• ACTUALIDADE,Novas

Asinado o contrato das obras de acondicionamento dos parques infantís do CEIP Milladoiro e de Beo

O alcalde de Malpica, Eduardo Parga, asinou hoxe o contrato para a execución das obras de acondicionamento dos parques infantís do CEIP Milladoiro e de Beo. Os traballos serán executados pola empresa Obras Ramón Cotelo por un importe de 39.800 euros.

Con esta actuación, financiada cos fondos do Plan de Acción Social (PAS) 2015, o goberno municipal de Malpica sigue apostando por mellorar os servizos públicos a disposición das familias. Despois das importantes obras de construción e mellora dos parques infantís de Malpica, Buño e Cambre, realizadas nos últimos tempos, o Concello continúa agora poñendo a punto as infraestruturas infantís en lugares con tanta intensidade de uso coma o colexio.