • Manualidades Terceira Idade en Malpica: os martes e venres, de 16:00 a 18:00 h. (Centro Cívico)
  • Manualidades para persoas con diversidade funcional: os luns e venres, de 10:30 a 12:30 h. (Centro Cívico)

O departamento que dirixe Marisol Blanco Gorín aposta un ano máis por este tipo de formación dada a boa acollida que ten entre as participantes, maioritariamente mulleres.

manualidades maiores

11Set 2017

O balance de visitas ao Ecomuseo Forno do Forte confirma o importante tirón turístico do noso concello

Forno do Forte

O balance das visitas que recibiu este verán o Ecomuseo Forno do Forte vén confirmar o importante o gran potencial turístico do noso concello. Nos últimos dous meses pasaron polo complexo etnográfico un total de 8.786 persoas: 2.154 en xullo e 6.632 en agosto. Un dos factores que influíu de maneira máis decisiva nesta notable diferenza entre ámbolos meses foi a Mostra da Olería, que, tal como indica Paco Doval, xerente do ecomuseo, “ten un tirón indiscutible que atrae a gran cantidade de público interesado na nosa artesanía”.

Desde o Forno do Forte realizan un balance positivo do verán, que é a época de maior actividade turística na contorna, e destacan que este ano non só se rexistrou un incremento de visitantes, senón tamén un maior número de excursións organizadas por empresas turísticas, asociacións e institucións. En xeral percíbese un maior interese dos turoperadores pola nosa comarca, aínda que a maioría dos visitantes continúan sendo grupos familiares ou de amigos.

Procedencia dos visitantes

En canto á procedencia do público do Forno do Forte, o 23,44% dos visitantes procedían de fóra de Galicia. Case un terzo, de Madrid, que é a comunidade con máis peso, seguida das provincias de Barcelona, Sevilla e Valencia. De feito, este ano detectouse un incremento importante de turistas procedentes de Andalucía e do Levante, que xa empezaron a destacar nas estatísticas do verán anterior. Deste xeito parece consolidarse o interese dos habitantes do sur e do leste do país por Malpica en particular e pola Costa da Morte en xeral.

SAMSUNG CAMERA PICTURES

Con respecto ao público estranxeiro, supuxo o 5,39% dos visitantes do ecomuseo, cun claro dominio dos turistas procedentes de Francia, que representan algo máis do 35% do total, seguidos por ingleses, suízos, alemáns e estadounidenses. Diminúen os visitantes suramericanos e aumentan os europeos. Neste sentido destacamos a presenza de turistas rusos, que ata este ano practicamente eran inexistentes.

O 81,17% restante de visitantes foron galegos, dominando claramente os procedentes da comarca e do resto da Costa da Morte. As cidades da Coruña, Vigo e Santiago tamén achegan unha parte importante dos turistas, así como as Rías Baixas.

En xeral, o visitante do Forno do Forte amosa gran curiosidade por coñecer a vida tradicional dos oleiros e como eran as súas vivendas, e gozan especialmente coa demostracións do oleiro do ecomuseo ou facendo as súas propias pezas no torno.

Página 1 de 212