gl_ES
Tempo Malpica de Bergantiños
Venres 20°
13°
Sábado 21°
15°
Domingo 18°
15°
tiempo.com   +info
  1.  
  2. 2015
  3. Novembro

Novembro 2015

3Nov 2015

A Asociación Íntegro pon ao Concello de Malpica como exemplo de visibilización das persoas con diversidade funcional ou en risco de exclusión

Dez veciños e veciñas que forman parte deses colectivos iniciaron hoxe na Casa do Oleiro de Buño un curso de técnicas de colocación de pladur

540-f-foto

O presidente da Asociación Íntegro, Adolfo López Baña, destacou hoxe o labor de visibilización das persoas con diversidade funcional ou en risco de exclusión que desenvolve o Concello de Malpica, e nese sentido púxoo como exemplo. “Malpica é o primeiro concello que aposta pola visibilización destes colectivos, é un exemplo para outros”, manifestou. Ademais, Adolfo López insistiu no obxectivo da Asociación Íntegro de reforzarse coma entidade prestadora de servizos, cada vez con maior autonomía e menor dependencia das axudas institucionais.

Adolfo López Baña asistiu á inauguración do curso de técnicas de colocación de pladur que comezou hoxe na Casa do Oleiro de Buño e no que participan dez persoas con diversidade funcional ou en risco de exclusión. No acto participaron tamén a concelleira de Servizos Sociais, Marisol Blanco Gorín, e o alcalde de Malpica, Eduardo Parga Veiga, que animou aos alumnos e alumnas a aproveitar o curso para intentar mellorar a súa situación laboral.

O obradoiro, subvencionado pola Deputación Provincial da Coruña, desenvolverase os luns, martes e xoves, de 9.30 a 13.00 horas, ata o 3 de decembro. As sesións serán fundamentalmente prácticas e consistirán no arranxo dunha aula situada no primeiro andar da Casa do Oleiro. 

2Nov 2015

O Concello de Malpica recollerá durante o mes de novembro as solicitudes para a campaña “Alimentos polo Nadal”

O Banco de Alimentos entregou o mobiliario básico para un dormitorio a un matrimonio con dous menores a cargo

540-f-foto

Durante todo o mes de novembro estará aberto o prazo para que as familias do municipio de Malpica que cumpran os requisitos poidan presentar as súas solicitudes para a campaña “Alimentos polo Nadal”, unha iniciativa da Concellería de Servizos Sociais complementaria do Banco de Alimentos.

Segundo as condicións establecidas polo Concello de Malpica, as familias non poderán superar os ingresos establecidos no seguinte baremo económico, en relación ao IPREM (532,51 euros).

1 persoa: 0,80 % IPREM___________426,26 euros

2 persoas: IPREM   ______________ 532,51

3 persoas: 1,25 % IPREM__________665,64

4 persoas: 1,50 % IPREM__________797,26

5 persoas: 1,75 % IPREM__________931,89

6 persoas: 2 % IPREM____________1.065,02

7 ou máis persoas: 2,25 % IPREM___1.198,14

Para obter máis información ou realizar a solicitude os interesados poden dirixirse ao Departamento de Servizos Sociais ou chamar ao 981 72 02 80. 

Banco de alimentos

O Concello de Malpica, en colaboración coa Fundación Amigos de Galicia, mantén aberto durante todo o ano un Banco de Alimentos que permite garantir certos produtos básicos a 21 familias do municipio. Na súa última visita, segundo informou a concelleira de Servizos Sociais, Marisol Blanco Gorín, ademais de alimentos non perecedoiros, entregáronse produtos frescos de tempada coma xarda, pementos e mandarinas.

Así mesmo, o Banco de Alimentos facilitou a un matrimonio que ten dous menores a cargo os mobles básicos para un dormitorio: cama con somier e colchón, mesiñas de noite e comodín.

Página 2 de 212