Síguenos en
gl_ES
Tempo Malpica de Bergantiños
Martes 13°
Mércores 14°
10°
Xoves 15°
12°
tiempo.com   +info
  1.  
  2. 2015
  3. Marzo

Marzo 2015

27Mar 2015

O patrimonio, protagonista da Semana Santa en Malpica

O Concello de Malpica pon en marcha o programa Vila Oleira de Buño en colaboración co Ecomuseo do Forno do Forte e a Asociación Oleira
540-f-foto

O patrimonio será o protagonista do programa organizado polo Concello de Malpica de Bergantiños para esta Semana Santa en colaboración con diferentes colectivos do municipio. A primeira cita será mañá sábado na Croa do Castro, en Cerqueda, onde se vai levar a cabo a primeira xornada de limpeza que deixará ao descuberto o xacemento da Idade de Ferro. Coincidindo co traballo dos voluntarios e voluntarias está previsto un completo programa de actividades paralelas, e ademais empezará a funcionar o Tren da Croa, con visitas guiadas por tres itinerarios diferentes. Outra das novidades deste 2015 é o proxecto Vila Oleira de Buño, que inclúe numerosas propostas arredor da artesanía.

XORNADA DESBROCE DA «CROA DO CASTRO DE CERQUEDA»

Sábado, 28 marzo 2015.

 

A xornada de desbroce da Croa do Castro de Cerqueda está organizada polo Concello de Malpica en colaboración coa Asociación Cabalar Os Veteranos, a Asociación Cultural Raigañas, a Asociación de Veciños Monte d?Arxa, a Comisión de Festas de Cerqueda e a Agrupación Ciclista Castro da Croa. O programa é o seguinte:

 

10.00 h. Benvida ao voluntariado.

 

12.00 h. Parada ciclista a cargo da Agrupación Ciclista Castro da Croa.

 

12:30 h. Visita guiada ao castro para voluntariado, asociados, veciñanza e visitantes.

 

13.00 h. Pasacroa e tocada de música tradicional a cargo da A.C. Raigañas.

 

13:30 h. Xantar campestre.

 

15.00 h. Rutas (continuadas) en tren guiadas por Xabier Couto Castro. Saídas Malpica (bar Panchito)

 

15.30 h. Rutas (continuadas) en tren guiadas por Xabier Couto Castro. Saídas Buño (O Empalme)

 

16.00 h. Ruta e parada cabalar a cargo da Asociación Cabalar Os Veteranos.

 

17.15 h. Ruta en tren para alumnado das actividades da A.C. Raigañas. Saída As Pozacas (local sociocultural)

 

17:30 h. Merenda para voluntariado e finalización da xornada de limpeza.

 

 

 

Os itinerarios e os horarios das Rutas no Tren da Croa son os seguintes:

Itinerario A: (desde Malpica de Bergantiños)

 

IDA: Malpica de Bergantiños (O Panchito), O Ventorrillo, Piñeiros, Seixas, Fonte dos Bois, Tormeán, Folgueira, Pasacondía, O Asturiano, Casa da Lebre, A Cabreira, A Lagoa, Algadán, O Ceán e Croa do Castro [no cruzamento da pista da parcelaria coa do Ceán] (baixada e visita á Croa do Castro). O regreso a Malpica farase cando baixen os usuarios da parada de Buño.

 

VOLTA: Croa do Castro, Os Resíos, Aldeola, Pasacondía, Tormeán, Folgueira, Fonte dos Bois, Seixas, Piñeiros, O Ventorrillo, Malpica.

 

 

 

Itinerario B: (desde Buño)

IDA: Buño (O Empalme), Os Barreiros, Aldeola, Casa da Lebre, A Cabreira, A Lagoa, Algadán, O Ceán e Croa do Castro [no cruzamento da pista da parcelaria coa do Ceán] (baixada e visita á Croa do Castro). Croa do Castro [no cruzamento da pista da parcelaria coa do Ceán] (baixada e visita á Croa do Castro). O regreso a Buño farase cando baixen os usuarios da parada de Malpica.

 

VOLTA: Croa do Castro, Os Barreiros, Buño (O Empalme)

 

 

 

Itinerario C: (desde As Pozacas)

IDA: local sociocultural (As Pozacas), Cerqueda, O Asturiano, Casa da Lebre, A Cabreira, A Lagoa, Algadán, O Ceán e Croa do Castro [no cruzamento da pista da parcelaria coa do Ceán] (baixada e visita á Croa do Castro). Croa do Castro [no cruzamento da pista da parcelaria coa do Ceán] (baixada e visita á Croa do Castro). O tren agardará a que os rapaces dean unha volta polo castro.

 

VOLTA: Croa do Castro, Os Resíos, A Campela, Cerqueda e As Pozacas.

 

 

 

Horarios:

15.00 h. Saída Malpica (bar Panchito)

 

15.30 h. Saída Buño (O Empalme)

 

16.00 h. Saída Malpica (bar Panchito)

 

16.30 h. Saída Buño (O Empalme)

 

17.15 h. Saída As Pozacas (local sociocultural)                             

PROGRAMA VILA OLEIRA DE BUÑO

 

Do 31 de marzo ao 5 de abril

 

O Ecomuseo do Forno do Forte rebordará actividade durante a Semana Santa. O Concello de Malpica de Bergantiños, a Asociación Oleira de Buño e o propio ecomuseo propoñen unha serie de actividades que van dende rutas guiadas ata obradoiros e unha cocción experimental en forno aberto. Este é programa completo:

 

Xoves 3 de abril
De 11.00 h. a 17.00 h. no Ecomuseo do Forno do Forte
Cocción Experimental en forno aberto (Fundación Terra Termarum de Cuntis).

 

De 12.00 h. a 14.00 h. e de 16:00 h. a 18.00 h.  no Ecomuseo do Forno do Forte
Obradoiro de elaboración e decoración de pezas castrexas  (Fundación Terra Termarum de Cuntis).

 

De 12.00 h. a 13.00 h. Ruta guiada Os Fornos Tradicionais de Buño: Forno dos Mouróns, Forno da Costa e Forno do Forte.

 

De 18.00 h. a 19.00 h. Ruta guiada Os Fornos Tradicionais de Buño: Forno dos Mouróns, Forno da Costa e Forno do Forte.

 

Venres 4 de abril
De 11.00 h. a 14.00 h. no Ecomuseo do Forno do Forte
Obradoiro de modelado de barro

 

De 12.00 h. a 13.00 h. Ruta guiada Os Fornos Tradicionais de Buño: Forno dos Mouróns, Forno da Costa e Forno do Forte.

 

De 18.00 h. a 19.00 h. Ruta guiada Os Fornos Tradicionais de Buño: Forno dos Mouróns, Forno da Costa e Forno do Forte.

 

Sábado 5 de abril
De 11.00 h. a 14.00 h.
Obradoiro de modelado de barro

 

De 12.00 h. a 13.00 h. Ruta guiada Os Fornos Tradicionais de Buño: Forno dos Mouróns, Forno da Costa e Forno do Forte.

 

De 18.00 h. a 19.00 h. Ruta guiada Os Fornos Tradicionais de Buño: Forno dos Mouróns, Forno da Costa e Forno do Forte.

 

Horario de apertura do  Ecomuseo do 31 de marzo ao 5 de abril de 11.00 h. a 14.00 h. e de  16.00 h.  a 20.00 h.

 

As rutas guiadas partirán do parque Luciano García Alén (Ao lado da igrexa parroquial) a inscrición realizarase no punto de saída. Ó remate da ruta poderase xestionar a visita a un obradoiro con artesáns traballando.

 

Información: Ecomuseo do Forno do Forte  981 711 520  ecomuseo.fornodoforte@malpicadebergantinos.es

 

26Mar 2015

O Forno da Costa de Buño ábrese ao público tras unha reforma integral con apoio da Deputación

O presidente provincial, Diego Calvo, inaugurou hoxe o forno e o parque infantil de Malpica
540-f-foto

O presidente da Deputación da Coruña, Diego Calvo, desprazouse esta tarde ata Malpica para coñecer, xunto ao alcalde do municipio, Eduardo José Parga Veiga, o resultado da rehabilitación levada a cabo no Forno da Costa que contou con fondos provinciais. Durante a visita Diego Calvo resaltou a importancia de recuperar ?o noso patrimonio? para valorar a historia de Galicia e de cada un dos seus concellos. ?Un municipio que coida e protexe o seu pasado demostra que está preocupado polo seu futuro?, declarou o titular provincial, en referencia á aposta do rexedor por poñer en valor os fornos do seu municipio. Dende agora Malpica alcanza xa os tres fornos recuperados e abertos ao público, xa que ao da Costa únese o dos Mourons e o Ecomuseo Forno do Forte, propiedade da Deputación, pero cuxa actividade é posta en marcha polo concello. ?Estamos desenvolvendo unha forte aposta polo patrimonio. Editamos un vídeo promocional sobre todos os nosos bens e monumentos e hai pouco presentamos tamén o programa de Turismo Escolar para que os máis pequenos da provincia recorran a súa historia?, sinalou Calvo. Pola súa banda, Parga Veiga agradeceu á Deputación a súa colaboración, sen a cal hoxe non se podería contar con este ben ao que dende agora poderán acudir os oleiros e os visitantes. A Deputación da Coruña achegou ao concello 59.122,8 euros para a renovación deste ben patrimonial, o 74,65% do total (79.200,01); pero ademais, no seu momento foi tamén que proporcionou ao municipio ata o 76% do fondos para adquirir este ben patrimonial, 26.874 euros. Así, o alcalde agradeceu á Deputación da Coruña a súa axuda porque ?sempre mostra a súa colaboración para os proxectos que se precisan?.

 

Novo parque infantil

 

De feito, durante a visita ao concello, o titular provincial tamén se desprazou ata a rúa Patria Galega, para comprobar o resultado da reforma e adaptación do parque infantil no que se investiron 99.792,78 euros con cargo ao POS 2014. Grazas a esta achega adaptouse o parque á normativa actual e elimináronse aqueles elementos que poderían ser perigosos para os nenos. En cambio, restauráronse os xogos infantís (agora ordenados por idades), renováronse os aseos e o pavimento e instalouse unha nova fonte, ademais de colocar novo mobiliario urbano. Así, o espazo converteuse nun novo punto de ocio para os veciños e veciñas do municipio e proba diso é que no momento da visita estaba cheo de rapazada que puido gozar do novo parque de xogos. 

 

 

24Mar 2015

Comeza a instalación de iluminación na rotonda de Buño

Debido ás dimensións da glorieta, de máis de 30 metros de diámetro, os focos estarán instalados nun poste de 12 metros de alto
540-f-foto

A rotonda da AC418 en Buño estará, por fin, iluminada. Grazas ás xestión realizadas polo alcalde, Eduardo Parga, ante o departamento autonómico responsable da vía, antes de que remate o mes darase resposta a unha insistente demanda dos veciños e dos automobilistas, que viñan reclamando dende hai tempo que se dotase a glorieta de iluminación para mellorar a seguridade da circulación, tanto rodada coma peonil.

 

A empresa Ifecgas Pereira comezou hoxe coa instalación do enorme poste metálico de 12 metros de alto no que irán dispostos tres focos de gran potencia para abarcar todo o perímetro da rotonda, que supera os 30 metros de diámetro. Ata o lugar desprazáronse o concelleiro de Obras, Miguel Fernández, e o propio alcalde, que se amosou moi satisfeito por poder atender esta demanda veciñal. Responsables da empresa indicaron, pola súa banda, que o sistema de iluminación estará operativo antes de fin de mes.

 

23Mar 2015

Veciños e voluntarios recuperarán a Croa do Castro de Cerqueda

Realizarán xornadas de limpeza o 31 de marzo e 11 de abril para poñer en valor este ben arqueolóxico
540-f-foto

A Croa do Castro de Cerqueda, en Malpica, recuperará o aspecto que tiña hai máis de dous mil anos. Ese é, cando menos, o obxectivo de varias asociacións e do Concello de Malpica que organizaron dúas xornadas con voluntarios para poñer en valor este xacemento da Idade do Ferro.

 

Este proxecto de arqueoloxía social está impulsado por cinco asociacións desta parroquia; a Asociación Cabalar Os Veteranos, a Asociación Cultural Raigañas, a Asociación de Veciños Monte d?Arxa, a Comisión de Festas de Cerqueda e a Agrupación Ciclista Castro da Croa, que se puxeron de acordo para limpar e poñer en valor a Croa do Castro, un ben protexido que domina todo o seu val.

No proxecto, no que colabora o concello, traballa un equipo multidisciplinar de tres arqueólogos, dirixidos por Fiodora López Patiño e coordinados por Manuel Gago, xornalistas e especialistas en turismo que pretende, coa axuda veciñal e voluntarios, reactivar culturalmente este espazo.

Boa parte do castro é de titularidade municipal o que facilita as labores de posta en valor. A primeira acción que se vai levar a cabo vai ser a limpeza do castro, paso imprescindible para coñecer que tipo de estruturas hai, saber como actuar nelas e levantar un plano o máis preciso posible do sitio arqueolóxico.

 

“O que descubriremos é o propio castro, xa que a limpeza fará que sexa máis visible na paisaxe e máis comprensible para a xente que queira vir a visitalo. Descubriremos tamén o seu gran parapeto e a planta interior, e quen sabe?”, apunta Fiodora López.

 

A limpeza vai ser levada a cabo por persoal especializado pero haberá pequenas zonas de singular interese para que veciños e voluntarios poidan participar no desbroce último do castro e das súas estruturas máis sensibles. Para iso, haberá dúas xornadas abertas á participación cidadá, unha o 28 de marzo e outra o 11 de abril. Serán xornadas lúdicas, festivas e de contacto coa cultura científica. 

O traballo consiste, principalmente, na limpeza da croa do castro. O horario non será moi esgotador. O sábado 31 de marzo comezarase ás 10.00 da mañá e remataremos ás 13.30. A esa hora, os veciños e asociacións de Cerqueda serán agasallados cun ?pasacroas?, a versión castrexa do pasarrúas. Logo, ás 15.00 horas están previstos varios percorridos turísticos para que os veciños de Malpica, Buño e outros puntos da Costa da Morte poidan coñecer os sitios máis fermosos desta aldea.

 


Programa da xornada :

 

10.00 h. Benvida ao voluntariado.

 

12.00 h. Parada ciclista a cargo da Agrupación Ciclista Castro da Croa.

 

12:30 h. Visita guiada ao castro para voluntariado, asociados, veciñanza e visitantes.

 

13.00 h. Pasacroa e tocada de música tradicional a cargo da A.C. Raigañas.

 

13:30 h. Xantar campestre.

 

15.00 h. Rutas (continuadas) en tren guiadas por Xabier Couto Castro. Saídas Malpica (bar

 

Panchito)

 

15.30 h. Rutas (continuadas) en tren guiadas por Xabier Couto Castro. Saídas Buño (O

 

Empalme)

 

16.00 h. Ruta e parada cabalar a cargo da Asociación Cabalar Os Veteranos.

 

17.15 h. Ruta en tren para alumnado das actividades da A.C. Raigañas. Saída As Pozacas

 

(local sociocultural)

 

17:30 h. Merenda para voluntariado e finalización da xornada de limpeza.

 

Máis información na web http://croadocastrodecerqueda.net/ e no FB “A croa do Castro” https://www.facebook.com/pages/Croa-do-Castro-deCerqueda/622096534603235?fref=ts

 

23Mar 2015

Os nenos e nenas de Cambre estrean parque infantil

A actuación, cofinanciada polo Concello e a Xunta, consistiu na pavimentación con caucho da parcela, a instalacións de xogos para os máis pequenos e a mellora da accesibilidade
540-f-foto

A delegada territorial da Xunta na provincia, Belén do Campo, supervisou o resultado dos traballos de creación dun novo parque infantil no núcleo de Cambre, no concello de Malpica de Bergantiños. O municipio recibiu unha achega 31.800 euros para levar a cabo estas actuacións, o que supón o 75% do investimento total, de máis de 42.000 euros. Trátase dunha subvención concedida pola Vicepresidencia e Consellería da Presidencia, Administracións Públicas e Xustiza para a mellora das infraestruturas de uso público.

 

 

O proxecto para dotar de novos espazos de lecer para a infancia consistiu, por unha banda, na pavimentación da parcela ?na parte traseira do centro sociocultural desta área- con caucho, así como o seu valado, e na instalación de xogos infantís para o aproveitamento dos máis pequenos. Tamén se aproveitou para mellorar a accesibilidade na praza Villar Amigo, na capital municipal.

 

A delegada territorial aproveitou a súa visita ao concello para manter un encontro de traballo co alcalde, Eduardo Parga, para analizar os proxectos que desenvolve o Goberno autonómico na localidade e as necesidades actuais. Nesa reunión, Parga trasladoulle as demandas locais, ante as que Do Campo expresou o seu compromiso de estudalas e de traballar intensamente para atendelas no menor prazo de tempo posible.

 

A máxima representante do Goberno galego na provincia destacou o apoio da Xunta aos concellos e, no caso de Malpica, agradeceu a colaboración do rexedor, que permitiu levar a cabo diversas actuacións para mellorar a calidade de vida dos veciños e veciñas. A delegada territorial reiterou a súa disposición a manter ?todo o diálogo e cooperación? co goberno local para seguir incrementando o benestar dos cidadáns.

 

16Mar 2015

O Concello de Malpica organiza un novo curso de xardinería para persoas con diversidade funcional ou en risco de exclusión

Os alumnos e alumnas realizarán as prácticas nos xardíns de Cambre
540-f-foto

O Concello de Malpica, en colaboración coa Deputación Provincial da Coruña, porá en marcha este mércores 18 un novo curso de xardinería dirixido a persoas con diversidade funcional e/ou en risco de exclusión. Participarán 10 persoas, e esta vez as prácticas desenvolveranse nos xardíns de Cambre, aínda que os alumnos e alumnas tamén se encargarán do mantemento e reposición de plantas nas áreas verdes acondicionadas nos dous cursos anteriores na praza do Cruceiro de Buño, no centro médico de Malpica e no Centro Cívico.

 

A Concellería de Servizos Sociais, que dirixe Marisol Blanco Gorín, aposta unha vez máis pola xardinería dada a boa acollida que está a ter a actividade e ás posibilidades de inserción laboral que ofrece aos participantes. A xardinería é, de feito, un dos nichos de traballo detectados pola asociación Íntegro, que será a encargada de impartir o curso. As sesións formativas desenvolveranse de luns a xoves, de 9.30 a 12.30 horas.

 

14Mar 2015

A Xunta aumenta nun 62,59% as horas de servizo de axuda no fogar por dependencia en Malpica

A ampliación da cobertura permitiu atender todos os casos da lista de agarda e aínda quedan horas dispoñibles para as novas solicitudes
540-f-foto

O Concello de Malpica de Bergantiños é un dos máis beneficiados da zona polo incremento das horas asignadas para atender casos de dependencia a través da prestación do servizo de axuda no fogar (SAF), un programa xestionado polos servizos sociais municipais que nos casos de dependencia é cofinanciado pola Xunta de Galicia e o beneficiario, cuxa achega varía segundo o seu nivel de recursos económicos. Con esta ampliación de 696 horas, o Concello de Malpica pasa de 1.112 a 1.808 horas, o que supón un aumento do 62,59%.

 

A concelleira de Servizos Sociais, Marisol Blanco Gorín, valorou dun xeito moi positivo o incremento das horas de dependencia, xa que permitiu atender todos os casos que se atopaban en lista de agarda e aínda quedan horas dispoñibles para dar cobertura ás novas altas que se rexistren no Sigad (Servizo Galego de Atención á Dependencia).

 

Para acceder ao SAF por dependencia é imprescindible ter recoñecido o grao de dependencia e ter resolto o programa individual de atención (PIA). No caso de Malpica, as horas dispoñibles antes da ampliación permitían atender a 23 persoas, ás que se suman outros 28 usuarios do servizo de axuda no fogar de libre concorrencia. Tamén neste caso se produciu unha mellora, xa que, segundo indicou Marisol Blanco Gorín, producíronse dúas altas e outras dúas ampliacións horarias. 

 

11Mar 2015

A Xunta inviste en dous anos máis de 143.000 euros na mellora de camiños rurais do noso concello

A delegada territorial da Xunta na Coruña, Belén Do Campo, supervisou hoxe os traballos realizados acompañada polo alcalde e o concelleiro de Obras
540-f-foto

A delegada territorial da Xunta, Belén do Campo, visitou esta mañá Malpica de Bergantiños para analizar xunto co alcalde, Eduardo Parga, e o concelleiro de Obras, Miguel Fernández, o proxecto de acondicionamento de varios camiños rurais deste municipio, ao abeiro dos fondos do Plan marco de mellora de camiños correspondente ao exercicio 2014-2015, que este ano estará cofinanciado pola Consellería do Medio Rural e a Deputación da Coruña. Así, o concello disporá dunha achega de 90.223 euros para levar a cabo estas actuacións nos vindeiros meses, o que supón un incremento de ata o 70% respecto á convocatoria anterior.

 

Segundo lle trasladou o rexedor a Do Campo, en breve comezarán as obras para mellorar seis pistas municipais nos lugares de Ardeleiro, Mens, San Antonio, Seixas, Raxeira e Aviño. As actuacións consistirán na mellora da capa de rodadura, co arranxo de fochas, tratamento asfáltico superficial e limpeza e perfilado de noiros e cunetas. En total, traballarase sobre 2,7 quilómetros de vías.

A máxima representante do Goberno galego na provincia aproveitou a súa estancia no municipio para supervisar tamén o resultado dos traballos levados a cabo a través deste plan no período 2013-2014, cando o concello recibiu outra achega de 52.815 euros. Nese caso, realizáronse labores de mantemento sobre 1,5 quilómetros de pistas, localizadas nos núcleos de Vigo e Filgueira, nas parroquias de Vilanova e de Cerqueda, respectivamente.

Segundo coincidiron Do Campo e Parga, o obxectivo fundamental destes fondos é o de levar a cabo actuacións que favorezan o desenvolvemento rural e o asentamento da poboación neste entorno. Segundo salientou a delegada territorial, “con estas iniciativas búscase  facilitar os desprazamentos da poboación, co fin de dignificar e mellorar a calidade de vida das persoas que residen nestas zonas e contribuír a arranxar as deficiencias que persisten en determinadas áreas rurais”.

Do Campo tamén subliñou que se trata de medidas que se levan a cabo nun marco de cooperación e entendemento entre a propia Xunta e os concellos, neste caso o de Malpica. Neste senso, mostrouse disposta a seguir estreitando a colaboración institucional “co obxectivo de seguir mellorando os servizos que se ofrecen aos cidadáns e a resposta ás súas necesidades”. Para iso, a delegada territorial reiteroulle ao primeiro edil “todo o diálogo e apoio para buscar de xeito coordinado solucións ás demandas dos veciños”.

8Mar 2015

A poesía e a fotografía estreitan lazos entre Malpica e Avintes a través da exposición “20 poemas en remanso”

Os alcaldes das dúas localidades acompañaron aos autores, Carmen Muñoz e Pereira Lopes, na inauguración da mostra no Centro Cívico
540-f-foto

Malpica de Bergantiños estreita lazos coa localidade portuguesa de Avintes grazas a unha interesante colaboración cultural. O traballo conxunto da poetisa Carmen Muñoz Fernández, estremeña afincada en Malpica dende hai vinte anos, e do fotógrafo luso Pereira Gomes deu como resultado o libro “20 poemas en remanso”, cunha primeira e reducida edición que xa está esgotada, e unha exposición homónima que pode contemplarse dende onte no Centro Cívico malpicán.

 

Ao acto de inauguración asistiron os alcaldes das dúas localidades e tamén o de Ponteceso, José Luis Fondo Aguiar, cuxo concello está irmandado co de Avintes. O rexedor malpicán, Eduardo Parga Veiga, foi o encargado de dar a benvida aos asistentes _preto de medio cento entre os cales se atopaba un grupo de portugueses_ e de presentar aos protagonistas da tarde. O fotógrafo Pereira Lopes, que expón fotografías paisaxísticas de Fisterra, Mera, Cecebre, Porto, Avintes e outros lugares dos dous países, expresou o seu agradecemento a Carmen Muñoz, “porque esta exposición sen ela non existiría”. E a escritora, que tamén tivo palabras de agradecemento, sobre todo para os seus fillos, cualificou a Pereira Lopes coma “un amigo incondicional, que tan ben soubo retratar Galicia e abrir así a fronteira entre España e Portugal”.

 

Despois das intervencións, Gloria de los Ángeles Pardines, amiga persoal de Carmen López, interpretou un alalá e un fado que foron moi aplaudidos. O presidente da Junta de Freguesía de Avintes, Cipriano Manuel Castro, que acudiu a Malpica acompañado pola súa muller, amosouse encantado de regresar de novo a Bergantiños. Eduardo Parga agradeceulle a visita facéndolle entrega dunha peza de olería e unha selección fotográfica de lugares de Malpica. O rexedor portugués correspondeu cun prato co escudo de Avintes e bolos de broa, produto tradicional da súa terra.

 

O acto pechouse cun percorrido pola exposición e un café con pastas que contribuíu á seguir estreitando as relacións entre os veciños e veciñas das dúas localidades. A exposición estará aberta ata o 4 de abril no Centro Cívico.

 

2Mar 2015

Abre o prazo de inscrición para o programa de envellecemento activo que se levará a cabo do 12 de marzo ao 14 de abril

As actividades celebraranse de 16.00 a 18.00 horas en Buño e de 18.15 a 20.15 en Malpica
540-f-foto

A Concellería de Servizos Sociais de Malpica, que dirixe Marisol Blanco Gorín, pon en marcha un novo programa de envellecemento activo en colaboración coa Deputación da Coruña. Durante un mes, a empresa Máis Porvir traballará cos participantes nos ámbitos da saúde, a creatividade e as novas tecnoloxías, entre outros. As sesións desenvolveranse os martes e os xoves comprendidos entre o 12 de marzo e o 14 de abril, de 16.00 a 18.00 horas en Buño e de 18.15 a 20.15 en Malpica. O prazo de inscrición está aberto a partir de hoxe nas oficinas de Servizos Sociais, no Centro Cívico.

 

A presentación do curso está prevista para o xoves 12 de marzo, e xa nesa mesma xornada levarase a cabo un taller de manualidades no que se tratará de desenvolver a expresión artística a través da música. Nas seguintes xornadas poderán facer macramé, aprender o uso básico do ordenador e das redes sociais, facer pilates ou un circuíto termal. O programa de envellecemento activo inclúe, así mesmo, un taller afectivo sexual e unha sesión grupal de prevención das dores de lombo.

 

Na última xornada, o 14 de abril, celebrarase unha festa de clausura na que haberá xogos populares, diplomas e entrega dun libro-resume das sesións.

 

Na última edición do programa de envellecemento activo participaron 48 persoas.

 

Página 1 de 212