- Este evento ha pasado.
Presentación da «Antoloxía das confidencias de Picadillo»
23 Feb, 2019 • 7:30 pm » 9:00 pm
Evento Navegación
A Taberna de Pericho reabrirá as súas portas o sábado 23 de febreiro ás 19.30 horas para a presentación da Antoloxía das Confidencias de Picadillo, un libro de Xavier Maceiras no que recompila os artigos non gastronómicos de Manuel María Puga y Parga, que foi alcalde da Coruña.
Neste libro rescata o Picadillo máis descoñecido, o Picadillo xornalista que, desde a sección Confidencias, na que escribiu entre os anos 1902 e 1918 nos xornais El Noroeste e El Orzán, nos relatou algúns dos seus avatares cotiáns que lle aconteceron en distintos puntos de Galicia e España.
A presentación está organizada pola Asociación Cultural Caldeirón coa colaboración do Concello de Malpica.
Xabier Maceiras é animador sociocultural, e leva desde os anos oitenta traballando a prol da recuperación e divulgación da memoria histórica do seu Arteixo natal e das comarcas de Bergantiños e As Mariñas. Ten publicado O mar de Arteixo e os seus naufráxios, Crónicas de Arteixo e Contos mariños de Carballo.